Тренерот на Реал Мадрид, Карло Анчелоти, ја доби наградата Тренер на годината за време на церемонијата на доделувањето на „Златната топка“ за 2024 година.

Популарниот Дон Карло заедно со другите припасници на мадрискиот клуб ја бојкотираат церемонијата, бидејќи дознале дека Винисиус Жуниор нема да биде добитник на „Златната топка“.

Анчелоти лани освои три титули - Лигата на шампионите, Ла Лига и Кралскиот куп.

Наградата за Тренер на годината во иднина ќе го носи името „Јохан Кројф“ по легендарниот Холанѓанец, еден од најдобрите европски фудбалери на сите времиња, подоцна многу успешен како тренер на Барселона.

За познатиот фудбалер и тренер зборуваа поранешниот бугарски ас Христо Стоичков (добитник на Златната топка во 1994 година додека играше за Барса на Кројф) и Жорди Кројф, поранешен фудбалер и син на Јохан Кројф.

The post Карло Анчелоти прогласен за тренер на годината appeared first on Република.

Дел од раководството на Реал Мадрид се за разрешување на тренерот на тимот Карло Анчелоти.

Порталот „Relevo“ пренесува дека дел од управниот одбор е незадоволен од последните резултати на тимот под водство на Италијанецот и поразот во мечот од 11. коло на шпанскиот шампионат од Барселона (0:4) само ги зајакна во ова мислење.

Се тврди дека Анчелоти се уште ја има поддршката од претседателот на клубот Флорентино Перез, но неговите противници имаат големо влијание врз одлучувањето. Тие веруваат дека тренерот не работи добро со младите играчи на клубот, особено одбивајќи да го пушти 19-годишниот играч од средниот ред Арда Ѓулер на теренот.

Турчинот беше купен во 2023 година за 20 милиони евра, но оттогаш за клубот одигра само 23 натпревари на кои постигна шест гола.

Забележано е дека поддржувачите на оставката на Италијанецот го почитуваат како личност и го ценат неговиот придонес во историјата на клубот, но веруваат дека неговото време во Мадрид поминало.

Анчелоти го води Реал Мадрид од 2021 година, откако двапати ги освои Лигата на шампионите и Суперкупот на УЕФА, а по еднаш Шпанската лига и Купот на кралот. Тој претходно работеше за Кралскиот клуб од 2013 до 2015 година (Лига на шампиони и Куп на Шпанија).

Оваа сезона, тимот предводен од 65-годишниот тренер се наоѓа на 2. место во поредокот во Ла Лига, освојувајќи 24 бода, шест помалку од лидерот Барселона

The post Се ниша ли клупата на Анчелоти по понижувањето од Барса? appeared first on Република.

Тренерот на Реал Мадрид, Карло Анчелоти ги сумираше впечатоците од синоќешниот натпревар во Лигата на шампионите против Борусија Дортмунд.

Реал победи со 5:2, иако по првото полувреме губеше 0:2.

- Тоа беше најдоброто второ полувреме оваа сезона. Направивме поголем притисок врз противникот. Мислам дека бевме многу плашливи во првото полувреме и по паузата почнавме со многу поголем интензитет. Знаев дека имаме многу повеќе енергија. За време на паузата реков да поправами ситни детали. Добивање дуели, додавањата да бидат попрецизни. Главната работа е да ги започнеме натпреварите добро, а не да чекаме да губиме со 0:2. Треба да го подобриме ова, и јас сум апсолутно уверен дека ќе го направиме тоа, изјави Анчелоти за официјалниот сајт на УЕФА.

Головите за гостите ги постигнаа Дониел Мален и Џејми Бајно-Гитенс. За домаќините Винисиус постигна хет-трик, по еден гол дадоа Антонио Рудигер и Лукас Васкез.

Реал Мадрид со шест бода се искачи на 9. место на табелата во Лигата на шампионите. Борусија е на 6. место исто така со шест бодови

The post Каков меч одиграа Реал-Борусија appeared first on Република.

Тренерот на Реал Мадрид, Карло Анчелоти, ја пофали играта на тимот над Штутгарт синоќа во натпреварот од 1. коло од генералната фаза на Лигата на шампионите.

Натпреварот се одигра на стадионот „Сантијаго Бернабеу“ во Мадрид и заврши со резултат 3:1 во корист на „Кралевите“.

Реал Мадрид нема ниту еден пораз од седум меча оваа сезона.

- Поминав 200 натпревари и не се сеќавам на ниту еден лесен. Секогаш е борба на почетокот на сезоната кога не си во најдобра форма. Имавме многу шанси предвреме да го завршиме натпреварот, а потоа повторно најдовме сили да постигнеме гол. Невозможно е да се доминира 90 минути, а Штутгарт одлично ја контролира топката. На почетокот ни беше тешко бидејќи загубивме многу дуели. Беше важно да победиме, а ние победивме и тоа е најважно, изјави Анчелоти за „Marca“.

Избраниците на Анчелоти на 2 октомври ќе играат против Лил во Лигата на шампионите

The post Aнчелоти за мечот против Штутгарт: Беше важно да победиме appeared first on Република.

Чаби Алонсо (Баер Леверкузен) и Карло Анчелоти (Реал Мадрид) се меѓу номинираните за најдобар тренер на годината на магазинот „Франс фудбал“.

Алонсо ги предводеше „аспирините“ до двојна круна (германски куп и титула), додека Анчелоти ги водеше „белите“ до нивниот 15-ти триумф во Лигата на шампионите и првото место во Примера дивизион.

Останатите номинирани се освојувачот на Лигата на Европа во 2024 година, Џанпјеро Гасперини (Аталанта), шампионот на Англија со Манчестер Сити - Пеп Гвардиола, Лионел Скалони кој ја предводеше Аргентина до трофејот на турнирот Копа Америка, како и Луис де ла Фуенте. - Европски шампион со Шпанија.

Победникот ќе биде објавен на церемонијата на доделувањето на „Златната топка“ на 28 октомври

The post Анчелоти или Алонсо, кој треба да биде тренер на годината? appeared first on Република.

Тренерот на Реал Мадрид, Карло Анчелоти очекува наскоро да ја заврши кариерата во клупскиот фудбал. Италијанецот има договор со „белите“ до јуни 2026 година.

-Мислам дека ова ќе биде мојот последен клуб. Ако има можност да водам репрезентација, не знам. Не сум особено возбуден да работам со репрезентација затоа што ќе го изгубам дневниот работен ангажман. Навистина уживам во тоа што го работам. Ова ќе биде мојата 29-та сезона како тренер. Вистина е дека освоив многу, но замислете колку трофеи сум загубил, сподели Анчелоти.

Минатата сезона Италијанецот го предводеше Реал до триумф во Лигата на шампионите, титулата во Ла Лига, Копа дел Реј и шпанскиот Суперкуп. Тој веќе пет пати ја освои Лигата на шампионите, што го прави најуспешниот тренер во историјата на турнирот.

Стручњакот смета дека Винисиус Јуниор е фаворит за освојување на Златната топка оваа сезона. Тој ги пофали и останатите играчи во тимот, како и новите засилувања Килијан Мбапе и Ендрик.

-Изградивме фантастичен тим со фантастични млади таленти. Кога Кристијано Роналдо си замина во 2018 година, од година во година успевавме да привлечеме извонредни млади играчи. Клучот е атмосферата која ветераните како Карвахал успеваат да ја создадат, истакна тренерот на „белите

The post Реал Мадрид ќе биде последниот клуб за големиот Дон Карло appeared first on Република.

Легендарниот италијански тренер, Карло Анчелоти проговори зошто не сака да тренира репрезентација, а се пошегува и за неговото пензионирање, Мбапе и Белингем.

Анчелоти неодамна наполни 65 години, а договорот со Реал Мадрид го продолжи до 2026 година.

Преку видео врска, Анчелоти зборуваше на филмскиот фестивал во Салерно, чија цел е да го доближи светот на филмот до децата.

- Не знам кога ќе се повлечам. Кога ќе ми здосади Реал Мадрид, тогаш треба да размислам што понатаму, рече тој низ смеа.

Некој предложи да го преземе Бразил, можеби Италија во иднина, но…

-Не ми се допаѓа идејата да бидам селектор, претпочитам секојдневна работа на клупско ниво, порача Италијанецот.

Анчелоти се врати во Реал во 2021 година, а претходно раководеше со „кралскиот клуб“ од 2013 до 2015 година, но имаше неуспешни епизоди како оние во Наполи и Евертон.

- Тоа не беа неуспеси, тоа беа искуства, дециден е тој.

Анчелоти го следел ЕУРО и двајцата негови играчи - Џуд Белингем и Килијан Мбапе.

-Шпанија го заслужи трофејот, тие се најталентирани. Беше ЕУРО со слаб интензитет, бидејќи најдобрите играчи беа уморни уште на стартот. Белингем е генетски шампион – може да се подобри со секој изминат тренинг, но потребна е генетика за да се биде шампион, изјави тој.

На крајот, како Мбапе ќе се вклопи во Реал Мадрид? „Ќе видиме, ќе го ставам некаде“, се пошегува Анчелоти

The post Mбапе е уморен, Анчелоти се мисли каде да го стави appeared first on Република.

Тренерот на европскиот фудбалски шампион, Реал Мадрид, Карло Анчелоти изјави дека неговите зборови во врска со евентуалното неучество на Светското клупско првенство биле погрешно интерпретирани, а истовремено, „Кралскиот клуб“ објави соопштение во кое наведе дека неговото учество на турнирот никогаш не било доведено во прашање.

Откако Меѓународната фудбалска федерација (ФИФА) значително го намали наградниот фонд за клубовите кои ќе учествуваат на Светското клупско првенство, кое треба да се одржи на крајот од следната сезона во САД, Анчелоти во интервју за италијанскиот дневен весник „Ил Џорнале“, објавено по повод неговиот 65 роденден. рече:

ФИФА може да заборави на тоа, клубовите и играчите нема да учествуваат на тој турнир. Еден натпревар на Реал Мадрид вреди 20 милиони, а ФИФА ни ја нуди таа сума за цело натпреварување. Нашиот одговор е негативен. Како и ние, така и другите клубови ќе ја одбијат поканата“.

Сепак, подоцна во текот на денот Анчелоти изјави:

Ништо не може да биде понеточно од тоа што би ја одбил можноста да настапам на турнир кој го сметам за одлична можност да ја продолжам борбата за големи трофеи со Реал Мадрид“.

Во официјалното соопштение Реал Мадрид објави:

Како што е планирано, нашиот клуб со гордост и ентузијазам ќе учествува на ова официјално натпреварување за да ги исполни соништата на милиони наши навивачи ширум светот со нов трофеј“.

Следното Светско клупско првенство за прв пат ќе биде во нов формат со учество на 32 екипи, од кои 12 европски со најдобар коефициент.

The post Анчелоти ја повлече својата изјава, Реал Мадрид сепак, ќе настапи на Светското клупско првенство appeared first on Република.

Мадрид, 15 мај 2024 (МИА) - Тренерот на Реал Мадрид, Карло Анчелоти даде оценка за сезоната која е во завршница.

Реал Мадрид синоќа во натпревар од 37. коло на Шпанското фудбалско првенство го победи Алавес со 5:0.

- Тимот има многу таленти, многу млади луѓе и многу квалитетен тим. Овој клуб може да одбележи ера во иднина со оглед на вредноста на младите играчи кои ги имаме во моментов. Ова беше мојата најдобра сезона како тренер. Тимот се претстави фантастично во Ла Лига, достојно и без никаков сомнеж ја освоивме титулата. Сите чекаа наш пад, но до тоа не дојде. Среќни сме и на седмо небо. Но, треба да продолжиме бидејќи сè уште не сме го одиграле најважниот натпревар, изјави Анчелоти за официјалниот сајт на клубот.

Реал Мадрид ја освои деветтата победа во низа во Ла Лига.

Тимот предводен од Карло Анчелоти, кој одамна ја обезбеди шампионската титула е лидер во поредокот со 93 освоени бодови.

The post Aнчелоти искрен: Oва е моја најдобра сезона appeared first on Република.

Тренерот на Реал Мадрид, Карло Анчелоти одговори на прашање за можниот трансфер на напаѓачот Килијан Мбапе. Напаѓачот на ПСЖ на лето ќе стане слободен играч.

- Ова не е тема што ме интересира во моментов. Имаме уште многу да направиме. Игравме денеска и сега е време да ја прославиме титулата со нашите навивачи. После ова ќе имаме уште многу натпревари. До 1 јуни имаме многу за размислување, изјави Анчелоти за „Real France“.

Французинот најави заминување од ПСЖ во петок на 10 мај. 25-годишниот играч ќе го напушти тимот како слободен играч.

Со голема веројатност, следната дестинација на Мбапе ќе биде Реал Мадрид

The post Анчелоти уште не размислува на Мбапе appeared first on Република.

ренерот на Реал Мадрид, Карло Анчелоти, ја прокоментира одлуката на Чави да продолжи да работи во Барселона.

Претседателот на каталонскиот клуб, Жоан Лапорта, најави дека Чави ќе остане главен тренер на тимот.

На почетокот на годината, 44-годишниот Шпанец ја објави својата намера да ги напушти „блауграните“ по завршувањето на сезоната.

-Тој прави добра работа во Барселона и добро го познава клубот. Мислам дека ја донесе вистинската одлука, изјави Анчелоти, цитиран од „AС“.

Самиот Чави истакна дека одлучил да остане во Барселона бидејќи чувствува целосна доверба од претседателот и играчите на тимот, со кои се уште може да освојува трофеи.

По 32 кола, Каталонците се втори во Примера со 70 бодови, 11 бода зад лидерот Реал Мадрид на Анчелоти

The post Навистина е дон: Анчелоти го поздрави останувањето на Чави на клупата на Барса appeared first on Република.

Карло Анчелоти е првиот тренер кој три пати го исфрли Пеп Гвардиола од Лигата на шампионите.

Реал Мадрид под водство на Италијанецот синоќа го победи Манчестер сити на пенали во четвртфиналето на елитното фудбалско натпреварување.

Претходно Реал предводен од Анчелоти го исфрли Гвардиола од полуфиналето во 2022 година, како и од полуфиналето во 2014 година кога го предводеше Баерн. Во двата случаи, Реал на крајот го освои трофејот.

Сезонава Реал Мадрид во полуфиналето ќе се сретне со Баерн Минхен.

Во другото полуфинале ќе играат Пари Сен-Жермен и Борусија Дортмунд

The post Aнчелоти е лекот за Гвардиола appeared first on Република.

Најтрофејниот тренер во историјата на Лигата на шампиони (ЛШ), Карло Анчелоти, утре по јубилеен 200 пат ќе седи на клупата на натпревар во елитното европско клупско натпревање, кога Реал Мадрид ќе го пречека актуелниот шампион Манчестер сити во првиот четвртфинален натпревар.

Анчелоти е тренер со најмногу трофеи во ЛШ (четири) и најмногу победи (114), а утре ќе дојде и до својот 200 натпревар во елитното натпреварување.

„Тоа е големо достигнување. Се сеќавам на првиот натпревар, беше тоа против Спарта Прага кога бев тренер на Парма. Да се дојде до бројката од 200 натпревари знаDрече 64-годишниот италијански стратег.

Утрешната програма во ЛШ ќе го донесе и првиот четвртфинален дуел меѓу Арсенал и Баерн, додека в среда се првите пресметки меѓу Атлетико Мадрид – Борусија Дортмунд и ПСЖ – Барселона. ег ФОТО: Фејсбук

The post Дон Карло утре по 200 пат ќе води тим во ЛШ appeared first on Република.

Две големи достигнувања на славниот италијански тренер Карло Анчелоти на клупата на Реал Мадрид.

Натпреварот од 29. коло на шпанската Примера во Памплона меѓу Осасуна и Реал Мадрид (2:4) беше јубилејниот 900. за Карло Анчелоти при броењето на натпреварите во најсилните европски лиги.

Анчелоти против Осасуна ја забележа вкупно 541 победа, со 202 нерешени и 156 порази.

Овој 64-годишен италијански тренер прво беше тренер на Парма (68 натпревари) во елитната италијанска Серија А, потоа Јувентус (84), Милан (283), потоа Челси (76) во Англија, ПСЖ (57) во Франција, Баерн (40) во Германија, Наполи (53) повторно во Италија, Евертон (58) во Англија и на крајот Реал Мадрид (180) во шпанската Примера.

Исто така, вечерва стана вториот тренер во историјата на Реал Мадрид со 200 победи во сите натпреварувања (129 во Ла Лига, 43 во Лигата на шампионите, 18 во Купот на Кралот, 4 во шпанскиот Суперкуп, 4 во Светското клупско првенство и 2 во Суперкупот на Европа).

Прв е легендарниот Мигел Муњоз со 357 победи

The post Дон Карло е легенда: Aнчелоти забележа 541 победа appeared first on Република.

Тренерот на Реал Мадрид, Карло Анчелоти уште еднаш застана во одбрана на Винисиус Жуниор кој често се наоѓа во фокусот на вниманието не само поради своите изданија туку и своето однесување на теренот, потези со кои ги иритира противниците и навивачите.

Бразилецот ја покажа својата проблематична страна на средбата со РБ Лајпциг каде можеше лесно да заработи црвен картон во ситуација во која ќе му нанесеше штета на својот тим за што заработи сериозни критики од легендата на „кралевите“, Предраг Мијатовиќ.

Меѓутоа Карло не гледа никаков проблем во напаѓачот, па дури и го прогласи Винисиус за најпрогонуван играч во историјата.

-Погледнав малку наназад, во историјата, во статистиката, и никогаш не сум видел играч кој бил прогонуван како Винисиус. Го шутираат, го исвиркуваат, го навредуваат. И тогаш треба да разговарам со него за неговиот став? Не! Секој треба да го смени својот став во однос на Винисиус.Во мојата лична историја, играч со голем талент никогаш не претрпел работи како Винисиус. Во Валаекас [против Рајо Ваљекано] доби карате удар во глава, а немаше ниту жолт картон. Сега сите бараат црвен картон за туркањето на играчот против Лајпциг, -истакна Анчелоти.

The post Анчелоти: Го шутираат, навредуваат… appeared first on Република.

Шпанското обвинителство побара речиси пет години затвор за тренерот на Реал Мадрид, Карло Анчелоти за затајување данок, пишува „Relevo“.

Италијанецот не платил еден милион евра во периодот од 2014 до 2015 година.  Државните власти побараа 4 години и 9 месеци затвор за 64-годишниот фудбалски стручњак.

Анчелоти првпат го презеде Реал Мадрид во 2013 година и работеше во клубот до мај 2015 година кога поднесе оставка. Во јули 2021 година, Италијанецот се врати во Кралскиот клуб.

Реал по 27 кола во шпанското првенство е на првото место во поредокот со 66 бодови.

The post Дон Карло може да лежи пет години затвор поради затајување данок appeared first on Република.

По синоќешното дерби во Ла Лига на „Местаља“ меѓу Валенсија и Реал Мадрид кое заврши нерешено 2-2, тренерот на Кралскиот клуб Карло Анчелоти го критикуваше главниот судија на натпреварот Хезус Хил Манзано.

Валенсија имаше водство од 2-0, пред Реал да успее да го израмни резултатот, а спорниот момент се случи кога главниот судија отсвири крај на дуелот секунда – две пред напаѓачот на гостинскиот тим Џад Белингем да ја затресе противничката мрежа.

Поради таквата одлука, играчите на Реал жестоко реагираа, а Белингем беше исклучен.

https://republika.mk/sport/fudbal/real-ograben-sudijata-go-prekina-mechot-dodeka-topkata-pagashe-vo-golot/

На конференцијата за новинари по натпреварот Анчелоти ја нарече судиската одлука „преседан“.

„Нема тука многу што да се каже. Ова е преседан. Ова сè уште никогаш не ми се случило во кариерата. Да отсвирите крај на натпреварот во тој момент беше грешка“, рече Анчелоти.

The post Aнчелоти не може да се помири со грабежот appeared first on Република.

Тренерот на Реал Мадрид, Карло Анчелоти може да го продолжи договорот со мадридскиот клуб во зима, пренесува „AS“.

Според шпанскиот спортски весник, на 10 јануари раководството на „Лос Бланкос“ планира да се сретне со италијански фудбалски стручњак за да преговара за продолжување на актуелниот договор, со важност до 30 јуни 2024 година.

Се шпекулира дека Анчелоти исто така е подготвен да ја продолжи соработката со мадридскиот клуб.

Шеесет и четиригодишниот Анчелоти го водеше кралскиот клуб од 2013 - 2015 година и од 2021 година до сега. Под негово водство, мадридскиот тим стана шампион на Шпанија во сезоната 2021/22, а исто така двапати ја освои Лигата на шампионите.

Реал Мадрид води во шпанското првенство во тековната сезона со 45 бода од 18 натпревари

The post Реал Мадрид не сака да се откаже од Анчелоти appeared first on Република.

Тренерот на Реал Мадрид, Карло Анчелоти ја постигна 42-та победа во Лигата на шампионите како тренер на „Кралевите“.

Мадридскиот клуб синоќа го совлада Унион Берлин на гости со 3:2 во 6. коло од групната фаза на Лигата на шампионите. Италијанскиот стручњак постави рекорд на Реал, престигнувајќи го Мигел Муњоз. Во исто време, Анчелоти до рекордот стигна по 56 натпревари на чело на Реал Мадрид, а Муњоз го предводеше тимот 71 пат.

Со 18 бодови Реал Мадрид го освои првото место во групата Ц, Наполи со 10 бодови е на второто место, Брага е трета со 4 бодови, Унион е на дното на табелата со 2 бода.

Во плејофот на ЛШ одат Реал и Наполи, Брага продолжува во Лигата на шампионите.

The post Aнчелоти руши рекорди во ЛШ appeared first on Република.

Тренерот на Реал Мадрид, Карло Анчелоти го смета „кралскиот клуб“ за најголем во светот.

- Работата во семејна средина ви помага да постигнете резултати и да ги откриете вашите најдобри квалитети. Ова е најголемиот клуб во светот со најголема историја. Но, потенцирам дека имаме семејна атмосфера во клубот, изјави Анчелоти на прес-конференција.

Претходно, италијанскиот фудбалски стручњак изјави дека во Ла Лига судиите не ги почитуваат тренерите.

По 13 кола во Ла Лига, Реал освои 32 бода и се наоѓа на 2. место во поредокот.

The post За Анчелоти Реал е најголемиот клуб на светот appeared first on Република.