Ноќва во 00.30 часот во Гостивар, во присуство на родител, полициски службеници од ОВР Гостивар лишиле од слобода малолетник од Гостивар.

Тој се сомничи дека околу 23.00 часот во Гостивар, по претходна расправија, со остар предмет му нанел убодна рана на Л.М.(18) од Прилеп.

Остриот предмет бил пронајден и одземен, а по целосно документирање на случајот против него ќе биде поднесена соодветна пријава, велат од СВР Тетово.

The post Малолетен гостиварец избоде 18-годишник од Прилеп appeared first on Република.

Основното јавно обвинителство Гевгелија поведе постапка против државјанин на Република Србија осомничен за кривично дело насилство кое го извршил пред два дена врз лице во угостителски објект во Јосифово.

Како што информира државното Јавно обвинителство, во раните утрински часови на 31 март, осомничениот извршил грубо насилство врз едно лице во угостителски објект на бензинска пумпа во Јосифово додека оштетениот со друштво од 15 до 20 лица, негови другари, прославувал раѓање на новородено дете.

Осомничениот со уште едно лице седел на друга маса во угостителскиот објект. Двајцата под дејство на алкохол, почнале да кршат, да удираат по телевизорот и му се заканувале на сопственикот на објектот кој побарал од нив да си заминат затоа што станале агресивни.

Револтирани затоа што биле избркани, тие излегле од објектот до нивниот камион, по што осомничениот се вратил назад пред влезот каде што се наоѓал оштетениот кој во тој момент зборувал на телефон. Без посебен повод и причина, се втурнал во оштетениот и го пробол со нож во левата страна од градниот кош, нанесувајќи му убодна рана. Осомничениот веднаш се дал во бегство, трчајќи кон камионот, но бил спречен од лица кои биле гости во угостителскиот објект, информира ЈОРМ.

Обвинителство наведува дека со насилството тој предизвикал чувство на несигурност, загрозеност и страв и кај останатите гости.

До судијата на претходна постапка, јавниот обвинител доставил предлог за определување мерка притвор на осомничениот странски државјанин бидејќи постојат околности кои укажуваат на опасност од бегство.

The post Детали за инцидентот во Јосифово: Бил на мекици со другарите кога Србинот пијан и нервозен го избол appeared first on Република.

Пред техничкото училиште „Железник“ во Белград, Србија, рано утринава 16-годишен ученик бил прободен со нож под левата пазува. Според првичните информации, тој бил нападнат со нож од една година постариот другар, кој по нападот побегнал. По инцидентот, наставата во училиштето била прекината, а полицијата е на терен каде сè уште врши увид.

Според информациите на „Блиц“ од терен, напаѓачот и жртвата биле пријатели од клупа.

Нападот се случил веднаш до училишниот двор, по што напаѓачот побегнал. Набрзо бил уапсен, а денеска ќе биде сослушан во Вишото јавно обвинителство во Белград, Одделот за малолетници.

Повредениот тинејџер бил пренесен во Ургентниот центар.

Момчето е стабилно, има лумбална повреда и во моментов не е во во животна опасност, вели изворот на „Блиц“.

The post Ученик си го избоде другарот од клупа appeared first on Република.

Свештеник дваесет пати е избоден со нож во црква во францускиот град Ница.

Непознат маж утринава околу 10 часот влегол во црквата Сен Пјер Д’Арен и со нож дваесетина пати го избодел отец Кристофер, јавува Ројтерс. Во црквата присутни биле 10 луѓе, а повредена е и една калуѓерка. Градоначалникот на Ница, Кристијан Естрози, изјави дека напаѓачот е ментално нестабилен, немал криминално досие и дека е познато дека купил нож неколку дена претходно.

Отецот и калуѓерската се пренесени во болница, а напаѓачот е уапсен. Се работи за маж на возраст од 31 година. Полицијата засега овој инцидент не го смета за терористички чин.

Министерот за внатрешни работи Џералд Дарманин на својот Твитер објави дека животот на свештеникот не е во опасност. Во Ница и претходните години имаше напади.
Инаку, организацијата Исламска држава повика на напади во Европа, додека трае војната во Украина.

The post Маж избол свештеник со нож 10 пати во црква во Ница appeared first on Република.