Вандали ја оштетиле иконата на Исус која е поставена на големиот крст во паркот во Драчево. До неа оставен е Куран.

Верниците реагираат бурно и бараат сторителите да бидат пронајдени.

Големиот крст во Драчево беше осветен пролетва, на православниот празник Цветници:

https://republika.mk/vesti/makedonija/od-denes-pogledot-kon-neboto-nema-da-e-ist-na-tsvetnitsi-osveteni-dva-novi-krsta-megu-koi-vtoriot-najgolem-vo-makedonija/

The post Уништена иконата на Исус на крстот во Драчево, до неа оставен Куран appeared first on Република.

Во Струмица денеска се одржа свечена литија со иконата на Пресвета Богородица Брзопослушничка, која на Градскиот плоштад беше донесена од храмот „Свети Григориј Палама и Свети великомаченик Димитриј“, каде вчера беше пренесена од манастирската црква „Свети петнаесет Тивериополски свештеномаченици“.

Пред поголем број верници и граѓани се одржа молебен, а во присуство на Митрополитот Тетовско-гостиварски Јосиф и Епископот Делчевско-Каменички Марко, поздравно слово одржа епископот Стобиски Јаков.

-Еве не не само денес, туку и вчера и завчера,одиме по стапките на нашите предци, нашите татковци, мајки, баби и дедовци, кои чекореа по Мајката Христова и Мајката наша и никогаш не оддалечувајќи се од неа, заради тоа што нашиот народ многу добро знае дека оддалечувајќи се од Пресвета Богородица, се оддалечуваме од оној што го држи  во своите мајчински прегратки, рече епископот Јаков.

Литијата почна вчера со Вечерна богослужба во манастирот „Свети Петнаесет Тивериополски свештеномаченици“ и изнесување на иконата на Пресвета Богородица Брзопослушничка. Со свечена литија иконата беше однесена во црквата „Свети Григориј Палама и Свети великомаченик Димитриј“, а иконата беше оставена за поклонение на верниците.

Пред седум години, во втората недела од Великиот пост, посветена на Свети Григориј Палама, заштитникот на Струмичката епархија, иконата беше донесена во манастирот „Светите Петнаесет Тивериополски свештеномаченици“, Струмица, како подарок од братството на светогорскиот манастир Дохијар.

The post Во Струмица се одржа свечена литија со иконата на Пресвета Богородица Брзопослушничка appeared first on Република.

Според календарот на МПЦ (Јулијанскиот календар) денеска е 16 август, Неракотворен образ на Исус Христос.

Црковното предание за прва икона во Христијанската црква ја смета Неракотворната икона или Неракотворниот лик на Господ Исус Христос. Неракотворна икона значи икона што не е направена со човечка рака. Еве како таа настанала.

Во почетокот на нашата ера, односно во времето на Господ Исус Христос во градот Едеса на Еуфрат живеел царот Авгар. Тој се разболел, така што не можеле да го излекуваат сите царски лекари. Тогаш тој слушнал да чудата што ги правел Исус, за воскреснувањето мртви, за лекувањето болни, за истерувањето демони итн. Посакал Исус да дојде кај него и да го лекува. Затоа му испратил писмо по својот слуга Ананиј кој бил и сликар. Во случај Исус да не може да дојде слугата имал задача да го наслика неговиот лик и да му ја донесе сликата.

Исус го добил писмото но поради своите обврски не можел да појде во Едеса. Од друга страна, сликарот Ананиј никако не можел да го наслика Божествениот лик на Исус Христос. Исус, пак, знаејќи за тоа го измил лицето со вода и побарал крпа за да го избрише. Кога го избришал лицето на крпата останал насликан неговиот лик. Таа крпа му ја дал на Ананиј да му ја однесе на царот Авгар. Кога Авгар ја добил крпата го целивал ликот на Исус и веднаш оздравел. Царот Авгар ја ставил крпата со ликот на Исус на градската капија, за да знаат сите дека царот верува во божественоста на Исус Христос. Притоа наредил сите што тука минуваат да се поклонат на ликот на Исус Христос.

Во 944 година императорот Константин Багренороден (Порфирогенит) ја купил крпата со ликот на Исус, ја пренесол во Цариград и ја поставил во црквата „Света Софија“. Тоа пренесување се празнува на 29/16 август.

The post Денеска настанала првата икона на Исус ненаправена од човечка рака appeared first on Република.

На социјалните мрежи се прошири фотографија, за која се вели дека е од српскиот град Рума, каде деновиве избил пожар на поткровје од зграда каде живееле двајца свештеници.

Пожарот според пишувањата на српските медиуми пеплосал се’, освен икона со Богородица и Исус.

Иконата била речиси недопрена, па случката остави без зборови илјадници корисници на социјалните мрежи.

 

View this post on Instagram

 

A post shared by 192.RS (@192_rs)

The post Пожар на поткровје каде живееле свештеници пеплосал се’, освен икона со Богородица и Исус appeared first on Република.

Православниот заштитник на еден македонски дом се обележува со одредени правила и обичаи. Меѓутоа, многу од обичаите немаат никаква врска со нашата традиција.

Се повеќе има домаќини кои себеси си дозволуваат планирање на славата по сопствени убедувања, така што целата слава се претвора во обична пијанка.

Многу домаќини не знаат каде ѝ е местото на славската икона, па ја чуваат закачена на било кој ѕид или, пак, на некој ормар како украсен детаљ.

Иконата всушност, без никакво сомнение, треба да се чува закачена на источниот ѕид, бидејќи според православните учења од истокот доаѓа Спасителот.

Најголем грев е кога славата за време на големи пости се слави како мрсна слава. Затоа, свештениците велат, подобро воопшто не го славете Свети Никола, отколку да го славите со мрсна трпеза.

The post Правила кои мора да се почитуваат кога се прави куќна слава, една работа е строго забранета и претставува голем грев appeared first on Република.

На социјалните мрежи беше споделен моментот каде што цариникот-митаџија на еден од митинзите на СДСМ му вели на Заев дека е нивна икона, и му дава беса дека ќе победат.

The post Му даде беса на неговата икона Заев, па падна за 120 евра мито appeared first on Република.