Кандидатот за претседател на турската опозиција Кемал Киличдароглу по поразот на изборите најави дека „борбата продолжува“.

– Не можев да ги бранам вашите права, рече тој во обраќањето од партиското седиште. – Не побегнав од неправеден систем. Не можев да молчам против тоа милиони луѓе да станат граѓани од втор ред во оваа земја. Не можев да дозволам да ги прекршат вашите права, децата да ви одат во кревет гладни. Земјоделците да не можат да произведуваат. Не можев да ги дозволам работи, потенцираше Киличдароглу.

Тој вели дека ќе продолжи да се бори за одбрана на правата на Турција, а потоа особено им се заблагодари на „жените и младите“.

– Тие се вистински херои.Желбата на луѓето да поддржат авторитарен режим излезе на виделина. Тоа ќе продолжи да биде дел од нашата приказна, истакна опозиционерот.

На крајот им се заблагодари на 25-те милиони луѓе кои гласаа за него и порача дека „битката продолжува“.

Извор: МИА

The post Кемал Киличдароглу по поразот на претседателските избори во Турција: Борбата продолжува appeared first on Република.

Подржувачите на турскиот претседател Реџеп Таип Ердоган почнаа да ја слават победата на претседателските избори.

„Да даде Господ, ќе бидам достоен за вашата доверба како што бев во изминатите 21 година. Заедно сме до гроб. Пред изборите реков дека оваа љубов не завршува тука. Бај, бај Кемал“, рече Ердоган.

Тој кажа дека победата „ја отворила вратата за новиот турски век“.

Главната опозиција ќе го смета мојот ривал одговорен за лошиот резултат. Победникот на изборите и на 14 и на 28 мај се сите 85 милиони граѓани. Упатувам благодарност до секој поединец од нашиот народ кој со својот избор уште еднаш ни ја даде одговорноста за раководење со земјата во наредните пет години

Со нешто над 98 проценти обработени гласачки кутии актуелниот Ердоган води пред противкандидатот опозицискиот лидер Кемал Киличдароглу со 52.12 наспроти 47.88 проценти од гласовите.

Според новинската агенција Анадолу за Ердоган гласале 26.891.260 гласачи, додека за Киличдароглу 24.706.361.

На вториот круг од претседателските избори повеќе од 64 милиони граѓани на Турција со право на глас избраа меѓу актуелниот претседател Реџеп Тајип Ердоган и кандидатот на опозициската коалиција Кемал Киличдароглу.

https://www.youtube.com/watch?v=nXZ3KO3Y5qY&embeds_referring_euri=https%3A%2F%2Ftocka.com.mk%2F&source_ve_path=MjM4NTE&feature=emb_title

The post „Бај, бај Кемал“- Ердоган слави победа во вториот круг на претседателските избори appeared first on Република.

Пристигнуваат првите резултати од досега преброените гласови од вториот круг на претседателски избори. Според агенцијата Анка, која објавува резултати од 42 отсто од преброените гласови, му дава предност на Кемал Киличдароглу со 50,87 проценти спрема 49,13 проценти за Реџеп Таип Ердоган.

Анадолија, пак, на истиот број пребројани гласови предност му дава на Ердоган со 57,09 отсто освоени гласови, а 42,91 отсто гласови освоил за Киличдароглу.

Турскиот весник „Хабертурк“ јавува дека актуелниот турски претседател Реџеп Таип Ердоган е во водство пред својот опозициски противкандидат Кемал Килиџдароглу, со освоени 52,7% проценти од досега обработени 89,7 отсто од гласовите. Килиџдароглу, пак, освоил 47,3 проценти од обработените 89,7 отсто од гласовите.

The post Турција: Ердоган во водство со 52,7% наспроти Киличдароглу со 47,3% appeared first on Република.

Соперникот на Реџеп Таип Ердоган на претседателските избори во Турција, Кемал Киличдароглу, во вторникот им се обрати на младите и ги повика да гласаат за него во вториот круг од изборите на 28 мај, со цел долгогодишното владеење на неговиот ривал да не влезе во третата деценија.

Во првиот круг, актуелниот претседател освои 49,5 отсто од гласовите, а Киличдароглу, кандидатот на шестпартиската опозициска алијанса освои 45 отсто од гласовите.

На трето место е изненадувањето на изборите, националистичкиот кандидат Синан Оган со 5,2 отсто, а потоа Мухарем Инџе кој се повлече од трката, но предоцна, па сепак доби 0,43 отсто од гласовите.

Бидејќи ниту еден кандидат не освои над 50 отсто од гласовите, вториот круг од изборите, прв во турската историја, ќе се одржи на 28 мај.

Во меѓувреме, 74-годишниот Киличдароглу се обидува да ја прошири својата база на гласачи за да добие клучна поддршка во вториот круг.

The post Противникот на Ердоган бара поддршка од младите appeared first on Република.

Според резултатите на турската државна новинска агенција Анадолу, во трката за претседател на оваа земја се преброени 89,24 отсто од гласовите, а актуелниот претседател Реџеп Тајип Ердоган падна на помалку од педесет отсто од гласовите.

Ердоган моментално има 49,94 отсто од гласовите, а второпласирана е Кемал Киличдароглу, заедничкиот кандидат на шестпартискиот главен опозициски сојуз со 44,30 отсто од гласовите.

Доколку ситуацијата се промени, Турција ќе оди во вториот круг од претседателските избори, кој ќе се одржи на 28 мај.

Ваквата ситуација во програмата N1 ја коментираше универзитетскиот професор Џозеф Камински, кој рече дека на Ердоган веројатно повеќе ќе му одговара вториот круг.

„Повеќето веруваат дека партијата на Ердоган ќе го задржи мнозинството во парламентот, а Турција историски ја претпочита владејачката партија во парламентот. Америка сака поделена парламентарна политика, но Турција не. Мора да почекаме за вториот круг. Ако водечката партија го задржи мнозинството, тогаш гласачите може да одлучат да гласаат за Ердоган во вториот круг, бидејќи ќе претпочитаат да имаат обединета наместо поделена влада. Мислам дека вториот круг повеќе би бил во корист на Ердоган“, рече соговорникот

The post Ердоган падна под 50 отсто од гласовите според сегашните резултати appeared first on Република.

Кандидатот за претседател на турската опозиција Кемал Киличдароглу бара од поддржувачите да се подготват за долга ноќ, а луѓето кои работат на изборите да останат на своите позиции.

– Вечерва нема да спиеме луѓе мои, напиша тој на Твитер, повикувајќи ги задолжените за гласачките кутии да останат на своите места.

Тој ја предупреди изборната комисија дека „мора да обезбеди внесување податоци од провинциите“

The post Киличдароглу: Вечерва нема спиење appeared first on Република.

Турските медиуми засега објавуваат различни резултати од денешните претседателски избори во Турција, додека интернет страницата на Изборната комисија не се отвора за да се проверат независно.

Според државната новинска агенција Анадолија преброени се 57,88 отсто од гласовите и Ердоган има освоено 51,71, Кемал Киличдароглу 42,45, а Синан Оган 5,32 проценти од гласовите.

Според приватната новинска агенција Анка, за која се смета дека е поблиска до опозицијата, преброени се 46,1 од гласовите, Киличдароглу има освоено 50,93, Ердоган 44,37 и Синан Оган 4,43 проценти од гласовите.

The post Неизвесно во Турција: И Ердоган и Киличдароглу објавуваат дека водат appeared first on Република.

Најголемиот ривал на Ердоган на денешните претседателски избори во Турција Кемал Киличдароглу на Твитер напиша дека води на изборите.

- Ние сме напред, напиша Киличдароглу.

Главната турска опозициска Републиканска народна партија (ЦХП) претходно соопшти дека прелиминарните резултати се позитивни и оти кога процентот на преброените гласови ќе биде е поголем, ќе има добри резултати.

- Според податоците што ги добивме досега, резултатот го гледаме како многу позитивен, изјави Фаик Озтрак, портпарол на ЦХП.

Според агенцијата Анадолија, досега се обработени 51,03 од избирачките места и Ердоган води со 52,03 наспроти Киличдароглу кој има 42,11 отсто од гласовите.

The post Киличдароглу: Ние сме напред appeared first on Република.

Врз основа на прелиминарните и нецелосни резултати по 43,84 отсто од обработените избирачки места, актуелниот турски претседател Реџеп Тајип Ердоган води на претседателските избори во Турција, јави агенцијата Анадолија.

Граѓаните на Турција денеска гласаа на редовните претседателски и парламентарни избори, избирајќи меѓу тројца претседателски кандидати, 24 политички партии и 151 независен кандидат за новиот состав на Големото национално собрание, кое има вкупно 600 пратенички места.

Право на глас на изборите имаа 64,11 милиони луѓе, а излезноста била 88,44 отсто.

Според редоследот на гласачкото ливче во изборната трка за претседател на Турција учествуваат актуелниот претседател Реџеп Таип Ердоган, Кемал Киличдароглу и Синан Оган.

Според прелиминарните резултати, обработени се 43,84 отсто од избирачките места, а Ердоган е во водство со 52,43 отсто освоени гласови.

Следува Кемал Киличдароглу со 41,68 отсто и Синан Оган со 5,35 отсто. Мухарем Инџе, кој пред два дена се повлече од изборната трка, доби 0,54 отсто од гласовите.

Во трката за турскиот парламент обработени се нешто помалку од десет отсто од избирачките места, а во водство е Народната алијанса, предводена од Партијата на правдата и развојот.

The post Прелиминарни резултати од изборите во Турција: Ердоган во водство пред Киличдароглу appeared first on Република.