Новото раководство на Клиниката за онкологија на чело со проф.д-р Игор Стојковски воведе двосменско работење во дневната болница. Целта е намалување на гужвите во дневната болница што беше мапирано како еден од најгорливите проблеми, како и подостоинствен третман на оваа вулнерабилна група пациенти во оваа институција каде се третираат најлолем број од малигните заболувања и единствена на терциерно здравство од овој вид.

Пациентите до 20 часот во втора смена отсега ќе може да ја добијат оваа здравствена услуга во дневната болница.

Инаку, Клиниката за онкологија активно учествува во активностите за отворање онколошко одделение и обезбедување терапија за пациентите со малигни заболувања во ГОБ „8 Септември, каде се очекува амбулантно поликлничката дејност во областа на онкологија да профункционира за неколку недели, а целта е дисперзирање на терапијата и растоварување на работата на Клиниката за онкологија.

The post Новото раководство воведе двосменско работење во дневната болница на Клиниката за онкологија appeared first on Република.

Министерот за здравство Арбен Таравари кој денеска беше во посета на амбулантите за онкологија во Градската општа болница „8-ми Септември“ изјави дека има решение од Министерството кое помина како одлука на Влада, да можат и во оваа болница да се вршат амбулантски консултативни прегледи. Тој напомена дека во „8-ми Септември“ веќе се вработени двајца онколози и може да се изврши полесна онколошка терапија.

Денеска ги посетивме амбулантите за онкологија во „8 Септември“, како и дневната амбуланта која што би требало да функционира за неколку недели. Го видовме и акцелераторот којшто моментално не е во функција, но мислам дека може да се стави во функција. Ќе кажеме дека дефинитивно има решение од Министерството за здравство кое е поминато како одлука на Влада за да можат амублантски консултативни прегледи да се вршат во ГОБ „8-ми Септември“. Се надевам дека набргу и на Фондот ќе поминеме да има условен буџет, изјави Тараври по посетата.

Тој најави дека ќе ги посети и општите болници во Битола и во Тетово. Напомена дека во меѓувреме ќе треба да има договор меѓу Клиниката за онкологија и ГОБ „8 Септември“ согласно кој онколошките пациенти би можеле да примаат терапија во „8-ми Септември, за да се растерети Клиниката за онкологија.

Имаме децентрализација во здравството. Секако, во меѓувреме ќе треба Клиниката за онкологија да има договор со ГОБ „8 Септември“ за ова некако да биде под контрола на Клиничка за онкологија, зборувам за онколошки пациенти. Можам да кажам дека барем за месец дена, одредена терапија ќе започнат да примаат пациенти во „8-ми Септември“ со што делумно ќе ја растеретиме Клиниката за онкологија, рече Таравари.

Тој посочи дека денеска ги посетил и хируршките сали во „8-ми Септември“, за кои потенцираше дека се наоѓаат во незавидна состојба и дека треба да се интервенира. Како што напомена, за ова ќе се разговара и согласно буџетот за 2025 година, приротет освен салите во Клинички центар да бидат и салите во „8 Септември.

Таравари потенцираше дека добил информации за недостиг на среден медицински кадар, но и специјалистички кадар.

Се надевам дека според програмата која што ја планираме до крајот на годината ќе можеме да вработиме и одреден број на медицински сестри и среден медицински персонал, но и одредени специјализанти онаму каде што има дефицит. Тоа значи дека оние кои што се на четврта, петта или шеста година од специјализација ќе можеме да ги распределиме во болниците каде што има недостиг на кадар, додаде Таравари.

The post Во „8-ми Септември“ ќе се вршат амбулантски консултативни прегледи и онколошки терапии, најави Таравари appeared first on Република.

Онколошки конзилиум, составен од лекари специјалисти онколози ќе продолжи да функционира и конзилијарно ќе одлучуваме за терапијата. Сметам дека за сите пациентки кај кои ќе биде индицирано ќе ја добиваат соодветната и потребната терапија, изјави денеска проф. д-р Игор Стојковски, новоназначениот директор на Универзитетската клиника за онкологија.

Денеска во посета на Клиниката беше министерот за здравство Арбен Таравари. Д-р Стојковски одговари на новинарско прашање дали во иднина ќе продолжи да функционира советот од 12 лекари кој ќе одлучуваат за терапиите и дали во иднина ќе има дополнителна контрола за терапијата, со цел да не се крати на биолошката терапија која дава најдобри резултати и сите да добијат терапија каква заслужуваат.

The post Советот од 12 лекари ќе продолжи да функционира, конзилијарно ќе одлучуваме за терапијата на пациентите, најави директорот на Онкоогија д-р Стојковски appeared first on Република.

6 месеци СДС и ДУИ молчат и не преземаат никакви активности во врска со криминалот на Онкологија.Некој заработувал пари на сметка на тешко болните од рак, и наместо терапија им давал физиолошки раствор, а СДС и ДУИ 6 месеци неможат да преземат акција, обвини ВМРО-ДПМНЕ.

Неактивноста на СДС и ДУИ 6 месеци покажа дека тие немаат ниту волја, ниту интерес да го санкционираат криминалот на Онкологија.Случајот Онкологија немаше да биде возможен без корумпираноста на власта. Со СДС и ДУИ народот ја загуби државата.

ВМРО-ДПМНЕ нема да дозволи криминалот и корупцијата да го разјадуваат општеството. Никогаш не било полошо. Важно е да ги поразиме.

The post Случајот „Онкологија“ почна да се решава со влегувањето на ВМРО-ДПМНЕ во техничката влада. appeared first on Република.

Скандалот Диво Месо на клиниката за онкологија покажува колку метастазирала канцер мафијата која во соработка со властите правела милиони на грбот на најтешките пациенти. Ваквата спрега не можела да функционира без знаење на највисоките функционери во министерството за здравство кои се директно одгворни за состојбите во здравството, но и јавните набавки, обвини ВМРО-ДПМНЕ.

Извештајот од вонредната контрола на клиниката покажал дека на нарачките на терапијата кон добавувачите е по цена која речиси по правило била повисока од цената која ја одобрувал Фондот за здравство. Со тоа во исто време се трупале долгови, а омилената веледрогерија на власта била полнета со народни пари. За некои лекови е искористена можноста да се набават дополнителни 20%  и на тој начин се правеле залихи, а во исто време од други лекови постоел недостиг, па пациентите биле принудувани да ги набавуваат лековите како знаат и умеат, без да имаат можност да ги рефундираат средствата. Да потсетиме дека пациенти и нивни семсјства сведочеа дека биле принудени да купуваат лекови од црниот пазар, да чекаат со денови за терапија, а некои се сомневаат дали воопшто добивале терапија или само физиолошки раствор.

Јавното Обвинителство втор месец води само предистрага за скандалот на Онкологија. Нема ни официјална истрага, а камо ли пак обвиненија и онвинети. Тоа само покажува дека Јовевски, Абази и врвот во обвинителството спроведуваат нова операција со крајна цел да го обвинат кабелот на Онкологија. Не се ни свесни дека колку повеќе ја одолговлекуваат истрагата, или не дај Боже решат да ја забошотат, тогаш ќе остават црна дамка врз целокупниот здравствен систем. Потребни се имињата на одговорните, бидејќи колку се развлекува, толку ќе се валкаат сите бели мантили во Македонија. Ако мислат дека на тој начин ќе заштитат евентуално некого од одговорност затоа што е близок до власта или до било кој од канцер мафијата, тогаш се лажат. Многу скоро после промената на власта ќе следи детална истрага и одговорните ќе бидат изведени пред лицето на правдата.

The post Афера „Диво месо“: На „Онкологија“ се набавувале лекови од омилената веледрогерија на власта, по цени повисоки цени appeared first on Република.

Министерот за здравство Фатмир Меџити денеска ќе ја посети Универзитетската клиника за радиотерапија и онкологија во Скопје.

Во рамки на посетата, министерот Меџити ќе изврши обиколка на бункерот каде се поставува новиот акцелератор, по што ќе има изјави за медиумите.

The post Меџити ќе ја посети Клиника за радиотерапија и онкологија appeared first on Република.

До нашата редакција пристигна допис од медицински сестри од Клниката за онкологија кои се револтирани од начинот на функционирањето на Клиниката во изминатиот период како и континуираниот мобинг кој врз нив го вршат главните одделенски сестри.

Револтирани од односот кон нив, се обратија до нашата редакција и во нивната реакција наведуваат дека главните одделенски сестри се закануваат и од за нив познати причини одлучиле да бидат на страната на анархијата, безредието и хаосот.

Не сме согласни никој да ја валка медицинската пеофесија и не дозволуваме да сме соучесници и да ги браниме тие што се одговорни за таквото безредие во кое видовме дека страдаат пациентите, велат сестрите од Клиниката за онкологија.

Истовремено, во реакцијата од поголема група медицински сестри на онкологија е нагласен револтот дека некој се дрзнува во нивно име и во името на "сите сестри"( како што стои во наводната реакција која не соодветствува со фактичката состојба) да пишува деманти наменети за политички партии и тесни партиски интереси што воопшто не е одлика на професионализам во работата и дејноста медицинска сестра.

За да не биде премногу доцна со оглед дека заминување од Клиниката најавија неколку колешки заради континуираниот мобинг и политичките злоупотреби врз нас, апелираме дека медицинската дејност е пружање здравствена нега, не пишување наводни деманти кои служат за нечии политички интереси.
Ниту сме консултирани за такви измислени деманти и не сме согласни да не злоупотребуваат во такви деманти.
Продолжуваме чесно и професионално да ја вршиме медицинската дејност, која сме ја одбрале како животна определба. Очекуваме институциите што поскоро да ја лоцираат одговорноста, а само така ќе се оневозможи валкање на нашата благородна професија, а никако со измислените деманти со кои некој сака да ја оттргне вината од себе, а тоа да биде на наш грб, порачуваат медицински сестри од Клиниката за онкологија.

The post Медицински сестри од Онкологија: Кој се дрзнува да пишува наводни деманти во наше име, а без наша согласност – се соочуваме со мобинг appeared first on Република.

Медицинските сестри од ЈЗУ Универзитетска клиника за радиотерапија и онкологија - Скопје денеска ги демантираа тврдењата за работењето на клиниката, изнесени на 2 ноември на прес-конференција од страна на претседателот на ВМРО-ДПМНЕ, Христијан Мицкоски.

Тие ги демантираа тврдењата на Мицкоски дека во амбулантскиот дневник медицинскиот персонал го запишувал остатокот од неискористените лекови, како да е даден на друг пациент, без писмени докази дали лекот навистина е даден или е фрлен.

Од административен аспект, односно водење евиденција, на сите одделенија и дневните болници, има и уредно, редовно и секојдневно евидентирање на сите работи во амбулантско - хоспитален дневник, архива на требовања, компјутерска проверка во секој момент е достапна и се однесува на салдо во моментот, опијатни тетратки, тетратка на потрошени цитостатици - картици, пишува во денешната реакција.

Погоренаведените евиденции што ги водиме, како што се додава, се достапни за проверка на наделжни органи, како и „со ова, во целост ја демантираме таа изјава“.

Во демантот наведуваат дека сите лекови кои се требуваат од аптека и има остаток од истите, се употребуваат за следни пациенти. Остатокот, како што додаваат не се фрла, со цел заштеда на истите и тој е уредно евидентиран во амбулантски дневник во Одделот за цитостатска терапија - Дневна болница.

Се негира и тврдењето на Мицкоски, како што се истакнува во соопштението во врска со „давањето лекови во торбичка“, како и дека им се давале лекови на пациенти надвор од клиниката.

Терпијата за пациентите е сериозна работа и се даваат лекови на пациенти надвор од клиниката, односно станува збор за редовна терапија во вид на таблети и ампули, со цел да се аплицираат во матичен медицински центар или со домашна посета, со уредно напишан извештај од лекар. Напоменуваме и појаснуваме дека станува збор за симптоматска терапија, која не е терапија на условен буџет од ФЗОРСМ, туку редовна терапија која се аплицира преку домашна посета или матичен лекар. Со истото финансиски се заштедува на трошокот на пациентот и секојдневно доаѓање на клиниката, се нагласува во демантот.

Апелираат да престанат препукувањата на политичките партии преку Клиниката и да се остави таа да функционира нормално и без какви било притисоци, со цел да се заштити здравјето на пациентите, кои секој ден доаѓаат таму и се лекуваат, како и вработените во истата.

The post Сите лекови кои се требуваат од аптека и има остаток, се употребуваат за следни пациенти, не се фрлаат, велат медицинските сестри од Онкологија appeared first on Република.

Апсолутно не станува збор за никакво ново откритие или скандал кој беше објавен од страна на Христијан Мицкоски. Наводите и документите кои беа објавени се дел од документацијата која уште од почетокот на истрагата е предадена на сите истражни органи. Истата документација е во целост предадена и на Анкетната комисија, се вели во реакцијата на Клиниката за радиотерапија и онкологија-Скопје на наводите искажани од лидерот на ВМРО-ДПМНЕ на вчерашната прес-конференција.

https://republika.mk/vesti/makedonija/sdsm-za-onologija-ne-postoi-izveshtaj-za-periodot-do-avugust-ovaa-godina/

- Во однос на конкретните обвинувања би сакале во целост да ги отфрлиме обвинувањата. Прво, за ненавременото добавување на лекови и обвинувањата дека намерно не се давани негативни референци за компаниите добавувачи, фактите се следни. Клиниката од добавувачите повлекува количини лекови најчесто на месечно ниво. Заради зголемени потреби и нови пациенти, често се случува побрзо исцрпување на повлечените количини и истите да се потрошат порано од планираното. Во тие случаи на добавувачите им треба време за испорачување на нови количини. Ова не може да биде предмет на негативна референца. Дополнителна причина за одредени лекови е глобален или регионален недостаток кој е честа појава за време и по пандемијата, се наведува во реакцијата од ЗУ УК за радиотерапија и онкологија - Скопје.

Како неосновано и погрешно, од Онкологија го оценуваат обвинувањето дека на Клиниката се набавувале лекови на залиха Тврдат дека количината за која се обвинува дека била вишок на залиха, не само што не е залиха туку била неопходна потреба и е во количина за мал број пациенти, и тоа од едниот лек само за 9 пациенти од друг лек за 5 пациенти.

- За еден од лековите (Абиратерон) воопшто и немало залиха и жалиме што со вакви неточни информации се манипулира јавноста. Ваквата пракса на менаџирање со лековите на УКРО е нужна и исправна за да не дојде до застој во давањето терапија, додека се завршат постапките за нови набавки. Уште еднаш апелираме и замолуваме да се престане со политизација на судскиот процес и оцрнување на Клиниката. Клиниката е транспарентна и отворена за сите институции за овој случај, вклучително и за Анкетната комисија. Ваквите политички манипуларани презентации на документација која не е ниту тајна, ниту скриена е само обид за злоупотреба на УКРО за дневни политички цели, стои во реакцијата од Клиниката за радиотерапија и онкологија на вчерашните наводи на лидерот на ВМРО-ДПМНЕ Христијаn Мицкоски

The post Kлиниката за Онкологија со речиси истото соопштение како СДСМ appeared first on Република.

Вториот фрапантен заклучок. На одделенијата за лежечки пациенти, во амбулантските дневници медицинскиот персонал го запишува и остатокот од некои вијали, вијала е пакување, дека е издаден даден на соодветниот и друг пациент, со цел да се заштеди вишокот на лекот, но нема писмен траг, интерна книга, дали се фрла или кому се дадени за да се доискористи лекот од вијалата, рече претседателот на ВМРО-ДПМНЕ, Христијан Мицкоски на денешната прес конференција говорејќи за како што посочи еден од двата  фрапантни заклучоци во Извештајот од извршената вонредна финансиска контрола на условниот надоместок во Клиниката за радиотерапија и онкологија.

https://republika.mk/vesti/makedonija/mitskoski-izveshtaj-od-fzo-kazhuva-deka-divoto-meso-i-skandalot-na-onkologija-se-ushte-se-sluchuva-kantser-mafijata-neprecheno-si-raboti-i-denes/

„Преку пример, треба ад се аплицира лекот на пациент, вијалата е 100 единици, дозата која што треба да ја добие пациентот е 50 единици, тие 50 единици се аплицираат, но останатите 50 единици никој не знае, ниту имаат некаква трага каде завршуваат и дали некаде воопшто завршуваат. И ова е така со години правено, бидејќи нема никаква контрола. На тој начин директно со милиони, стотици милиони се оштетуваат македонските граѓани. Овој документ што го имам е извештај од специјалист, односно субспецијалист, каде што во наодот вели дека на барање на пациентот терапијата ќе се аплицира во друга медицинска установа на онколошко одделение“, рече Мицкоски.

Мицкоски додаде „со други зборови, доаѓа пациентот кој што треба да добие терапија, на Клиниката во торбичка му ја даваат терапијата и потоа пациентот оди да ја аплицира таа терапија“.

„Вистинското прашање е дали имаме повратен одговор каде е аплицирана таа терапија и дали навистина таа терапија е аплицирана“, кажа Мицкоски.

https://republika.mk/vesti/makedonija/mitskoski-za-izborite-ne-treba-dvojno-da-gi-maltretirame-graganite-zatoa-shto-nekomu-taka-mu-odgovara/

Мицкоски укажа дека исто така останува непозната дилемата дали самата Клиника имала интерна процедура или протокол за издавање на лекови согласно членот 8 од Законот за евиденции од областа на здравството имајќи предвид дека секои од овие лекови за да се пренесе од точка А до точка Б треба да има и соодветен термички третман.

„Во еден од договорите стои дека лекот не смее да биде во средина каде температурата ќе биде помала од 2 степени целзусови, поголема од 8 степени целзусови. Дали ова организиран шверц и дали е ова начинот на кој се испумпувани милиони од буџетот на грбот на граѓаните во Македонија? Понатаму зошто никој не го отвори прашањето која е цената по која украл односно универзитетската клиника за радиологија и Онкологија ги наплаќа своите услуги од фондот за здравство и која е цената која пациентите ја плаќаат за аплицирање на овие лекови во други здравствени установи, дали е тоа двојна наплата? Дали не сите граѓани имаат право на живот“, праша Мицкоски.

The post Мицкоски: Хемотерапиите на Клиниката за Онкологија биле давани на пациентите во торбиче appeared first on Република.

Главниот државен ревизор, Максим Ацевски, во интервју за „Радио Слободна Европа“ посочува дека во ревизорските извештаи објавени во април констатирани се неправилности на Клиниката за онкологија и во Битолската болница.

Ацевски вели дека тоа што е идентично за двете клиники е дека двете институции располагаат со акцелератор кој е наменет за лекување на онколошките пациенти, но поради несоздадени услови дадена е поголема сума на средства, а апаратите не се ставени во функција.

Како што вели, за Клиниката за онкологија е контатирано и дека имало проблем и во начинот на кој се водело издавањето на терапијата.

Ако ја погледнете содржината на конечниот ревизорски извештај или резимето, утврдено е дека има проблем во начинот на кој се водело издавањето на терапијата, лицата кои се ставаат на терапија, набавката на терапија и евиденцијата. Според пресметките, терапијата која е набавена е во износ од 6 милиони евра и се гледа дека е евидентирана на крај на годината. Негативно во работата на клиниката е што има голем број обврски кои се преземени надвор од предвидениот буџет за нејзино работење, вели Ацевски.

Прашан дали е побарана помош од истражителите, Ацевски појаснува дека доказите до кои доаѓаат ревизорите се чуваат во електронска форма и се што располагаат се предава на јавното обвинителство.

За Општата болница во Битола, ревизорите констатирале неправилности во делот на исполнувањето на законскиот минимум за работни часови за редовно работно време наспроти поголемата исплата за дежурства и во исто време ангажирањето на ист медицински персонал во други медицински установи.

The post Констатирани се неправилности на Клиниката за онкологија, како и во битолската болница appeared first on Република.

Ќе дојдам на анкетната комисија да одговорам на прашањата на пратениците, вели поранешниот министер за здравство Венко Филипче во кратка изјава за „Канал 5“, прва по последниот од редот скандали околу Клиниката за онкологија.

Во времето додека бев министер, онколошките пациенти добија современа терапија и воведовме низа олеснувања за нив со што значително им го подобривме квалитетот на животот. Се надевем дека случајот ќе се расчисти во најкус рок затоа што довербата во Клиниката за онкологија не смее да биде нарушена, вели Филипче за „Канал 5“.

The post Филипче конечно излезе од дупка, има само неколку реченици за Онкологија appeared first on Република.

Повторно нема терапија за онколошки пациенти, а надлежните петта недела со нула преземени мерки по скандалот, алармираат од Комисијата за здравство на ВМРО-ДПМНЕ.

https://republika.mk/vesti/makedonija/patsinetka-alarmira-deka-ostana-bez-lek-od-onkologija-vratija-da-ne-kreva-panika/

• Недостасува фезго и авестин, а дел од пациентите се жалат дека уште од минатата недела немало ни херцептин.

• Се потврдија информациите за кои Комисијата за здравство на ВМРО-ДПМНЕ алармираше во неколку наврати согласно поплаките на онколошки пациенти кои се обратија и до нас.

• Министерот Фатмир Меџити и директорката на Онкологија, Клисаровска повторно покажаа дека наместо да обезбедат терапија за сите пациенти, според изјавите на пациентите дополнително се наштетува на нивното здравје по принципот "има па нема "терапија.

• Повторно потсетуваме на наводите на Државниот завод за ревизија и прашуваме што СЕГА актуелното раководство на Министерството за здравство и Клиника за онкологија преземаат денес по овие наводи кои се актуелни и денес, но очигледни се НУЛА преземени мерки

• Постои ризик од субјективно и селективно определување на лекови за кои се одобрува условниот буџет, оттука и биолошката терапија не е еднакво достапна за секој пациент

• Дискриминирачки пристап кон пациентите спротивно на член 8 и член 112 од Закон за здравствена заштита - Начелото на континуираност на здравствена заштита се обезбедува со функционално воспоставен систем на организација на здравствена дејност на сите нивоа на здравствена заштита.

•  Не се обезбедува, точно и благовремено согледување на приемот и издавањето на биолошката терапија во сметководствената евиденција. Тоа пак, оневозможува благовремено и целосно следење на потрошокот на залихите.

• Сметководствената и материјалната евиденција на залихите не се усогласени и истите не се потврдени со состојбите по спроведениот попис, велат од Комисијата потенцирајќи дека Клиниката за онкологија е уште еден пример за недомаќинско работење и нула грижа за пациентите како и низа други установи во јавното здравство.

The post На пациентите дополнително им се наштетува здравјето со „има па нема“ терапија. appeared first on Република.

Под итно да се набави лекот „фезго“, јавно побара денеска Елизабета Ристовска, пациентка со канцер од Скопје.

Терапијата „фезго“ што ја примаме на 21 ден, минатата недела ја немаше, денеска ми е термин да го примам лекот, до десет часот имало, од десет часот веќе нема од лекот и не враќаат, реагираше таа.

Ова се случува, нагласи таа, иако се тврдело дека „нема доцнење на лековите, дека сите онколошки пациенти се навремено снабдени и сите пациенти со канцер се подмирени со лекови“.

Побара итно решавање на проблемот, за, како што подвлече, пациентите да не трпат последици поради немање лекови.

Од Клиниката за онкологија, рекоа за МИА дека станувало збор само за неколкучасовен недостиг, дека е направена нарачка, очекуваат да стигне во секој момент, најкасно до утре.

Пациентите никако нема да останат без лек. Воопшто нема проблем. Генерално, ги имаме сите лекови, да не се прави паника за неколкучасовен недостаток, нагласија од Клиниката.

Оттаму додадоа дека засега имало проблем само со еден друг лек, но проблемот бил кај производителот и се надеваат дека во најскоро можно време и тој проблем ќе се надмине. Се правеле напори да се земе од друг производител.

На новинарско прашање околу тоа дека онколошки пациенти со рак на дојка денеска иако поминале стотици километри не добиле биолошка терапија и биле вратени, министерот Фатмир Меџити рече дека има дефицит на биолошка терапија, дека се случува во одредени времиња да има дефицит на таква скапа терапија.

За жал, расте бројот на такви пациенти и кога се прават набавки со условен буџет, некогаш не можат да се предвидат и се случува да има недостаток од неколку дена, појасни министерот.

Тој нагласи дека работат на случајот и проблемот во брзо време ќе биде решен.

The post Пацинетка алармира дека остана без лек, од Онкологија ѝ вратија да не крева паника appeared first on Република.

Загрижени се од власта затоа што ако тој КАТО систем бил функционален тогаш многу јасно ќе дојдевме до одговорот на суштинските прашања кој е тој што ги злоупотребил животите на оние луѓе кои за жал поради недоволна медицинска грижа беа загубени изминативе години, изјави претседателот на ВМРО-ДПМНЕ, Христијан Мицкоски при посетата на општина Бутел, одговарајќи на новинарско прашање за скандалот во Онкологија.

Мицкоски истакна дека разбира што актуелниот министер мора да бара изговори затоа што таква му е насоката, но нема оправдување ни за него ни за надлежните органи.

– Го разбирам овој министер дека мора да бара изговори, не можам да го оправдам, бидејќи таква насока добил од коалицијата и претпоставените.  Не можам да ги оправдам ниту надлежните органи кои се уште, по толку недели не излегоа со јасна детекција кој е тој виновник којшто предизвикал ова да се случува, рече Мицкоски.

Мицкоски додаде дека идната власт на ВМРО-ДПМНЕ има намера сериозно да го реши овој проблем и виновниците да одговараат.

– Повторно ќе кажам од мое име и името на семејствата кои се жртви на овој грозоморен и траорен настан кој се случувал на клиниката за Онкологија, набргу од денеска  ќе имаме нова влада од ВМРО-ДПМНЕ која има сериозно во корен да се зафати со решавање на овој проблем и сите оние за кои постои основано сомневање и докази дека се богателе на грбот на животите на нашите сограѓани има сериозно да одговараат, потенцираше Мицкоски

The post Мицкоски: Идната влада на ВМРО-ДПМНЕ од корен ќе се зафати со проблемот со Онкологија и сите за кои ќе има докази ќе одговараат appeared first on Република.

Секој ден излегуваат се помонструозни детали од скандалот на Онкологија. Имено според информациите во јавноста пациенти со канцер кои починале продолжувале да се водат како пациенти на клиниката и се издавала терапија на нивно име. Колку и кому му биле издавани скапи цитостатици? Дали е точно дека странски државјани биле лекувани со цитостатици на сметка на фондот? Дали ваквите малверзации се причината поради која клиниката во последните три години западнала во милионски долгови,обвини ВМРО-ДПМНЕ.

Да потсетиме дека пред неколку дена медиумите известија дека и мајката на поранешниот економски директор била заведена во системот како пациент со канцер иако имала само анемија. Колку вакви случаи на фиктивни болни биле запишувани, додека пациенти кои вистински биле болни од канцер не можеле да добијат терапија или третман?

За сето ова мора да има одговорност, како кривична, така и политичка. Власта нека не бега, туку нека прифати собраниска комисија на која ќе се разгледа овој монструозен скандал на грбот на пациентите. Да се открие кој и колку милиони евра направил тргувајќи со терапијата наменета за болните, која наместо бесплатно да се дава на осигурениците со дијагноза, бича препродавана на црниот пазар во Македонија и во други земји. Власта на СДС и ДУИ предизвикаа распад на целиот систем. Скандалот со Онкологија е најморбидниот од сите досегашни криминали кои се случиле и истиот не бил возможен без знаење и одобрување од страна на власта.

The post Случај „Онкологија“: Пациенти кои биле починати биле водени во системот и понатаму се издавала терапија на нивно име appeared first on Република.

Собраниската Комисија за политички систем и односи меѓу заедниците денеска ќе расправа за Предлог - одлука за основање на анкетна комисија за случајот Онкологија по информациите за злоупотреби со биолошката терапија за онколошките пациенти на ЈЗУ Универзитетска Клиника за радиотерапија и онкологија за што веќе има отворено истрага. Формирањето на анкетната комисија е со потписи на 20 пратеници од опозициската ВМРО-ДПМНЕ која минатата недела достави барање со Предлог - одлука за основање на комисијата до претседателот на Собранието Талат Џафери.

Освен ВМРО-ДПМНЕ и коалицијата, формирањето на ваква анкетна комисија го поддржува и владејачката СДСМ и нивните коалициски партнери, додека пратениците на ДУИ сметаат дека обвинителството и надлежните институции треба да си ја завршат својата работа.

Предлог- одлуката содржи осум члена и со неа се предвидува основање анкетна комисија за, како што се посочува во документот, „анализа на сите документи во ЈЗУ Универзитетска Клиника за радиотерапија и онкологија со цел утврдување на политичка одговорност на владините и здравствени функционери поврзани со аферата“.

Како што стои во предлогот на опозициските пратеници, анкетната комисија треба да ја утврди хронологијата на настаните и околностите во врска со надлежноста на оваа Комисија, ќе ја дефинира политичката одговорност и ќе утврди прекршувања на уставни и законски одредби од страна на Собранието, треба да утврди дали со овој скандал на ЈЗУ Универзитет биле загрозени основните човекови права на пациентите кои што се лекувале од моментот на ставањето надвор од употреба на КАТО системот за подготовка на цисостатиците. Потоа анкетната комисија ќе изготвува извештаи кои ќе се доставуваат до Владата на Република Македонија, Државната Комисија за спречување на корупцијата и судирот на интереси и Јавното обвинителство на Република Македонија.

Се предлага анкетната комисија да се состои од 13 членови и нивни заменици, од кои: шест членови да бидат предложени од пратеничката група на ВМРО-ДПМНЕ, четири членови од пратеничката група СДСМ, два члена од пратеничката група ДУИ и еден член од Алијанса за Албанците. Претседателот и заменикот претседател да бидат избрани од редот на членовите на Анкетната комисија од страна на Собранието на предлог на Комисијата за прашања на изборите и именувањата од редот на пратениците од пратеничката група на ВМРО-ДПМНЕ и коалицијата.

Исто така, се предлага седниците на анкетната комисија да се одржуваат согласно со Деловникот на Собранието, одлуките да се донесуваат со мнозинство на гласови од вкупниот број на членови, а седниците да бидат јавни, освен ако не се одлучи поинаку
согласно со Деловникот. Секој сведок или експерт поканет да даде изјава пред Анкетната комисија да има обврска да се појави пред Анкетната комисија и да има право да побара да му биде овозможена затворена седница на Комисијата.
Доколку се одлучи да се одржи затворена седница на Анкетната комисија по нејзино завршуваање, претседателот подготвува посебен извештај.

Се предлага секоја пратеничка група да има право да предложи листа од сведоци и/или експерти кои ќе бидат прифатени без гласање и истите ќе бидат поканети да дадат изјава пред комисијата. Штом сите личности ќе дадат изјава, пратеничките групи ќе можат да предложат нови листи со сведоци и/или експерти.

Врз основа на наодите, со Предлог-одлуката се предлага анкетната комисија да изготви и на Собранието да му поднесе извештај најдоцна еден месец по завршување со работа на Анкетната комисија.

Пратениците од ВМРО-ДПМНЕ побараа формирање анкетна комисија за случајот со Онкологија откако во јавноста излегоа информации за злоупотреби со биолошката терапија за онколошките пациенти и нејзино продавање за што веќе има отворено истрага.

Во образложението на барањето, тие наведуваат дека Предлогот на Одлука за формирање на оваа Анкетна комисија ја поднесуваат поради скандалозната афера која што се случи на ЈЗУ Универзитетска клиника за радиологија и онкологија

The post Дали власта ќе дозволи да се формира собраниска анкетна комисија за случајот „Онкологија“? appeared first on Република.

Во дебатата во парламентот вчера може да се слушнат разни испади од страна на пратеници кои доаѓаат од владејачкото мнозинство. Таа мачнина која секој од нас ја чувствува за тоа што се случувало на клиниката за Онкологија, а која е резултат на медицински лица кои се блиски до владејачките партии СДС и ДУИ, а владата гледа на секој начин овој криминал да го заташка, изјави претседателот на ВМРО-ДПМНЕ, Христијан Мицкоски при денешната посета на Свети Николе одговарајќи на новинарско прашање за скандалот во Онкологија.

Мицкоски истакна дека власта смета ако го заташка случајот на тој начин ќе се спасат себе си и ќе ги спасат сторителите на овој криминал, но им порача дека по промената на власта сите кои учествувале во криминалот ќе одговараат.

– Како што и претходно кажав, истото важи за овие медицинско политички криминалци кои профитирале на здравјето на граѓаните, идната влада на ВМРО-ДПМНЕ, многу посериозно ќе се занимава со овој скандал и давам збор дека тие кои го направиле сето ова ќе бидат процесуирани пред органите кои се за тоа задолжени, рече Мицкоски.

The post Mицкоски за „Онкологија“: СДСМ и ДУИ сакаат да го заташкаат случајот appeared first on Република.

Во Онкологија функционирала организирана мафија, директорот, министерот и Ковачевски се директно одговорни.Невозможно е да се случува кражба на цитостатици од масовни размери на Онкологија, а министерот и Ковачевски да не знаат. 20 милиони евра е акумулираниот долг на Клиниката, а никој не се запрашал зошто?, oбвинува ВМРО-ДПМНЕ.

Самиот факт што никој од Онкологија не е во притвор говори дека власта го заташкува случајот.Со СДС и ДУИ нема правда ниту за Онкологија, ниту за десетиците други случаи, потребни се промени, за рестарт на системот.

The post Во Онкологија функционирала организирана мафија, директорот, министерот и Ковачевски се директно одговорни appeared first on Република.

И овој 8-ми Септември за жал минува во сенка на грозоморие со човечки жртви, предизвикано од криминал, корупција, самоволие, алчност и нечовечност на крими-партнерите во владата!, рече на денешната прес-конференција Наум Стоилковски, портпарол на ВМРО-ДПМНЕ.

Онкологија поседува КАТО систем од 2016-та година и има обучен персонал за него. Систем вреден тогаш 350.000 евра. 2017-та година, СДС ја презема власта, го поставува својот Нино Васев за директор, а тој го укинува, исклучува, затвора системот, според медиумите, „ќе заштедел на ќеси“!? Оттогаш почнува криминалот на штета на пациентите, со допишување фиктивни пациенти, продажба на лекови. Криминалот е толкав што директор на Клиниката вади документ со лажна дијагноза - за рак на бели дробови на име на мајката. Па, како се вади лажна документација за канцер? Колку такви пациенти се запишани? Што се се случува на Онкологија?, прашува Стоилковски.

https://republika.mk/vesti/makedonija/majkata-na-eks-ekonomskiot-direktor-na-onkologija-vo-sistem-bila-zavedena-so-dijagnoza-rak-na-beli-drobovi-iako-ne-bila-onkoloshki-patsient/

Објаснува дека КАТО системот ги чува цитостатиците, ги дозира онколошките терапии за секој пациент посебно, без шанса да се манипулира со дозите и терапиите, секој цитостатик го искористува до максимум и подготвен останува во фрижидерот стабилен за употреба дури до 28 дена. Додава дека како што објаснуваат познавачите на овој систем, дозирањето е прецизно и безбедно, без загуби, без токсични труења на медицинскиот персонал!

Значи и без можност раце, за крадење и ставање вода на пациенти за лекот да заврши на црн пазар! Значи 6 години КАТО е исклучен, со години се укажува на криминалот, има случаи на фатени кражби и продажби, се менуваат директори, ама никој - баш никој, ниту владата, ниту министер, ниту доктор, ниту обвинителство, не прашува зошто КАТО системот стои исклучен кога е купен, и не се враќа системот во употреба!? И сега откако грозоморието со трговија со животи на Онкологија излезе во јавност, на министер за здравство му текна дека има систем што спречува крадење, па ќе се обидел да го вклучи!? И потоа шета меѓу пациентите дека сега, ама сега, се било во ред!? Ова кажува само две работи - гајле им е за пациентите, гледаат да се спасат од одговорност, а одговорни се сите до еден! И второ, бегајќи од одговорност имаат отворена можност да вршат влијание врз истрагата и оформувањето на предмет со вистинска содржина, рече Стоилковски додавајќи дела „Само избори се спасот!“.

https://youtu.be/iD2bR1phrrU?si=v0MXmwsbr8PvZGKp

The post Како директор на Онкологија извадил документ за канцер за мајка си? appeared first on Република.