Премиерот Христијан Мицкоски и сопственикот и менаџер на Бреинчајлд, Ралф Хенинг Гросел денеска потпишаа договори за државна помош за два одделни инвестициски проекти. Станува збор за компанијата Бреинчајлд, која е формирана како заедничко вложување на група инвеститори од Германија и Холандија, кои креираат глобален производител на висококвалитетна спортска опрема за спортови на вода и ветер.

Брендот Бреинчајлд во нашата држава има формирано две компании - Бреинчајлд Продукција во 2020 година и Бреинчајлд Производство во 2022 година.

Можеме да објавиме нова инвестиција, која ја најавив пред неколку недели. Се работи за германско холандска инвестиција која ги потврдува нашите напори за развивање на економијата и иновациите на пазарот - рече Мицкоски на денешната прес-конференција, по потпишување на договорите.

Тој информираше дека Бреинчајлд Продукција е компанија која се занимава во активности за истражување и развој на новите производи, преку користење на уникатни репроматеријали, а со цел добивање на специфичен материјал кој е потребен за производство на опремата за спортови на ветер и вода. Инвестицијата е лоцирана во Битола, во постоечки објект со големина од 1500 метри квадратни.

Инвестицискиот план, како што посочи, вклучува вложувања во адаптирање на лабораторија за истражување и развој и набавка на нова современа опрема и машини. Согласно деловниот план и договорот за државна помош, предвидено е компанијата да инвестира вкупен износ од најмалку 2.500.000 евра во период од пет години, при што се планирани околу 40-тина висококвалификувани нови работни места.

Бреинчајлд Производство е компанија која се занимава со сериското производство на опремата и елементите.

Мицкоски напомена дека планот на сопствениците е да изградат целосно нов објект со големина од 3000 метри квадратни во индустриската зона Жабени кај Битола и да вработат околу 200 лица. Според инвестицискиот план, почетокот на градбата се очекува да биде во 2025 година, а во текот на следните пет години да се заокружи инвестициски циклус од околу 8.500.000 евра.

И покрај изградбата на новиот сопствен објект, целта на компанијата е да ја зачува и надградува постоечката лабораторија за развој на нови производи и производни процеси, како и за испитување и создавање на одржливи материјали - рече Мицкоски.

Тој додаде дека како дел од активностите за поврзување со локалната заедница, Бреинчајлд отвори специјализирана школа за шиење на напредни материјали која служи како своевиден тренинг центар за планираните активности на компанијата. Покрај тоа, брендот Бреинчајлд е силно посветен на одржлив и еколошки процес преку користење на рециклирани материјали како суровини и процеси кои елиминираат некои стандардни производни пракси штетни за околината.

Продолжуваме понатаму да се бориме за секое работно место и секоја инвестиција која ќе биде поткрепа на економијата, додаде Мицкоски.

Сопственикот и менаџер на Бреинчајлд, Ралф Хенинг Гросел на прес-конференцијата денеска за заблагодари на Владата за поддршката, посочувајќи дека од денес почнуваат ново поглавје со кое ќе можат да ги исполнат зацртаните цели.

Благодарам на Владата за поддршката. Со ова може да се реализира нашата визија за одржливи производи и компоненти за спорт. Од денес почнуваме ново поглавје и се надеваме дека ќе можеме да ги исполниме нашите зацртани цели - додаде Хенинг Гросел.

The post Потпишани договорите за нова германско холандска инвестиција на Бреинчајлд appeared first on Република.

Денеска со почеток од 11:15 часот во Свечената сала во Владата претседателот на Владата на Република Македонија, Христијан Мицкоски заедно со сопственикот и менаџер на Бреинчајлд, Ралф Хенинг Гросел ќе потпишат два договори за државна помош за два одделни инвестициски проекти кои ќе бидат реализирани паралелно од двата правни субјекти.

Бреинчајлд е компанија формирана како заедничко вложување на група инвеститори од Германија и Холандија кои креираат глобален производител на висококвалитетна спортска опрема за спортови на вода и ветер. Производите вклучуваат крила, едра и дополнителна опрема за летање и сурфање на вода.

Бреинчајлд е иновативна компанија која комбинира техничко знаење и практично искуство во целокупниот процес на производство, притоа посветувајќи сериозно време и фокус на одржливи производни практики и циркуларна економија во комплетниот производен циклус.

Брендот Бреинчајлд во Македонија има формирано две компании и тоа:

• Бреинчајлд Продукција во 2020 година и

• Бреинчајлд Производство во 2022 година.

Се потпишуваат два независни договори за државна помош за два одделни инвестициски проекти кои ќе бидат реализирани паралелно од двата правни субјекти.

Бреинчајлд Продукција е компанија која се занимава во активности за истражување и развој на новите производи, преку користење на уникатни репроматеријали, а со цел добивање на специфичен материјал кој е потребен за производство на опремата за спортови на ветер и вода. Инвестицијата е лоцирана во Битола, во постоечки објект со големина од 1500м2.

Бреинчајлд Продукција поднесе писмо за намери и деловен план за реализација на инвестициски проект за индустриско истражување на почетокот на 2024 година.

Инвестицискиот план вклучува вложувања во адаптирање на лабораторија за истражување и развој и набавка на нова современа опрема и машини. Согласно деловниот план и договорот за државна помош, предвидено е компанијата да инвестира вкупен износ од најмалку 2.500.000 евра во период од 5 години, при се планирани околу 40-тина висококвалификувани нови работни места.

Бреинчајлд Производство од друга страна е компанијата која се занимава со сериското производство на опремата и елементите. Планот на сопствениците е да изградат целосно нов објект со големина од 3000м2 во индустриската зона Жабени кај Битола и да вработат околу 200 лица. Според инвестицискиот планови, почетокот на градбата се очекува да биде во 2025 година, а во текот на следните 5 години да се заокружи инвестициски циклус од околу 8.500.000 евра.

И покрај изградбата на новиот сопствен објект, целта на компанијата е да ја зачува и надградува постоечката лабораторија за развој на нови производи и производни процеси, како и за испитување и создавање на одржливи материјали.

Како дел од активностите за поврзување со локалната заедница, Бреинчајлд отвори специјализирана школа за шиење на напредни материјали која служи како своевиден тренинг центар за планираните активности на компанијата. Покрај тоа, брендот Бреинчајлд е силно посветен на одржлив и еколошки процес преку користење на рециклирани материјали како суровини и процеси кои елиминираат некои стандардни производни пракси штетни за околината.

Предвидена е во 11:30 часот заедничка прес- конференција за медиуми да дадат претседателот Мицкоски и сопственикот и менаџерот на Бреинчајлд, Ралф Хенинг Гросел во Медија центарот на Владата.

The post Две нови инвестиции тешки 8,5 милиони евра кои носат 240 работни места appeared first on Република.

Претседателот на Владата на Република Македонија, Христијан Мицкоски при посета на Општина Брвеница одговарајќи на новинарско прашање, дали има нови инвестиции, приоритет на којшто Владата е силно фокусирана, информираше дека во државата, на домашниот пазар има една нова инвестиција којашто е завршена и уште неколку коишто се во процес на завршување. Премиерот очекува бројот на странски инвестиции во државата значајно да се зголемат до крајот на годината.

„Да, да тоа е исто така убава, добра вест. Имаме една нова инвестиција којашто е веќе завршена и уште неколку коишто се во процес на завршување.

Очекувам до крајот на годината и тие да ги завршиме, ова е инвестиција на компанијата „Бреjнчаjлд“. Вредноста е некаде околу осум и пол милиони евра и очекувам и таа да вработи околу стотина луѓе. Веќе ја закупија парцелата во зоната Жабени, почнуваат да ја градат првата хала од 3.000 квадратни метри.

Така што во периодот којшто следи ќе бидеме сведоци на уште, уште нови и успешни вести и очекувам бројот на странски инвестиции драматично да се зголеми до крајот на годината“, изјави премиерот Мицкоски.

Носењето на нови странски инвестиции значи и отворање на нови работни места и поквалитетен и подобар животен стандард за граѓаните. Затоа Владата посветено работи и ќе продолжи да работи и во иднина за силен економски развој и целосна трансформација на државата. Да се отвораат нови работни места, добро платени, и, за младите да има услови, да останат да работа, инвестираат и живеат во државата, наместо да се селат во странство, истакнуваат од неговиот кабинет.

The post Мицкоски најави нова инвестиција од 8,5 милиони евра и вработување на околу 100 луѓе appeared first on Република.

Премиерот Христијан Мицкоски заедно со министрите денеска пред јавноста дава отчет што сработила Владата во првите 100 дена

Тој ја потенцираше и новата германско-белгиска инвестиција за која претходната Влада истакна дека тие ја подготвувале.

Би ги потенцирал германско-белгиската инвестиција, Епсотек, која што инвестира во развојно-истражувачки центар, алерт центар во индустриската зона на територија на Петровец. Вредноста е околу 20 милиони евра и нови 110 вработувања. Се сеќавате тогаш кога ја објавивме оваа инвестиција, поранешни членови на претходната влада на СДСМ и ДУИ рекоа дека тие ја подготвувале таа инвестиција. Еве да не останеме должни, јас ја користам оваа прилика да им се заблагодарам на сите оние кои што учествувале во подготовката на овие инвестиции. Жалам што 7 години не успеале да ја завршат таа инвестиција и се радувам што во рок од еден месец ние успеавме да ги завршиме тие преговори и оваа инвестиција наскоро денеска ќе биде реализирана, односно ќе биде поставен камен темелник - вели Мицкоски.

The post Мицкоски се заблагодари на СДСМ и ДУИ за германско-белгиската инвестиција: Жалам што 7 години не успеале да ја завршат appeared first on Република.

„Ние како Влада ќе продолжиме да поддржуваме ваков тип на проекти. Еве вчера поранешниот потпретседател на Владата и одговорен за економски прашања, Фатмир Битиќи кажа тој е тој којшто ја донел, па еве јас од мое име да му се заблагодарам затоа што процесот го водел до каде што го водел, жалам што не успеал да го заврши до крај.

Претпоставувам не успеал да ги убеди граѓаните како што еве ги убедувал неговите сопартијци на осми мај, па доживеа дебакл каков што доживеа, па оваа Влада мораше сега заедно со инвеститорот го заврши овој процес. Очекувам уште многу вакви инвестиции во периодот којшто следи.

Во тек се преговори за проширување на две веќе постоечки инвестиции од странските инвеститори но и една нова којашто ја преговараме и сме во завршна фаза со уште една многу голема и моќна европска држава, членка на ЕУ.

Се надевам и сум сигурен дека и таа ќе се заврши до крајот на годината со што мислам дека озбилно ќе биде исцрпен човечкиот потенцијалот за ваков тип на инвестиции кај нас и мислам дека на тој начин ќе додадеме вредност во процесот на зголемување на БДП нешто коешто ние е многу важно. Така што уште еднаш, не може човек да не биде среќен и радосен кога се отвара инвестиција во вредност од 65 милиони евра каде што ќе има во максимален обем од 700 и повеќе вработени кога ќе го достигне врвот самата инвестиција.

Од разговорот можам да кажам дека во првите години ќе имаме до кај 35, 40 милиони евра максимум 60 милиони во првите три години извоз, понатаму може тој извоз да достигне и до 130 па и повеќе милиони евра, нешто што позитивно ќе влијае за нашата македонска економија.

Уште еднаш честитки и да се множат ваков тип на инвестиции“.

The post Мицкоски: Инвестиција од 65 милиони евра и 700 нови вработувања appeared first on Република.

Министерот за земјоделство, шумарство и водостопанство, Цветан Трипуновски, остварил средба со претставници на турска компанија која што произведува и преработува лешник и кондиторски производи.

Остварив работна средба со претставници на турска компанија, потенцијален инвеститор во Македонија, што произведува и преработува лешник и кондиторски производи. Се работи за компанија што има годишен обрт од над 40 милиони долари и своите производи ги извезува во 30 земји во светот, информира министерот Трипуновски на „Фејсбук“.

Тој додава дека претставниците на турската компанија ја претставиле својата бизнис инвестиција со посебен акцент во делот на откуп, производство и преработка на лешник со визија за да отворат фабрика за кондиторски производи.

Отвораме нови пазари за македонските земјоделци, заедно до стабилно и зголемено производство, наведува Трипуновски во објавата на социјалната мрежа.

The post Турска компанија заинтересирана за инвестиција во државава, информира министерот Трипуновски appeared first on Република.

Со задоволство да кажам дека за кратко време уште една нова инвестиција имаме кај нас. Компанијата Вабтек одлучи да го зголеми своето производно портфолио со уште една дополнителна инвестиција која што ќе биде во Технолошко индустриско развојната зона Скопје, изјави претседателот на Владата Христијан Мицкоски од Вашингтон по средбата со Грег Сброко, извршен потпретседател на американската компанија Вабтек.

Премиерот Мицкоски истакна дека инвестицијата ќе биде 35 милиони евра и станува збор за нови повеќе од стотина работни места.

Тоа значи дека ќе имаме зголемен извоз, тоа значи дека ќе имаме позитивно влијание врз Бруто домашниот производ. Она што претставува главна обврска, фокус и посветеност на оваа влада е економијата и борбата против криминалот и корупцијата, рече Мицкоски.

Премиерот Мицкоски нагласи дека Владата на овој начин сака да покаже дека практично ја менува климата во земјава, нешто коешто досега беше навистина збунувачки како за граѓаните, така и за домашните и странските инвеститори.

Компанијата Вабтек ќе го има мојот личен фокус, очекувам дека оваа инвестиција ќе биде многу скоро завршена и дека не само оваа инвестиција ќе можеме да додадеме уште некоја нова инвестиција којашто ќе дојде од компанијата Вабтек, изјави Мицкоски.

Премиерот Мицкоски на крај потенцираше дека Владата покажува дека државата се сака со дела и оваа инвестиција е добра вест за македонските граѓани и добра вест за македонската економија.

Извршниот потпретседател на Вабтек истакна дека со премиерот Мицкоски се разговарало не само за проширување на производството на Вабтек во земјава, туку и повеќе можности како на компанијата така и за Република Македонија.

Инвестицијата ќе биде колку 35 милиони евра и околу 100 работни места која ќе биде во околината на Скопје, изјави Грег Сброко, извршен потпретседател на Сброко.

The post Мицкоски од Вашингтон: Се менува климата во Македонија, за кратко време нова инвестиција Вабтек инвестира 35 милиони евра и отвора над 100 работни места appeared first on Република.

Американската компанија „Вабтек“ е новата странска инвестиција која ќе вложи 35 милиони евра во земјава и со која ќе се отворат 100 работни места. Компанијата ќе инвестира во производство на сопирачки за шински возила.

Името на новата инвестиција го објави премиерот Христијан Мицкоски кој во Вашингтон имал средба со извршниот потпретседател на компанијата.

По инвестицијата од 500 милиони долари на „Алказар Енерџи“ во ветерен парк која е најголема во регионот и инвестицијата на германско белгиската компанија „Епсотех Аим“ во Петровец од 20 милиони евра, американски „Вабтек“ ќе инвестира во Македонија. Компанијата „Вабтек“ е дел од петстоте најголеми компании во САД.

 

Остварив средба со извршниот потпретседател на компанијата во Вашингтон каде што беше потврдена динамиката на реализација на новата инвестиција. Повеќе од 100 нови вработувања, инвестиција вредна 35 милиони евра. Ќе се инвестира во производство на сопирачки за шински возила. Поголем извоз за подобра иднина, објави Мицкоски на Фејсбук.

The post Ќе бидат вложени 35 милиони евра и ќе се отворат 100 работни места: Американската компанија „Вабтек“ нова странска инвестиција во Македонија appeared first on Република.

Во Македонија своја инвестиција најави компанијата Епсотех во износ од 20 милиони евра, која ќе отвори производствен погон во близина на Скопје и 110 нови работни места, пред се високо стручен кадар.

-Во овие индустриски капацитети на германската компанија, која е во партнерство со белгиската „Аим“, ќе се произведуваат елементи од автомобилската, железничката и здравствената индустрија. Оваа компанија е лидер на пазарот во Германија и е застапена на над 25% од истиот, што значи дека соработува со сериозни индустриски гиганти. Еден од главните белези во нивното производство е дека рециклираат материјали од земјоделството, рибарството, па дури и од компаниите со кои соработуваат, велат од ВМРО-ДПМНЕ.

Од партијата посочуваат дека дополнително ќе се отвори и развојно истражувачки центар, а веќе постои интерес за понатамошна соработка и нови инвестиции и отворање на повеќе работни места.

-Оваа инвестиција е втора во рок од две недели, што само покажува дека доколку постои силна волја и посветеност бројот на инвестиции во Македонија може да се зголемува. Долго време земјата беше на дното по привлекување на странски инвестиции во споредба со земјите од регионот, што пред се беше резултат на неодговорниот пристап на власта на СДСМ и ДУИ, непредвидливата економска клима и лошиот имиџ на државата кој го изградија во изминатите години. Инвеститорите беа многу претпазливи и најчесто избираа да инвестираат во некоја земја од соседството отколку во Македонија, се наведува во партиското соопштение.

Работите се менуваат на подобро, затоа што ВМРО-ДПМНЕ нуди концепт на работа.

The post ВМРО-ДПМНЕ: Реномираната германска компанија ЕПСОТЕХ влегува во Македонија и отвора 110 работни места во оваа фаза appeared first on Република.

За нас претставува посебна чест и задоволство што можеме еве после нецели би рекол две недели да посакаме добредојде на уште една инвестиција којашто како што кажа господинот е околу 20 милиони евра, за почеток имаме нови 110 работни места. Ќе имаме развојно истражувачки центар, алерти центар нешто кое што до сега недостасува или многу малку го има.

И она кое што за нас е значајно што тука не застанува оваа инвестиција, туку ќе продолжи и понатаму да се развива односно да се зголемува и бројот на вработени и бројот на извоз но исто така и самата инвестиција којашто очекуваме најмалку да биде двојно зголемена во годините коишто следат.

Исто така сакам да кажам дека самата компанија е лидер на пазарот во Германија и таму отприлика е присутна со околу 25% од истиот и нешто кое што претставува значајна препорака за нас, бидејќи очекуваме голем дел од компаниите коишто инвеститорот ги снабдува со своите производи да го следат примерот на инвеститорот и исто како што Eпсотех дојде овде, да дојдат и тие да инвестираат. Нешто кое што ќе значи додадена вредност за нашата економија и нешто кое што ќе донесе повеќе средства во буџетот, повеќе средства за капитални проекти со фокус кон граѓаните. Нашата цел е со дела да ја сакаме Македонија“.

https://www.youtube.com/watch?v=DCrXFEx-SKE

The post Мицкоски: Ова е втора инвестиција за неполни две недели во вредност од 20 милиони евра и 110 нови работни места appeared first on Република.

Проектот за развој на парк на ветерници во земјава, инвестиција на Алказар Енерџи вредна над 500 милиони долари, денеска официјално ќе биде претставен во Скопје. На настанот ќе се обратат Даниел Калдерон, ко-основач и управувачки партнер на Алказар Енерџи, премиерот Христијан Мицкоски и министерката за енергетика, рударство и минерални суровини, Сања Божиновска.

Инвестицијата на Алказар Енерџи, како што вчера најави премиерот Мицкоски, ќе донесе големи придобивки за економијата, бизнис заедницата и граѓаните.

Македонскиот ветер ќе донесе дополнителни 100 милиони евра годишно во БДП. Проектот ќе го објавиме утре, заедно со инвеститорот. Ветерниот парк ќе биде изграден меѓу трите општини, Карбинци, Штип и Радовиш. Се работи за инвестицијата од 400 - 450 милиони евра. Ова е исклучително значаен проект за енергетското портфолио на државата кој значително ќе го подобри перформансот на нашиот енергетски сектор, изјави Мицкоски вчера на поставувањето камен-темелник на новата спортска сала „Џексон" во Штип.

https://republika.mk/vesti/ekonomija/mitskoski-investitsijata-vo-veterniot-park-od-450-milioni-evra-ke-donese-novi-100-milioni-evra-vo-bdp/

Нагласи дека за проектот нема специјални закони, нема загарнтиран откуп по загарантирна цена за 20 - 30 години, туку инвеститор кој ќе инвестира 450 милиони евра, а државата ќе добие за 100 милиони евра поголем приход во БДП што треба да донесе 20 отсто од вкупното производство на струја што ќе ја направи енергетски балансирана земјава.

The post Официјално претставување на проектот за развој на парк на ветерници, вреден над 500 милиони долари appeared first on Република.

Кога се работи за енергетската транзиција треба да имаме предвид дека е сложена и доста скапа таа транзиција. Секогаш кога се исклучува реалноста тогаш правиме грешки, за жал која е реалноста всушност нашата земја е сиромашна земја и вистинското прашање е тука дали Македонија може да си дозволи ваква енергетска транзиција за толку краток период без да добие поддршка од надвор? Дали ние имаме човечки капацитет за една таква транзиција и дали нашиот систем може да си дозволи една ваква транзиција? Кога зборувам за социјалното влијание од енергетската транзиција зборувам за иднината на луѓето кои се веќе ангажирани во нашите производствени капацитети кои користат јаглен, произведуваат електрична енергија. Не треба тука да се занемари фактот дека повеќе од 4,000 семејства зависат моментално од производството на електрична енергија од термо електраните, термо електраната во Битола и Осломеј - истакна претседателот на ВМРО-ДПМНЕ и мандатар на новата влада, Христијан Мицкоски на денешното обраќање на македонско енергетскиот форум.

Мицкоски продолжи и додаде:

Лесно се зборува за таа транзиција, но не е толку лесно да се зборува за човечките животи, бидејќи ако се затворат тие производствени капацитети, прво ќе го изгубиме примарното производство што е многу важно за нашиот систем и ќе се соочиме со огромен предизвик енергетска криза како што беше пред неколку години бидејќи без примарно производство побарувачката ќе расте а со обновливите извори, јас сум инженер и не сум убеден дека за 365 дена дека може да имаме стабилно снабдување со електрична енергија од обновливи извори. Тука не зборувам само за домаќинствата туку и за економијата бидејќи побарувачката на стопанството на економијата е важно бидејќи треба да имаме стабилно и одржливо снабдување со електрична енергија ако сакаме да расте таа економија, во спротивно би оделе наназад и би се соочиле со одлив на мозоци како што се случува сега 8 од 10 мои студенти си одат надвор бидејќи тука не гледаат никаква перспектива и ова е огромен предизвик за нас како влада да реализираме нешто материјално и опипливо инаку би оделе во спротивна насока и наназад и за жал нема да има надеж - вели Мицкоски.

Мицкоски посочи дека со добар план и добар надзор во енергетските капацитети ќе може да се заврши оваа процедура.

Како електро енергетски сектор не сме подготвени, но со добар план со добар надзор електро енергетските капацитети ќе можат да се заврши оваа процедура успешно, но за тоа ќе треба време. Во енергетиката брзи резултати не се возможни бидејќи тоа би било чудо, но ние не правиме чуда, никој во светот не прави чуда затоа треба да ја имаме реалноста во предвид и треба да работиме врз основа на прецизни планови со конкретни одредници - истакна Мицкоски.

Мицкоски укажа на тоа дека производството на електрична енергија од обновливи извори треба да е во фокусот.

Производството на електрична енергија од обновливи извори треба да е во нашиот фокус, но чекор по чекор да се одвива тоа, бидејќи брзи резултати не се возможни. За тоа е потребно време и тоа треба да го имаме предвид инаку нема да успееме - рече Мицкоски.

Мицкоски ексклузивно најави прва странска директна инвестиција која ќе е во делот на енергетиката.

Очекуваме први странски директни инвестиции во земјата со новата влада тоа ќе е објавено и со фокус на секторот енергетика со фокус на инсталирање на нова ветерна фарма што ќе биде во источниот дел од земјата помеѓу Карбинци, Штип и Радовиш, три општини на истокот и ќе биде голема инвестиција колку што сум информиран и со податоците со кои располагам во моментов се предвидува производство на електрична енергија приближно еден терават час што е еден милион мегават часови што е приближно 20% од целокупното производство на електрична енергија во земјава и ова би било прва директна странска инвестиција која ќе ја објави новата влада во Македонија - истакна Мицкоски.

Мицкоски продолжи и укажа дека без владеење на правото нема развој.

Без владеењето на правото нема развој. Тоа е првиот столб, ако се избегнува владеењето на правото развојот на земјата не би бил возможен така што двојни стандарди не се возможни - заклучи Мицкоски.

The post Меѓу првите странски директни инвестиции на новата влада ќе е инвестиција во енергетиката appeared first on Република.

Кинескиот интернет гигант „Alibaba Group Holding“ објави дека планира да инвестира 2 милијарди долари во Турција. Веста е откриена по средбата со претседателот Реџеп Таип Ердоган, пишува „Bloomberg“.

Шефот на кинеската компанија Мајкл Еванс ја соопшти веста по состанокот во Истанбул, соопшти турската филијала „Trendyol“. Тој истакнува дека компанијата има „доверба во здравите економски основи на Турција“ и веќе има инвестирано 1,4 милијарди долари во земјата преку „Trendyol“, најголемата онлајн продавница во Турција.

Еванс изрази поддршка за меѓународните планови за проширување на „Trendyol“ и нагласи дека Турција има потенцијал да стане една од водечките земји за онлајн извоз, се вели во соопштението. Не беа дадени детални информации за инвестицискиот календар и се наведува дека планот е за „идниот период“.

„Trendyol“ достигна проценка од 16,5 милијарди долари во 2021-ва година, собирајќи средства од инвеститори, вклучително и „SoftBank Group“, „General Atlantic“, „Qatar Investment Authority“ и суверениот фонд „Abu Dabi ADQ“. Од „Trendyol“ велат дека „Alibaba“ има 76,1% удел во компанијата за е-трговија.

Турција започна антимонополска истрага против „Trendyol“ во 2021-ва година. Во јули, највисокиот суд во земјата даде зелено светло на законот за заострување на регулативата на компаниите за е-трговија, нанесувајќи ѝ удар на фирмата.

Уставниот суд рече дека законот, кој ги ограничува трошоците за рекламирање на компаниите и користењето на податоците за клиентите доколку нивната продажба ги надмине дадените прагови, е во согласност со уставот. Така, судот го отфрли приговорот на главната опозициска партија.

Одлуката има за цел да им помогне на помалите бизниси за е-трговија да се натпреваруваат по брзиот раст на пазарот по пандемијата. Подоцна во јули, турскиот антимонополски одбор го казни „Trendyol“ со 61,3 милиони лири (2,3 милиони долари), велејќи дека користел податоци од трети лица за да му даде неправедна предност на сопствениот малопродажен бизнис.

Вкупниот обем на е-трговија во Турција порасна за 109 отсто минатата година на повеќе од 800 милијарди лири, со речиси една петтина од сите пазари извршени преку Интернет, покажаа податоците на Министерството за трговија.

The post „Alibaba“ ќе инвестира 2 милијарди долари во Турција appeared first on Република.

Децата се нашата иднина. Децата се причина за сета наша среќа, за сите наши насмевки. Затоа грижата за нив е секогаш посебен мотив! Инвестирани се 3.000.000 денари во клоновите во детската градинка „11 Октомври“ со што се подигна квалитетот и условите во детската градинка, напиша на Фејсбук градоначалникот на општина Бутел, Дарко Костовски.

Детската градинка „11 Октомври” доби:
🔴 Нови креветчиња за сите јасли групи во сите клонови
🔴 Нови апаратура во пералната која не е промената од 1978 година
🔴 Нови дидактички играчки
🔴 Нова детска едукативна литература
🔴 Нова помошна апаратура во кујната
🔴 Бела техника составена од професионални правосмукалки намените за подобра чистота во објектите
🔴 Нови табли
🔴 Нови подни подлоги
🔴 Нови душеци, прекривачи, фротирки

Општина Бутел вложува во подобрување на стандардот на образованието, при што посебно се води грижа за децата од преучилишна возраст. Детскиот развој ни е врвен приоритет затоа и во иднина континуирано ќе вложуваме во градинките, додаде Костовски.

The post Костовски: 3 милиони денари инвестирани во детски градинки appeared first on Република.

Јавното претпријатие за државни патишта во Програмата за 2023 година за инвестиции, отплата на кредити и трошоци проектира финансии во вкупен износ од 38,701 милијарда денари (629.284.552 евра), што треба да бидат покриени по основ на приходи и приливи од странски кредити, како и со средства од државниот Буџет.

Вкупните приходи изнесуваат 11,193 милијарди денари при што од наплата на патарина планира да прибере 3,8 милијарди денари, од делот на наплата на акциза пет милијарди денари, од надомест за патна такса при регистрација на возила 2,3 милијарда денари, а 93 милиони денари по основ на други приходи од работењето.

По основ на странски кредити ЈПДП ќе располага со 11,508 милијарда денари од од Светска банка 1,081 милијарда денари, од ЕБОР во износ 4,427 милијарди денари, и од Ексим банка од 6 милијарда денари. Во планираните приливи и приходи на ЈПДП се и 15 милијарди денари од Буџетот на РСМ за 2023 година преку Министерство за транспорт, согласно со Законот за утврдување јавен интерес и номинирање стратешки партнер за Проектот за изградба на инфраструктурниот Коридор 8 за автопатските делници Тетово-Гостивар-Букојчани и Требеништа-Струга- Ќафасан и на Коридорот 10д за делницата на автопатот Прилеп-Битола.

Според Годишната програма на ЈПДП за 2023 година, што е усвоена од Владата, инвестициската програма на ова државно претпријатие е со вкупен износ од 29.908.800.000 денари. Притоа, од сопствени средства ЈПДП планира да инвестира 3.400.800.000 од кои 1.939.000.000 во изградба на патишта, осветлување, сигнализација, мостови, тунели, свлечишта, како и сопствено учество во инвестиции од странски кредити.

За инвестициско одржување на патишта државното претпријатие ќе потроши 720 милиони денари, за исплати по основ на експропријација 200 милиони денари, за проектирање и надзор 473,5 милиони, а ќе вложи и 68 милиони денари во опрема и софтвер.

Од инвестициите од странски кредити, 1,81 милијарда денари се за Проектот за унапредување и развој на патишта што се кредитира од СБ. Предвидени се и 4,427 милијарда денари од ЕБРД за финансирање на електронскиот систем за наплата на патарини на Коридорот 10 со 40 милиони денари, за проектот за изградба на национални патишта со 2,437 милијарда денари, за проектот за реконструкција и рехабилитација на делница Крива Паланка – Девер Баир до границата со Бугарија со 250 милиони денари, за проектот за патарина на Коридорот 8 со 300 милиони денари, за патот Букојчани – Кичево со 400 милиони денари, како и со милијарда денари за патот Скопје –Блаце. Со кредитирањето од Ексим банка, пак, треба да се вложат шест милијарди денари изградбата на автопатот Кичево-Охрид.

Во новата година ЈП за државни патишта за отплата на кредити кон меѓународни финансиски институции планира 5,71 милијарда денари, од кои 780 милиони денари се за отплата на камата, а 4,33 милијарди денари по основ на отплата на главница.

The post Новата инвестициската програма на ЈПДП изнесува 29,908 милијарди денари appeared first on Република.

Компанијата Гугл објави дека ќе воспостави своја инфраструктура за услуги во облак (cloud services) во Грција, давајќи ѝ поттик на оваа земја во обидите да стане светски технолошки центар.

Како што јави Ројтерс од Грција, договорот предвидува инвестиции од 2,2 милијарди евра и отворање околу 20.000 работни места до 2030 година, кажа вчера грчкиот премиер Кирјакос Мицотакис.

Пред две години, и Мајкрософт најави дека ќе гради три центри за податоци во областа на Атина, во инвестиција вредна една милијарда долари.

Како што беше кажано, новата инвестиција ќе им овозможи на организациите подобро да ги користат нивните податоци и ќе ја зголеми безбедноста на корисниците од сајберзаканите.

Клауд одделот на Амазон исто така ја отвори својата прва канцеларија во Грција лани.

„Тоа е веста од Грција, а како што е објавувано, бившиот премиер Зоран Заев во налетот на лесни (и лажни) ветувања со неговото доаѓање на власт со СДСМ цврсто ветуваше дека погоре споменатите светски ИТ компании ќе вложуваат во Македонија откако ќе го смениме името.

И име сменивме и Заев веќе не е премиер, а од големите светски инвестиции не стигнаа. Всушност Заев лошо проценил територија, инвестициите стигнаа, ама не во Македонија, туку во близина на Македонија, во соседна Грција“ – анализира Денешен.

The post Заев ја „утнал“ локацијата: Гугл ќе инвестира 2,2 милијарди евра и ќе отвори 20.000 работни места, но не во Македонија! appeared first on Република.

Владата на денешната седница ја прифати одлуката да се додели државна помош на германската компанија „Next.e.GO Mobile“ која треба да произведува електрични возила во Технолошко-индустриската зона во Тетово.

Од Владата велат дека оваа мултимилионска инвестиција ќе отвори помеѓу 3 и 4 илјади нови работни места.

Ова е за првпат во автомобилската индустрија кај нас да се продуцира целосен автомобил и се разбира за првпат ќе се произведуваат електрични автомобили. Придобивките од оваа инвестиција се многукратни – од отворање на нови работни места, извоз на производи со голема додадена вредност, пренос на знаење и технологии, мапирање на земјава кај странските инвеститори во оваа фела, до договори и дополнителна работа за локални компании, соопштија од Владата.

Next.e.GO Mobile е компанија која произведува електрични автомобили со седиште во Ахен, Германија. Основана е во 2015 година, а две години подоцна на саемот „ЦеБИТ“ во Хановер првпат јавно го презентирале нивниот прототип на електрично возило „e.GO Life“. Компанијата изминативе две години договори инвестиции и во други земји од регионов, најавувајќи отворање фабрики во Грција и Бугарија.

The post Во Тетово ќе се произведуваат електрични автомобили appeared first on Република.

Првиот вицепремиер Артан Груби објави дека домашната интернационална компанија „Еколог“ ќе произведува електрични возила во Тетово.

На годишнината на Охридскиот мировен договор, во Сабота на 13 август, ќе го поставиме камен-темелникот на новата фабрика со современа технологија за производство на електрични возила во Технолошко-индустриската развојна зона во Тетово.
На денешната седница на Владата ја одобривме државната помош за реализација на оваа инвестиција во износ од 130 милиони евра со што ќе се отворат 900 нови работни места, напиша тој.

The post Груби објави дека во Тетово ќе се произведуваат електрични возила, Владата ќе вложи 130 милиони евра appeared first on Република.

Денеска во Зрновци, заедно со градоначалникот Борчо Коцев и пратениците Миле Лефков и Зоран Коцевски, имавме повеќе теренски активности, напиша на својот фејсбук профил Гордана Димитриеска- Кочоска.

Увид во градежни активности и чистење на зафатот на Видовишка река. По соодветното уредување и доопремување, ќе започне изградба на нов резервоар со што ќе се реши деценискиот проблем со водоснабдувањето на локалното население во Видовиште.

Во наредниот период ќе се изврши инвестиција од околу 3 милиони денари во село Мородвис - изградба на брана зафат и изградба на каптаж. Потоа ќе се изгради и нов резервоар од 60 кубици со што ќе се реши проблемот со водоснабдување во селото Мородвис.

The post Димитриеска-Кочоска: Инвестиција од околу 3 милиони денари во село Мородвис – изградба на брана зафат и изградба на каптаж appeared first on Република.

Пуштањето во употреба на зелениот пазар, фотоволтаичната централа тука во Кавадарци ова е трета голема инвестиција за многу краток период што е значајна инвестиција, голема инвестиција од 23 милиони денари и која што инвестиција директно ќе помогне на сите граѓани на општина Кавадарци, рече генералниот секретар на ВМРО-ДПМНЕ, Ѓорѓија Сајкоски денеска од Кавадарци додавајќи дека оваа инветиција е резултат на напорната работа на градоначалникот на општина Кавадарци, на Јавното-комунално претпријатие, а е голема придобивка на сите граѓани на Кавадарци.

Покрај оваа голема економска, финансиска криза општина Кавадарци е најпозитивниот пример каде што покажа како треба да се работи. Овој пример го следат останатите градоначалници на ВМРО-ДПМНЕ во Македонија, но овој пример за жал не го следи централната власт која што и покрај тоа што располага со многу големи ресурси не ги употребува во правилна насока и работи директно на штета на граѓаните. Затоа ние повторуваме, во многу наврати дека е потребно смена на власта и потребно е да дојдат вистински луѓе на вистински места за да може позитивниот пример од Кавадарци да се преслика на територија на државата и на централната власт, рече Сајкоски.

https://youtu.be/p5VWp5WoS9Y

The post Трета голема инвестиција во Кавадарци appeared first on Република.