Опозициската ВМРО-ДПМНЕ го поздравува отворањето нови работни места во Македонија преку инвестиции, но потсетува дека „Јагео“ е веќе присутна во земјата преку Кемет електроникс, инвестиција која ја донесе ВМРО-ДПМНЕ.

Тоа не е нова инвестиција, туку проширување. Кемет електроникс е фирма која дојде во Македонија благодарение на политиките на ВМРО-ДПМНЕ. Јагео е фирма мајка на Кемет електроникс. Позитивната работа во Македонија на Кемет, ја носи Јагео во Македонија, а не СДС. Жалиме што СДС не успеа да донесе ниту една инвестиција, како ќе можеа да се отворат уште повеќе работни места. Се што е поврзано со странски директни инвестиции, ТИРЗ, како законски регулативи и инфраструктура е направено во време на ВМРО-ДПМНЕ, затоа е и фрустрацијата кај СДС. СДС нема капацитет за осмислување на законски рамки и воспоставување на институционална инфраструктура за СДИ, како што тоа го направи ВМРО-ДПМНЕ. Се што требаше да направи СДС е да продолжи да управува со институциите кои се направија во време на ВМРО-ДПМНЕ , и да ги собира плодовите од инвестициите кои дојдоа во време на ВМРО-ДПМНЕ во форма на даноци во буџетот, велат од ВМРО-ДПМНЕ.

The post Јагео е веќе присутна во Македонија преку Кемет електроникс, тоа не е нова инвестиција, туку проширување appeared first on Република.

Премиерот Димитар Ковачевски во видеообраќање упати честитки до менаџментот на компанијата „Јагео" и директорот на ТИРЗ Јован Деспотовски за новата инвестиција на „Јагео" во зоните во Скопје и Штип во доменот на електрониката.

Според Владата, станува збор за најголемата гринфилд инвестиција од осамостојувањето на нашата земја, во вредност од 205 милиони евра и над 3900 нови работни места.

„Јагео“ е водечка мултинационална компанија за производство на електронски компоненти, која има силно глобално присуство и свои производствени и продажни капацитети во Азија, Европа и Америка со 40.000 вработени во светот.

Во поздравното обраќање премиерот Ковачевски рече дека електронските компоненти кои ги произведува „Јагео“,  чип-отпорници и тантал кондензатори, се едни од најдобрите во светот и се користат за авионската и автомобилска индустрија, 5G и телекомуникации, индустрија, медицина, управување со енергија, зелена енергија.

Со новиот концепт на поттикнување инвестиции успеавме да ја ставиме нашата земја доста високо на мапата инвестициски дестинации кои имаат капацитет и услови да реализираат висококвалитетни инвестиции од кои ќе имаме бенефит и како држава, но уште поважно инвестиции кои носат директен бенефит за граѓаните во државата. Бројките најдобро зборуваат за тоа колку е ефикасен новиот концепт на инвестиции и поддршка на инвестициите во ТИРЗ. Последниве две години се постигнати договори од над 650 милиони евра, што е над половина од вкупниот обем на донесени инвестиции во претходните 10 години. Со оваа инвестиција надминуваме износ над 850 милиони евра, рече Ковачевски.

The post 3900 вработени ќе произведуваат чип-отпорници и тантал кондензатори за авионската и автомобилската индрустрија appeared first on Република.