Едно лице загина, а 23 се спасени по несреќа во поранешен рудник за злато во Колорадо, САД, кој сега е туристичка атракција, соопштија властите.

Тие рекоа дека луѓето биле заробени шест часа во четвртокот на длабочина од околу 300 метри во рудник во Крипл Крик, Колорадо, откако се случиле механички проблеми во системот на лифтот, објави Си-Ен-Ен.

Единаесет лица беа спасени претходно во четвртокот, а уште десет лица кои дојдоа од друга земја беа заробени на дното на рудникот околу шест часа пред да бидат спасени во четвртокот навечер.

„Меѓу спасените има две деца, а четири спасени лица беа прегледани од медицинскиот персонал за полесни повреди“, изјави шерифот на округот Телер Џејсон Мајкесел, наведувајќи дека е во тек истрага за да се утврди причината за дефектот на лифтот.

Микесел истакна дека 12 лица се заглавени на ниски температури од околу 10 Целзиусови степени и дека имале вода, ќебиња, столици и радио.

Поранешниот рудник за злато е туристичка атракција повеќе од 50 години, а последната несреќа се случи во 1986 година, изјави Микесел.

Во таа несреќа две лица останале заглавени во лифтот, а немало жртви.

Туристичката обиколка на рудникот за злато од 1890-тите трае околу еден час, пренесува Танјуг

The post Едно лице загина, 23 се спасени по несреќа во рудник во Колорадо appeared first on Република.

Никола Јокиќ го покажа луксузниот дом во  Колорадо сместен во срцето на Cherry Hills.Имотот е чист луксуз, елеганција и дизајн што беспрекорно ги спојува естетиката и функционалноста, создавајќи простор за живеење што ја отсликува суштината на кошаркарската икона.

Со 29 соби, надворешна оаза и најсовремена технологија за паметен дом, имотот има 12.271 квадратни метри.

Елегантниот влез во оваа луксузна вила се одликува со импозантни бели колони, сложени архитектонски детали и големи стаклени врати, сето тоа поставено на позадината на есенските лисја и чистото сино небо. Класичен дизајн со големи заоблени прозорци и добро одржувано уредување ја дефинираат надворешноста на домот.

Пространата дневна соба го истакнува елегантен мебел, голем камин и сложена ѕидна уметност под впечатлив лустер. Софистицираниот простор за седење во непосредна близина на дневната соба прикажува фини детали и удобен мебел.

Елегантната дневна соба се одликува со високи тавани, голем лустер, софистициран декор со голем, сложено врежан ѕиден панел над каминот и скали од ковано железо кои гледаат на просторот од горното ниво. Дневната соба прикажува луксузен лустер, мермерни столбови и детални сводови кои водат до елегантно назначената трпезарија.

Прилагодените бели кујнски единици со сложени детали обезбедуваат доволно простор за складирање и додаваат допир на софистицираност. Најсовремените апарати, гранитни површини и островот ја комбинираат функционалноста со стилот во добро уредена кујна.

The post Чист раскош: Никола Јокиќ ја покажа куќата во Колорадо appeared first on Република.

Четири лица се хоспитализирани во тешка или критична состојба откако мал авион се урна во дворот на куќа во предградието на Денвер, во американската сојузна држава Колорадо.

Меѓу повредените патници има двајца возрасни и две деца, јави Си-Би-Ес Њуз.

Авионот се запалил откако се урнал, изјави Алекс Лемишко, претставник на Националниот одбор за безбедност во сообраќајот.

The post Авион им падна во дворот appeared first on Република.

Голем број училишта и владини канцеларии, како и делови од автопатиштата кои водат до областа Денвер денеска се затворени откако американската сојузна држава Колорадо беше погодена од снежна бура.

Нашиот град не видел вакво невреме неколку години, објави вчера на платформата Икс, градоначалникот на Денвер, Мајк Џонстон. Дождот се претвори во снег во областа Денвер.

Во ова подрачје се очекува да наврнат од 25 до 50 сантиметри снег, а во западните предградија до 60 сантиметри, соопшти американската Национална метеоролошката служба.

Екипите се на терен и се обидуваат да ги расчистат патиштата. Поради невремето на меѓународниот аеродром во Денвер но најмалку неколку стотици летови беа откажани или одложени во текот на денот.

The post Во Колорадо затворени училишта и владини канцеларии поради снежната бура appeared first on Република.

Судот во Колорадо му забрани на Доналд Трамп да се кандидира за претседател на државата. Одлуката не се однесува на други држави, но може да биде проследена со други слични пресуди.

Судиите на Врховниот суд во Колорадо гласаа четири спрема три дека Трамп не ги исполнува условите за да биде претседателски кандидат. Причината е нападот на неговите поддржувачи врз Конгресот пред три години, во обид да го спречат Џо Бајден да ја преземе функцијата.

Се очекува одлуката на судот да биде оспорена пред Врховниот суд во Вашингтон.

The post Судот во Колорадо му забрани на Доналд Трамп да се кандидира за претседател на државата appeared first on Република.

Врховниот суд на Колорадо донесе одлука со која забрани претседателскиот кандидат Доналд Трамп да се најде на гласачкото ливче за избор на претседател во таа држава бидејќи на 6 јануари 2021 година тој извршил востанички активности.

Противниците на Трамп одлуката ја окарактеризираа како историска и укажаа дека ова може да спречи тој да учествува на изборите, и да победи, за што води кампања повеќе од една година.

Од изборниот штаб на поранешниот претседател одлуката ја нарекоа недемократска и веднаш ја дадоа на апелација на Врховниот суд на САД.

Одлуката е заснована на статија од Уставот внесена во 1868 година која спречува избрани државни офицери кои кренале востание против САД да дојдат на власт.

Други судови низ САД се подготвуваат да донесат слични одлуки. Ако слични заклучоци се донесат во другите држави, Трамп ќе има огромни тешкотии, а можеби и ненадминливи, да осигура републиканска номинација и да победи на изборите во ноември 2024 година, пишува Вашингтон пост.

- Мнозинство од судот смета дека претседателот Трамп е дискфалификуван да држи функција Претседател според Делот три од Четиринаесеттиот Амандман на Уставот на Соединетите Американски Држави, се вели во одлуката.

- Затоа што тој е дискфалификуван, би било погрешен чин да се најде на списокот кандидати на претседателско првично гласачко ливче, се додава.

Врховниот суд на САД решава и по друга апелација на Трамп според која тој бара имунитет во еден од неговите случаи на злосторство - обвинението подигнато во Вашингтон од специјалниот обвинител Џек Смит, а поради незаконски обид да ја спречи победата на претседателот Џо Бајден на изборите во 2020 година. Трамп негира дека направил какво и да било злосторство.

Врховниот суд на САД е повисока инстанца која ќе решава дали одлуката на Врховниот суд на Колорадо е законска.

The post Врховниот суд на Колорадо му забрани на Трамп учествo на претседателските избори во таа држава appeared first on Република.

Речиси илјада куќи се уништени во шумски пожар во западната американска сојузна држава Колорадо, објавија во саботата локалните власти, додека три лица се водат како исчезнати и се стравува дека се мртви.

Шерифот на окригот Болдер, Џо Пел, изјави за новинарите дека 991 градба е уништна, а уште 127 се оштетени во шумскиот пожар кој избувна во четвртокот северно од Денвер, главниот град на државата Колорадо. Додаде дека е потврдено дека три лица исчезнале, а се стравува дека се мртви, бидејќи нивните домови се целосно уништени во пожарот.

Има три нерешени пријави за исчезнати лица. Нивните домови се уништени, потенцијално има човечки останки во тие куќа. Згариштата се жешки, сѐ се урнало и сега е прекриено со 20-ина сантиметри снег. Значи, потрагата е значително отежната, изјавил Пел додаваји дека снежните врнежи го запреле ширењето на пожарот.

Шерифот на окруот изјави дека истрагата за причината за пожарот продолжува.

Медиумите штетите ги оценуваат како „вџашувачки“, и емитираат снимки од воздух кои прикажуваат дека цели улици се претоврени во купишта пепел. Пожарот, за разлика од претходните огнени стихии, зафати пригратски населба а не само руралните области.

Според гувернерот на Коларадо, Џаред Полес, пожарот кој го разгорел силниот ветер, „за миг“ уништил цели населби. На жителите во четвртокот им беше наредено да се евакуираа од домовите, повеќето само со облеката којашто ја имале на себеси.

„Семејствата имаа само неколку минути да стават се што можат, своите животни, своите деца во автомобилот и да заминат“, појасни Полис.

Вајвите пожари се невообичаени во текот на зимите. Колорадо веќе неколку години е погодено од голема суша, како и поголемиот дел од американскиот Запад. Последните години овој дел од САД доживува невидени пожари, особено сојузните држави Калифорнија и Орегон.

The post Речиси илјада куќи уништени во шумски пожар во Колорадо, тројца исчезнати appeared first on Република.

Речиси 1.000 домови се уништени во шумскиот пожар во западната американска држава Колорадо, соопштија локалните власти, додавајќи дека три лица се водат за исчезнати и се стравува дека се мртви.

Шумскиот пожар во четвртокот принуди околу 30.000 жители да ги напуштат своите домови во општините Луисвил и Супериор, северно од Денвер.

Шерифот на округот Болдер, Џо Пеле изјави дека 991 градба биле уништени, а уште се 127 оштетени.

Пеле рече дека три лица се потврдени како исчезнати и се стравува дека се мртви бидејќи нивните домови биле уништени во пожарот.

– Има три нерешени [извештаи за исчезнати лица]. Нивните домови се уништени, потенцијално има човечки останки во тие домови. Остатоците сè уште се жешки, се е урнато, и сега е покриено со осум инчи снег, рече Пеле и додаде дека напорите за пребарување и закрепнување се значително попречени.

– Се сомневав дека ќе имаме човечки загуби само врз основа на големината на овој пожар, брзината и жестокоста. Мислам дека е чудо ако се три, а не 100 или стотици, па затоа сум благодарен за тоа, но и многу ми е жал за тие семејства, рече Пеле.

Шерифот рече дека истрагата за причината за пожарот продолжува.

Американскиот претседател Џо Бајден вчера одобри да се прогласи катастрофа.

Ваквите пожари се невообичаени во зима. јт/

The post Во пожарот во Колорадо уништени речиси 1.000 домови, исчезнати три лица appeared first on Република.