Селекторот Јошко Миленкоски очекува вечерашниот дуел на македонските одбојкари против Црна Гора да биде уште потежок од воведниот на Европското првенство во Скопје, но убеден е дека со мотивација, борба и верба во сопствените квалитети на крајот нема да изостане победата.

– Помина еден од потешките натпревари на ЕП, почетниот, кој секогаш создава поголем притисок дека мора да се добие. Тоа не беше лесно да се издржи, но следи натпреварот со Црна Гора. Не знаеме кој натпревар е потежок. Според мене, Црна Гора можеби како противник е полесен, но како натпревар е потежок затоа што фактички ќе биде одлучувачкиот за нашиот пласман во следниот круг, изјави Миленкоски.

По стартната победа над Данска, избраниците на Миленкоски со триумф над Црна Гора речиси сигурно ќе го обезбедат пласманот во осминафиналето, а селекторот е оптимист.

– Сигурно дека ќе играат растоварено, квалитет поседуваат, но останува на нас овој натпревар повторно да го одиграме со студени глави и да ги поправиме грешките кои ги покажавме на дуелот против Данска. Оптимисти сме, имавме два дена одмор, ќе влеземе свежи и орни за борба, бидејќи само борба, верба во сопствениот квалитет и мотивација е рецептот кој треба да нè води кон еден конечен добар резултат, порача Миленкоски пред вечерашниот дуел од 20 часот во СЦ „Борис Трајковски“ во рамки на 2. коло од групата Ц.

Извор: МИА

The post Миленковски: Мотивирани за борба влегуваме во дуелот против Црна Гора appeared first on Република.

Јошко Миленковски по една и пол деценија повторно ќе биде предводник на македонските одбојкарски репрезентативци.

По 15 години Јошко Миленковски е повторно селектор на македонската машка сениорска репрезентација. Старо-новиот предводник на националниот тим, ќе ја предводи репрезентацијата во Европската лига што ќе се одржува во Скопје од 30 Август, објави Одбојкарската федерација на Македонија.

Миленковски е актуелен тренер на ПАОК од Солун, клуб со кој го освои Купот на Грција.

The post По 15 години Миленковски повторно селектор на македонската одбојкарска репрезентација appeared first on Република.

Македонскиот одбојкарски тренер, Јошко Миленкоски е нов селектор на репрезентацијата на Црна Гора. Управниот одбор на одбојкарската федерација на Црна Гора на денешната седница едногласно го избра македонскиот стратег за селекторската функција.

Миленкоски е поранешен тренер на Будванска ривијера, а сега е на клупата на Фоникс Сирос во Грција. Пред само еден месец, македонскиот стратег го предводеше Фоникс Сирос до освојување на Супер купот во Грција.

Јошко има богата тренерска кариера. Беше селектор на Македонија од 1997 до 2008 година, а ја има предводено и турската репрезентација во 2017 година.

The post Јошко Миленкоски е назначен за селектор на селекцијата на Црна Гора appeared first on Република.