Фарбањето на косата е сложен хемиски процес на кој влијаат многу фактори, а еден од нив е состојбата на вашата коса. Затоа, прашањето дали да се фарба чиста или валкана коса воопшто не е неосновано.

Дали е подобро да се фарба валкана или чиста коса?

Дефинитивно, подобро е да фарбате чиста коса! Доколку на косата имате многу остатоци од лакови, пени и други средства за обликување, бојата тешко ќе допре до влакното. На ефектот на бојата влијае и маслото на косата, па ако вашата коса е прилично мрсна, мора да ја измиете пред да се фарбате.

Затоа, задолжително измијте ја косата пред да ја фарбате, доколку имате многу производи за стилизирање на вашата коса (спреј или пена) или вашата коса е многу мрсна.

Од друга страна, постојат исклучоци од ова правило, така што косата не треба да се мие пред да се фарба ако:

• Имате осетлива кожа
• Ако користите бланш
• Ако правите прамени

За да се минимизира оштетувањето, важно е да се нанесат хидратантни и негувачки маски за коса 3 дена пред фарбањето. Оставете ја косата да одмори потоа, не преоптоварувајте ја со други третмани или стилизирање. Косата, исто така, треба да се одмори од гелови и лакови најмалку неколку дена.

The post Чиста или мрсна коса пред фарбање? Сигурно имате погрешен одговор appeared first on Република.

Ако ја миете косата премногу ретко, ризикувате проблеми со скалпот што може да доведат дури и до губење на косата. Еве колку често треба да го практикувате миењето.

Ако вашиот скалп е сув и не користите многу производи за стилизирање, можеби е доволно да ја миете косата еднаш неделно. Сепак, ова не е универзално правило.

Иако пречестото миење на косата може да ја оштети, и премногу реткото миење може да има помалку од пожелни последици.

Ако искусите еден или повеќе од долунаведените предупредувачки знаци, обидете се да експериментирате со тоа колку често ја миете косата.

1. Мрсна коса

Најприметлив знак дека ретко ја миете косата е мрсниот корен и недостатокот на волумен. Патем, мрсната коса не само што е видлива, туку може да мириса поради мешавината од мртви клетки на кожата и себум на скалпот.

2. Формирање на првут

Првутот не е нужен знак за ретко миење на косата, но ако косата ретко се мие, на скалпот може да се акумулира себум и тоа доведува до создавање на првут.

3. Чешање на скалпот

Чешањето на скалпот не само што означува сувост предизвикано од премногу често миење, туку е и показател дека не ја миете доволно косата.

4. Безживотна коса

Ова може да се должи на акумулацијата од производите за стилизирање и нега, кои ја прават груба површината на косата и помалку способна да ја рефлектира светлината – особено ако користите многу сув шампон помеѓу миењето.

5. Губење на косата

Зголеменото опаѓање на косата може да укаже и на тоа дека не ја миете доволно косата.

The post Пет знаци дека не ја миете косата доволно appeared first on Република.

Сезонските промени носат различни промени во човековото тело, а една од помалку посакуваните појави е зголеменото опаѓање на косата наесен (а понекогаш и напролет). Стручњаците велат дека, сепак, постојат начини да се намали тој косопад.

Луѓето вообичаено губат околу 100 влакна коса секој ден. Ако, сепак, има повеќе влакна од вообичаено на перницата или на четката за коса при преминот од една сезона во друга, се работи за т.н. сезонско опаѓање на косата. Тоа е нормално и нема простор за грижи. Но, доколку опаѓањето продолжи подолго време, се препорачува посета на трихолог за да се открие вистинската причина.

Сезонскиот косопад се јавува кога Вашиот скалп доживува стрес од температурните промени, што резултира со губење на косата. Есента и пролетта се најчестите периоди за овој тип опаѓање на косата, објаснува Вес Шарптон, фризер и едукатор за брендот „Хејрстори“ (Hairstory).

Косата минува низ неколку циклуси: анаген (фаза на раст), катаген (транзиција), телоген (одмор) и егзоген (опаѓање). Според истражувањата, косата влегува во телоген-фазата во лето, а во егзоген - наесен.

Што точно ја предизвикува оваа транзиција - сè уште не се знае точно, но се смета дека температурните промени го поттикнуваат и катагенот и егзогенот.

Како да се справите со сезонското опаѓање на косата? Најважно, пред сè - е да се внимава на скалпот. Сувиот скалп го зголемува опаѓањето. Затоа, корисно е да се прават регенеративни третмани барем еднаш неделно за време на промената на годишното време.

Третманите со топло масло - особено масла што го поттикнуваат растот на косата, како зелениот чај, рицинусово или масло од здравец, можат значително да помогнат. Брит Дион - стилистка и уметничка директорка на „Аведа“ (Aveda), препорачува и шампон за длабинско чистење.

Урамнотежената исхрана, исто така, игра голема улога.

Одржувањето на оптималните нивоа на клучните хранливи материи за раст на косата може да го спречи сезонското опаѓање. Клучни се хранливите материи како витамин Д-3, железо, цинк, Б-12 и фолна киселина, вели д-р Вилијам Гонак, трихолог.

Нивниот недостаток, како и воспалението предизвикано од сезонските алергии, зголемениот внос на шеќер и намаленото изложување на сонце, може да го зголеми косопадот. Земањето додатоци во исхраната може да помогне. Исто така, треба да се избегнува прекумерна употреба на топлотни алатки и силна боја на коса во овие месеци за да се намали ризикот од иритација на скалпот.

The post Како да го спречите есенското опаѓање на косата? appeared first on Република.

Бизарен случај е забележан во провинцијата Манаби во Еквадор, откако 24-годишна девојка дошла кај лекарите со болки во стомакот.

Еден од хирурзите кој ја оперирал девојката, д-р Педро Ловато, открива дека купот отстранети влакна од стомакот тежел еден килограм.

Девојката се жалела на интензивни болки, повраќање, а имала и проблем со јадење течна или цврста храна.

„Станува збор за пациент со психоемоционално пореметување, така што конечната дијагноза е поставена со ендоскопија која ја направи гастроентеролошката служба“, заклучил д-р Ловато.

Таа ја јадела својата коса во последните пет години.

Бидејќи насобраните влакна стигнале до тенкото црево, девојката не можела да јаде и многу ослабела, па со операцијата биле спречени други сериозни компликации.

The post Доктори од стомакот на девојка извадиле еден килограм коса appeared first on Република.

Малата Софија од Лесковац има три години и „три вида“ коса на главата. Ако се гледа од напред - нејзината коса е кафена и права, во профил од едната страна девојчето има големи кафеави локни, а на другата страна на лицето, покрај кафените прамени, ќе видите и руси, ситни, или како што некои ги нарекуваат - „афро“ кадрици, објави „Н1“.

Нејзината мајка раскажува дека оваа необична коса почнала да расте по првиот роденден на Софија. Таа вели дека контактирала и со педијатар, но и со личните фризери - сите ѝ рекле дека никој никогаш не виделе такво нешто и не ја знаат причината.

Во однос на одржувањето, сè уште учиме и не знаеме што да правиме, особено што има три типа коса на главата... Ја чешламе само кога косата е мокра, вели мајката.

Пред извесно време се дозна и за две момчиња од Крагуевац и од Лебане кои имаат тн. „синдром на непослушна коса“ - необична појава кога влакното расте нагоре и „му пружа отпор“ на чешлањето. Таткото на момчето од Крагуевац изјави дека за другото момче дознале на интернет, бидејќи педијатрите првпат виделе ваква коса.

Мајката на Софија вели дека знае за случаите од соседните градови во јужна и средишна Србија, но вели дека случајот со нејзината ќерка е нешто друго. За што точно се работи, сè уште не се знае.

The post На девојче од Србија му растат три различни видови коса appeared first on Република.

Човековиот скалп обично произведува одредена количина маснотии за да остане влажен и да ја заштити косата. Меѓутоа, прекумерно многу или премалку маснотии може да доведат до недостаток на волумен, но и до иритации. Затоа, велат стручњаците, ако причината за прекумерно мрсната коса се открие навреме, сѐ тоа може да се стави под контрола. Следат неколку можни причинители.

Пречесто миење на косата

Тоа е една од најчестите причини за мрсна коса. На скалпот, имено, има тн. добри бактерии одговорни за здраво ниво на пХ-вредноста на кожата, а премногу честото миење може да предизвика нарушување на таа пХ-рамнотежа. Советот гласи: Постепено намалување на бројот на миења на косата и - користење производи за нега коишто не го сушат скалпот.

Фризури со косата во опавче

Иако многу луѓе користат опавче за да ја сокријат мрсната коса, всушност, оваа фризура предизвикува таложење маснотии под коренот на косата. Тоа е затоа што овие фризури бараат многу производи за стилизирање. А, како и со многу други, не треба да се претерува ниту со тие средства.

Миење со само топла вода

За отворање на порите, но и поделотворно отстранување на нечистотијата, се препорачува миење со топла вода, секако. Сепак, топлото може да биде и штетно за косата бидејќи го измива слојот масти, а тоа го суши скалпот и поттикнува појава на првут. Во овој случај, најдобро би било да се користи топла вода при нанесување шампон и регенератор, а на крајот плакнењето да биде со ладна вода - за да ги затвори порите.

Погрешен производ

При миењето коса, важно е да се користат средства коишто ѝ одговараат на самата коса и скалпот. Премногу силните производи може да ја направат косата рамна и мрсна. Во случај на вообичаено „нормална“ коса, попрво треба да се избегнуваат производи наменети за сува и оштетена коса.

Често допирање 

Кога си ја допирате косата, бактериите се разнесуваат и така се поттикнува побрзо мастење. И пречестото чешлање и четкање, исто така, може да предизвика брзо мастење на косата. Затоа, стручњаците препорачуваат чешлање само двапати на ден

The post Еве како косата да не ви биде мрсна и сува appeared first on Република.

Маските за коса од јајца се стар рецепт што го користат жените за нега на коса, а популарноста на овој третман не е намалена ниту денес. Јајцата се лесно достапни намирници, а најважни во нивниот состав се протеините, но тие содржат јаглехидрати, масни киселини, витамини од групата Б, калциум и железо.

Жолчките од јајце содржат витамини А, Б, Д и Е. Витамините А и Е особено ја хранат сувата коса, враќајќи го нејзиниот сјај и волумен, а витаминот Д помага во негување на тенка кршлива коса, која е одговорна за одржување рамнотежа на калциум и фосфор. Витамините Б се одлични за стимулирање на циркулацијата на крвта во скалпот, бидејќи ги стимулираат фоликулите и растот на косата. Маската за раст, волумен и густина на влакната од јајца, во комбинација со мед и чичково масло. Рецептот е многу едноставен, ќе ја нахрани косата и ќе поттикне побрз раст. Можете да го применувате третманот двапати неделно.

Во сад изматете 2 јајца, потоа во смесата две лажици чичково масло. Измешајте ги сите состојки добро, тие треба да се комбинираат. Нанесете ја добиената маска на скалпот и темелно масирајте го коренот на косата.Распоредете од корените до краевите, потоа завиткајте ја косата во пунџа и ставете капа за капење. Држете ја маската околу еден час, а потоа нежно исплакнете со топла вода и шампон.

Постојат различни варијанти и комбинации на маски за коса со јајца. Вака се прави маска за јајца со лимон и маслиново масло против првут. За сува коса, се нанесува маска од јајца, рицинусово масло, мед и кефир.

The post Маските за коса од јајца се стар рецепт што го користат жените за нега на коса appeared first on Република.

Постојат неколку фактори кои влијаат на растот на косата, вклучувајќи ја генетиката, стресот, лоша исхрана или хормоналните промени.

Пред да направите некаков третман или надградба, еве што можете самите да направите за да го подобрите нејзиниот квалитет.

Поретко миење ја зајакнува косата

Дамите што имаат мрсна коса, обично ја мијат секој ден. Според стручњаците тоа е грешка и тие препорачуваат поретко третирање на косата со шампон. Идеално би било да се мие двапати неделно за да може таа да закрепне помеѓу двете миења. Важно е темелно да ја измиете косата, затоа што ако скалпот не е темелно измиен, хранливите материи не стигнуваат до внатрешноста на фоликулите и косата не може да расте.

Етерични масла за побрз раст на косата

Маслата можат да ви бидат одличен сојузник во растот на косата. Истражувањата кои ја следеле важноста на маслата за побрз раст на косата откриле дека маслото од семки од тиква и маслото од рузмарин за дури 40% го зголемиле бројот на влакна кај мажите кои имале проблем со опаѓање на косата. Овие есенцијални масла можете да ги измешате со други масла кои спречуваат оштетување на косата, како што се: кокосово масло или сончогледово масло. Ќе забележите и сами колку честите масажи на главата можат да бидат пријатни и како со текот на времето косата побргу расте видно обновена.

Исхрана богата со витамини

Цинкот може да ви биде од корист. Истражувањето кое ги следело ефектите на Б-5 и биотинот покажало дека тие помогнале да се намали опаѓањето на косата, како и да се подобри и нејзиниот квалитет и јачина.

Витаминот Ц помага да се спречи оксидативниот стрес кој предизвикува опаѓање и истенчување на косата. Со адекватен внес на витамини повеќе нема да се прашувате како да го забрзате растот на косата, бидејќи набргу самите ќе забележите разлика во должината.

Јајцата се богати со протеини, минерали и Б комплекс витамини, кои се есенцијални хранливи состојки за здрава коса. Биотините и другите витамини од Б групата го зајакнуваат коренот на косата и на тој начин го спречуваат нејзиното опаѓање. Покрај тоа, тие го стимулираат растот на нова коса, ја зајакнуваат и таа добива волумен. Мастите што ги содржи јајцето ја подобруваат текстурата на косата.

The post Како побрзо да ви расте косата? appeared first on Република.

Првутот е една од најнепријатните работи што можат да се случат кога станува збор за правилната нега и убавина на косата. Може да биде доста напорен за справување.

Затоа, прочитајте за овој необичен и неконвенционален трик кој ќе ви помогне да се ослободите од првутот без да трошите пари за скапите продукти и непотребно да се нервирате за нивната неефикасност.

Сѐ што ви е потребно е средство за плакнење уста, вода и шишенце од кое може да прскате како спреј. Она што треба да го направите е да ставите еднакви количини вода и средството за плакнење во шишенцето и добро да го протресете. Потоа, нанесете ја смесата директно на скалпот бидејќи таа е пресува за остатокот на вашата коса. Оставете да делува неколку минути и темелно измијте ја косата.

Листеринот има антисептични и антивоспалителни состојки како ментол и еукалиптус и покрај тоа што ги уништува бактериите во вашата усна празнина, помага и во грижата на сувиот скалп кој ве чеша и кој има првут.

The post Го имате во бањата: Ова ви помага за устата, а не сте знаеле дека може да ви помогне и за проблем со косата appeared first on Република.

Познат српски фризер открива што е најважно за раст на косата, што ја уништува најбрзо и која состојка мора да ја имате за домашна нега.

Ако нешто ја зголемува самодовербата за момент, тогаш тоа е добрата фризура, коса која изгледа негувано, сјајно и бујно. Но, повеќето од нас немале среќа да се родат со совршена коса, или можеби сме ја уништиле со пречестото фарбање, експериментирање, фенирање... А понекогаш косата едноставно го губи својот квалитет поради преголемата изложеност на сонце или поради студеното време.

Според познатиот белградски фризер Срѓан Куљанин доколку се соочуваме со оштетена коса, најдобро е да ја препуштиме во рацете на стручно лице.

Доколку сакаме да ја задржиме должината и да ја одржуваме косата здрава, најдобро е професионално да ја скратиме. Ако косата е во процес на пуштање, тогаш може да се применат посебни третмани за нејзина хидратација и потхранување на влакното за таа да се врати во што подобра состојба.

Куљанин вели дека начинот на кој се однесуваме со косата, одредува колку брзо таа ќе расте. Тој открива и дека исхраната е многу важна кога станува збор за растот на косата, иако малку се зборува за тоа:

За да расте косата важна е редовна нега, шишање, но и исхрана. Важно е храната да биде богата со сложени јаглехидрати, така што нашето тело ќе има доволно енергија што е неопходна за клетките на косата“.

Куљанин истакнува дека ништо не може да ги замени професионалните третмани и фризерската нега и дека не постои домашен „волшебен“ лек кој ќе ја регенерира вашата коса. Меѓутоа, ако сакате да вклучите некои природни состојки во вашата нега, препорачливо е да користите кокосово масло.

Потребно е да користите соодветен шампон и маска (балзам), протеински препарати, спрејови за чешлање, а потребна е и добра четка за чешлање. Исто така, многу жени забораваат на еден важен чекор, убаво да ја исчешлаат косата пред спиење, рече тој.

The post Што е најважно за раст на косата appeared first on Република.

Во моментов една од најбараните естетски корекции кај машката популација во светот е трансплатацијата на коса. Исто така и Македонците не се имуни на овој тренд, па сведоци сме на се поголем број на наши граѓани кои се одлучуваат еднаш засекогаш да го решат овој проблем, пишува убавинаиздравје.мк.

Најчеста дестинација на нашите граѓани кои имаат потреба од оваа услуга е Турција, но има клиники и кај нас кои ја нудат оваа услуга по цена од 2.000 евра.

Меѓутоа се чини дека турските клиники се попривлечни за нашите граѓани и поради тоа се поголем е бројот на тие кои се одлучуваат да отпатуваат во познатите тамошни болници и да направат ваква интервенција.

На ваков чекор се одлучија и неколку наши познати личности. Еден од нив е Министерот за надворешни работи – Бујар Османи. Неговата промена во фризура е очигледна.

Ако министерот пред некое време го паметевме со долги „залистоци“, сега тој на својата глава има бујна коса благодарение на овој популарен хируршки третман.

На ваков чекор се реши и пејачот Адријан Гаџа. Исто и тој пред година дена на својата глава ја направи оваа естетска промена.

Следен кој се одлучи на овој метод е и пејачот Ален Хасановиќ. Сигурно ако го следевте музичкиот натпревар „Ѕвездите на Гранд“ каде се натпреваруваше Ален, го паметите со многу ретка коса.

Но, благодарение на оваа можност, младиот пејач денес може да го видиме со густа коса и фризура на својата глава.

Инаку според турската асоцијација за здравствен туризам, дури 5.000 пациенти од странство месечно доаѓале во Истанбул поради трансплантацијата на коса. Велат дека им доаѓале пациенти од целиот свет, поради добрата услуга и прифатливата цена, а покрај мажи, често оперирале и жени, кои имале проблем со густината на косата.

Извор: Убавина и здравје

The post Министри и пејачи си пресадуваат коса: Овие македонски познати личности се спасија од ќелавост! appeared first on Република.