Поранешниот кандидат за претседател на државата, Имер Селмани во синоќешното гостување во емисијата „Клан дебата“ со Љубиша Николовски рече дека сегашните претседателски избори се разликуваат од претходните со оглед на тоа што во првиот изборен круг ќе има двајца кандидати од партиите на Албанците, Бујар Османи и Арбен Таравари.

Според Селмани, од македонските кандидати има двајца фаворити во првиот изборен круг, кандидатите на СДСМ и на ВМРО ДПМНЕ, Пендаровски и Силјановска.

Кај Албанците, ситуацијата е поинаква, албанските гласачи ќе бираат меѓу двајцата кандидати, Бујар Османи и Арбен Таравари. Ќе има жестока дебата затоа што двајцата се исклучително добри и активни на политичката сцена. Кампањата ќе биде доста интензивна, гласачите ќе бидат анимирани за да гласат за некој од нив. Пендаровски сега не може да ја очекува поддршката од Албанците во првиот изборен круг. Натпреварот ќе биде интересен, потенцира Селмани.

The post Селмани: Пендаровски не може да ја очекува поддршката на Албанците во првиот изборен круг appeared first on Република.

Имер Селмани – екс кандидатот за претседател на државата на ТВ24 рече дека годинава кампањата ќе биде поинтересна со седум кандидати за шеф на државата.

– Познати и се кандидатите на јавноста и сите имале поголемо политичко искуство. Нема потреба за анализа на кандидатите зошто јавноста веќе ги анализирала. Имавме избори во минатото каде имавме нови кандидати, а тука имаме кандидати кои се добро познати. Овие претседателски избори во вториот круг се совпаѓаат со парламентарните, но по тежината и по инпутот што ќе го дадат, нема само да квалификува двајца кандидати кои ќе влезат во вториот круг. Резултатите од првиот круг на претседателските избори ќе ја додефинираат сликата на изборите на резултатите од парламентарните избори – порача Селмани.

The post Селмани: Резултатите од првиот круг на претседателските избори ќе ја дефинираат сликата за парламентарните избори appeared first on Република.

Состојбите во Алијанса на Албанците не се изненадување за поранешниот министер Имер Селмани, кој во вечерашното издание на Вин-Вин рече дека се минува низ најлошиот епилог во внатрепартиските однесувања во изминатите три-четири месеци, но и партиското позиционирање во пресрет на претседателските и парламентарни избори.

Лично ги познавам повеќето луѓе во структурата на Алијанса на Албанците. И Таравари и Села ги познавам најмалку 20-тина години. Имаше ситни недоразбирања во последните шест месеци, меѓутоа ниту јас на крај не очекував дека толку драматично ќе биде почетокот на една голема поделба во Алијанса на Албанците, изјави Селмани.

Најголем губитник, според него, ќе биде партијата, самите членови, самата структура, самите граѓани кои полагаа одредени надежи во таа партија.

Структурата во подграноците, ограноците сега треба да одлучуваат меѓу Села и Таравари. Знам дека на многу луѓе им паѓа многу тешко и тешко се одлучуваат со кого ќе продолжат понатаму, рече Селмани.

The post Селмани: Алијанса на Албанците е најголем губитник во партискиот раскол appeared first on Република.

Соседите треба да се почитуваат меѓусебе и да ги почитуваат симболите на народите, изјави денеска во Битола претседателот на Република Албанија Бајрам Бегај.

На новинарско прашање во врска со евентуалните соседски вета за Македонија од Бугарија и за Албанија од Грција, албанскиот претседател Бегај нагласи дека оптимистички треба да се гледа на патот кон Европската унија.

-По природа сум оптимист и треба оптимистички да гледаме на патот кон Европската унија. За двата наши народа го посакувам најдоброто и за пат накраток можен до Европската унија, за едно поубаво утре за нашите деца со просперитет и мир во регионот. Благодарам на локалните и националните власти на Република Македонија што ја овозможија оваа посета и за тоа што 22 ноември го прогласија за државен празник, а тоа е непобитен доказ на добрите меѓудржавни и меѓусоседски односи што ги имаме двете држави. Ова треба да го направат и останатите соседи, да се почитуваат меѓусебе и да ги почитуваат симболите на народите, изјави Бегај.

Претседателот на Република Албанија Бајрам Бегај во придружба на претседателот на македонскиот парламент Талат Џафери, министерот за образование и наука Јетон Шаќири и почесниот албански конзул во Битола Имер Селмани, денеска присуствуваат на свечени манифестации по повод 115 години од Битолскиот конгрес што ги организира НУ Музеј на албанската азбука во Битола.мт

The post Имер Селмани се почесто се појавува во јавноста appeared first on Република.

Влезот на Алијансата за Албанците во владата може да биде нож со две острици за оваа партија, бидејќи со ваквиот чекот многу би ризикувала со својот електорат, посочува поранешниот вицепремиер на Владата, Имер Селмани во интервју за ТВ21.

Според него Алијанса мора да го земе предвид ризикот од евентуален влез во оваа Влада која има уште една година од својот мандат.

– Се работи за многу специфични околности со кои се соочува нашата земја. Алијансата за Албанците е клучот за целосно вклучување на земјата во ЕУ, каде следен чекор се уставните измени. Во моментов мнозинството ги нема вистинските бројки за уставните измени, многу е нормално да се стави на маса влезот на Алијанса за Албанците во Владата. Но, за ова треба да одлучи Алијанса, бидејќи од една страна ќе го даде својот придонес за владата, од друга страна оваа влада е во последната година од својот мандат и Алијансата мора да го земе предвид и ризикот со евентуалниот влез во Владата. Ова за нив е меч со две острици, рече Селмани.

The post Селмани: Влегувањето на Алијансата во Владата е меч со две острици appeared first on Република.

Поранешниот пратеник и вицепремиер Имер Селмани во емисијата „24 анализа“ вели дека времето не работи во полза за наоѓање на европско решение, прифатливо за Македонија и Бугарија и останатите членки на ЕУ.

Секако дека ова што се случува во Бугарија, се потврди дека актуелната влада нема поддршка во Парламентот. Се согласуваме сите дека во вакви околности, не треба да подигнеме очекување дека и да имаме вразумен француски предлог, сето тоа може да вроди со плод за да дојдеме до прифатливо решение. Згора на тоа што се шпекулира без да се видат на хартија тие предлози, дали бугарските барања ќе влезат во преговарачката рамка со ЕУ. Знаат Французите, дека доколку предлогот е таков, не може да помине кај нас, истакна Селмани.

The post Селмани: Знаат Французите дека доколку предлогот е таков, не може да помине кај нас appeared first on Република.

Во јавноста се поделени мислењата дали ДУИ е ДУИ само со Али Ахмети. Повеќето Албанци во Македонија сметаат дека ако Ахмети се повлече од лидерското место на партијата тоа ќе се одрази на ДУИ во смисла на тоа дека ќе се разбудат политички амбиции, коментира Имер Селмани, поранешен министер и претседателски кандидат за „Утрински брифинг“.

Сме го виделе тоа. Црвенковски замина од СДСМ, а Георгиевски од ВМРО-ДПМНЕ, но овие партии го преживеаја тоа. Од друга страна, со заминувањето на Арбен Џафери неговата партија ДПА претрпе сериозни последици во смисла на популарноста кај гласачите, вели Селмани.

Според него, ако помалите партии на Албанците во Македонија научат да соработуваат меѓу себе, тогаш е можно обединувањето на партиите да доведе до симнување на ДУИ од оваа позиција што ја има последниве 20 години.

The post Селмани: Прашање е дали ДУИ ќе опстои ако Ахмети се повлече како лидер appeared first on Република.