Од одредени политички субјекти сум прозван дека сум основал Факултет за здравствени науки при Меѓународниот универзитет во Струга. Некои пак споменуваат Факултет за медицински науки, а тоа се два различни поими. Нема да навлегувам во причините за ваквите објави, дали се тенденциозни или од незнаење, но оваа информација категорично ја демантирам, вели во писменото соопштение министерот за образование и наука Јетон Шаќири.

Би сакал да појаснам дека министер не може да основа високообразовна установа. Тоа е цела постапка во која се инволвирани повеќе надлежни институции и органи, а меѓу нив и Министерството за образование и наука кое во суштина, има најмалку надлежности.

Основањето на една високообразовна установа, во случајов факултет во состав на веќе постоечки универзитет започнува со иницијатива на самиот универзитет, која најпрво треба да добие позитивно мислење, односно согласност од Владата. Потоа, Одборот за акредитација при Агенцијата за квалитет на високото образование го акредитира проектот доставен од универзитетот. Понатаму, следи носење на акти за основање и работа на факултетот од страна на матична комисија при универзитетот и дури потоа, по завршување на овие фази, врз основа на мислење на комисија за увид во исполнетост на условите за работа, во рамки на МОН, министерот за образование и наука носи одлука за исполнетост на условите и дозвола за почеток со работа. Во меѓувреме, Одборот за акредитација спроведува постапка за акредитирање на студиските програми, до чие завршување факултетот не може да запишува студенти. Оваа постапка е во тек.

Инаку, како и за повеќе други факултети, така и за овој – Факултет за здравствени науки каде ќе има тригодишни студиски програми за медицински сестри, а не студии за доктори, по доставениот извештај од страна на комисијата во МОН, потпишав Решение за исполнетост на условите за почеток со работа на високообразовната установа. Ништо противзаконски и ништо самоволно, вели Шаќири.

https://republika.mk/vesti/makedonija/vlen-univerzitetot-na-ramiz-merko-koj-e-na-amerikanskata-tsrna-lista-dobi-akreditatsija-za-meditsinski-fakultet/

https://republika.mk/vesti/makedonija/janevska-najavi-revizija-na-univerzitetite-visokite-shkoli-i-studiskite-programi-za-meditsina/

The post Јетон Шаќири: Потпишав решение за исполнетост на условите на Факултет за здравствени науки каде ќе има тригодишни студиски програми за медицински сестри, а не студии за доктори appeared first on Република.

Проф. д-р Весна Јаневска го прашува министерот за образование Јетон Шаќири зошто сè уште не е исплатена финансиската помош на учениците за февруари и март.

Не се исплатени ни стипендиите на децата на бранителите! Децата на бранителите! ЗОШТО? ЗОШТО?, прашува Јаневска преку статус на „Фејсбук“.

The post Зошто сè уште не е исплатена финансиската помош на учениците за февруари и март, Јаневска го прашува министерот Шаќири appeared first on Република.

Министре Шаќири,
Дали на Вас нешто Ви значат броевите 155, 170 или 180, прашува Проф. д-р. Весна Јаневска.
Министре Шаќири, тоа не се само троцифрени броеви, тоа се бројот на наставни денови кои согласно закон/календар треба да ги реализираат основните и средните училишта во текот на оваа учебна година.
Дали учениците оваа година ќе имаат толку наставни денови или ќе ги „пуштите низ вода“ годинава? Претпоставувам знаете дека со деновите на избори училиштата ќе изгубат 4 наставни дена. Веројатно не Ви кажале, а вам не Ви ни паднало на памет, затоа што изборите и изборната кампања (уште не почната) Ви се поважни од обврските, а наместо Вас овластени лица потпишуваат во МОН.
Значи, состојбата Министре е ваква:
Два дена се губат на денот на изборите, но и два дена ден пред изборите, затоа што нели треба да се подели избирачкиот материјал по избирачките одбори во училиштата и училиштето да се затвори, затоа што полицијата ги обезбедува овие објекти за другиот ден да има избори.
Ве потсетувам дека за зосновните училишта се предвидени 180 наставни дена.
Во јавните средни училишта во завршната година на образованието се остваруваат најмалку 155 наставни денови, а за сите останати години на образование се остваруваат најмалку 170 наставни денови.
Министре Шаќири да Ви беше вам до образованието ќе има дадевте насоки на училиштата, кои маки мачат како да ги реализираат законски предвидените наставни денови, ама Вие комплетно ги заборавивте. А одговорноста?
Уште малку, само уште малку.
Македонија пак ќе биде наша, заедничка со луѓе кои знаат, можат и сакаат да работат, пишува Јаневска на Фејсбук.

The post Министре Шаќири, дали годинава ќе ги „пуштите низ вода“ учениците, прашува Јаневска appeared first on Република.

Образованието има клучна улога во градењето на младите како личности кои покрај знаењата и вештините имаат и вредносни норми за нивна примена. Затоа, Министерството за образование и наука делува во насока на градење ненасилни личности, истовремено овозможувајќи младите да стекнат знаења да ги препознаваат и да се справат со опасностите што се кријат зад секој клик. Ова го нагласи министерот за образование и наука Јетон Шаќири на презентацијата на Водичот за препознавање и спречување на сајбер-насилство и стекнување на вештини за примена на мерки за сајбер безбедност, во рамки на проектот подржан од Амбасадата на Канада за Србија, Црна Гора и Македонија.

Министерството за образование и наука делува во рамките на Националната стратегија и Акцискиот план за сајбер безбедност, со цел да се зголемат свеста и познавањата од областа на сајбер безбедноста, на сите нивоа на образование и кај сите чинители во образованието.

Со реформата на воспитно-образовниот систем, преку наставните програми го промовираме ненасилното решавање на конфликтите но и превентивата и мерките за справување со насилство, вклучително и сајбер насилството. Во Програмата за обуки за стручно усовршување на наставниците, што е документ што на годишно ниво го носи министерот за образование и наука, посебен модул е: создавањето безбедна и стимулативна средина за учење - Справување со врсничкото насилство и сајбер-насилството. Зајакнување на професионалните компетенции преку обуки минуваат и стручните соработници, како важна алка во воспитно – образовниот процес каде учениците првично се обраќаат да ги надминат предизвиците“, рече Шаќири.

Обуките за сајбер безбедност за учениците, наставниот кадар и за родителите се дел од редовните активности на МОН со меѓународни партнерски организации, додека со Министерството за информатичко општество се организираат работилници за подобрување на дигиталните вештини не само на децата и младите луѓе, туку и на родителите и наставниците.

Заблагодарувајќи се на пријателска Канада за безрезервната помош во јакнењето на капацитетите на младите луѓе и наставниците за да бидат победници во судирот со сајбер-насилството, министерот Шаќири наведе дека градењето свет во кој сајбер насилството не е прифатливо е можно само со заедничка работа на чинителите во воспитно-образовниот процес но и сите засегнати во општеството и меѓународната заедница.

Промовираниот Водич е базиран на истражување врз примерок од 500 ученици, со цел да се идентификуваат знаењата на студентите за сајбер нападите и сајбер криминалот, како и тоа колку младите знаат и ги применуваат методите за заштита во сајбер просторот што го користат.

The post Шаќири: Реформираното образование промовира ненасилство, но и ги учи младите за опасностите од злоупотребите на дигиталната технологија appeared first on Република.

Врсничкото насилство не е одговорност само на Министерството за образование и наука, туку сите институции треба да се вклучат во превенција на оваа појава, изјави министерот Јетон Шаќири и апелираше до сите институции да се посветат на овој проблем согласно нивните надлежности и до родителите да соработуваат за да има што помалку случаи на булинг.

Откако го отворивме мејлот, многу случаи од таква проблематика се решени со добра комуникација помеѓу родителите, директорите, претставниците на институциите. Во одредени ситуации не е одговорност само на Министерството за образование и наука, без разлика на моментите кога се случува, туку сите институции треба да се вклучиме во оваа проблематика“, изјави Шаќири откако денеска заедно со техничкиот премиер Талат Џафери го посети новоизградениот Студентски дом во Тетово.

Тој порача Бирото за образование и наука да продолжи со обуки на наставниците на таа тема, општините, како што рече, да бидат повнимателни во менаџирањето на училиштата, а стручните служби во училиштата повнимателно и попосветено да работат на оваа проблематика.

Но јас ги повикувам и родителите на добра соработка за да имаме што помалку такви случаи. Затоа што сите се во контакт со учениците, почнувајќи од училиштата, но исто така и родителите. Секогаш да пријавуваат тоа што треба да се пријави во училиште, а исто така и во другите институции“, додаде министерот за образование и наука.

Министерството минатата учебна година отвори службена е-адреса за пријавување врсничко насилство: [email protected] и [email protected] на албански јазик.

Како што МОН соопшти тогаш, со отворањето на електронската адреса, се воспоставува брз, доверлив и безбеден начин, преку кој учениците, родителите и граѓаните можат да пријават инциденти.

МОН тогаш нагласи дека ваквиот начин на комуникација е „дел од системот за идентификување и запирање на непосакуваните однесувања“ и дека „секоја пријава ќе се истражи и ќе се преземат соодветни мерки“.

The post Шаќири: За врсничкото насилство треба да се вклучат сите институции и родителите appeared first on Република.

Министерството за образование и наука, како и многу други институции си ги следи неразумните, девастирачки насоки на Владата, вели професорката Весна Јаневска, потсетувајќи дека и во МОН се вработуваат луѓе, а и набрзина се унапредуваат, се разбира по партиска и роднинска линија.

Сопругите и сопрузите, не се роднини, ама и тие не се исклучени.
Веројатно е потребно МОН да се пренатрупа со лојани луѓе на партиите, кои и поткупот во вид на помош на учениците нема да можат да го реализираат. Поентата е дека огромен број од учениците, за кои училиштата беа претворени во социјални служби, не ја добиваат помошта веќе трет месец.
Што ќе работат нововработените и дали само ќе “клатат врата и примаат плата“ никој не води сметка, битно е пред избори само да се вдомат што повеќе по критериум партија и непотизам, предупредува таа.

The post Јаневска: Никој не води сметка што ќе работат предизборно вработените по партиска и роднинска линија appeared first on Република.

Министерот за образование и наука изјави дека обезбедиле рекорден буџет за образование со што се обезбедува континуитет на започнатите промени во образованието.
Не гледам причина поради која Министерот треба да се пофали. Обезбедил рекорден буџет при 3,7% (поточно 3,4 %) одвоени од БДП, што е далеку под ЕУ процентот одвојуван за образование.
Се посветиле еднакво на сите аспекти од образованието со широка поддршка на бројни чинители, а јас велам без резултат. ПИСА рангирањето поразително, втори од позади во регионот.
Ги имало сите учебници од прво до шесто одделение, ама да потсетам, нема Историја и општество, а нема ни учебници по странски јазици.
Реконструирале 80 -тина училишта, но да потсетам дека реконструирани делови се руинирани, според нив подари “лошо одржување“, а не поради лоша изведба и лош надзор.
Платите на наставниците се зголемиле, ама сепак се под нивото на потрошувачката кошничка.
Обезбедиле професионален развој на наставниците, ама генерално за оние кои им беа на список (ве потсетувам на списоци со графа наш, не е наш). Има по некој исклучок, морам да признаам во корист на вистината.
Обезбедиле нови категории на стипендии кои студентите и учениците со месеци не ги добиваат, а има и случаи кога студенти што исполнуваат услови не добиваат стипендии.
Мерките во вид на предизборен поткуп, кои направија хаос по училиштата и ќе траат само до избори, Министерот не ги спомнува, но родителите веќе знаат што е играта.
Почитувани, оваа Влада нема капацитет, но нема ниту волја да го подобри образованието.
Не чека тешка и макотрпна работа, но оваа состојба ќе се промени, затоа што образованието е важно, стои во Фејсбук статусот на Др.Весна Јаневска.

The post Катастрофа на сите страни, а министерот за образование се фали со рекорден буџет за образование appeared first on Република.

Во 40 основни и средни училишта во неколку општини во државава од второто полугодие на учебната година ќе се применува електронскиот дневник (Е-дневник) како пилот проект додека не се отстранат евентуални слабости за да биде применлив во сите училишта, најави ресорниот министер Јетон Шаќири.

Пред неколку години целосно беше повлечена хартиената форма на дневникот и воведен Е-дневник, но се појавија проблеми во функционирањето - пад на системот поради што податоците требаше да се воведуваат постепено и во периоди.

По реакции на наставниците, повторно беше воведен хартиениот дневник, а воедно почна и ИПА-проект за креирање нов електронски дневник.

Новиот Е-дневник ќе биде поажуриран, полесно достапен и пристапен. Во претходните три месеци имаше презентација на електронскиот дневник до сите наставници во основно и средно образование и од тие наставници произлезе дека новиот Е-дневник е поподготвен од претходниот Е-дневник, изјави Шаќири.

Додаде дека МОН обезбедило база на податоци подобра од претходната база на стариот дневник. Како што рече, за да почне да се реализира, одлучиле постепено да се воведува во неколку пилот-училишта од второто полугодие.

Затоа што не сакаме веднаш, со префрлувања на сите податоци во новиот Е-дневник да создадеме систем кој ќе биде проблематичен во функционирањето. Мислам дека со тие 40 училишта каде што ќе го воведеме како пилот проект ќе знаеме каква е разликата и што треба да се работи понатаму. Е-дневникот треба што повеќе да се поврзува со другите системи кои даваат резултати, како системот за запишување во основно и средно, за стипендии итн., истакна Шаќири.

Кога ќе биде применлив во сите училишта, рече, зависи од економскиот оператор што ги прави последните тестирања на новиот Е-дневник.

The post Учебници нема, а Шаќири почнува Е-дневник – нов пилот-проект во 40 училишта од второто полугодие appeared first on Република.

Министре Шаќири, Вие и Вашиот колега од Министерството за финансии би требало сериозно да си ја сфатите функцијата и да не ја доведувате во заблуда јавноста дека ќе го решите проблемот на почетокот на следната година. Во Вашата изјава за ТВ24 се повикувате на: непостоечка уредба со која би добиле додаток на плата - не бараме додатоци, туку бараме достоинствена плата како што ја имате и Вие и општ колективен договор кој би важел од јули 2025 година, му одговорија од Синдикатот на Државниот испитен центар (ДИЦ) на министерот за образование.

Од јануари директорката на Државен испитен центар (ДИЦ) ќе има простор да ги зголеми платите за 30 отсто, изјави денеска министерот Шаќири кој гостуваше на ТВ 24.

Синдикатот на ДИЦ од 11 декември го продолжи штрајкот кој го почна во мај, бидејќи не беа задоволни од одговорот од Министерството за финансии за зголемување на платите на вратените во оваа институција. Со штрајкот е загрозено е полагањето на државаната матурата. Тие бараат изедначување на нивните плати со платите на наставник ментор.

Објаснете ѝ на јавноста за какво решение зборувате кога се повикувате во моментов на непостоечки документи?

Министре, сериозен политичар борбата на вработените за достоинствена плата за егзистенција не смее да си дозволи да ја исмева нарекувајќи ја желба за популарност.

Ве повикуваме и вас и вашите колеги кои изјавувате дека имате системски или какви било решенија да го решите проблемот сега и веднаш. По 7 месеци секое одложување е смешно.

На крајот бидете и Вие општествено одговорни па откажете се од Вашата плата во интерес на образовниот процес и вработените на ДИЦ, затоа што нашите барања за покачување за сите вработени во ДИЦ се околу една министерска плата!, велат од Синдикатот на ДИЦ.

https://republika.mk/vesti/makedonija/zagrozeno-e-polaganeto-na-maturata-sindikatot-na-dits-go-prodolzhi-shtrajkot-bidejki-ne-dobile-zadovolitelen-odgovor-od-ministerstvoto-za-finansii-za-zgolemuvane-na-platite/

The post Министре се повикувате на непостоечка уредба и општ колективен договор кој би важел од јули 2025, му одговоија од синдикатот на ДИЦ на Шаќири appeared first on Република.

Резултататите од истражувањето на меѓународната студија ПИСА за 2022 година се поради старата реформа која треба да се промени, смета министерот за образование и наука Јетон Шаќири.

Шаќири во вечерашното гостување на Сител телевизија рече дека не е задоволен од резултатите и дека за нивно подобрување потребни се новата реформа како и мотивиран наставен кадар.

Новата реформа која започнува е заради тие резултати. Како министер не го давам оправдувањето што го даваат различни европски земји дека сме во постковид период, дека децата се неподготвени поради онлајн наставата, според мене старата реформа која ја имавме требаше конечно да се промени затоа што еве какви резулти имавме и во 2018 и 2022 година, посочи министерот.

Истакна дека наставниот кадар е клучен во креирањето на подобри резултати.

Наставниот кадар е еден од поважните елементи во креирање на резултатите, затоа во овој период кога имаме повисоки плати на наставниот кадар имаме лаборатории во кабинетите по природни и општествени науки, затоа убеден сум дека во наредниот период со повеќе мотивирани наставници, поголема вклученост и внимателност ќе имаме подобри резултати, подвлече Шаќири.

Во однос на најавената пријава од Комисијата за заштита од дискриминација поради немање книги рече дека се уште не добиле пријава и дека се работи активно на изработување на сите учебници.

-Имаме рекордна бројка од милион и шестотини илјади учебници, оваа година повикот за седмо одделение веќе е започнат во десети месец и трае, програмите се доставени до Министерството, рече Шаќири.

Министерот исто така информира дека ќе го искористи правото секој да учи на мајчиниот јазик во училиштата, истакнувајќи дека во Општина Чашка додека се работи на трајно решение не треба да има прекин во наставата.

The post Со новата реформа ќе сме биле подобри: Шаќири не е задоволен од ПИСА резултатите appeared first on Република.

Нема договор за албанската паралелка во ОУ „Тодор Јанев“ во Чашка. Министерот за образование Јетон Шаќири не попушта, учениците ја бојкотираат наставата, а родителите протестираат.

Секојдневните протести на родителите станаа тензични.Тие и натаму бараат оставка од директорката Елена Николова, која денеска морала да побара полициска заштита за да дојде на работното место.

-Ние ги пренесовме заклучоците од состанокот и револтот е токму поради тоа зголемен. Единствено што во моментов е официјално барање од нас е директорката да биде сменета. Во тој случај наставата ќе тече нормално и ќе продолжиме да комуницираме со министерот и со остатите за да се најде решение, изјави за ТВ Алфа, Цвета Пешовска, родител.

Училиштето, според статутот е само за настава на македонски јазик и во населено место со Македонци и отворањето на ваква паралелка, според родителите, е насилно и незаконски.

The post Тензично во Чашка: Шаќири не попушта за паралелка на албански, учениците бојкотираат, полицијата едвај ја спаси директорката appeared first on Република.

Министерот за образование и наука Јетон Шаќири бара авторите на учебниците да се повнимателни со цел да нема повеќе грешки како во учебникот по предметот Математика за шесто одделение.

Побарав да се достават официјални забелешки од страна на универзитетските професори кои се вклучени во изработката на учебникот со наведени причини зошто е направена таа грешка. Знаете дека во сите учебниците по математика, и ние кога сме учеле, имало грешки, но верувам дека и таа техничка грешка соодветно ќе се реши - изјави Шаќири, кој денеска присуствуваше на официјалното затворање на Твининг проектот „Понатамошна поддршка за имплементирање на Националната рамка на квалификации“.

Тој појасни дека се работи за техничка грешка направена од авторите, и покрај тоа што од двете страни на задачата дадени се неколку решенија.

На новинарско прашање во врска со проблемот со странските учебници кој трае веќе подолго време, министерот одговори дека во претходниот период се отвори дискусија во однос со начинот на пријавување на странските издавачи, како и за издавачкото право што го имаат, на повикот организиран од Министерството за образование и наука, на кој по измените, односно на вториот повик, пристап имаа сите странски издавачи.

Побарав и од Завод за ревизија стручно мислење во однос на тоа толкување во Законот за учебници и во другите закони каде што треба да го има толкувањето во однос на странските учебници. Го очекувам одговорот и за наредните чекори сакам внимателно, ако извештајот кажува дека ќе треба да се дефинира, јас ви гарантирам дека после шест години ќе имаме добро дефинирање на законот и очекувам политичките партии тука да не прават проблем и ова да се реши во најбрз можен рок според препораките што ги имаме - рече Шаќири

The post Шаќири учтиво бара авторите на учебниците да бидат повнимателни, за да нема грешки appeared first on Република.

Министерот за образование и наука Јетон Шаќири се потпиша во книгата на жалост во училиштето „Јохан Хајнрих Песталоци“.

Мило дете, Сакајќи да те повредат, ти дадоа крилја. Ти стана ангел – симбол на борбата против човечкото зло, која сигурно уште долго ќе трае, но сплотени сме и ќе победиме. Мораме. За тебе, за твојата мајка, сестричка, другарки и другари, за сите генерации што доаѓаат…
Царство небесно Вања и вечна ти слава!, напиша Шаќири.

The post Шаќири: Мило дете, сакајќи да те повредат, ти дадоа крилја – стана ангел, симбол на борбата против човечкото зло! appeared first on Република.

Министерот за образование и наука Јетон Шаќири попладнево се сретна со Советот на родители на ООУ „Тодор Јанев“, жителите на Чашка и градоначалникот Горан Стојановски со кои разговараше за изнаоѓање на решение за новоформираната паралелка на албански јазик.

Жителите на Чашка втора недела протестираат барајќи овие ученици да се вратат во паралелката со македонски јазик. Паралелката со шест првачиња на албански наставен јазик профункционира од минатиот четврток. Останатите 59 ученици од второ до деветто одделение од албанска националност понатаму учат во одделенијата заедно со своите другари Македонци.

По средбата, министерот Шаќири не даде изјава, но од Советот на родителите изјавија дека добиле ветување дека Министерството за образование и наука ќе и ги врати ингеренциите на општината, одземени пред неколку месеци.

Додека траеше средбата, пред општинската зграда протестираа родители и жители на Чашка.

Добивме ветување од министерот дека тоа ќе биде правно разгледано и во најбрз можен рок ингеренциите ќе му бидат вратени на градоначалникот. Временски не знаеме кога тоа ќе се случи. Понеделник ќе имаат состанок по тоа прашање. Бојкотот на наставата продолжува и понатаму со тоа што родителите секое утро ќе протестираат пред училиштето, а децата ќе бидат дома, изјави Цвета Пешовска од Одборот на родители.

Во врска со, како што велат, незаконското работење на в.д директорката на училиштето Елена Николова, од министерот Шаќири добиле ветување дека и тоа прашање ќе биде разгледано.

Од петокот кон протестот се приклучија и наставниците.

Во ООУ „Тодор Јанев“ во учебната 2023/24 година учат 210 ученици, а со 104-те ученици од подрачното училиште во село Мелница, вкупниот број на ученици изнесува 314. Во населба Чашка настава следат 65 ученици од албанската етничка заедница. Тие со организиран превоз доаѓаат од населени места Бањица, Отиштино, Горна Чашка, Еловец, Голозинци, Бусилци, Крива Круша и Ново Село.

The post Шаќири на средба со родителите од ООУ „Тодор Јанев“ од Чашка appeared first on Република.

И сега?
Ништо. Учебници нема.

На овој начин, професорката Весна Јаневска, ја коментира изјавата на министерот за образование, Јетон Шаќири, дека се доставени ракописи за учебниците по историја за петто и шесто одделение.

The post Проф. Јаневска: И сега? Ништо. Учебници нема appeared first on Република.

Министерството за образование и наука распредели над 240 милиони денари со кои ја поддржа работата на научно – истражувачките работници и го стимулира развојот на науката. Со овие средства се модернизираа условите во повеќе лаборатории на високообразовните и научните установи, се акредитираа нови методи за работа, а воедно и се финансираа 7 проекти од посебен јавен интерес на седумте јавни научни установи во државата.

Ова го истакна министерот за образование и наука Јетон Шаќири при денешната посета на Градежниот факултет во состав на Универзитетот „Св. Кирил и Методиј“ во Скопје, со која ја започна посетата на високообразовните и научните установи кои во изминатите две години добија средства за модернизација на лабораториските ресурси, односно за обезбедување на современа опрема во рамки на лабораториите каде спроведуваат истражувања, научни проекти и реализираат практична обука за студентите.

Идејата е да ја увидам искористеноста на набавените нови ресурси, користа која тие ја обезбедуваат и секако, да продискутираме со раководствата и кадарот на високообразовните и научните установи околу сето тоа што е нивна тековна потреба, предизвик и заеднички да го дефинираме правецот на делување во иднина, од аспект на обезбедување на вистинската поддршка и помош, рече Шаќири.

Министерот информираше дека Градежниот факултет добил околу 5 милиони денари од министерството, со кои се обновија две лаборатории, каде дел од магистрантите и докторандите ги имаат сработено и одбрането своите тези, а воедно лабораториите се користат и при изградбата на коридорите 8 и 10 Д.

„Согласно информациите кои ми беа презентирани, во овие лаборатории веќе се спроведени некои позначајни анализи и истражувања, па дури и се користат при изгадбата на двата коридори како крупни проекти од национален интерес, и тоа особено ме радува, затоа што, потврдува дека идејата која МОН ја реализираше, за прв пат, после 10тина години, а во насока на стимулација на науката и научно – истражувачката апликативна дејност, е вистински чекор и дава ефект“, рече Шаќири, додавајќи дека како министер за образование и наука ќе се заложува ваквиот тип на поддршка да продолжи и во иднина и тоа со постојан раст на наменските буџетски средства.

„Науката и знаењето на граѓаните се нашите основни ресурси со кои можеме да му конкурираме на развиениот свет и не ни преостанува ништо друго, освен токму таму и да се фокусираме и да вложуваме“, нагласи министерот.

За време на посетата, Шаќири информираше дека пред неколку дена креирана е драфт верзија на Стратегијата за паметна специјализација на Македонија.

Станува збор за стратешки документ кој дефинира за што државата има најголем потенцијал, односно што може најдобро да прави и да понуди на глобалниот свет и токму во тоа да се вложува. Документот е објавен на нашата веб страна и нека биде ова една покана до експертската јавност, академската и научната фела, да го разгледаат и да дадат свој придонес во креирањето на конечната верзија на стратегијата, која ќе биде водилка на државата во идниот период“, рече министерот за образование и наука.

The post Шаќири: Со 240 милиони денари МОН поддржа седум научно-истражувачки проекти од јавен интерес appeared first on Република.

Министерот за образование и наука, Јетон Шаќири денеска изјави дека ракописите за учебниците по историја за петто и шесто одделение се веќе доставени до Министерството.

Според информациите што ги добивам од Педагошката служба, учебниците, односно ракописите се добри и квалитетни и очекуваме рецензии, истакна Шаќири и ги повика професорите кои имаат забелешки за учебниците по историја, општество или за спојувањето на предметите да се вклучат во изработката на рецензијата на тие учебници.

Министерот, за време на денешната посета на Градежниот факултет при Универзитетот „Св. Кирил и Методиј“, нагласи дека по добивањето на рецензиите се надева дека во рок од 30 дена ќе заврши целата постапка и изработените учебници ќе бидат кај учениците.

Ме радува и фактот дека кога дискутираме за одредени учебници, професорите кои имаат забелешки имаа подготвителни материјали кои веќе се објавени. Тие што имаат дискусија за програмата на тие предмети нека прават споредба на подготвителните материјали за темите кои се учат во тој предмет, за да се вклучат во процесот, а исто така учениците моментално имаат подготвителни материјали кои се подготвени од страната на Бирото за развој и се според учебната програма, истакна тој.

На новинарското прашање кои се причините што не се пријавуваат рецензии министерот одговори дека едната причина се забелешките за содржинскиот ден на избраниот учебник за петто одделение, како и забелешката за спојувањето на двата предмети, историја и општество, во еден.

Сега имаме ракопис за тој учебник и мислам дека од една фаза не треба да има причина заради тоа што претходно имаше пријавени рецензии и сега треба истото да биде, истакна министерот и ги повика професорите да се вклучат како рецензенти и јавно да ги кажат забелешките на тие теми.

На прашање во врска со ситуацијата на учениците од шесто одделение од основното училиште „Његош“ во Јурумлери, министерот истакна дека родителите на децата кои учат на албански јазик во комуникација со Министерството донесоа одлука да се запишат во друго училиште за да продолжи нивната настава, но нагласи и дека МОН вети дека ќе продолжи дискусијата со училиштето за решавање на проблемот.

Кога имаме забелешки од Просветен инспектораи и од другите институции, ние како институција излегуваме на терен. Ги повикувам родителите кои сега бојкотираат да бидат вклучени во процесот на сите извештаи што ќе бидат доставени до МОН од сите други органи што ќе ја проверуваат работата. Не треба децата да страдаат ниту од едната ниту од другата страна, нагласи Шаќири и додаде дека не гледа проблем во тоа децата од шесто одделение од второто полугодие да не продолжат со настава во истото училиште.

The post Не се пријавуваат рецензенти за избраниот учебник за петто одделение по историја бидејќи не се согласуваат со содржината, вели Шаќири appeared first on Република.

Со стручна расправа во организација на Националниот совет за високо образование и научно – истражувачка дејност, на која присуствуваа претставници на владини институции, професори и експерти од областа на високото образование и науката, започна процесот на креирање четири стратешки документи со кои државата ќе го унапредува квалитетот на академското образование кое им се нуди на граѓаните и ќе обезбедува повеќе можности за научните работници.

Станува збор за нова национална програма и уредба за финансирање на високо образование, како и национална програма и уредба за финансирање на научно-истражувачка дејност, кои треба да бидат изработени до 2025 година.

„Пред нас е голем предизвик. Сите ние се согласивме дека ќе работиме на креирањето на овие документи, односно политики. Сега потребна е проактивност на дело и очекувам придонес од секој поединец и од секоја институција која ќе биде дел од процесот на исполнување на обврските и целите кои се поврзани со европските перспективи на земјата. Ние најдобро знаеме што е жаргонски речено „аномалијата“ што треба да ја отстраниме и како тоа да го направиме. Но, велам да ги искористиме и заклучоците од меѓународната конференција која ја организиравме кон крајот на септември. Да ги искористиме сугестиите на меѓународните експерти и да ги употребиме сите контакти кои мислиме дека може да ни помогнат“, рече Шаќири, кој имаше воведно обраќање пред почетокот на стручната расправа што се одржа на Факултетот за земјоделски науки во Скопје.

Министерот потенцираше дека државата нема друга алтернатива освен да вложува во овие сегменти, затоа што од нив најмногу зависи севкупниот напредок на државата.

Да имаме континуиран раст на квалитетот на академското образование, да обезбедуваме повеќе и подобри можности за истражување и иновации, значи да создаваме силно чувство кај граѓаните дека државата вложува во нивниот потенцијал и дека тој потенцијал треба да го искористат и реализираат токму тука, кажа Шаќири.

Тој рече дека инклузивниот пристап, со учество на сите засегнати страни, секогаш обезбедува најдобри решенија и дека оваа Влада го воспостави и доследно го почитува тој принцип на работа веќе неколку години.

Тоа го знаете, затоа што заедно изготвивме и нов Закон за високо образование, отворени сме и за негова дополнителна надградба. Така што и сега верувам во заеднички успех“, додаде министерот.

Воведни обраќања има и претседателката на Националниот совет за високо образование и научно истражувачка дејност, проф. д-р Гордана Лажетиќ, како и деканот на Факултетот за земјоделски науки и храна при УКИМ, проф. д-р Вјекослав Танасковиќ.

The post Со четири стратешки документи државата ќе го унапредува квалитетот на академското образование appeared first on Република.

Откако пред неколку дена соопшти дека крајот на ноември е рокот до кога Бирото за развој на образованието (БРО) треба да ги подготви наставните програми за седмо одделение согласно новата Концепција, за да нема доцнење со изработката на учебници за седмоодделенците во наредната учебна година, министерот Јетон Шаќири денеска изјави дека ако не се почитува рокот, ќе бара одговорност.

Оваа учебна година дадов краен рок – крајот на ноември. Ако програмите не стигнат дотогаш, ќе побарам одговорност - изјави Шаќири, додавајќи дека со овој рок ќе има осум месеци период за изработка и печатење, за корекција и ревизија на сите учебници.

Во врска со испораката на учебниците за шесто одделение, која доцнеше поради тоа што доцна биле готови наставните програми (март оваа година), Шаќири изјави дека таа деновиве е завршена во поголемиот дел од основните училишта во Скопје и во другите градови.

-Ако во одредено училиште нема сѐ уште, ќе побарам од моите служби и од Педагошката служба денеска да анализираат каде нема, иако не зборуваме за поголем дел училишта. Сите учебници одобрени од Националната комисија за учебници се испечатени и се во достава, рече Шаќири, одговарајќи на новинарско прашање по отворањето на Саемот на студии во Франција.

Очекува дека процесите што зависат од БРО ќе бидат навремени затоа што Бирото има и нов директор.

Во Бирото имаме нов директор, не е тој што беше претходната учебна година. За разлика од лани, оваа учебна година немаше доцнење на свидетелствата, а и наставните програми за трето беа доставени навреме и учебниците не доцнеа, додаде министерот за образование и наука.

The post Шаќири: Ќе побарам одговорност ако наставните програми за седмо одделение не бидат готови до крајот на ноември appeared first on Република.

Министерот за образование и наука Јетон Шаќири очекува доставата на учебници за шесто одделение да заврши наскоро и дека во некои градови таа е веќе завршена.

Во изјава за Гласот на Америка на македонски јазик Шаќири вели дека учебници за шесто, кои годинава се печатат нови согласно новите наставни програми, се доставуваат секојдневно и дека побарал од економскиот оператор што ги печати да се забрза процесот.

Посочи дека постапките зависат и од Националната комисија за учебници, а дека постапките што зависат од МОН, како што рече, се завршуваат за еден или два дена.

Еден милион и 400 000 учебници се доставени во основното образование. Ова е многу значаен факт затоа што проблемот со учебници не е од последната година туку од последните 15 години. Но, ме радува фактот што на крајот на септември и почетокот на октомври, како и во текот на овие денови, имаме достава на учебници. Ова не беше само процес на печатење на учебниците, туку и на одобрување на учебниците за шесто одделение. Различно од претходната година и од претходните 15 години, ние сите постапки на одобрените учебници ги имаме завршено на 1 септември - изјави Шаќири од Вашингтон каде што е во неколкудневна работна посета.

Соопшти дека на средби што ги имал со претставници од високото образование се разгледува можноста за соработка со американски универзитети за гостување на визитинг-професори од САД на нашите факултети. Рече и дека од оваа академска година ќе имаме повеќе студенти со Фулбрајт стипендија.

Спомна и дека со САД реализираме неколку важни проекти, меѓу коие заедничкиот проект за медиумска писменост кој е дел од наставните програми во основното образование.

The post Шаќири се правда: Проблемот со учебници не е од оваа година, туку од последните 15 appeared first on Република.