Денеска се распишани конкурсите за државните награди „Мито Хаџи Василев-Јасмин“ и „Мето Јовановски“ за 2024 година. Конкурсите траат од 1 до 31 октомври, соопштија од Министеството за култура.

Со државната награда „Мито Хаџи Василев-Јасмин“ се оддава признание за остварувања во областа на публицистиката и новинарството.

Државната награда им се доделува на поединци, група творци, екипи, установи, трговски друштва и здруженија на граѓани.

Државната награда се врачува во Собранието на 21 декември, денот на раѓањето на Мито Хаџи Василев-Јасмин.

Иницијатива за доделување на државната награда „Мито Хаџи Василев-Јасмин“ може да поднесат: установи, трговски друштва, здруженија на граѓани и граѓани.

Конкурсот трае од 1 до 31 октомври 2024 година.

Со државната награда „Мето Јовановски“ се оддава највисоко признание за долгогодишни остварувања во областа на промоцијата, заштитата и унапредувањето на човековите права. Наградата се доделува секоја година на 10 декември, Меѓународниот ден на човековите права.

Државната награда им се доделува на поединци, здруженија на граѓани, неформални групи и други правни субјекти.

Иницијатива за доделување на државната награда „Мето Јовановски“ може да поднесат здруженија на граѓани, граѓани, странски државјани, како и други правни субјекти во земјава и во странство.

Конкурсот ќе трае од 1 до 31 октомври 2024 година.

The post Распишани се конкурсите за наградите „Мито Хаџи Василев-Јасмин“ и „Мето Јовановски“ appeared first on Република.

Министерството за култура ги распиша конкурсите за државните награди „11 Oктомври“ и „22 Ноември“ за 2024 година.

Со државната награда „11 Октомври“ се оддава највисоко признание за животно дело во областа на науката, уметноста, стопанството и во другите дејности од јавен интерес на државата. Наградата се доделува на поединци, група творци, екипи, установи, трговски друштва и здруженија на граѓани од земјава.

Со државната награда „22 Ноември“, пак, се оддава признание на личностите од политичкиот, културниот и општествениот живот во нашата држава кои дале свој придонес во унапредување на меѓучовечкиот соживот и меѓусебно разбирање меѓу припадниците на различните заедници, култури и вери.

Во соопштението се посочува дека конкурсите за државните награди „11 Oктомври“ и „22 Ноември“ за 2024 година траат од 1 до 31 мај 2024 година.

Конкурсите се објавени и на веб–страницата на Министерството за култура.

The post Министерството за култура ги распиша конкурсите за државните награди „11 Oктомври“ и „22 Ноември“ appeared first on Република.

Министерството за образование и наука објави конкурси за доделување средства за учество на домашни научни истражувачи на меѓународни научни собири и за учество на домашни научни истражувачи за студиски престои во странство во 2024 година.

Средствата кои ќе бидат доделени се пресметуваат во зависност од висината на котизацијата (за научни собири) и на патните трошоци, како  и од средствата со кои располага Министерството за образование и наука за тековната година.

МОН денеска објави конкурс и за доделување средства за финансирање материјални трошоци и услуги за печатење зборници на трудови од одржаните научни собири за 2024 година.

Средствата кои се доделуваат за организација на научни собири се пресметуваат во зависност од бројот на учесниците на научниот собир и од расположивите средства на МОН.

Во трите конкурси се наведени условите – кој има право на учество, потребните документи и начинот на аплицирање, и во сите е достапна пријава.

Рокот на конкурсите завршува на 31 октомври 2024 до кога заинтересираните треба да ја достават пријавата со потребната документација во МОН.

The post Конкурси на МОН за доделување средства за учество на научни собири, студиски престои и за печатење зборници appeared first on Република.

ЈУ Културно Информативен Центар – Скопје, објави конкурси за литературна и музичка дејност. Подолу погледнете ги двата конкурси.

• Конкурс за литературна дејност

ЈУ Културно Информативен Центар – Скопје, врз основа на програмата за литературна дејност, објавува конкурс за организирањe литературни вечери под програмски наслов „Македонски книжевни текови“, под кои спаѓаат промоции на книги (новосоздадени книги во 2024 година), поетски читања, организирање на трибини, јавни расправи, фестивали, портрети на писатели, стручни работилници и сл., што ќе се реализираат во текот на 2024 година, a сo цел развој и афирмација на литературата и издавачката дејност во Република Македонија.

Право на учество имаат сите заинтересирани писатели, поети, издавачи, поединци или групи. Заинтересираните на ЕДЕН ворд документ да достават сосема кус концепт за проектот, куса биографија и контакт информации. Апликацијата да се достави на e-mail-от [email protected], а конкурсот трае до 23 февруари 2024 година.

Селекцијата на проектите ќе го изврши комисија составена од членови на ЈУ КИЦ – Скопје и Град Скопје. Средствата за проектите се обезбедени од Град Скопје.

• Конкурс за музичка дејност

ЈУ Културно Информативен Центар – Скопје, врз основа на програмата за музичка дејност, објавува конкурс за организирањe концерти под програмски наслов „Македонски музички текови“, под кои спаѓаат концерти од различни музички жанрови, што ќе се реализираат во текот на 2024 годиина, a сo цел развој и афирмација на музичката дејност во Република Македонија.

Право на учество имаат сите заинтересирани музичари, изведувачи, групи или поединци. Заинтересираните на ЕДЕН ворд документ да достават сосема кус концепт за проектот, куса биографија и контакт информации. Апликацијата да се достави на e-mail-от [email protected], а конкурсот трае до 23 февруари 2024 година.

Селекцијата на проектите ќе го изврши комисија составена од членови на ЈУ КИЦ – Скопје и Град Скопје. Средствата за проектите се обезбедени од Град Скопје.

The post Културно-информативен центар – Скопје објави конкурси за литературна и музичка дејност appeared first on Република.

Министерството за образование и наука информира дека објавени се резултатите од конкурсите за доделување на стипендии за средношколци за учебната 2023-2024 и истите може да се погледнат на следниот линк.

Учениците кои се стекнаа со правото на користење стипендија треба да испечатат и пополнат ТРИ примероци од договорот за соодветната стипендија (договорите се објавени заедно со резултатите од конкурсите) и заедно со копија од лична трансакциска сметка, најдоцна до 29.12.2023 да ги достават до Министерството за образование и наука (директно во писарницата на МОН или по пошта – препорачана пратка со повратница на адреса ул. „Св. Кирил и Методиј“ бр. 54, 1000 Скопје).

Одбиените кандидати пак, ќе имаат можност за поднесување жалба од денот на добивање на решението од МОН во кое ќе биде наведена причината поради која апликацијата не е прифатена.

Решенијата и за прифатените и за одбиените апликации се изработуваат во моментов и ќе бидат испорачани во следниот период.

За било какви дополнителни информации и поддршка, контактите на вработените во Секторот за ученички и студентски стандард, како и на сите останати вработени во МОН се објавени на овој линк, a прашања може да се поставуваат и на електронската адреса [email protected].

The post Објавени се резултатите од конкурсите за доделување ученички стипендии за учебната 2023-2024 appeared first on Република.

Министерството за култура информира дека во медиумите и на веб -страната на Министерство за култура се објавени: конкурсот за доделување на државната награда „22 Ноември“ во 2022  година, и конкурсот за доделување на државната награда „11 Октомври“ во 2022 година.

Повеќе информации за конкурсите може да најдете на:

https://kultura.gov.mk/22-%d0%bd%d0%be%d0%b5%d0%bc%d0%b2%d1%80%d0%b8/,

https://kultura.gov.mk/11-oktomvri/

The post Објавени конкурсите за доделување на државните награди „22 Ноември“ и „11 Октомври“ appeared first on Република.