Директорот на Службата за општи и заеднички работи, Ивица Томовски денеска беше домаќин на Христијан Митевски, младо момче од Штип, личност со попреченост.

Томовски вели дека Христијан е полн со ентузијазам, идеи и позитивна енергија која ја шири во насока на надминување на предизвиците со кои секојдневно се соочува.

Му ја исполнив желбата одблиску да се запознае со работата на нашата институција, надлежностите и фокусот на делување, а и за момент да се почувствува како политичар и да ѝ се обрати на јавноста од владиниот прес центар со порака за премостување на разликите и еднакво општество за сите. Му посакав добро здравје и му изразив поддршка во неговата мисија за прифаќање на различностите и инклузивност на лицата со попреченост, објави Томовски.

The post Младиот Христијан како политичар: Испрати порака за еднакво општество за сите од владиниот прес центар appeared first on Република.

Директорот на службата за заеднички и општи работи Ивица Томовски, на социјалните мрежи објави дека се намалени трошоците за набавка на пијалоци и на апетисани за 30%.

СОЗР постојано работи на намалување на непотребните трошоци и подобрување на одговорното работење.

Со новите мерки, значително ги оптимизираме трошоците за набавка на пијалоци и апетисани во сите државни органи, напиша Томовски.

The post Томовски: Трошоците за пијалоци и апетисани намалени за 30 отсто appeared first on Република.

Денес остварив координативна средба со претставници на кабинетот на претседателот на Влада, кабинетот на министерот за добро владеење, министерство за финансии, министерство за внатрешни работии министерството за енергетика и рударство, напиша на Фејсбук директорот на СОЗР, Ивица Томовски.

-Носиме решенија за единствен регистар на возила и истите да добијат соодветни таблици, односно таблици во боја како службените возила лесно би се идентификувале. За тоа е потребна и интервенција во законот која ќе биде направена. Целта е да се направи полесно следење на употребата на службените ресурси и да се зголеми транспарентноста при користењето на заедничките добра, како и воспоставување на механизам за заштита од можна злоупотреба. Нема повеќе злоупотреба на службени возила за приватни цели. Посветено исполнуваме уште едно ветување, истакна Томовски

The post Нема повеќе злоупотреба на службени возила за приватни цели appeared first on Република.

На Вилма Трајковска, сопруга на трагично загинатиот претседател Борис Трајковски, седум месеци не и била исплаќана доживотната пензија која и следува, откри Ивица Томовски, директор на службата за општи и заеднички работи во „Дејли Клик“ на ТВ21 во понеделникот.

Тој кажа дека Вилма има доживотна пензија од 2000 евра, но истата не и била исплаќана.

„Затекнавме ситуација каде што на Вилма Трајковска, сопругата на претседателот Борис Трајковски не и бил исплаќан надомест во висина од 2000 евра кој и следува доживотно“, рече Томовски.

The post На сопругата на Борис Трајковски седум месеци не и се исплаќала доживотната пензија која ѝ следува appeared first on Република.

Ние неодамна на една од владините седници поднесовме барање да се формира работна група со претставници од СОЗР, кабинет на претседател на Влада, кабинет на министер за добро владеење, министерство за финансии, министерство за внатрешни работи, за енергетика и рударство и генерален секретар. Практично сакаме да воведеме еден регистар на возила и истите да добијат соодветни таблици, односно таблици во боја што ни е и едно предизборно ветување кон граѓаните кое сега почнуваме да го исполнуваме, рече Ивица Томовски, директор на Службата за општи и заеднички работи во Владата на денешното гостување на телевизија 21.

Томовски информираше дека истото ќе се спроведе преку измени во два закона, Законот за возила и Законот за ствари во државна и во општинска сопственост.

Со тоа сметам дека ќе се исфрли, односно намали целосната злоупотреба на службените возила. Првите информации и детали ќе ги имаме кога ќе се формира работната група. Мислам тоа ќе биде во среда, а првиот состанок во петок и потоа ќе се знае првично во каква боја ќе се таблиците, дали ќе се разликуваат од институција до институција и слично, информираше Томовски.

The post Со обоените регистарски таблици ќе се намали злоупотребата на службените возила, очекува Томовски appeared first on Република.

Ивица Томовски, директор на служба за општи и заеднички работи во „Дејли Клик“ на ТВ21 откри две злоупотреби на владиниот авион од минатата влада.

Првиот е кога тогашниот министер Бојан Маричиќ барал со него да лета од Скопје до Ниш, а вториот кога Талат Џафери го барал авионот додека е на сервис, и било побарано веднаш да биде вратен во Скопје, за да не се распаднела коалицијата СДСМ – ДУИ, открива Томовски.

„Има еден обид за злопотреба и една класична злоупотреба на авионот. Како на пример Бојан Маричиќ кога го барал авионот да лета од Скопје до Ниш, а побрзо и поекономично е да стигне до Ниш со возило. И за среќа е одбиен од службата. И вториот случај е кога од страна на Талат Џафери бил побаран владиниот авион во миговите кога бил тој на вонреден сервис во Нирнберг. И додека е авионот на сервис, пилотите одат во САД каде вежбаат на симулатор за летање, по што пилотот добил телефонски повик брзо да се врати во Скопје со авионот. Тој им одговорил дека е расклопен и дека е на сервис и дека не може да се врати, му рекле како знае да го склопи и веднаш да дојде во Скопје, во спротивно ќе се распаднела тогашната коалиција СДСМ – ДУИ. Значи има загрозување на безбедноста на пилотите, патниците кои понатаму ќе летаат со тој авион само да не се распадне коалиција“, рече Томовски.

The post Томовски: Маричиќ го барал владиниот авион да лета од Скопје до Ниш, Џафери го барал оти ќе се распаднела коалицијата СДСМ – ДУИ! appeared first on Република.

Ивица Томовски, директор на служба за општи и заеднички работи во „Дејли Клик“ на ТВ21, зборуваше дека државниот имот е во многу лоша состојба. Тој рече дека вилите на претседателот во Охрид и во Скопје немаат имотни листови, односно се дивоградби.

„Државниот имот е многу лоша состојба. Вилата во Свети Стефан е во многу лоша состојба, или вилата во Лазарополе. Немаше никаков пристап до овие објекти, и планот наш како ново раководство да ги ставиме во употреба сите објекти кои се во државна состојба. Но пред тоа да го решиме имотно правниот статус. Замислете, премиерските и претседателските вили во Охрид и во Скопје се дивоградби и немаат имотен лист“, рече Томовски.

The post Томовски: Претседателските вили во Скопје и Охрид немаат имотен лист appeared first on Република.

Ивица Томовски, директор на служба за општи и заеднички работи во „Дејли Клик“ зборуваше дека државниот имот е во многу лоша состојба. Тој рече дека вилите на претседателот во Охрид и во Скопје немаат имотни листови, односно се дивоградби.

Државниот имот е многу лоша состојба. Вилата во Свети Стефан е во многу лоша состојба, или вилата во Лазарополе. Немаше никаков пристап до овие објекти, и планот наш како ново раководство да ги ставиме во употреба сите објекти кои се во државна состојба. Но пред тоа да го решиме имотно правниот статус. Замислете, премиерските и претседателските вили во Охрид и во Скопје се дивоградби и немаат имотен лист - рече Томовски.

The post Државниот имот е во многу лоша состојба, претседателските вили во Скопје и Охрид немаат имотен лист appeared first on Република.

Ивица Томовски, директор на служба за општи и заеднички работи на гостувањето во „Дејли Клик“ на ТВ21 зборуваше за враќањето на оградата од пред зградата на Владата.

Тој рече дека таа не била чувана соодветно, и дека затоа не е вратена целосно.

„На делот на оградата јас гледам на друг начин, тоа го гледам како државен имот. Незвисно која влада и која гарнитура ја направила, таа ограда е сопственост на државата. Тоа беше чувана во касарната како ограда за старо железо. Несоодветно била чувана, и ние имаме проблем целосно да ја поставиме, односно нема порти на оградата, затоа што не можеме да ја склопиме. Не е продадена, но не е во функција целосно“, изјави Томовски.

The post Недостасуваат делови од оградата на Владата – несоодветно чувана како старо железо appeared first on Република.

Борба против злоупотребата на државните ресурси: Крај на лошите практики од минатото за користење на државни возила за приватни цели!, државни патнички моторни возила кои ќе бидат обележани со регистарски таблици во посебна боја за полесно да бидат забележани од граѓаните, објави на социјалната мрежа на Фејсбук директорот на службата за општи и заеднички работи на Влада (СОЗР), Ивица Томовски

Тој додава дека на Владина седница била формирана комисија составена од СОЗР, Кабинет на Претседател на Влада на Р.М, Генералниот секретаријат, Министерството за финансии, Министерството за внатрешни работи, Министерството за енергетика и Кабинет на Министерот за добро владеење, со цел да започне постапка за измена и дополнување на два важни закона за промоција на транспарентноста и владеењето на правото.

-Законот за користење и располагање со стварите во државна и стварите во општинска сопственост и

-Законот за возила

Со овие измени ќе се воспостави регистар на сите државни патнички моторни возила кои ќе бидат обележани со регистарски таблици во посебна боја за полесно да бидат забележани од граѓаните.

На овој начин, веруваме дека ќе биде оневозможено нивното користење за приватни цели, со што дополнително ќе се зајакне транспарентноста и отчетноста на институциите на државата.

Остваруваме уште едно предизборно ветување, пишува Томовски во својата објава.

The post Државните службени автомобили ќе добијат регистарски таблички со посебна боја appeared first on Република.

Зголемување на цените на угостителските услуги во Владините објекти, нема повеќе „багатела" јадење на државна сметка!, соопшти денеска директорот на СОЗР Ивица Томовски.

Во изминатиот период, јавноста често со право обрнуваше внимание на ниските и непазарни цени по кои се користеа угостителските услуги на Службата за општи и заеднички работи (СОЗР) на Владата. Во таквите дебати особено беше апострофиран собранискиот и владиниот ресторан, каде цените на услугите и производите беа значително пониски од оние на слободниот пазар достапни за граѓаните. Излегувајќи во пресрет на овие оправдани повеќегодишни забелешки, како и во функција на натамошно рационализирање, на мој предлог како директор на СОЗР, Владата вчера едногласно усвои првична одлука за зголемување на цените на угостителските услуги за 50%. Ваквото зголемување на цените не е прекумерно имајќи предвид дека претходно цените беа значително пониски во споредба со приватниот пазар. Во периодот што следува, ќе се прават дополнителни анализи и секогаш кога ќе се јави потреба поради отстапувања од пазарните цени, ќе има корекции на истите. Важно е да се обезбеди еднаков пристап на сите услуги, но без привилегии за избраните функционери и раководниот кадар, порача Томовски.

The post Нема веќе багатела цени во владината менза, новиот директор на СОЗР ги покачи цените appeared first on Република.

Денес согласно задолжението добиено од Владата Службата за заеднички и општи работи започна со поставувањето на претходно отстранетата ограда на Владата.

Таа беше репарирана изминатите денови, поради неадекватното чување. Досега се користеше старата и дотраена железна ограда во сопственост на МВР која е нерепрезентативна и нефункционална. Вратите на Владата остануваат отворени за граѓаните, а оградата наместо да скапува на складиште ја добива својата функција, порача директорот на СОЗР Ивица Томовски.

The post Томовски: Се трга полициската, а се враќа отстранетата сега репарирана ограда, вратите од Владата остануваат отворени за граѓани appeared first on Република.

Владата на седница ја задолжи Службата за општи и заеднички работи (СОЗР) да почне постапка за враќање на оградата на владината зграда, која веќе еднаш беше поставена.

Со оглед на тоа што досега објектот на Владата е опркужен со нефункционална и нерепрезентативна ограда во сопственост на МВР, Владата ја задолжи Службата за општи и заеднички работи СОЗР да започне постапка за враќање на оградата на Владата која веќе еднаш беше поставена, се вели во владиното соопштение.

Истовремено, како што потенцираат од Владата, директорот на СОЗР Ивица Томовски информирал оти оградата била несоодветно чувана под надворешни влијанија во објектот на касарната Илинден, за што ќе направат и дополнителна проценка.

Владата ја задолжи Службата за заеднички и општи работи да ја врати оградата која беше поставена околу владината зграда, но насилно извадена од страна на претходната власт и заменета со дотраени полициски огради наменети за разбивање на граѓански собири.

Оградата е лоцирана и истата е во незавидна состојба, што може да се види и од фотографиите. Она што е посебно фрапантно е акутната негрижа кон државниот имот.

СОЗР ќе направи напори со сопствени сили да ја стави оградата на нејзиното вистинско место во најкус период, вели Томовски.

The post Оградата околу владината зграда се враќа, но била несоодветно чувана, па можеби ќе треба нова (ФОТО) appeared first on Република.

600.000 граѓани во Македонија живеат во сиромаштија, 80.000 од нив живеат во апсолутна сиромаштија со по 80 денари на ден, рече денеска Ивица Томовски , член на Централниот комитет на ВМРО-ДПМНЕ.

Со СДС и ДУИ буквално секој 3 граѓанин е сиромашен.

Власта не прави ништо да го реши систематски проблемот. Да тргнеме од почеток. Пензионерите се едни од најзасегнатите категории за пад во сиромаштија. Бројките говорат дека во Македонија 96.000 пензионери земаат пензии до 13.300 денари, 60.000 пензионери од 13.300 до 16.000 денари, а 86.000 пензионери од 16.000 до 22.000 денари. Сите овие три категории, а особено првата и втората во која спаѓаат 156.000 пензионери едвај врзуваат крај со крај. Тоа во голем број на случаи се лица кои имаат потреба од лекови, што дополнително ги става во мизерија.

И сега власта наместо трајно да го реши проблемот и да им помогне со реални мерки, таа одбира да изврши поткуп со 1.000 денари до избори.

Почитувани претставници на власта,

Пензионерите не се наивни, и нема да наседнат на вашите манипулации. Потребна е реална помош за пензионерите и таа ќе ја обезбеди ВМРО-ДПМНЕ со линеарно зголемување од 5.000 денари. Само така ќе им се помогне на најранливите да излезат од сиромаштијата.

Дополнително голем е процентот и на невработеноста, тоа се луѓе кои не примаат никакви примања и најчесто се издржувани од некој член на семејството. Власта не направи ништо да ја поттикне економијата и да креира нови работни места. Единствено што поттикнува е иселувањето. Според просекот на ДЗС годишниот просек на иселување е 12.000 луѓе.

Македонија со СДС и ДУИ осиромашува и се празни. Никогаш не било полошо. Важно е да ги поразиме!, истакна Ивица Томовски , член на Централниот комитет на ВМРО-ДПМНЕ

The post Секој трет граѓанин е сиромашен, пензионерите се едни од најзасегнатите категории appeared first on Република.

Пакет на мерки кои спреми Владата на Ковачевски и Ахмети не е ништо друго туку пакет за евтин предизборен поткуп кој доаѓа на само неколку месеци пред двојните парламентарни и претседателски избори. Овој пакет на мерки не е за системска помош на најранливите категории граѓани, туку за очигледен евтин поткуп на гласови. Со овој пакет на мерки не се носат системски мерки кои значително ќе ја подобрат положбата на пензионерите, социјално загрозените и семејствата со ниски примања туку се врши еднократен поткуп на гласови, со пари кои оваа Влада ги задолжува сите граѓани. Го зголемија долгот за да поткупуваат гласови, истакна Ивица Томовски, член на Централниот комитет на ВМРО-ДПМНЕ.

-Со овој пакет на мерки Владата и официјално признава дека владее огромна сиромаштија, дека пензионерите и голем број на семејства се доведени до работ на егзистенција. Суштината и главната поента е што Владата троши 2 милијарди евра за градба на коридори преку фирми на ДУИ и СДС, троши тешки милиони евра за копање во РЕК Битола и компаниите и бизнисите на власта работат одлично, а ваму, за народот даваат по 500 и 1.000 денари за да помогнат. Тој поткуп кој оваа власт го вика помош од 500 и 1.000 денари не вредат ништо кога инфлацијата е двоцифрена, кога сите производи за мала потрошувачка по продавниците вртоглаво растат, кога храната е поскапена за 200% и затоа оваа власт го потценува народот со овој поткуп.

Милиони за тендери и полнење на џебовите на власта, 1000-ка и 500 денари за народот. Во земјава на крајот на годината ќе има околу 600.000 луѓе кои живеат во сиромаштија, што е секој трет човек, со само 60 денари на ден преживуваат 80.000 граѓани, а со 150 денари 600.000 граѓани и на крај една порака до сите граѓани, земете ги парите кои ги нудат, и добро знаете што треба да направите зад параванот за гласање на денот на избори.

Важно е оваа неспособна и криминална власт да се промени, додава Томовски.

https://youtu.be/0ZvGZp10Vrk?si=lGra4jBmuQ4OBW53

The post Томовски: Пакетот на мерки на Владата е поткуп пред избори appeared first on Република.

Додека СДС врши “поткуп” со својата милостиња кон пензионерите, студентите, средношколците, земјоделците и.т.н. ВМРО ДПМНЕ нуди конкретни планови, визија и стратегија за линерно покачување на сите пензионери по 5000мкд, намален данок за приватните компании, 250 милиони евра за општините низ Македонија годишно и уште многу други мерки во иднина, напиша на Фејсбук, Ивица Томовски од ВМРО-ДПМНЕ

-Мој совет до секој еден опфатен со мерките, земете ги средствата што ги даваат, и позади параванот знаете како да заокружите. Ваш е изворот дали ќе ја запрете оваа агонија на криманилизираната власт, истакна Томовски.

The post Томовски: ВМРО-ДПМНЕ има конкретни планови, визија и стратегија appeared first on Република.

Членот на Централниот комитет на ВМРО-ДПМНЕ, Ивица Томовски, изјави дека во изминатите шес недели се спровела акциjата под мотото „Ова е Македонија за сите“.

Томовски додаде дека над 200 луѓе од ВМРО-ДПМНЕ, организирани во 19 тимови, посетиле вкупно 709 населени места во државата и тоа од најразлични краеви, почнувајќи од големите населени места па се до најмалку населените.

Ова беше најопсежната теренска акција на ВМРО-ДПМНЕ во која се направени 6.428 извештаи, нотирани се 18.324 проблеми.

 

Во Македонија народот не сака уставни измени под бугарски диктат, не сака газење на националното достоинство, но народот највеќе сака да дојде крај на сиромаштијата, крај на корупцијата и криминалот.

 

Генералниот заклучок е дека најголемата грижа на граѓаните е тешкиот живот, инфлацијата, несигурноста и неизвесноста за иднината. Народот е револтиран зошто е заборавен од власта, затоа што владата не ги слуша проблемите на народот.

 

Зборувавме со илјадници граѓани, беа забележани многу проблеми, а решенијата за сето ова ќе бидат дел од новата програма на ВМРО-ДПМНЕ.

 

Покажавме и докажавме дека секогаш сме и ќе бидеме дел од народот и дека имаме капацитет да ги промениме работите.

 

Имавме во овој период и 12 големи трибини во 12 различни градови. ВМРО-ДПМНЕ покажа дека има капацитет да ја води Македонија и да обезбеди иднина.

 

Благодариме за одличниот прием од граѓаните, за подадената рака, за отворените домови.

 

Продолжуваме понатаму, заедно до промените.

 

Ова е Македонија, Македонија за сите, наведе Томовски, во своето обраќање.

The post Томовски: Во акцијата „Ова е Македонија за сите“ нотирани се над 18.000 проблеми на граѓаните, решенијата ќе бидат во програмата на ВМРО-ДПМНЕ appeared first on Република.

Артан Груби со расфрлање на пердуви во јавност и правење дефокус од криминалот за кој е разоткриен нема да го промени фактот дека е дел од една голема афера за која што ќе има одговорност и за која и тој лично ќе одговара!, порача Ивица Томовски од ВМРО-ДПМНЕ.

Воедно заборава дека и во некоја друга влада партнер беше ДУИ и практично беше дел од власта и со самото тоа и тој и неговата партија беа дел од “заробената” држава и “стиропорите” .

А кога веќе станува збор за инвестиции кои ќе ги донесат и инвеститорите кои ќе ги привлечат криминалните коридори 8 и 10д, да не почнуваме да прави споредби колку странски инвестиции се донесени во Македонија за период од 2006-2017 а колку од 2017-2023, затоа што и малите деца можат да направат така голема разлика.

The post ВМРО-ДПМНЕ му порача на Артан Груби дека ќе одговара appeared first on Република.

Преку Куманово, на влезот во Овчеполието се наоѓа селото Градиште. Македонско село со помалку од двесте жители. Куќите трошни, но сè уште живи. На крајот од селото се наоѓа куќата на Добре и Василка Лазаревски, каде во трошната, и во распаѓање куќа живееа до скоро со нивните 5 деца, Ивана, Ангела, Јован, Велика и Јована.

За месец и половина од обзнанувањето на емисијата „Срце на дланка“, тие добија топол дом, нов мебел, облека, храна, објави Ивица Томовски од ВМРО-ДПМНЕ.

И знам дека тоа тој кој го обезбеди и покрена сето ова нема да го каже до крај, но сметам дека треба да се знае за да служи за пример кој треба да биде следен.
Без многу двоумење со голем ентузијазам говореше за потребата да се помогне на ова семејство иако не сакаше да се знае за тоа се додека не биде се готово.
Сите помагавме, а највеќе човекот Христијан Мицкоски кој раководејќи се од тоа дека раката која дава не суши, и стотиците други случаи каде помогнал без да се знае, а за кои ние кои работиме со него знаеме по нешто за тоа, сакаше да измами насмевка и малку среќа за ова семејство.
Вчера конечно семејството доби пристоен дом, а малите Ивана, Ангела, Јован, Велика и Јована многу радост.
И секако на крај би додал нешто за општествената дразба и определба на оние гласни поединци и политички центри да го напаѓаат токму Мицкоски, оној кој дава без да праша, и е предмет на најбруталната црна кампања, на многу невистини и лаги, на сите оние кои стојат зад тие пера, би им порачал само едно-има разлика, добрината е таа што е најголем непријател на вашата злоба, и да таа добрина ќе победи!, порача тој.

The post Добрината ќе победи над вашата злоба, им порача Томовски на оние што го напаѓаат Мицкоски „оној што дава без да праша“ appeared first on Република.

Аферата Паразити продолжува во М НАВ. Покрај Фахрудин Хамиди и Владо Крстевски, плата од 3.000 евра месечно зема и Миѓен Салмани, член на Управен Одбор и Извршен Директор за финансиски работи, за правни работи, развој и инвестиции во М НАВ, вели Ивица Томовски членот на Централниот комитет на ВМРО-ДПМНЕ.

Нагласи дека Салмани за една година од М НАВ зема и до 36.000 евра, а за еден мандат ќе наплати 144.000 евра.

Кој е придонесот на Салмани, за оваа висока плата? Што направил Салмани за да ги одработи тие 3.000 евра месечна плата? Салмани, заедно со Фехрудин Хамиди и Владо Крстевски, го чинат државното М НАВ над 630.000 евра за плати за време од 4 години. Да, над 630.000 евра за 4 години ја чинат М НАВ овие тројца директори, а никој не знае кој е нивниот придонес. Дел од Паразити е и Фестим Халили, директор на ФИТР, тој месечно зема плата од 1.000 евра. А за еден мандат тоа се речиси 50.000 евра - вели Томовски.

Тој прашува кој е бенефитот за Македонија од работата на Халили?

Со плата иста како Халили е и Љубе Бошкоски, кој зема 50.000 евра за еден мандат, а резултатот од неговото работење како советник во владата никој не го знае. Аферата Паразити покажува десетици функционери именувани од владата како земаат десетици илјади евра на име плата, а притоа немаат никаков резултат, со што би ги оправдале така високите примања, додека народот гладува - истакна членот на ИК на ВМРО-ДПМНЕ.

На ова реагираа од СДСМ. Оттаму велат дека ВМРО-ДПМНЕ е партија на паразити кои со години земале државни пари и се богателе на сметка на граѓаните кои тогаш тонеа во долгови и сиромаштија.

Еве кои се вистинските паразити од ВМРО-ДПМНЕ, прв и главен меѓу нив е кој ако не нивниот шеф Христијан Мицкоски.

Мицкоски како најнеуспешниот директор и претседател на Управниот одбор на некогашен АД ЕЛЕМ за само десет месеци, во периодот од септември 2016 до август 2017 година, од буџетот инкасирал над 1,9 милиони денари или над 31.000 евра.

Но тоа не е прв случај каде Мицкоски се богател од парите на граѓаните. Како советник на Никола Груевски и Емил Димитриев за енергетика во периодот од април 2015 до октомври 2016 година, секој месец добивал хонорар од 1.100 евра или за вкупниот ангажман Мицкоски добил околу 20.00 евра пари од граѓаните.

Тоа е потврдено и со официјални документи.

И сето ова се случуваше во периодот кога цената на струјата се зголеми за 100 отсто без при тоа да има каква било светска криза, во период кога не се изгради ниту еден сериозен енергетски капацитет.

Еве почитувани, кои се вистинските паразити. Дали од овие народни пари, Мицкоски си изгради хидроцентрала и основаше компании?

Во наредните денови јавноста ќе дознае и за други лица, блиски соработници на Мицкоски кои паразитски се богателе на сметка на граѓаните, велат од СДСМ.

The post Томовски: Директорите во М-НАВ ја чинат државата над 630.000 евра за еден мандат appeared first on Република.