Руската пропаганда е присутна во Молдавија, но тоа нема да  ја наруши нашата европска агенда, вели молдавската вицепремиерка за европски прашања Кристина Герасимов, која денеска престојува во посета на Македонија.

-Пропагандата на Руската Федерација и дезинформациите во однос на нашата европска иднина е силна, користат социјални медиуми за да ги прошират овие пораки на страв, на несигурност за нашата безбедност како држава, исто така и за мирот во Република Молдавија. Истовремено, ова не е ништо ново, сме ги гледале овие пораки и ваквите наративи во минатото, но сепак, тие нема да успеат да ја нарушат нашата европска агенда затоа што граѓаните на Република Молдавија знаат дека ЕУ е проект за мир, тоа е простор каде што има цврсто почитување на човековите права, демократијата, владеењето на правото и тоа се вредностите што ги споделува секој граѓанин на нашата држава, изјави Герасимов во одговор на новинарско прашања по заедничката прес-конференција со вицепремиерот за европски прашања Бојан Маричиќ.

За Молдавија на патот кон ЕУ смета дека меѓу најтешките предизвици во делот на подготовката на земјата ќе биде усогласувањето со неколку поглавја, од европското законодавство кое, вели, ќе чини многу за да се пренесе во националното законодавство. Ги издвои поглавјето за животната средина, земјоделството како и реформите во законодавството и судството.

-Кај нас судството е малку посложено, во моментот сме во процес на ветинг и за обвинтелите и за судиите и се надеваме дека ќе го расчистиме системот на интереси кои беа дел од нашата влада веќе многу години во минатото. Се надеваме дека со ова ќе ја поставиме основата за цврсето владеење на правото како идна земја членка на ЕУ, нагласува вицепремиерката Кристина Гертасимов.

The post Герасимов: Руската пропаганда е присутна во Молдавија, но тоа нема да ја наруши нашата европска агенда appeared first on Република.

 Македонија и Молдавија ги поврзуваат заедничките вредности и определбата за што побрз влез во Европската унија, и на тој пат соработката и споделувањето на искуствата и практиките се од особена важност истакнаа молдавската вицепремиерка за европски прашања Кристина Герасимов и нејзиниот домаќин и колега Бојан Маричиќ на заедничката прс-конференцијата во медија центарот на Владата.

Вицепремиерот Маричиќ посочи дека заедничата цел на двете земји е дополнителен поттик за зацврстување на сојузништвото помеѓу двете земји.

-Со оглед на тоа дека земјата се наоѓа во фаза која ние ја поминавме, а тоа е скринингот, на вицепремиерката и пренесов дека Македонија ќе го стави на располагање целото знаење и искуство  на нашите колеги во процесот на скринингот. Тоа е израз на една европска пријателска слидарност и поддршка и пријателство како европски вредности. Двете држави сериозно претендираме за членство при првото наредно рпоширување на ЕУ, тоа проширување добива на значење и во забрзување  заради геостратешките и безбеднсоните аспекти, подвлече Маричиќ.

Додаде дека споделувањето на искуството во изодувањето на патот кон ЕУ е од големо значење.

Вицепремиерката Герасимов рече дека денешната посета е основа за започнување на многу продуктивен дијалог и за разменување на ставови и пракси.

-Мило ми е што имавме можност денеска да го започнеме она што ќе биде основа за многу продуктивен дијалог за Моладивија и Македонија за европските работи онака како што се движиме кон достигнување на нашата цел евроинеграцијата, ги споделуваме истите цели и вредности, како и силна посветеност на слободата безбедноста и демократијата. Република Молдавија силно го поддржува процесот на проширување врз заслуги. Истовремено сум убедена дека судбината на демократијата во источното соседство на ЕУ како и на Западниот Балкан е еден ден да станат членови на европското семејство. Тука се покажани аспирациите на нашите граѓани за постигнување на просперитетна иднина. Затоа сметаме дека зааедно сме посилни и навистина сме заинтересирани да продолжиме да ги разменуваме ставовите и најдобрите пракси онака како што ќе напредуват преговорите, истакна Герасимов.

Дискусијата на одржаната средба таа ја оцени како продуктивна.

-Го уверувам мојот колега дека ќе се обидеме да дознаеме повеќе како вашата јавна администрација и општество успеа да се справи со обврската да го пренесе европското законодавство во националното, да ги воведе реформте со цел и ние да можеме да го достигнеме стандардот на живеење во ЕУ, воедно отворени сме да ги споделиме и нашите искуства за тоа како ние ги кооридинираме интерните процеси, порача Герасимов

The post Власта ќе ја учи Молдавија на евроинтеграции appeared first on Република.