Сликата „Дама со вентилатор“ на австрискиот сликар Густав Климт е продадена за 85,5 милиони евра на аукција во Лондон. Сликата го собори претходниот рекорд за Европа, кој од февруари 2010 година го држеше скулптурата „Човек што оди“ на Алберто Џакомети, продадена за 75 милиони евра.

Аукциската куќа „Сотби“, која ја организираше продажбата, го претстави делото, едно од последните на Климт, не само како ѕвезда на летната аукциска сезона во Лондон туку и како една од најубавите и највредни слики што биле понудени на продажба во Европа. Кога ќе се додадат трошоците за продажбата, купувачот, чиј идентитет не е објавен, треба да плати повеќе од 98 милиони евра.

Густав Климт ја насликал продадената слика во 1917 година, една година пред неговата смрт. Починал на 55-годишна возраст.

The post „Дама со вентилатор“ од Климт е најскапо продадена слика во Европа appeared first on Република.

Климатски активисти ја испрскаа позната слика од уметникот Густав Климт „Смрт и живот“ со црна течност која личи на нафта во Музејот Леополд во Виена.

Од австрискиот огранок на климатската организација „Последна Генерација“ изјавија дека ја избрале како мета сликата од 1915 година во знак ба протест за користењето на енергија од фосилни горива на нивната Влада.

Во видео од инцидентот, кој организацијата го објави на социјалните мрежи, може да се види како активистите прскаат со течност врз сликата „Смрт и живот“ на еден од најпознатите австриски сликари.

The post Климатски активисти испрскаа со црна течност слика од Климт во музеј во Виена appeared first on Република.