Вчера, од страна на полициски службеници од ОВР Прилеп е лишен од слобода и задржан во ПС ОН Прилеп Е.Р. (30) од с.Дебреште, командир на ПО Ропотово, поради сомнение за сторено кривично дело „предизвикување општа опасност“ односно поради основи на сомнение дека на 19.08.2023 на свадба кај негови роднини во семејна куќа во с.Дебреште пукал од огнено оружје, соопштува МВР.

ОВР Прилеп презема мерки за расчистување на случајот во координација со ОЈО Прилеп и Одделот за внатрешна контрола, криминалистички истраги и професионални стандарди и по целосно расчистување на случајот, до ОЈО Прилеп ќе биде поднесен соодветен поднесок.

Од страна на Одделот за внатрешна контрола, криминалистички истраги и професионални стандарди ќе биде поведена постапка за утврдување на дисциплинска одговорност и тој ќе биде суспендиран до донесување на решение во дисциплинската постапка.

The post Приведен командирот на Ропотово кој пукаше со калашников од балкон appeared first on Република.

Во населбата Канак во хрватскиот град Сисак се случила престрелка, поради што е воведена вонредна ситуација. Според првичните извештаи на хрватските медиуми, машко лице пукало од калашников.

Медиумите додаваат дека има и мртви.

„Вечерњи лист“ наведува дека на терен има многу полиција, а целата населба е блокирана.

Засега не се знае што се случило со напаѓачот, истакнуваат од весникот. „Вечерњи“ ги пренесува и зборовите на сведоците дека маж пукал на улица и запалил две куќи.

The post Рафали во Хрватска: Човек пукал со калашников, има мртви! appeared first on Република.

Полициски службеници од Одделот за криминалистичка полиција во Секторот за недозволена трговија со дрога, оружје и опасни материи во координација со Единицата за недозволена трговија со дрога и оружје при СВР Скопје го лишија од слобода триесет и две годишниот А.Ј. од скопски Сарај, информира МВР.

При претрес на домот и други простории кај лицето А.Ј., извршени по претходно добиена наредба од Судија на претходна постапка од Основен суд Скопје, пронајдени се и одземени поголемо пакување марихуана и 20 куршуми 7.62 мм за автоматска пушка „калашников“.

По комплетно документирање на случајот против А.Ј. ќе биде поднесена кривична пријава за извршени кривични дела по член 215 и член 396 од Кривичниот законик, соопшти полицијата.

The post Полициска акција во Сарај: Запленета марихуана и муниција за калашников appeared first on Република.