Младиот балкански инфлуенсер и тиктокер „Erwin_Beg“ кој живееше во Австрија, пред неколку дена е пронајден мртов во Грац.

Како што пренесуваат регионалните медиуми, Ервин Бегиќ (23), како што му е вистинското име, најверојатно се самоубил со бесење.

Бегиќ се прослави на социјалните мрежи како личност која сака луксуз, па во видеата кои ги објавуваше доминираа скапи автомобили, атрактивни локации и брендирана гардероба.

Засега нема никаква информација зошто би можел да посегне по сопствениот живот, но многумина се сомневаат дека Ервин имал љубовни проблеми.

The post Млад босански тиктокер пронајден мртов: Дали со своето последно видео ја навести смртта? appeared first on Република.

Италијанскиот инфлуенсер Лоренцо (40), чии семејни видеа воодушевија многумина, трагично почина пред неколку дена од срцев удар.

Се чувствувам многу лошо. Не ми се верува, изјавила неговата сопруга.

Смртта не можеше да биде потрагична. Тоа се случило кога си играл со децата во нивната куќа во близина на Неапол. Човекот само паднал на подот и лежел неподвижен. Сите брзо реагираа, а полицијата и брзата помош беа брзо на терен.

И покрај сите напори, инфлуенсерот почина недолго потоа, а три деца останаа без татко. На сите им беше познат по своите тетоважи, а неговиот начин на живот им пречеше на многумина.

Тој често објавуваше видеа на кои се вози луксузни автомобили и облечен во луксузни костуми.

Сите фанови се длабоко депресивни и шокирани.

Јас сум без зборови. Се слушнавме денес, многу сум тажен, ова е како да не е реално, вели еден коментар под фотографијата.

Во некои лоши моменти од мојот живот, твоите видеа со прекрасно семејство ми донесоа насмевка на лицето. Се чувствувам многу уништено од се, напиша друг.

View this post on Instagram

A post shared by Lorenzo Della Femine (@lorenzodellafemine83)

The post Познат инфлуенсер почина додека си играл со своите деца – семејството и фановите шокирани appeared first on Република.

Контроверзниот инфлуенсер Ендрју Тејт во Романија е обвинет за силување, трговија со луѓе и формирање на организирана криминална група за сексуална експлоатација на жени.

Обвинети се и неговиот брат Тристан и двајцата соработници. Сите ги отфрлија обвинувањата, јавува Би-Би-Си.

Браќата Тејт беа уапсени во нивната куќа во Букурешт во 2022 година, додека на 31 март беа префрлени во домашен притвор по одлука на романски судија.

Во обвинението доставено до судот во Букурешт, се наведува дека четворицата обвинети во 2021 година формирале организирана криминална група за шверц на луѓе во Романија, но и во други земји, меѓу кои и САД и Британија.

Именувани се седум жртви за кои се вели дека биле намамени од браќата на Тејт со лажни ветувања за љубов и брак.

Судењето се очекува да трае неколку години.

The post Инфлуенсерот Тејт обвинет за силување, трговија со луѓе и формирање група за експлоатација на жени appeared first on Република.

Хајден Боулс на Јутјуб го следат 300 илјади луѓе, додека на ТикТок има 100 илјади следбеници. Тој често споделува совети на социјалните мрежи за тоа како изградил бројни бизниси во тинејџерските години, пренесува „Дејли мејл“. Боулс заработил милиони преку инвестирање во недвижнини и онлајн курсеви за „dropshipping“ и реклами на ТикТок.

Почнав да заработувам значителни приходи од мојот бизнис кога имав 17 години, во индустријата за е-трговија. Сè уште работам, сакам да работам, но технички сум во пензија поради парите што ги заработив од недвижнини“, објаснува тој.

 

View this post on Instagram

 

A post shared by Hayden Bowles (@realhayden)

Тој додава дека парите што ги добива од претходните инвестиции го плаќаат неговиот животен стил. Компаниите на Хајден продолжиле да растат и да отвораат нови филијали, а младиот претприемач заклучил дека богатството е разликата помеѓу приходите и расходите и дека нема одредена бројка која ќе одреди дали некој е богат.

 

View this post on Instagram

 

A post shared by Hayden Bowles (@realhayden)

Откако го напуштил училиштето на 17-годишна возраст, тој ја основал платформата „Еком сизн“ (Ecom Season), која нуди низа курсеви кои чинат до 575 долари. Во едно од видеата тој вели дека не жали што не отишол на факултет бидејќи искуството е сосема слично.

Ги правите сите глупави работи што ги правите на факултет, но одите 20 нивоа подалеку бидејќи сите имаат пари“, вели тој.

Тој тврди дека до 20-тата година ги зголемил приходите за четири пати во однос на заработката на 17-годишна возраст, па на дваесет години веќе заработил милион долари. Сега вели дека собрал повеќе од 20 милиони долари преку зделки фокусирани на е-трговија.

Тој им порачува на следбениците на социјалните мрежи да избегнуваат повеќекратни напори и да се фокусираат на една работа што сакаат да ја прават долгорочно.

Инфлуенсерот редовно споделува фотографии од неговите луксузни патувања и одмори низ САД, како и фотографии од скапи автомобили и приватни авиони.

The post Го напуштил училиштето на 17, го заработил првиот милион на 20, а на 22 години сака да се пензионира appeared first on Република.

Граѓаните тешко ќе му ги простат на премиерот Димитар Ковачевски 26-те илјади евра потрошени на себепромоција. Утрово на надвозникот кај стоковната куќа „Мост“ осамнаа транспаренти на ои пишува „Од ќурка инфлуенсерка не бива“.

Од информациите што се јавно достапни, Ковачевски троши 260 евра за еден ден рекламирање на Фејсбук, пари со кои можат да се купат лекови за кои умираат луѓе. Ковачевски работи на личниот пи-ар со цел да го поткрене рејтингот, кој му најнизок во однос на сите претходни премиери и лидери на партиите.

Од партијата Беса Ковачевски го нарекоа најкорумпираниот премиер во Европа и го повикаа да даде отчет од каде ги добил парите за промоција.

Во време кога земјава ја доживува најдлабоката економска криза, каде цените на основните производи достигнуваат огромни бројки, премиерот се грижи за социјалната мрежа. Потсетуваме дека цените на основните производи не се намалени, а струјата и понатаму е многу скапа. Овие постапки уште еднаш покажуваат дека премиерот и владата воопшто не се грижат за граѓаните и интеграцијата, туку се занимаваат со пропаганда и самопромоција, велат од Беса.

Младината на ВМРО-ДПМНЕ му ја додели наградата за инфуленсер на годината.

Можеби рафтовите со леб во маркетите се празни и народот нема со што да се прехрани, но една таква мала и неважна работа не смее да го засени фактот дека со само 26.000 евра, можат да се купат неколку стотина лајкови на Фејсбук. Наградата за инфлуенсер на годината, заминува кај премиерот Димитар Ковачевски – Таче, за најмногу пари инвестирани во развојот на културата на социјалните мрежи во Македонија, Младен Јаневски, претседател на Комисијата за животна средина на Унијата на млади сили на ВМРО-ДПМНЕ.

The post Oд ќурка инфлуенсерка не бива appeared first on Република.