Македонските ракометни репрезентативци вечерва на „мускули“ ја совладаа Естонија (37-33) на почетокот на квалификациите за Европското првенство (ЕП), а селекторот Кире Лазаров кажа дека не очекувал толку голем отпор од противникот.

Лазаров повика на претпазливост пред натпреварот, но и покрај тоа Естонија успеа да ни даде дури 33 голови, меѓутоа Македонија во завршницата го скрши гостинот за прв триумф.

Сите сакаме победа, меѓутоа мора да се работи напорно за тоа. Повикав на претпазливост пред натпреварот, но не очекувам дека толку тешко ќе ги освоиме бодовите. Овој меч ни покажа дека мора да имаме почит кон сите ривали. Естонија одигра модерен ракомет, а ние можеме и мораме подобро. Ова е предупредување пред средбата со Литванија - кажа Лазаров.

Селекторот посочи дека ќе се подготват подобро за гостувањето кај Литванија со цел да избегнат драма како во вечерашниот меч со Естонија.

Ова е предупредување пред мечот со Литванија. Се подготвивме и за Естонија, имавме детални анализи, но едно е на хартија, а друго е на теренот. Мора сите да разберат дека дресот на националниот тим тежи многу и убаво е да се игра пред домашна публика, но мора да бидеме подобри. Треба да се подготвиме подобро за средбата со Литванија и да одиме на нова победа - посочи македонскиот селектор.

Македонија ѝ гостува на Литванија на 10 ноември од 17 часот.

The post Лазаров: Естонија сериозно нѐ предупреди – ние можеме и мораме подобро! appeared first on Република.

Македонскиот ракометен суперлигаш Алкалоид започнува со европските обврски. Тимот од Автокоманда ќе игра во ЕХФ Купот, каде ќе се соочи со литвански Драгунас Клаипеда. На прес-конференција пред мечот, најава за ривалот даде тренерот Кирил Лазаров.

Се наоѓаме пред еден нов предизвик во Европскиот куп. Конкретно, имаме еден ривал кој што можеби е неатрактивен за нас, кој е доста опасен. Се работи за незгодна школа, тим кој оваа година е воден од шпански тренер и полека од материјалите се гледа напредокот на Клаипеда. Ако направиме споредба, мислам дека, да не претерам, тие се подобрри за 35% и затоа сум доста внимателен во најавите, заедно со мојот тим и со моите играчи, затоа што системот на играње е дома-гости, не е групна фаза и треба да се биде доста претпазливи. Од она што го имаме како информација, се работи за тим кој дава многу голови, над 40 гола во поголемиот дел од натпреварите. Ривалот игра во силен ритам, без разлика на противникот. Ние сме цврсто на земја заедно со играчите, добро се подготвуваме и можам да ветам дека нема да го потцениме противникот. Очекувам квалитетен меч, убав ракомет за око. Испраќам покана до навивачите, да дојдат во салата Автокоманда и да бидат поддршка на овој млад и македонски тим, изјави Лазаров.

Тренерот на Алкалоид потоа направи анализа на ривалот кој следи.

Клаипеда е екипа за која најголема добивка е што е ангажиран тренер од Шпанија. Сами знаете дека тој шпански систем е модерен. Тимот има и интернационалци од Украина, два до три литвански репрезентативци. Но, тимот го краси колективен дух, игра со трчање и македонската јавност ќе може да види еден убав и квалитетен натпревар. Нема да бркаме разлика или нешто слично, не треба да си дадеме психолошки товар. Туку да играме убаво и секоја победа ќе биде предност пред реваншот во Литванија, додаде Лазаров.

А, кои се амбициите на Алкалоид во Европскиот Куп на ЕХФ?

Лигата на шампионите од секоја година е се посилна и тешко е да ја пратиме, иако се трудиме како македонски тимови. Истото се работи и за Лигата на Европа, каде играат Кил, Флензбург, Војводина, Нексе… Стратегијата на ЕХФ Купот е сите купови да бидат квалитетен, па така и овој трет куп по квалитет. И овде има добри и амбициозни тимови, како и екипи кои сакаат да одат што подалеку и да го освојат овој Куп. Ние ќе одиме чекор по чекор, без разлика со кого и да играме – ќе сакаме да поминеме и ќе одиме на победа, па дури и против поквалитетни од нас. Никого нема ниту да го прецениме, ниту потцениме, ама треба да одиме скала по скапа. Не бегам од фаворитската улога, но мора и треба да го респектираме секого, заврши Лазаров.

Натпреварот меѓу Алкалоид и Драгунас Клаипеда се игра во сабота со почеток од 19:00 часот.

The post Лазаров: Нема да си правиме притисок со бркање гол-разлики, туку само да победуваме appeared first on Република.

„Горд сум, покажавме зрелост, работевме доста. Можеби сме во подобра форма од двете екипи и победивме. Мислам дека пелистерци одиграа премногу натпревари во подготовките, а Вардар одигра доволно ама имаше една луфта од две недели во кои не играше и немаше ритам. Мислам дека тука е нашата предност која ја искористивме. Имавме залет од освојувањето на Суперкупот, а и денес се покажавме во одлично светло“.

Вака изјави тренерот на Алкалоид, Кире Лазаров, откако „Сините“ го победија Вардар 1961 со 33-30 на празничното градско дерби. Алкалоид поведе со четири разлика во второто коло, што му ја донесе победата. Оваа прва рунда ветува супер-интересна сезона на македонскиот шампионат.

Успехот за Алкалоид доаѓа по освоениот трофеј во Купот на Македонија и во Суперкупот.

Во следното коло од македонската Суперлига која оваа година се игра во нов систем и брои 12 екипи, Вардар 1961 на домашен терен ќе се соочи со новиот суперлигаш Борец Фруитленд, додека Алкалоид повторно во домашен дуел игра со Радовиш. Мечевите од втората рунда се играат следниот викенд.

The post Лазаров: Горд сум, покажавме зрелост appeared first on Република.

Машката сениорска репрезентација на Македонија ги доби ривалите во групата за Светското првенство 2025, на кое ко-организатори ќе бидат Данска, Норвешка и Хрватска.

Македонија ќе игра во групата Д што ќе се игра во Вараждин, па за очекување е избраниците на Кире Лазаров да имаат солидна поддршка од трибините.

Ривали на „црвено-жолтите“ ќе бидат репрезентациите на Унгарија, Холандија и дебитантот Гвинеја, а во главната фаза пласман обезбедуваат најдобрите три од секоја група.

Од прв и втор шешир добивме доста квалитетни репрезентации. Секако дека можеше да добиеме уште поквалитетни противници, но треба да бидеме задоволни пред се со фактот дека ќе играме во Хрватска/Вараждин и ќе имаме огромна поддршка од нашите верни навивачи. Сите имаме добри спомени од Вараждин и се надевам дека повторно ќе биде така. Имаме доста време да се подготвиме квалитетно за Светското Првенство, истакна селекторот Кире Лазаров.

The post Лазаров: Добивме квалитетни противници, но можеше да добиеме уште поквалитетни appeared first on Република.

Селекторот Лазаров смета дека неговите избраници покажале карактер и го заслужиле местото на големото натпреварување.

„Ова е еден од моите најсреќни денови во животот во спортската кариера. Не е лесно да ги мотивираш ракометарите, посебно затоа што добиваме големи критики од јавноста. Големите шампиони знаат како да го преживеат притисокот. Даваме срце и душа за Македонија, па поради тоа барам само малку почит, особено кога ќе згрешиме затоа што грешки прават и други големи спортисти“, изјави вчера Лазаров.

The post Лазаров: Даваме срце и душа за Македонија, па поради тоа барам само малку почит appeared first on Република.

Селекторот на македонската ракометна репрезентација Кирил Лазаров се одлучи за две промени за вечерашниот реванш натпревар со Фарски Острови во баражот за пласман на Светското првенство 2025. Лазаров ги повика бековите Мартин Карапалевски од Вардар и Иван Џонов од Алкалоид.

Од репрезентацијата за вечерашниот дуел отпаѓаат Дамјан Митев и Цветан Кузманоски.

Натпреварот ќе се игра во СЦ „Борис Трајковски“ во Скопје со почеток во 19 часот.

На првиот натпревар Фарски Острови победија со 34:27.

The post Ќе се знае вечерва? Дали Македонија ќе го прескокне следното Светско првенство appeared first on Република.

Селекторот на македонската машка ракометна репрезентација Кирил Лазаров ги повика навивачите „како никогаш досега“ да го поддржат националниот тим в недела на реваншот во мундијалскиот бараж во кој неговите избраници ќе се обидат да ја надоместат негативата од седум голови разлика од вчерашното гостување во Фарски Острови.

Македонската репрезентација загуби на првиот натпревар во Торшавн со 27-34 и ќе има тешка задача да ја анулира предноста на противникот в недела на домашен терен во СЦ „Борис Трајковски“ со почеток во 19 часот.

Нема да губиме надеж и ќе веруваме до крај. Имаме неколку дена да се консолидираме и да пробаме да ја анулираме негативата од седум голови. Ќе ни треба поддршка од публиката како никогаш до сега. Ќе се бориме и веруваме во позитивен исход во недела“, изјави Лазаров за официјалниот сајт на Ракометната федерација на Македонија.

Анализирајќи го вчерашниот натпревар во Торшавн, селекторот Лазаров оцени дека победата на Фарски Острови е сосема заслужена.

Фарски Острови беше подобар противник на вчерашниот натпревар и заслужено победи. Ни направија многу проблеми и во нашиот напад каде бевме принудени да играме „седум на шест“ доста време, а не сакавме да играме на тој начин. Нивниот напад беше технички скоро перфектен, иако бевме спремни за нивниот систем на напаѓање, сепак истите работи поминуваа“, додаде Лазаров.

The post Лазаров бара поддршка од навивачите за реваншот со Фарски Острови appeared first on Република.

Кирил Лазаров, селекторот на македонската селекција ги одбра 16-те ракометари со кои вечерва ќе го одигра првиот од двата бараж дуели против Фарски Острови, на гостувањето во Торшавн.

Лазаров се одлучи во тимот да го вклучи и пикерот Михаил Аларов, а селекторот на националниот тим се одлучи да го вклучи и младиот Дамјан Митев, кој ќе треба да помогне во нападот на нашата селекција.

Мечот започнува во 20:00 часот, а ова се ракометарите кои вечерва ќе настапат на првиот бараж натпревар:

The post Лазаров ги одбра ракометарите за Фарски Острови appeared first on Република.

Вкупно 36 ракометари, од кои петмина интернационалци, се најдоа на поширокиот список кој селекторот на македонската машка репрезентација Кирил Лазаров го објави денеска за мајските бараж натпревари против Фарските Острови за пласман на Светското првенство во 2025 година.

Во стручниот штаб предводен од Лазаров за дуелите против Фарски Острови е вклучен и поранешниот долгогодишен репрезентативец Стојанче Стоилов.

Македонските ракометари првиот бараж натпревар против Фарски Острови ќе го одиграат на 8 мај на гостински терен, а реваншот е на 12 мај во Скопје, со почеток во 19 часот во СЦ „Борис Трајковски“.

Повикани ракометари:

НИКОЛА МИТРЕВСКИ ФК ПОРТО
МАРТИН ТОМОВСКИ РК ВАРДАР 1961
МАРКО КИЗИЌ РК ЕУРОФАРМ ПЕЛИСТЕР
ИВАН ГАЛЕВСКИ РК АЛКАЛОИД
ЦВЕТАН КУЗМАНОСКИ РК ЕУРОФАРМ ПЕЛИСТЕР
ПЕТАР АТАНАСИЈЕВИЌ РК ЕУРОФАРМ ПЕЛИСТЕР
ГОЦЕ ОЈЛЕСКИ ГРК ОХРИД
ДИМИТАР ДИМИТРИОСКИ ЦД БАЛОНМАНО АТЛЕТИКО ВАЉАДОЛИД
НИКОЛА КОСТЕСКИ ТАЛЕНТ ПЛЗЕН
НИКОЛА СТОИЛЕВ ГРК ОХРИД
МАРТИН ПОПОВСКИ ГЦ АМИЧИТИА Цирих
ЖАРКО ПЕШЕВСКИ РК ЕВРОФРАМ ПЕЛИСТЕР
МИЛАН ЛАЗАРЕВСКИ РК ВАРДАР 1961
НИКОЛА МАРКОСКИ РК АЛКАЛОИД
МАРКО СТОЈКОВИЌ РК АЛКАЛОИД
МИХАИЛ АЛАРОВ РК ВАРДАР 1961
ВАЛЕНТИН КАРАСМАНАКИС РК АЛКАЛОИД
КРИСТИЈАН АТАНАСОВ ГРК ТИКВЕШ 2014
ТОМЧЕ СТОЈАНОВСКИ РК БУТЕЛ СКОПЈЕ
ТОМИСЛАВ ЈАГУРИНОСКИ РК ВАРДАР 1961
МАРТИН ВЕЛКОВСКИ РК АЛКАЛОИД
ФИЛИП НИКОЛОВ РК БУТЕЛ СКОПЈЕ
МАРТИН СЕРАФИМОВ РК АЛКАЛОИД
ДАВИД САВРЕВСКИ РК АЛКАЛОИД
ДАМЈАН МИТЕВ РК АЛКАЛОИД
МАРТИН КАРАПАЛЕВСКИ РК ВАРДАР 1961 г
МАРКО МИТЕВ РК АЛКАЛОИД
МАРИО ТАНКОСКИ РК ЕУРОФАРМ ПЕЛИСТЕР
ИВАН ЈОНОВ РК АЛКАЛОИД
ЕМИЛИЈАН ЖОРГОСКИ РК ЕУРОФАРМ ПЕЛИСТЕР
ПАВЕЛ АТАНАСИЈЕВИЌ РК ЕУРОФАРМ ПЕЛИСТЕР
ФИЛИП КУЗМАНОВСКИ РК ЕУРОФАРМ ПЕЛИСТЕР
ФИЛИП ТАЛЕСКИ Спорт Бенфика (ПОР)
МИХАЈЛО МЛАДЕНОВИЌ РК АЛКАЛОИД
МАРКО МИШЕВСКИ РК ВАРДАР 1961
ГОРАН ХРИСТИЈАНСКИ ГРК ОХРИД.

The post Со овие ракометари ќе бркаме нов пласман на СП appeared first on Република.

Селекторот на сениорската машка ракометна репрезентација на Македонија Кирил Лазаров со коментар по ждрепката за квалификациите за пласман на Европското првенство 2026 година.

Жрепката ја смести македонската репрезентација во групата 1 заедно со Словенија, Литванија и Естонија.

„Задоволен сум од ждрепката. Мислам дека имаме реални шанси да се пласираме на следното Европско првенство. Не смееме во ниту еден случај да ги потцениме селекциите на Естонија и на Литванија, додека со Словенците ќе пробаме да издвојуваме барем една победа. Знаеме дека станува збор за квалитетен национален тим кој успеа да обезбеди олимписка виза за Игрите 2024 во Париз“, изјави Лазаров за официјалниот сајт на Ракометната федерација на Македонија.

Во квалификациите учествуваат 32 репрезентации поделени во осум групи по четири селекции.

Пласман на Европското првенство кое во 2026 година ќе се одржи во Норвешка, Данска и Шведска ќе обезбедат првите две репрезентации од осумте групи, како и четирите најдобро третопласирани селекции.

Квалификациите почнуваат на 4. октомври, а ќе финишираат на 11. мај 2025 година

The post Лазаров смета дека имаме добра група за пласман на ново ЕП appeared first on Република.

Селекторот на машката сениорска репрезентација, Кирил Лазаров го објави списокот на повикани ракометари за собир во рамки на претстојната ЕХФ машка недела (11.03 – 17.03) и подготвителни натпревари со репрезентацијата на Романија.

Собирот е закажан на 11.март, понеделник со почеток во 16.00 часот во Хотел Александар Палас во Скопје.

Повикани ракометари:

Голмани
1. МАРТИН ТОМОВСКИ РК ВАРДАР 1961
2. МАРКО КИЗИЌ РК ЕУРОФАРМ ПЕЛИСТЕР
3. ИВАН ГАЛЕВСКИ РК АЛКАЛОИД РАКОМЕТ

Леви крила
4. ПЕТАР АТАНАСИЈЕВИЌ РК ЕУРОФАРМ ПЕЛИСТЕР
5. ЦВЕТАН КУЗМАНОСКИ РК ЕУРОФАРМ ПЕЛИСТЕР

Десни крила
6. НЕНАД КОСТЕСКИ РК ЕУРОФАРМ ПЕЛИСТЕР
7. НИКОЛА СТОИЛЕВСКИ ГРК ОХРИД

Десни бекови
8. ТОМИСЛАВ ЈАГУРИНОСКИ РК ВАРДАР 1961
9. МАРТИН СЕРАФИМОВ РК АЛКАЛОИД РАКОМЕТ

Средни бекови:
10. МАРКО МИТЕВ РК АЛКАЛОИД РАКОМЕТ
11. ИВАН ЏОНОВ РК АЛКАЛОИД РАКОМЕТ
12. ИГОР ЃОРГИЕВ РК АЛКАЛОИД РАКОМЕТ
13. НИКОЛАС НАЈДЕНОВСКИ LUGI HF (SWE)

Леви бекови
14. ФИЛИП ТАЛЕСКИ Sport Lisboa e Benfica (POR)
15. ФИЛИП КУЗМАНОВСКИ РК ЕУРОФАРМ ПЕЛИСТЕР
16. ПАВЛЕ АТАНАСИЈЕВИЌ РК ЕУРОФАРМ ПЕЛИСТЕР

Пивоти
17. ЖАРКО ПЕШЕВСКИ РК ЕУРОФАМ ПЕЛИСТЕР
18. МИЛАН ЛАЗАРЕВСКИ РК ВАРДАР 1961
19. МАРКО СТОЈКОВИЌ РК АЛКАЛОИД РАКОМЕТ
20. ВАЛЕНТИН КАРАСМАНАКИС РК АЛКАЛОИД РАКОМЕТ

Дефанзивец
21. ЕДВИН ОМЕРАГИЌ РК АЛКАЛОИД РАКОМЕТ.

The post Лазаров го објави списокот за дуелите со Романија appeared first on Република.

Селекторот на македонската машка ракометна репрезентација Кирил Лазаров се огласи по ждрепката во Келн, по која македонската репрезентација ја доби селекцијата на Фарски Острови за противник за баражот за Светското првенство во 2025 година.

„Добивме квалитетен противник, кој со квалитетот на играта направи проблеми на сериозни европски селекции на последното Европското првенство. Имаат огромен напредок во сите ракометни категории во последните три-четири години.

Неатрактивна ракометна национална селекција, но многу квалитетна. Имаме време добро да се подготвиме за бараж натпреварот. Очекувам неизвесен дуел на двата натпревари. Имаме подеднакви шанси за пласман на Светското првенство во 2025 година", рече селекторот.

Првиот меч е на програмата на 8. мај, додека четири дена подоцна и реваншот, и на првиот дуел Македонија треба да биде гостин.

The post Лазаров за противникот во баражот за СП: Фарски острови се неатрактивен, но многу квалитетен противник appeared first on Република.

Селекторот на македонската ракометна репрезентација, Кире Лазаров, не го криеше задоволство по вечерашната победа над Швајцарија во 3.коло на Европското првенство во Германија.

Лазаров го пофали целиот тим кој успеа да ја прекине серијата без победа на евро-шампионатите која траеше четири години.

- Честитки до сите. Одигравме екстра квалитетен натпревар, со голема борбеност, мотивираност, многу жар. Ја посакувавме повеќе победата. Многу сум задоволен и среќен од презентираното. Ги сведовме на минимум техничките грешки за разлика од претходните два натпревара кога грешевме можеби од преголем респект. Благодарам на сите кои ни дадоа поддршка. Искрено ми е драго за момците и за цела Македонија, истакна македонскиот селектор.

Македонија со оваа победа заврши на третото место во групата и обезбеди место помеѓу носителите во мундијалските квалификации.

The post Лазаров: Одигравме екстра квалитетен ракомет, честитки за моите избраници appeared first on Република.

Репрезентацијата на Македонија претрпе и втор пораз на Европското првенство, овојпат од домаќинот Германија (34-25). Пресметката во „Мерцедес-Бенз Арената“ мина во знакот на фаворитот, нашиот национален тим имаше свои минути, меѓутоа не можеше да му парира на бундес-тимот воден од 15.000 навивачи на трибините во Берлин.

На средбата со новинарите во микс-зоната, своја анализа даде Кирил Лазаров. Предводникот на националнито тим смета дека тимот направил премногу технички грешки и имавме премногу подарени топки, директно во рацете на противникот.

Селекторот ги посочи техничките грешки како главен проблем на денешниот меч поради што и одбраната повторно изгледаше лошо.

„Искрено не можам да бидам задоволен од играта, иако имавме добри моменти. Повторно имавме над 15 технички грешки против Германија. Ние зборуваме дека одбраната е лоша, но повторно имавме лесно продадени топки. Германците се цврсти, силни и домаќини се. Ние се обидовме да бидеме добри и дадовме отпор, но не беше доволно. Лошо го почнавме мечот, а потоа се обидовме да воспоставиме рамнотежа, но тие знаеја да ги искористат нашите грешки и да го решат победникот. Мислам дека во овој момент Германците се класа подобри од нас, а тоа го видовме на теренот. Треба да се работи многу, мислам дека не е реално да посакуваме дека во овој момент ќе ја победиме Франција или Германија“, кажа Лазаров.

Лазаров кажа дека во одредени моменти одбраната била подобра во однос на мечот со Франција.

„Во одредени моменти играта во одбрана беше подобра од Франција, но многу топки загубивме во контри. Мислам дека имавме проблеми во нападот и се обидувавме со игра седум на шест, зашто немаме друго решение во моментов. Понекогаш делува добро, понекогаш не делува, но немавме друг избор“, посочи селекторот.

Македонија последниот меч во групната фаза го игра против Швајцарија, а Лазаров кажа дека ќе дадат сè од себе да ја победат.

„Ќе бидеме конкурентни и ќе дадеме сè од себе за да ги победиме Швајцарците. Имаме еден ден за да се одмориме, па ќе се обидеме да ги исчистиме главите и да го дадеме максимумот на теренот“, кажа Лазаров.

The post Лазаров: Не сум задоволен од играта против Германија! appeared first on Република.

Иако имаше добри моменти, македонската ракометна репрезентација претрпе пораз на првиот натпревар на Европското првенство во Германија. Моќната Франција извојува победа од 39-29, во натпоревар кој на стадионот на Фортуна Дизелдорф го следеа преку 50.000 гледачи.

По рекордниот натпревар на предс-конференцијата својот став го искажа селекторот на македонската репрезентација, Кирил Лазаров.

„Честитки за француската репрезентација, која заслужи да победи попладнево. Можеби денес игравме против најсилната европска селекција. Игравме добро, задоволен сум, но не е доволно да играте добро 40-45 минута. Не сум задоволен од резултатот, бидејќи загубивме со десет разлика. Можеби пореално беше да биде на крајот 6,7,8 разлика. Направивме премногу грешки кога играте против селекција како Франција.

Сега имаме четири дена да го подготвиме натпреварот со Германија и верувам во оваа селекција“, рече Лазаров.

Утре нашите ракометари патуваат за Берлин и првпат ќе тренираат во „Мерцедес Бенц Арена“, каде в недела ќе се соочи со домаќинот Германија.

Извор: Гол.мк

The post Лазаров: Игравме против најсилните, не заслуживме пораз од дури десет разлика appeared first on Република.

Македонската ракометна репрезентација, денеска попладне треба да го има првиот собир во Скопје, со што и официјално ќе ги почне подготовките за настап на Европското првенство (ЕП) во Германија, во јануари в година. Неодамна селекторот Кирил Лазаров го објави списокот на 19-те повикани ракометари на кои смета за ЕП 2024, но има и осум резерви, кои може да се приклучат во секој момент, доколку има потреба за тоа. Боите на репрезентацијата ќе ги бранат тројца интернационалци, голманот на португалски Порто, Никола Митревски, бекот на португалска Бенфика, Филип Талески, и левото крило на чешкиот Талент Плзен, Никола Костески. Другите ракометари се од три домашни клуба, Алкалоид (седум), Еурофарм Пелистер (шест) и Вардар (три).

Црвено-жолтите досега одиграа две подготвителни средби пред ЕП, забележувајќи по едно реми (29-29) и победа (23-22), на двете пријателски средби со Грција во Солун. Предвидени се уште еден меч со Црна Гора во декември и два меча во јануари, со Грција. Македонија на ЕП е во група заедно со домаќинот Германија, потоа со Франција и со Швајцарија. Првите две селекции од осумте групи, како и најдобрите четири меѓу третопласираните репрезентации, ќе обезбедат пласман во следната групна фаза.

Состав: Никола Митревски, Мартин Томовски, Марко Кизиќ, Филип Талески, Филип Кузмановски, Томислав Јагуриновски, Мартин Велковски, Давид Савревски, Иван Џонов, Марко Митев, Игор Ѓоргиев, Никола Маркоски, Жарко Пешевски, Милан Лазаревски, Едвин Омерагиќ, Ненад Костески, Никола Костески, Петар Атанасијевиќ, Цветан Кузманоски.

The post Лазаров денеска прозива: Македонија почнува со подготовки за ЕП 2024 appeared first on Република.

Селекторот на македонската машка сениорска ракометна репрезентација, Кирил Лазаров, денеска го објави списокот со 19 играчи за подготовки за претстојното Европското првенство.

Собирот на репрезентацијата со кој ќе биде означен стартот на подготовките е закажан за идната среда во Скопје.

На списокот на Лазаров се Никола Митревски, Мартин Томовски, Марко Кизиќ, Филип Талески, Филип Кузмановски, Томислав Јагуриноски, Мартин Велковски, Давид Савревски, Иван Џонов, Марио Митев, Игор Ѓоргиев, Никола Маркоски, Жарко Пешевски, Милан Лазаревски, Едвин Омерагиќ, Ненад Костески, Никола Костески, Петар Атанасијевиќ и Цветан Кузмановски.

Европското првенство ќе се одржи од 10 до 28 јануари во Германија, а македонската репрезентација е дел од групата А со домаќинот, Франција и Швајцарија.

The post Кире Лазаров одбра 19 ракометари за подготовките за ЕП appeared first on Република.

Европската ракометна федерација (ЕХФ) ги објави списоци кои ги пријавиле националните федарации за настап на континенталниот собир кој во јануари идната година ќе се одржи во Германија. Меѓу учесниците е и Македонија, која ќе игра во групата А со домаќинот Германија, Франција и Швајцарија.

На пошироките списоци на кои селекторите ќе сметаат за настапот на ЕП се наоѓаат најмногу по 35 играчи, а пред почетокот на шампионатот ќе бидат пријавени по 20 кои ќе бидат во комбинација за мечевите од групната фаза.

Селекторот на македонската ракометна репрезенација Кирил Лазаров пријавил 34 ракометари кои се во игра за ЕП. Триесетипеттиот на списокот е Николас Најденовски, ракометар што е роден 2006 година, има 17 години и шведски пасош, но и македонско потекло. ЕХФ дополнително треба да се произнесе дали и тој ќе може да конкурира за македонската селекција, бидејќи веќе имал настапи за младинските селекции на Шведска.

The post Лазаров ги одбра кандидатите кои се во игра за настап на ЕП-2024 appeared first on Република.

Тренерот на Алкалоид, Кирил Лазаров, причината за синоќешниот пораз од Војводина во 1.коло од Лигата на Европа, ја гледа во многуте промашени шанси за гол.

Македонскиот вицепрвак загуби од Војводина со 31:26, при тоа не реализира пет седмерци и неколку зицери во моменти кога можеше да направи резултатски пресврт.

- Бевме добро подготвени, доаѓавме до шанси, но затаи реализацијата. Промашивме многу зицери, згора на тоа и пет пенали. Ова ни се повторува, не е само на овој натпревар. И во македонското првенство ни се случуваат вакви работи, но квалитетот не е ист. Треба да поработиме на подобрување на реализацијата. За повеќе наши играчи овој натпревар беше „огнено крштевање“ затоа што прв пат играат во Европа, па можам да ги разберам грешките, меѓутоа во македонско првенство не. Сум задоволен затоа што креираме шанси, но реализацијата ни е катастрофална. Не знам дали е психологија во прашање, дали е индивидуален проблем. Од тренерска гледна точка треба да ја доведеш екипата да дојде до зицер. Ние денес тоа го имавме, но ни недостасуваше реализацијата за да бидеме компетитивни со екстра квалитетна екипа каква што е Војводина.

The post Лазаров незадоволен од поразот на Алкалоид appeared first on Република.

Македонскиот ракометен вицешампион Алкалоид утре ќе дебитира на европската сцена. Во првото коло од групната фаза во Лигата на Европа, Алкалоид ќе се соочи со српскиот првак Војводина.

Тренерот на македонскиот претставник, Кирил Лазаров, фаворитската улога ја препушти на гостите, но најави максимална борба во обид да се освојат првите бодови во историскиот прв меч на евро-сцената.

- Натпреварот со Војводина е историски за нашиот клуб. Лигата на Европа е силно натпреварување, рамо до рамо по квалитет со Лигата на шампионите. Се надевам дека достојно ќе се презентираме, ќе пробаме да бидеме компетитивни, да го дадеме нашиот максимум. Групата во која настапуваме не е нималку лесна. Војводина е извонреден тим, дополнително засилени оваа година. Им ја препуштам улогата на фаворит, а ние ќе се обидеме да ги изненадиме доколку бидеме на потребното ниво. Се надевам дека моите играчи ќе одговорат на задачите. Како и да, овие натпревари за нашите млади ракометари се добра можност да стекнат искуство потребно за нивниот понатамошен развој, рече помеѓу другото Лазаров на денешната прес-конференција.

Капитенот Игор Ѓоргиев најави максимално залагање од сите негови соиграчи кои ќе добијат шанса за настап на овој меч.

- Подготвени сме. Ова за нес ќе биде големо искуство. Многу ја посакуваме победата. Покана до сите љубители на ракометот да дојдат и да ни дадат поддршка која многу ќе ни значи, истакна Ѓоргиев.

Покрај Алкалоид и Војводина, во групата се и екипите на Силкеборг од Данска и Ла Риоха од Шпанија.

Натпреварот Алкалоид - Војводина ќе се игра утревечер од 20:45 часот во СЦ „Јане Сандански“ во Скопје.

The post Утре сите навиваме за РК Алкалоид appeared first on Република.