Македонската женска фудбалска репрезентација до 17 години со три убедливи порази и без постигнат гол го заврши настапот во квалификациите за Европското првенство 2024, откако попладнево во последниот натпревар од групата А7 во полскиот град Вжешња загуби од Шкотска со 7:0 (3:0).

Избраничките на селекторот Катарина Милеска во воведното кола во силната група загубија од домаќинот Полска со 9:0, а во второто коло беа поразени од Данска со 3:0.

Македонската репрезентација со пласманот на последното место во квалификациската група од новата сезона се сели во пониската Б-дивизија.

Пласман на Европското првенство кое во мај ќе се одржи во Шведска од групата 7 обезбеди Полска, освојувајќи го првото место со максимални девет бодови.

The post Македонските фудбалерки до 17 години без бод и без постигнат гол во евроквалификациите appeared first on Република.

Со жрепка во седиштето на ФИБА во швајцарскиот град Меи e одреден составот на групите во квалификациите за пласман на кошаркарскиот турнир на Олимписките игри 2024 во Париз.

Вкупно 24 репрезентации се поделени во четири групи, а пласман на Олимписките игри ќе обезбедат само првопласираните четири селекции во секоја група.

Квалификациските групи ќе се играат од 2 до 7 мај во Валенсија, Пиреја, Рига и Сан Хуан.

Во Валенсија ќе играат домаќинот Шпанија, Либан, Ангола, Финска, Полска и Бахами, во Рига ќе се сретнат домаќинот Летонија, Филипини, Грузија, Бразил, Камерун и Црна Гора, во Пиреја ќе играат домаќинот Грција, Словенија, Нов Зеланд, Хрватска, Доминиканска република и Египет, а во Сан Хуан за место на завршниот олимписки турнир ќе се борат домаќинот Порторико, Италија, Бахреин, Мексико, Брегот на Слоновата коска и Литванија.

Пласман на Игрите во Париз веќе обезбедија Франција, САД, Германија, Австралија, Канада, Кина, Јапонија, Србија и Јужен Судан.

The post Извлечени квалификациските групи за олимпискиот кошаркарски турнир во Париз appeared first on Република.

Македонската фудбалска репрезентација вечерва од 20:45 часот на стадионот „Олд Трафорд“ во Манчестер ѝ гостува на Англија во рамки на 4. коло од група Ц во квалификациите за пласман на ЕУРО2024.

Избраниците на селекторот Благоја Милевски најавија дека ќе вложат максимум да ја продолжат традицијата и да останат непоразени и во третиот натпревар на гостински терен против Англија.

Во 2002 година, македонската репрезентација, предводена од тогашниот селектор Никола Илиевски, одигра 2-2 во Саутемптон, а четири години подоцна, под водство на Среќко Катанец, „црвено – жолтите“ ремизираа без голови во Манчестер.

По воведните два натпревари во тековниот квалификациски циклус, македонската репрезентација е четвртопласирана во групата Ц со три бодови, шест помалку од Англија на лидерското место.

The post Македонските фудбалери вечерва против Англија ги продолжуваат евроквалификациите appeared first on Република.

Македонската машка кошаркарска репрезентација ја совлада Норвешка во Осло со убедливи 79: 41 и обезбеди пласман во главната фаза од квалификациите за место на Европското првенство (ЕП) во 2025 година.

Со петтиот триумф во шестиот натпревар во претквалификациите, македонските кошаркари заврши на првото место во групата Д пред главниот конкурент Словачка, која претходно, во драматичен натпревар извојува гостинска победа (72-71) над Данска.

Најефикасен во македонската репрезентација беше Ти Џеј Шортс со 25 поени.

The post Американецот Ти Џеј Шортс ги однесе македонските кошаркари во валификациите за ЕП 2025 appeared first on Република.

Македонската футсал репрезентација денеска на гостински терен против Шведска ги почнува квалификациите за пласман на Светското првенство 2024 година.

Воведниот натпревар во главната фаза од мундијалските квалификации избраниците на селекторот Васил Скендеровски ќе го играат во Алингасас со почеток во 17 часот.

Идниот четврток во Скопје противник на македонската репрезентација ќе биде Италија, по што двата реванш натпревари се закажани за март идната година.

Директен пласман во следната, елитна, фаза од мундијалските квалификации ќе обезбедат победниците на 12 групи и четирите најдобро второпласирани репрезентации. Преостанатите осум второпласиран и репрезентации ќе играат бараж во април идната година за преостанатите четири места во елитната рунда.

The post Македонската футсал репрезентација ги почнува квалификациите за Светското првенство appeared first on Република.

Македонската машка кошаркарска репрезентација убедливо загуби од Шпанија на гостински терен со 80-44, во рамки на првиот од двата јулски натпревари во квалификациите за пласман на Светското првенство во 2023 година.

Единствен со двоцифрен ефект во македонскиот состав во пресметката со актуелниот светски првак беше Јакимовски со 14 поени.

Македонската кошаркарска репрезентација утре се враќа во Скопје, каде в понеделник во салата „Борис Трајковски“ ја пречекува Украина во обид да ја запише првата победа во групната фаза од мундијалските квалификации.

The post Македонските кошаркари убедливо поразени на гостувањето во Шпанија во квалификациите за Светското првенство appeared first on Република.