Шпанскиот тенисер Карлос Алкараз втора година по ред го освои Мастерсот во Индијан Велс, САД. Тој доцна синоќа во финалето го победи Русинот Данил Медведев со 2:0, по сетови 7:6 и 6:1.

Шпанецот ја освои 13-та титула во кариерата (вкупен биланс во финалето 13:4) и петтиот Мастерс (биланс во финалето – 5:1).

Алкараз е првиот тенисер што ја одбрани титулата во Индијан Велс по Новак Ѓоковиќ во 2016 година.

Дваесетгодишниот Шпанецот ја освои 13-та титула во кариерата (вкупен биланс во финалето 13:4) и петтиот Мастерс (биланс во финалето – 5:1).

Вториот светски рекет вторпат по ред го совлада Медведев на турнирот во Индијан Велс. з

The post Aлкараз го освои Индијан Велс и му се доближи на Ноле на АТП листата appeared first on Република.

Светскиот рекет број 4, Даниил Медведев се пласираше во финалето на „Мастерс“ турнирот АТП 1000 во Индијан Велс, САД, откако го победи домаќинот Томи Пол со 1-6, 7-6(3), 6-2.

Натпреварот траеше 2 часа и 23 минути. Рускиот тенисер го заврши мечот со три двојни и 15 неизнудени грешки, како и 5 реализирани брејк топки од 10 можни.

Американецот од своја страна направи пет асови со 3 двојни и 13 неизнудени грешки, а исто како и противникот реализира пет од десет можности за брејк.

Во финалето на турнирот во Медведев ќе игра со вториот во светскиот ранг, Карлос Алкараз, кој претходно денеска го совлада Италијанецот Јаник Синер

The post Медведев-Алкараз: Вечерва гледајте го финалето во Индијан Велс appeared first on Република.

Вечерва на „Мастерс“ турнирот во Индијан Велс се одиграа 4 осминафинални дуели. Минатогодишниот шампион Карлос Алкараз, Александар Зверев, Јиржи Лехечка и Јаник Синер продолжуваат напред.

Светскиот рекет број 11, Стефанос Циципас е елиминиран откако загуби со 2:6, 4:6 од Јиржи Лехечка, кој исто така изненади во претходното коло, елиминирајќи го Андреј Рубљев. За Чехот ова ќе биде прво четвртфинале на „Мастерс“.

Карлос Алкараз, исто така, продолжува во четвртфиналето. Шпанецот немаше посебни проблеми со Фабијан Марочан и успеа да му се реваншира на светскиот рекет број 58 за поразот од Рим минатата година. Алкараз победи со 6:3, 6:3 и го постигна деветиот последователен успех во Индијан Велс.

Александар Зверев направи пресврт против Алекс де Минор и исто така обезбеди пласман во четвртфиналето. Германецот победи со 5:7, 6:2, 6:3, а следен противник му е Алкараз. Зверев спаси 8 од вкупно 11 брејк топки, а исто така 5 пати победи на сервис на Де Минор.

Шампионот на Австралија опен, Јаник Синер оствари триумф над Бен Шелтон со 7:6(4), 6:1 и ја забележа својата 15-та последователна победа од почетокот на годината. Неизвесност имаше само во првиот сет, по што Италијанецот не остави сомнеж за својата надмоќ.

И кај дамите имаше интересни пресметки, а „носталгичната“ беше помеѓу Каролин Вознијацки и Анџелик Кербер. Тенисерката од Данска одигра постабилно и победи со 6:2, 6:4 на првиот меѓусебен меч од 2018 година.

Светската тенисерка број 1, Ига Швионтек и даде само три гема на Јулија Путинцева - 6:1, 6:2. Тоа беше 28-ма победа во последните 30 натпревари за полската тенисерка, а следна пречка е Вознијацки, со која се има сретнато само еднаш на тениските терени

The post По елиминацијата на Ноле отворен патот на Алкараз во Индијан Велс appeared first on Република.

Српскиот тенисер и светски рекет број еден, Новак Ѓоковиќ, се пласираше во третото коло на АТП турнирот во Индијан Велс (САД). Во второто коло Ѓоковиќ го победи Австралиецот Александар Вукиќ во три сета - 6:2, 5:7, 6:3.

Противник на Ѓоковиќ во третото коло ќе биде Италијанецот Лука Нарди.

Слично како Ѓоковиќ, второто коло го мина и белоруската тенисерка, Арина Сабаленка. Таа славеше победа над Американката Пејтон Стернс со резултат 6:7 (2:7), 6:2, 7:6 (8:6). Мечот траеше 2 часа и 55 минути.

Во третото коло Сабаленка, која е втора на светската ранг-листа, ќе се сретне со Британката Ема Радукану.

The post Ѓоковиќ и Сабаленка изгубија по сет, но се пласираа во третото коло во Индијан Велс appeared first on Република.

Тенискиот турнир во Индијан Велс во март ќе понуди вкупно 19 милиони долари награден фонд, најмногу од сите комбинирани ВТА и АТП турнири од серијата Мастерс 1000, објавија организаторите.

Износот е за 1.4 милиони долари повеќе од ланскиот награден фонд.

Горди сме што оваа година издвојуваме рекордни парични награди и силно сме мотивирани на компензација на сите тенисери кои настапуваат во Индијан Велс“, изјави извршниот директорот на турнирот Стив Кристијан.

Светските тенисери лани го прогласија Индијан Велс за ВТА и АТП 1000 турнир на годината, деветти пат во низа.

Ланското издание привлече 450.000 гледачи на трибините.

Шпанецот Карлос Алкараз и Елена Рибакина ги бранат титулите на турнирот кој оваа година е на програмата од 6 до 17 март.

The post Покажува зошто е прогласен за турнир на годината: Индијан Велс со рекордно зголемување на наградниот фонд appeared first on Република.

Српскиот тенисер Новак Ѓоковиќ проговори за тоа дека не доби дозвола да учествува на турнирите во Индијан Велс и Мајами.

На 22-кратниот победник на Грен слем му беше забранет влезот во САД поради немање сертификат за вакцинација против коронавирус.

- Посакувам да можам да играм во Индијан Велс и Мајами. Ги сакам овие турнири. Имав многу успех таму. Но, во исто време, ова е свесна одлука што ја донесов и знаев дека секогаш постои можност да не одам. И оваа ситуација, се надевам, ќе се промени до крајот на оваа година за следниот УС Опен. Ова е најважниот турнир за мене на американско тло, го цитира Ѓоковиќ „Си-ен-ен“.

Триесет и петгодишниот тенисер истакна дека во оваа фаза од кариерата му се најважни грен слемовите и ќе почека да види дали ќе може да замине во Њујорк.

- Навистина сакам да играм таму, сакам да бидам таму. Имав среќа три пати да го освојам УС Опен, да одиграм многу финалиња. И покрај тоа што загубив пред две години, добив многу љубов и благодарност од луѓето и сакам да се вратам и повторно да се сретнам со тие навивачи. Така што тоа е она на што се радувам и се надевам дека ќе се случи, изјави Ѓоковиќ.

The post Ѓоковиќ жали за Индијан Велс и Мајами, се надева на УС опен appeared first on Република.

Американските власти одбија да му дозволат на Новак Ѓоковиќ влез во САД бидејќи не бил вакциниран. По оваа одлука, светскиот број 1 и официјално се повлече од ждрепката за Мастерс турнирот во Индијан Велс

Странците кои не се вакцинирани против корона вирусот се уште не можат да влезат во земјата. Ѓоковиќ не е вакциниран, поради што не доби ослободување, а неговото место ќе го заземе Николоз Басилашвили од Грузија.

Ѓоковиќ на Мастерс турнирите во Индијан Велс и Мајами последен пат настапил во 2019 година.

Србинот, кој е еден од најистакнатите спортисти невакцинирани против вирусот, минатиот месец поднесе барање до американската влада за специјална дозвола да игра на АТП Мастерс турнирите во Индијан Велс и Мајами, објави Ројтерс.

Турнирот во Индијан Велс започнува во понеделник и ќе трае до 19. март.

The post Ѓоковиќ нема да игра во Индијан Велс и Мајами, власите во Америка не му дозволија бидејќи не е вакциниран appeared first on Република.

Првиот светски рекет Новак Ѓоковиќ изјави дека не може да влезе во САД за да учествува на турнирот во Индијан Велс.

Засега ситуацијата е таква што нема да можам да учествувам на турнирот. Ајде да видиме како ќе биде. Мислам дека околностите може да се променат во следните неколку недели, ја цитира изјавата на Србинот „Tennishead“.

За потсетување, влезот во САД е забранет за оние кои не се вакцинирани против коронавирус.

Ѓоковиќ претходно изјави дека во принцип нема да се вакцинира и затоа е подготвен да ги прескокне турнирите на кои ова барање е задолжително.

Ѓоковиќ на 21 февруари го одигра првиот натпревар по скандалот во Мелбрун, кога не му беше дозволено да остане во земјата и да учествува на Австралија опен.

The post Ѓоковиќ не може да влезе во САД и да игра на Индијан Велс appeared first on Република.