Во Њујорк се запали кран, а потоа удри во зграда и дел од него се откина и падна на земја. Според првичните информации повредени се пет лица. Меѓу повредените има и двајца пожарникари, но се здобиле со полесни повреди.

Се запалил кран кој бил поставен на зграда во Њујорк, а делот кој е паралелен со земјата се свртел, удрил во блиската зграда, се откинал и паднал на земја на 10-та авенија.

Градските власти соопштија дека споменатата авенија е затворена од безбедносни причини. Околните згради се евакуирани поради можност за дополнително уривање, јави ABC.

Пожарникарите се на терен и го гаснат пожарот на врвот на кранот.

Just watched a crane fall and pummel a building on the other side of the block! #nyc #fire pic.twitter.com/YFyaurRglN

— Jimmy 💃🏻 (@jimmy_farring) July 26, 2023

The post Пет лица се повредени откако кран се запали и се урна во Менхетен appeared first on Република.

Во страшното невреме кое вчера го зафати Загреб се урна градежен кран, а во моментот во него бил и работник од Индија. Како што пренесува хрватски „Индекс“, тој бил во кранот во моментот кога разорниот ветер го соборил, но го преживеал падот од чиста среќа.

Тој е хоспитализиран во болницата Свети Дух, има само скршеници на левата рака и се наоѓа надвор од животна опасност. Синоќа во болница го посетил министерот за здравство Вили Берош.

Станува збор за 36-годишен индиски државјанин кој работи на градилиштето каде се урнал кранот. Со оглед на тоа што кранот паднал на коловозот, среќа е што никој не поминувал, па освен работникот, никој друг не е повреден при падот на кранот.

Во супербугара во Хрватска загинаа двајца мажи во Загреб и еден во Славонија.

The post Роден под среќна ѕвезда: Жив и здрав е работник кој бил на кранот во моментот кога се урнува appeared first on Република.

Силно невреме придружено со силни ветрови го погоди регионот во средата. По Словенија и Хрватска, во Србија пристигна во вечерните часови.

Една од најдраматичните снимки направени за време на невремето што го зафати Загреб е онаа на која се гледа како ветрот соборува висок кран кој потоа паѓа на пат. За време на падот имало маж во кабината на кранот.

За среќа останал жив, а една работа му ја спасила главата – „раката“ на кранот, бидејќи прво паднала таа, а врз неа паднала и кабината во која седел 36-годишниот работник кој се здобил со тешки повреди.

The post Работник се спаси од смрт при рушење на кран во невремето во Загреб appeared first on Република.

Падна кран од зграда во изградба во Кавадарци, нема повредени, има материјална штета, оваа информација за МИА ја потврди Ристе Самарџиев, портпарол на СВР Велес.

Тој потврди исто така дека се работи за истата зграда, каде што пред извесен период исто така падна кран, а тогаш загинаа две лица.

https://republika.mk/vesti/crna-hronika/se-ispituva-kako-padnal-kranot-koj-na-lice-mesto-ubi-dvajca-rabotnici/

The post Пoвторно падна кран од зградата во изградба во Кавадарци, каде загинаа две лица appeared first on Република.

Две лица починаа при пад на кран во Кавадарци, потврдија за МИА од Министерството за внатрешни работи.

Информацијата за МИА ја потврдија и од Основното јавно обвинителство во Кавадарци од каде велат дека несреќата се случила на локација каде се гради зграда.

На местото на несреќата се присутни јавен обвинител, увидна екипа и трудова инспекција.

Повеќе информации се очекуваат во текот на денот.

Смртта на двете лица е констатирана од страна на екипа на Брза помош.

The post Несреќа во Кавадарци, две лица загинаа откако падна кран appeared first on Република.