Детето кое денеска беше пронајдено во Маџир маало е вратено кај родителите, соопшти претходно МВР.

Во 11.50 часот на ул.„Стефан Цветковиќ“ во Скопје, во близина на Народна банка, од граѓанин е пронајдено машко дете на возраст од четири години, кое било со тротинет и кое не зборувало. Околу 14.30 часот детето било пријавено за исчезнато во Полициската станица Чаир и набргу потоа во Полициската станица Центар е предадено на родителите, соопшти предмалку скопската полиција.

Оттаму додаваат дека исто така, денеска, во Бит Пазар од граѓани било пронајдено петгодишно девојче кое било однесено во градинката „Фидани“ од каде била земена од нејзината мајка.

The post Исчезнатото дете кое не зборуваше вратено кај родителите, но денеска е изгубено и петгодишно девојче appeared first on Република.

Безживотното тело на осумгодишното девојче Нарин Гуран, кое исчезна во турската провинција Дијарбекир на 21 август, било пронајдено во поток недалеку од селото во кое живело, по 19 дена потрага.

Телото на девојчето е однесено на обдукција во Институтот за судска медицина, јавува Anadolu Agency.

Според првичните сознанија објавени во турските медиуми, девојчето било убиено, а телото било ставено во торба и фрлено на брегот на потокот. Чантата била покриена со гранки и камења на начин што нема да предизвика сомнеж.

Откако Нарин Гуран беше пријавена за исчезната, започна копнена и воздушна потрага во регионот. Била пребарана површина од 11.000 квадратни метри од страна на 2.000 луѓе, како и два хеликоптери и 48 воздушни дронови. Биле прегледани околу 150 возила за кои било утврдено дека минувале по патот во часовите кога Нарин исчезнала. Се претресувале куќи во населбата и возила кои влегувале во селото. Исто така, 24 нуркачи пребарале пет потоци, три езера, 18 бунари и 24 километри водени канали. При претресот користени се и подземни уреди за снимање.

Жандармеријата во придружба на истражниот обвинител со подземен апарат за снимање ги пребараа соседните гробишта, особено гробовите на оние кои неодамна беа погребани. Сепак, не биле пронајдени траги. Биле испитувани и членови на семејството, меѓу кои и братот и вујкото на исчезнатото девојче, кој е приведен. Нарин Гуран била пријавена за исчезната од нејзиниот татко на 21 август вечерта, откако девојчето не се вратило од верска настава, а семејството и соседите кои веднаш почнале да ја бараат не успеале да ја најдат.

Министерот за внатрешни работи Али Јерликаја денеска соопшти дека телото на девојчето го пронашле припадници на жандармеријата и упати сочувство до семејството. Турската јавност е во шок поради ова брутално злосторство, а властите најавија дека одговорните ќе бидат најстрого казнети.

The post Пронајдено телото на исчезнатото осумгодишно девојче Нарин Гуран – убиено и фрлено во торба appeared first on Република.

Организацијата „ The Smile of the Child “ активира килибарна тревога поради исчезнување на 11-годишно девојче од селото Миртија во областа Илија во западниот дел на Грција.

Василики Николопулу (11) исчезнала вчера вечерта во 21 часот и 10 минути.

За исчезнувањето на девојчето денеска била информирана организацијата „ The Smile of the Child “ и веднаш по наредба на обвинителот бил активиран механизмот за тревога Амбер бидејќи постојат причини да се верува дека нејзиниот живот е во опасност, јавуваат грчките медиуми.

Василики има кафена коса и кафени очи, висока е 150 сантиметри и со нормална тежина.

На денот на нејзиното исчезнување носела бел фустан и бели влечки.

Секој кој има информации за девојчето се замолува веднаш да ја извести организацијата или да се обрати во полиција.

The post Вклучен алармот во Грција, исчезна 11-годишно девојче appeared first on Република.

На 13.05.2024 во 20.00 часот во Полициското одделение Петровец, Љ.Џ.(51) од с.Мралино, скопско, пријавил дека од домот се оддалечила неговата ќерка В.Г.(20), соопшти полицијата.

Според пријавеното, таа е најверојатно во Гостивар, кај нејзиното поранешно момче. Се преземаат мерки за пронаоѓање на лицето.

The post Исчезна 20-годишна девојка од својот дом во Мралино, случајот го пријавил таткото appeared first on Република.

Полицијата вчера отишла со мајката на малата Данка Илиќ на местото каде исчезна девојчето, дознава „Блиц“. Ова е направено за да може мајката да им го покаже секој чекор и детал од денот кога исчезнала во Бор.

https://republika.mk/vesti/balkan/majkata-na-danka-na-denot-na-ischeznuvaneto-brishela-poraki-od-mobilniot-i-se-slikala-za-fejsbuk/

Направена е реконструкција на нивното движење. Заедно со неа полицијата ги проверувала сите информации и сознанија, додава српското издание.

Двегодишната Данка исчезна во вторникот околу 13 часот и 45 минути во околината на Бор, а потрагата по неа трае веќе петти ден.

По нејзиното исчезнување, за прв пат во Србија е активиран системот „Најди ме“ (Amber Alert), наменет за итно јавно известување во случај на исчезнување на малолетно лице.

The post Ден 5: Полицијата ја доведе мајката на Данка на местото на исчезнувањето, направена е реконструкција на движењето appeared first on Република.

На 27 март околу 17:30 часот српската полицијата престана да го пребарува теренот во приградската населба Бањско Поље, недалеку од Бор во Србија, каде од вчера се трага по Данка Илиќ, двегодишното девојче кое исчезна околу 13:45 часот.

Сите досегашни резултати укажуваат дека девојчето не е на овој простор од околу 10 квадратни километри. Полицијата продолжува со интензивна оперативна работа за утврдување на сите факти и околности поврзани со исчезнувањето на детето, за што јавноста ќе биде навремено информирана, соопшти полицијата.

Данка Илиќ, стара две години исчезна во 13 часот и 45 минути во населбата Бањско поле во град Бор. Девојчето исчезна на непристапен терен, обраснат со густа шума. Таа има кафена коса, кафени очи, висока е околу 85 сантиметри, во моментот на исчезнувањето носела виолетови панталони, маслинесто зелена јакна, црни патики и косата и е врзана во опавче. Доколку имате информации јавете се во полиција на 192, добија за прв пат СМС порака граѓаните на Србија преку системот „Пронајди ме“ и со прекинување на ТВ и радио програмите, прикажување на екраните на автопатите, аеродромите, железничките и автобуските станици.

Се прегледавме. Шумата ја пребаравме 15 пати. Само постои можност некој од страна да не дошол и го собрал детето. Од тоа најмногу се плашам, изјави комшија на фамилијата Илиќ, изразувајќи сомнеж дека детето е киднапирано.

https://republika.mk/vesti/balkan/majkata-i-tatkoto-na-malata-danka-na-raspit-vo-politsija/

Според медимите, двегодишното девојче е исчезнато на работ од приградската населаба Бањско поле, каде има густа шума. Полицијата почнала со претрага 15 минути по пријавувањето на исчезнувањето, а потоа, за еден час пристигнале 200 полицајци кои извршиле безуспешна претрага во шумата и околу домот на девојчето. Претпоставка е дека двегодишно дете неможе далеку да отиде од својот дом.

Сомнежите дека девојчето е киднапирано за откуп се отфрлени од полицијата, оти нејзините родители не се добро ситуирани.

Комшијата кажа дека таа била сама пред мојата врата, но јас не ја видов. Вакво нешто досега не се случило. Ова е многу жално. Навистина велам, не дај Боже на некој вакво нешто да му се случи. Душата ме боли и ми доаѓа да умрам, изјави жителка на Бањско поле.

Потрагата по двегодишното девојче трае над 24 часа, а се проверуваат домаќинства и викендици, патиштата, полињата, густата шума. На терен е полицијата, пожарникари-спасувачи, Жандармеријата со кучиња трагачи, рударите од градот и бројни граѓани. Во потрагата по девојчето во која се вклучени околу 2.000 луѓе се користат и дронови со термо камери и хеликоптери. Се врши и строга контрола на сите возила на патните правци околу Бор.

Во Србија за прв пат е лансиран системот Пронајди ме! кој е наменета за итно известување на јавноста во случај на исчезнување на малолетно лице, со што ќе се овозможи брза дистрибуција на информации до сите граѓани преку субјектите надлежни за информирање на јавноста, кога полицијата ќе оцени дека објавувањето на оваа информација во јавноста би придонела за пронаоѓање на детето.

Мајката раскажала како Данка исчезнала додека одела да му даде вода на постарото дете.

Се свртев да му дадам вода на другото дете и кога повторно погледнав, ја немаше, изјавила мајката за Телеграф.

Родителите на малата Данка денеска беа на распит во полиција. Српските медиуми јавуваат дека полицијата го запленила мобилниот телефон на мајката и го испратила на вештачење. На социјалните мрежи се шири и видео од надзорна камера на која се гледа местото од каде исчезнала Данка. На видеото не се гледа многу, освен дека во еден момент поминува автомобил. Од МУПсрпската полиција се уште не се изјасниле за видеото.

The post Прекината потрагата по малата Данка – Српската полиција потврди: Таа не е на овој простор appeared first on Република.

Таткото и мајката на исчезнатата Данка Илиќ (2) се во полициската станица во Бор, каде одговараат на низа прашања преку кои инспекторите се надеваат дека поскоро ќе откријат каде исчезнало детето, дознава „Телеграф.рс“.

https://republika.mk/vesti/balkan/tatkoto-na-danka-e-ochaen-zlato-tatino-tato-ke-te-najde/

Во случаи на исчезнати деца, полицијата ги испрашува родителите и им ги поставува следниве прашања:

Дали во последните денови добиле чудни повици и пораки;

Дали забележале непознати лица во близина на куќата;

Дали некој и кој контактирал со нив преку социјалните мрежи;

Дали двајцата имале проблеми и недоразбирања во бракот;

Какви се нивните односи со соседите и пријателите.

На разговорот, неофицијално, присуствуваат и работници од Центарот за социјална работа.

Според соседите, семејството Илиќ важи за хармонично семејство кое се грижи за децата.

https://republika.mk/vesti/balkan/poveke-od-18-chasa-se-traga-po-dvegodishnata-danka-od-bor-vklucheni-helikopteri-i-dronovi/

Полицијата ги зела и снимките од камерите за да утврди кој во кое време минувал покрај куќата на Илиќ, каде што не живеат, туку повремено доаѓаат.

The post Мајката и таткото на малата Данка на распит во полиција appeared first on Република.

Вчера во Полициската станица Ѓорче Петров, И.Т.(42) од Скопје пријавила дека дома се вратила нејзината ќерка Ј.Т.(14), за која на 01.02.2024 беше пријавено дека се оддалечила од домот.

Претходно беше пријавено дека полициски службеници од СВР Скопје вчера ја пронајдоа Р.М. (14) од Скопје, за која нејзиниот татко С.М. на први февруари 2024 година пријавил дека се оддалечила од домот.

Како што соопшти МВР, малолетничката ќе биде предадена на нејзиниот татко.

И двете девојчиња од Скопско беа пријавени од нивните семејства дека се оддалечиле од домот.

Во првиот случај, во 16.00 часот во Полициската станица Гази Баба, С.М.(48) од с.Сингелиќ, скопско, пријавил дека од домот се оддалечила неговата ќерка Р.М. (14), за која се сомнева дека е со машко лице.

Во 21.15 часот, пак, во Полициската станица Ѓорче Петров, С.Т.(48) од с. Волково, скопско, пријавил дека од домот се оддалечила неговата ќерка Ј.Т.(14), која и претходно се оддалечувала и била враќана, а има и здравствени проблеми.

The post И второто девојче пријавено за исчезнато е дома appeared first on Република.

Вчера во 07.00 часот во Полициската станица Шуто Оризари, А.А.(49) од Скопје пријавил дека неговата малолетна ќерка А.С.(13) од Скопје се оддалечила од домот. Таа претходно повеќе пати се оддалечувала кај своето момче С.Ј.(19) и била пронаоѓана и враќана.

Според пријавеното, родителите се противат на нивната врска, а против момчето веќе има поднесено пријава.

Се преземаат мерки за пронаоѓање на лицето.

The post Полицијата повторно трага по 13-годишно девојче, против нејзиното момче веќе има пријава appeared first on Република.

По митингот кој што го одржа премиерот во заминување редно е да се вратиме на вистинските теми кои што го мачат опљачканиот, осиромашениот од оваа самонаречена европска влада. Која што до толку го девастира владеењето на правото и го украде македонскиот народ што и хвалоспевите кои што ги кажуваат на говорница не можат да го побијат податокот дека добивме од ЕУ најлош Извештај за последниве 30 години. Па колку и да си се фалите вака сами себе, податоците кажуваат сосема нешто друго, истакна пратеничката Благица Ласовска на собраниска седница на пратенички прашања.

Ласовска додаде дека има три прашања од коишто едното е до министерката за труд и социјална политика, а другите две прашања се до министерот за внатрешни работи.

Веќе со месеци пензионерите во Република Македонија, нашите дедовци, баби, мајки, татковци протестираат и излегоа најупорните протестирачи и демонстранти за своите права и тоа замислете право за достоинствен живот. Долго време ги лажеа од оваа самонаречена европска влада, што министерката нели правеше театар пред јавноста дека еве преговараат со нив и договараат покачување на пензиите за да пред неколку дена излезе таа лага голема со опашка дека практично нема ништо од тоа. Но, се уште важи мантрата на дотичната министерка дека ќе ги покачи пензиите на нашите сограѓани“, изјави Ласовска.

Таа посочи дека нејзе ја замолиле пензионерите, групите коишто протестираат, и во име на сите нив сака да ја праша министерката до кога ќе ги лаже пензионерите и нели и е срам за ваков недостоинствен живот кој што го живеат пензионерите. Тие пари што ги земаат пензионерите не им стигаат само за лекарства и за храна.

Единственото прашање до министерката ми е кога и колку ќе ги покачите пензиите на пензионерите во Република Македонија“, запраша пратеничката.

На пратеничката Ласовска второто прашање се однесуваше кон министерот за внатрешни работи.

Има информација дека голем број на косовски државјани кои што не ги исполнуваат условите за државјанство во Република Македонија примаат пензии од Република Македонија и се лечат во здравствените установи на Република Македонија исто како да се жители на Република Македонија. Јас како пратеник немам многу алатки за да го истражам овој момент, преку Парламентарниот Институт побарав едно истражување по основ на законската легислатива која што е кај нас и во Република Косово, речиси да е иста. Но, само се разбира многу подоцна ги имаат донесено законските решенија. Според истражувањата од 2021 година од страна на Европската мрежа за социјална политика кое се однесува на проценка на адекватноста на пензијата во Косово, остварување на пензиите во однос на одржувањето на приходите е слабо. Повеќе од 70% од пензионерите добиваат приход во вредност од 21% од просечна нето плата на пазарот, адекватноста на пензиите ќе се намали во иднина доколку не се покачат пензиските придонеси и доколку не се зајакне пензискиот систем. Дали како министерство правите некаква истрага во врска со случај каде што граѓани од Косово на нелегален начин да добиваат пензиско и здравствено осигурување во Република Македонија“, праша Ласовска.

Таа посочи дека веќе петти ден го нема девојчето Вања, за жал освен неа може да се забележи на страната дека има над 50-тина исчезнати лица.

Прашањето ми е ако во Дебар Маало ви исчезне во сред бел ден, пред кафиќ „Броз“ и „Силбо“ кој што е центар, срцето на Скопје, каде што има голема фреквенција на луѓе, ако таму безбедноста не е добра тогаш што да се очекува на некои други одредени места“, праша таа.

Ласовска го праша Спасовски дали ќе ја зголеми безбедноста на граѓаните, а особено на децата и кога мисли да ја информира крајно вознемирената јавност за состојбата со видео надзорот т.н. „Сејф сити“ (Safe city).

The post Ласовска до Спасовски: Ако во Дебар Маало, во срцето на Скопје сред бел ден ви исчезне дете, што да се очекува на други места!? appeared first on Република.

Министерството за внатешни работи ја известува јавноста дека се преземаат интензивни мерки и активности за пронаоѓање на В.Ѓ. (14) откако денеска (27.11.2023) во 08.35 часот З.Ѓ. од Скопје пријави дека се сомнева дека нејзината ќерка В.Ѓ. (14) е исчезната.

За решавање на случајот и пронаоѓање на лицето веднаш по добиената пријава вклучени се целосните капацитети на СВР Скопје на највисоко ниво, извршени се низа разговори со лица блиски на малолетничката, прегледани камери итн. Истрагата продолжува интензивно и во текот на ноќта.

Апелираме да не се шират дезинформации, а МВР постојано ќе ја информира јавноста се до пронаоѓање на малолетничката.

The post МВР: Интензивно се трага по исчезнатото 14-годишно девојче во Скопје appeared first on Република.

И скопската полиција е во потрага по 14-годишната Вања Ѓорчевска, за која нејзината мајка Зорица на социјалната мрежа „Фејсбук“ објави дека исчезнала одејќи накај училиште.

На 27.11.2023 во 08.35 часот З.Ѓ. од Скопје пријавила дека се сомнева дека нејзината ќерка В.Ѓ. (14) е исчезната. Полициски службеници преземаат мерки за пронаоѓање на лицето, велат од СВР Скопје за „Република“.

Мајката на Вања објави дека последен пат била видена 7:20 часот во Дебар Маало, на пат кон основното училишта „Песталоци“.

Девојчето било облечено во црни пантолони со странични џебови, светло плав џемпер, црна кратка зимска јакна и бели Најк патики со кафеава лента.

Ѓорчевска упати апел секој кој има било каква информација да се јави во полиција или пак кај мајката на телефонскиот број 075 400 816.

https://republika.mk/vesti/crna-hronika/apel-za-pronaogane-na-vana-gorchevska/

The post Полицијата трага по 14-годишната Вања, последен пат видена во Дебар маало appeared first on Република.

Во скопската населба Лисиче била пронајдена 14-годишна малолетничка, која вчера се оддалечила од домот.

Од тимот за потраги при ОКР Центар и Бит Пазар денеска во населба Лисиче во Скопје пронајдена е М.К. (14), за која од страна на нејзината мајка Д.К. на 25.09.2023 беше пријавено дека се оддалечила од домот, соопшти вечерва МВР.

Малолетничката е предадена на родителот.

The post Исчезнатото девојче е пронајдено во Лисиче appeared first on Република.

Во плакарот на дом во Мичиген е пронајдено 14-годишно девојче кое било пријавено за исчезнато во 2021 година.

Полицијата ја пронашла тинејџерката, чиј идентитет не се соопштува, во вторникот во Порт Хурон, а подоцна било откриено дека е бремена, пишува Sky News.

Беше прилично вознемирена, плачеше. Беше прилично исплашена. Не беше сигурна што ќе се случи со неа”, рекол детективот Роберт Вотсон.

Надлежните успеале да му влезат во трага на девојчето откако добиле пријава за сомнителна активност внатре во објектот. Таа била пренесена на преглед во болница, каде било констатирано дека е бремена.

Социјалните служби соопштија дека биле во контакт со таткото на тинејџерката и дека му олеснало кога слушнал дека таа е пронајдена.

Го живееше овој кошмар година и пол, вели Вотсон.

Властите соопштија дека ќе поднесат обвинение за киднапирање против мајката на 14-годишното момче.

The post Девојче исчезнато пред година и пол пронајдено бремено во плакар appeared first on Република.

На 06.10.2022 во 23:00 часот во Полициското одделение Шуто Оризари, Б.В.(37) од Скопје пријавила дека од домот се оддалечила нејзината малолетна ќерка Е.В.(16).

Според пријхавата, таа и претходно се оддалечувала од домот и била враќана назад.

Се преземаат мерки за пронаоѓање на лицето.

The post Не ѝ е прв пат да бега од дома: Исчезна малолетничка од Шутка appeared first on Република.

11-годишно девојче од скопското село Јурумлери исчезнало вчера, а полицијата трага по него, соопшти МВР.

„На 06.09.2022 во 10.00 часот во Полициската станица Гази Баба, Ј.Б.(47) од с.Јурумлери, скопско, пријавил дека од домот се оддалечила неговата ќерка С.Б.(11) од с. Јурумлери“, велат од полицијата.

Од МВР додаваат дека се преземаат мерки за пронаоѓање на девојчето.

The post Исчезна 11-годишно девојче од Јурумлери appeared first on Република.

Вчера околу 13.00 часот во Полициската станица Ѓорче Петров, Ј.С.(46) од Скопје пријавила дека од дома се оддалечила нејзината ќерка А.М.К.(17) од Скопје.

Како што информираат од МВР, се преземаат мерки за пронаоѓање на лицето.

The post Се трага по исчезнато девојче од Ѓорче Петров appeared first on Република.

На 24.02.2022 во 21.30 часот во Полициската станица Гази Баба, А.А.(51) од с.Огњанци, скопско, пријавил дека од с.Идризово, скопско, се оддалечила неговата ќерка А.А.(16).

Се преземаат мерки за пронаоѓање на лицето.

The post Полицијата трага по 16- годишно девојче од скопско appeared first on Република.