Овластените комунални редари секојдневно ќе вршат контроли покрај речното корито на Кумановка, каде пред извесен период несовесни граѓани фрлаа новопоставени канти за отпадоци, а граѓаните реагираа за појава на одредена материја во реката, соопштија денеска надлежните од Секторот за инспекциски надзор.

Оттаму велат дека до нив не стигнала писмена пријава од граѓани, туку ги известила кумановската полиција, која излегла на терен и заедно со комунален инспектор извршиле увид и направиле записник. За фрлената урбана опрема во реката, пријавиле од „Чистота и Зеленило“

- Во врска со истекување на несоодветна материја во река Кумановка инспекциски надзор е направен од страна на државен инспектор за животна средина во рамки на негови надлежности во соработка со општински виш инспектор за животна средина како и овластена инспекторка за животна средина од Општина Липково по течението на реката Кумановка од Средорек до место „Митев Мост“. При увид на самото место не е забележано истекување на материја која ја пени реката (направени се фотографии од самото место). Од страна на овластени комунални инспектори и општински комунални редари секојдневно се врши контрола на терен и истата ќе продолжи и во нареден период, информираше овластениот раководител на Секторот за инспекциски надзор, Бисера Настасијевиќ Варџиска.

И од Државниот инспекторат за животна средина потврдуваат дека извршиле вонреден инспекциски по течението на реката Липковка од село Режановце до местото Средорек (каде се соединуваат реката Липковка и реката Којнарка и ја формираат реката Кумановка), по течение на реката Којнарка од улица „Никола Тесла“ до место Средорек и по течение на реката Кумановка од Средорек до „Митев мост“.

-При увидот на самото место е констатирано дека нема видливо заматување на реката Липковка, реката Којнарка и реката Кумановка и нема угинување на риби, патки и друг вид на животни, велат од инспекторатот.

Граѓаните на социјалните мрежи реагираа дека реката Кумановка се загадува покрај населбите Средорек, Бавчи и „Октомвриска револуција“

The post Дали реката Кумановка е загадена ќе проверуваат комунални редари appeared first on Република.

На 15.07.2023 во 17.00 часот на бул.„Крсте Мисирков“ во Скопје, полициски службеници од ЕВР Центар и Бит Пазар ја лишиле од слобода А.З.(20) од Куманово. Таа се сомничи дека околу 11.30 часот на ул.„Бит Пазарска“ од Ф.Ј.(44) од Република Турција одзела детска количка со ранец, патни исправи , пари и други предмети. Со А.З. бил извршен службен разговор во полициска станица, при што го признала делото. Одземеното било пронајдено и вратено на сопственикот.

По целосно документирање на случајот против неа ќе биде поднесена соодветна пријава.

The post 20 годишна кумановка украла детска количка со ранец, пасоши и пари од Турчинка appeared first on Република.

Полицијата ја пронајде 19-годишната девојка од Куманово, за која татко ѝ пријави дека се оддалечила од нивниот дом.

Таа е во добра здравствена состојба, информираа денеска од СВР Куманово.

– На 16 јануари годинава, по извршено пребарување и оперативни проверки на терен од страна на полициски службеници од СВР Куманово, пронајдена е во добра здравствена состојба А.И., за која ден претходно, нејзиниот татко, 46-годишниот Б.И. пријави дека се оддалечила од домот, информираше полицијата.

The post Пронајдена исчезнатата 19-годишна кумановка appeared first on Република.

Полициски службеници од СВР Куманово, вчера во 16.55 часот, ја лишиле од слобода М.З.(24) од Куманово. Таа се сомничи дека малку пред тоа извршила кражба во приватен имот на улицата „Стево Филиповиќ“.

Од МВР информираат дека одземениот предмет бил пронајден и вратен на сопственикот, а лицето било задржано во полициска станица.

По целосно документирање на случајот, против неа ќе биде поднесена соодветна пријава.

The post Кумановка ограбила имот, уапсена набрзо, а украденото вратено на сопственикот appeared first on Република.