На стадионот на АРМ во Градскиот парк во Скопје денеска и утре ќе се одржи меѓународна изложба на кучиња „Оctober Dog Show“ во организација на Кинолошкиот сојуз на Македонија и кинолошките клубови Поларис, Лотус Ројал и македонскиот клуб за шнауцери.

Во двата дена ќе се одржат вкупно пет изложби од кои две меѓународни, две специјализирани за расите шнауцер и германски шпиц и една државна изложба.

На меѓународните изложби пријавени се над 200 кучиња од Србија, Црна Гора, Косово, Грција, Бугарија, Хрватска, Италија, Полска, Украина, Англија и Чиле, а на државната изложба околу 150 кучиња. На специјализираната изложба за расата шнауцер ќе продефилираат 50-тина кучиња, а на изложбата за расата германски шипц 10-тина кучиња.

Кучињата ќе бидат оценувани од судии од Македонија, Србија, Перу, Литванија и Словачка. Најдобрите ќе добијат сертификат за државен шампион CAC и интернационален сертификат за првак во убавина CACIB.

За првпат годинава во рамки на изложбата, а во соработка со здружението за деца со посебни потреби „Во мојот свет“, во недела ќе се одржи и ревија на која дечиња ќе продефилираат со нивните миленици. Настанот е од ревијален карактер, а ќе се одржи непосредно пред прогласувањето на најдобрите на изложбата.

Изложбите ќе бидат отворени за посетители од 10 часот.

The post Меѓународна изложба на кучиња викендов во Скопје, изложувачи од повеќе соседни и европски држави appeared first on Република.

На 24 септември, во петок на фудбалскиот стадион „Македонски Лавови“ во скопската населба Ѓорче Петров ќе се одржи изложба на расни кучиња со забавен и едукативен карактер.

Шанса за сите сопственици на педигрирани кучиња кои не се оценети да присуствуваат и нивните милиници да бидат оценети со цел да можат да ги спарат за нивните потомци да добијат педигре.

Изложбата ќе има богат награден фонд за најдобрите примероци и истата е е наменета за сите видови расни кучиња.

Цена за пријавување изнесува 1.000 ден, a цена за пријавување Шарпланинци e 600 денари.

Сметка за уплата: 300000002871915 – Комерцијална Банка

Повеќе информации за пријавување на следниов ЛИНК.

The post Однесете го вашиот миленик за да биде оценет: Изложба на расни кучиња во Ѓорче Петров appeared first on Република.