На 31.011.2023 година, во 14.30 часот во трговски центар на бул.„Кузман Јосифовски Питу“ во Скопје, полициски службеници од Единицата за интервентна полиција при СВР Скопје лишиле од слобода 15-годишник од Скопје.

Околу 14.05 часот, по кратка расправија и недоразбирање поради девојка, тој со нож му нанел повреда на М.А.(18) од с.Зелениково, скопско, при што бил забележан и задржан од полициски службеник од Полициската станица Центар.

Од него бил одземен ножот, а повредениот М.А. бил пренесен во Комплексот клиники „Мајка Тереза“ каде му била констатирана телесна повреда.

По целосно документирање на случајот, против него ќе биде поднесена соодветна пријава.

The post Караница за девојка: 15-годишник избодел друг тинејџер кај „Џамбо“ appeared first on Република.

Основното јавно обвинителство Скопје поведе постапка против едно лице за кривично дело насилство според член 386 став 6 во врска со став 1 од Кривичниот законик.

Од Јавното обвинителство денеска информираа дека постои основано сомнение дека 40-годишниот скопјанец, на 28 ноември во ресторан на улицата „Лондонска“, најпрво започнал вербална расправија со едно лице, а потоа и физички го нападнал.

Кога неколку други лица се обиделе да ги раздвојат, осомничениот извадил нож на расклопување и на едно од присутните лица кои се обидувале да го оттргнат му нанел четири убодни рани со кои му предизвикал тешки телесни повреди на градниот кош и на раката, појаснуваат од Јавното обвинителство.

Кај останатите присутни во ресторанот осомничениот предизвикал чувство на страв, загрозување и несигурност.

Надлежниот јавен обвинител оцени дека во конкретниот случај постои опасност осомничениот да се даде во бегство, да го повтори делото или да влијае врз сведоците во постапката, па до Основниот кривичен суд Скопје достави предлог за определување мерка притвор, се наведува во соопштението.

The post Крвава тепачка во кафана во Тафталиџе, еден тешко повреден appeared first on Република.

Истражниот судија на Сплитскиот Жупаниски суд oдреди истражен затвор за 58-годишна сплитчанка, која прободела маж со кујнски нож во неговиот стан во населбата Пујанке во Сплит, Хрватска.

Причината за нападот е бизарна, пренесува „Далматински портал“. Таа во станот го довела своето 30 години помладо момче за да го истрижат. Изгледа дека не била задоволна од тоа како фризерот ја завршил работата, зошто зела нож од масата и го пробола во рамото, пренесува порталот.

На повредениот му е укажана лекарска помош во болница, а жената со кривична пријава за нанесување тешка телесна повреда е однесена на распит во Државното правобранителство, а потоа ѝ е одредена мерка притвор за да не може да влијае врз сведоците.

Момчето на осомничената е странец, со пријавено живеалиште во Сплит, открива „Далматински портал“.

The post 58-годишна жена го избола фризерот зошто не ѝ се допаднало како го истрижил нејзиното 28-годишно момче appeared first on Република.