Оваа сабота со почеток од 18 часот во Лаб дизајн маркет ќе започне промоцијата на „Тотем“ - новата модуларна колекција на Номад студио.

„Тотем“ e разиграна сензорна скулптура, инспирирана од играчката со редење обрачи на стапче. Нејзиниот уникатен модуларен дизајн е комбинација на форми и бои кои постојано се менуваат, а истовремено инспирираат различни конфигурации пренесувајќи чувство на разиграност. Внимателно рачно изработена, TOTEM скулптурата содржи 3 основни форми кои се конфигурираат во повеќе од 12 стилски силуети, овозможувајќи ви да креирате свои променливи скулптурни форми. Преку сензорна стимулација, TOTEM светилката пренесува уникатно и хармонично чувство во вашиот дом.

„Номад студио“ има развивено композитен материјал со кој ја стилизира старата „терацо“ техника во современ дизајн. Терацо техниката потекнува од Италија и датира од 16 век.
На почетоците била употребувана од страна на изработувачите на мозаици во Венеција. Идејата била остатоците од мермер во комбинација со друга смеса да се реупотребат за изработка на декоративни подни површини.

Преку овие настани публуката може одблиску да ја запознае работата на локалните дизајнери и занаетчии и со тоа да ја увиди вредноста во нивниот производ. Крајната цел е да стекне доверба во македонскиот дизајнерски производ кој се заснова на рачна изработка и висок квалитет.
„Лаб дизајн маркет“ е изложбен салон што се наоѓа на булевар „Св. Климент Охридски“ број 68, во центарот „Лабораториум“, сместен во индустриската хала на печатницата „Нова Македонија“.

The post Промоција на нова модуларна колекција на Номад Студио во Лаб дизајн маркет appeared first on Република.

Во четврток, 27 јуни со почеток во 18 часот, во изложбениот салон Лаб дизајн маркет ќе започне промоцијата на новата капсулна колекција на брендот за накит „Капка” зад кој стои дизајнерката Јана Ацевска.

Капсулната колекција насловена како „РЕфлексии” има повеќекратни значења: врска меѓу минатото и сегашноста, иновацијата и традицијата, како и традицијата на изработка. Со поврзување на традиционалното со современото се генерираат нови приказни, уникатни и специфични – вели Јана Ацевска.

Организаторите на настанот ги покануваат посетителите да ја погледнат одблиску колекцијата и да ги поддржат локланите дизајнери и занаетчии и нивната работа. Една од главните причини за постоењето на „Лаб дизајн маркет“ е поддшрката на дизајнерите кои ги ревитализираат и сочувуваат македонските традиционални занаети, давајќи им нова современа форма. Преку овие настани публуката може одблиску да ја запознае работата на локалните дизајнери и занаетчии и со тоа да ја увиди вредноста во нивниот производ. Крајната цел е да стекне доверба во македонскиот дизајнерски производ кој се заснова на рачна изработка и висок квалитет.

„Лаб дизајн маркет” е изложбен салон што се наоѓа на булевар „Св. Климент Охридски” број 68, во центарот „Лабораториум”, сместен во индустриската хала на печатницата „Нова Македонија”.

The post Промоција на нова колекција на „Капка“ во „Лаб дизајн маркет“ appeared first on Република.

Денес, петок 10 мај и утре, сабота 11 мај во изложбениот салон и заедница на македонски дизајнери и знаетчии „Лаб дизајн маркет“ во 12 часот напладне ќе започне промоцијата на новите дизајнери кои ќе се приклучат на досегашната понуда на маркетот. Покрај ова, дизајнерката Евгенија Зафировска ќе ја отвори својата архива на досегашни примероци од минатите колекции и ќе ги понуди на продажба по достапни цени.

„Лаб дизајн маркет“ е изложбен салон што се наоѓа на булевар „Св. Климент Охридски“ број 68, во центарот „Лабораториум“, сместен во индустриската хала на печатницата „Нова Македонија“. Маркетот засега нуди приказ во една нова современа форма на традиционалните македонски занаети и за прв пат ги поврзува занаетчиите и дизајнерите во систем кој ќе им помогне на занаетчиите во брендингот, дистрибуцијата и промоцијата, а на дизајнерите ќе им понуди изработувачи.

„На настанот ќе им посакаме добредојде на новите дизајнери во нашата заедница, а на посетителите ќе им ги прикажеме овие сосема нови брендови чии колекции се целосно рачно изработени, велат организаторите и воедно ги покануваат клиентите и посетителите во Лаб дизајн маркет да откријат за кои нови имиња станува збор.

The post Промоција на нови дизајнери во „Лаб дизајн маркет“ appeared first on Република.

Во сабота, 6 април во изложбениот салон и заедница на македонски дизајнери и знаетчии „Лаб дизајн маркет“ во 12 часот напладне ќе започне промоцијата на новите дизајнери кои ќе се приклучат на досегашната понуда на современи дизајнерски и занаетчиски производи.

„Лаб дизајн маркет“ е изложбен салон, кој се отвори неодамна во центарот „Лабораториум“ што се наоѓа на булевар „Св. Климент Охридски“ број 68, односно во индустриската хала на печатницата „Нова Македонија“. Маркетот како новитет за прв пат ги поставува на исто рамниште занаетчиските и дизајнерските производи, создавајќи несекојдневен микс од разнородни креативни изрази и нуди приказ во работата на дваесетина учесници и со тоа укажува на една нова современа форма на традиционалните македонски занаети.

Покрај современиот филигран, ќе најдете нови трансформации на нашите занаети како ќустеците од мониста, познатата во светот „Македонска мушичка“ преточена во накит, облека од природни материјали со фокус на еколошко производство и заштита на животната средина, производи за домот од дрво, рачно изработени чевли, чанти од рафија итн.

The post Промоција на нови дизајнери на „Лаб дизајн маркет“ appeared first on Република.

Во просториите (индустриската хала) на центарот „Лабораториум“ во Скопје (на бул. „Климент Охридски“ бр. 68) денеска напладне ќе биде отворен просторот наменет за дизајнери и занаетчии кои изработуваат производи и нудат услуги во полето на текстилот, накитот, модните додатоци, индустриски производи, мебел, дизајнерски производи наменети за деца, за домот, осветлување итн. со фокус на рачната изработка, одржливоста, еколошкото и етичко производство.

Новиот простор ќе работи од вторник до сабота од 12 до 18 часот.

Идејата на маркетот е на македонските дизајнери да им се понуди најдобриот начин на поддршка, а тоа е продажба на нивните производи и колекции. Поддржете ги локалните дизајнери и занаетчии, купувајте помалку, избирајте внимателно, одберете квалитет“, вели организаторот.

The post Денеска се отвора „Лаб дизајн маркет“ во Скопје appeared first on Република.

Во центарот „Лабораториум“ во Скопје утре од 12 до 18 часот се отвора „Лаб дизајн маркет“ каде што може да се погледне селекцијата на 17 дизајнери и занаетчии во новиот продажен салон .

Идејата на маркетот е да им се понуди на македонските дизајнери најдобриот начин на поддршка, а тоа е продажба на нивните производи, директно во маркетот и на интернет продавницата.

Поддржете ги локалните дизајнери и занаетчии, купувајте помалку, избирајте внимателно, одберете квалитет, велат од „Лаб дизајн маркет“.

The post Во центарот „Лабораториум“ се отвора „Лаб дизајн маркет“ appeared first on Република.

„Лабораториум“ објавува отворен повик до сите дизајнери и занаетчии кои изработуваат производи и нудат услуги во полето на текстилот, накитот, модните додатоци, индустриски производи, мебел, дизајнерски производи наменети за деца, за домот, осветлување итн. со фокус на рачната изработка, одржливоста, еколошкото и етичко производство.

Повикот е отворен од 01.02 и ќе трае до 20.02.2024 година

Идејата на маркетот е на најдобар начин да ги поддржи македонските дизајнери, а тоа е продажба на нивните производи, директно во маркетот и на интернет продавницата. Со основањето се очекува да се створи заедница меѓу дизајнерите од која ќе зајакне локалната дизајнерска сцена, ќе произлезат соработки и заеднички ќе се делува на подобрување на довербата на клиентите во македонскиот дизајн – велат од „Лабораториум“.

Проектот е поддржан од Fashion Revolution Macedonia. Стручна комисија ќе ги разгледа апликациите и ќе одлучува за учесниците во „Лаб дизајн маркет“. Заинтересираните учесници може да најдат повеќе информации за критериумите и условите за учество на интернет страницата на линкот.

The post „Лаб дизајн маркет“ – нов изложбен салон за сите дизајнери и занаетчии appeared first on Република.