Министерството за внатрешни работи поднесе кривични пријави против седум лица за „фалсификување исправа“, „употреба на исправа со невистинита содржина“ и „несовесно работење во службата“.

Како што соопштуваат од МВР, поднесена е една кривична пријава против правно лице од Струмица, поради постоење основи на сомнение за сторено кривично дело „употреба на исправа со невистинита содржина“, против управителот во правното лице Д.Ј.(37) од Кавадарци, поради постоење основано сомнение за сторени кривични дела „фалсификување исправа“ и „употреба на исправа со невистинита содржина“, против три лица од Скопје, Н.М.П.(40), О.С.С.(49), О.Н.(54), вработени во Министерството за финансии, поради постоење основи на сомнение за сторено кривично дело „злоупотреба на службената положба и овластување“, како и против Л.Т.(63) и М.С.(45), двете од Скопје, вработени во Министерство за финансии, поради постоење основано сомневање за сторено кривично дело „несовесно работење во службата“  од Кривичниот законик.

Во соопштението се наведува дека во периодот од 13.07.2022 до 06.08.2024, пријавениот Д.Ј., на управител на правното лице, изготвил лажна исправа - Банкарска гаранција, наводно издадена од една банка. После тоа, банкарската гаранција ја приложил како вистинска во Министерството за финансии, во врска со добиената лиценца за приредување на игри на среќа, во која е предвидено дека приредувачот на игри на среќа за обезбедување на исплатата на добивките на учесниците во игрите на среќа, плаќање на јавните давачки утврдени со закон, како и за надоместоците и посебните давачки е должен да депонира депозит или да обезбеди банкарска гаранција и во рок од 15 дена од приемот на лиценцата, во истиот рок да го достави доказот за депонираниот депозит или банкарската гаранција до Министерството за финансии.

– Пријавената Н.М.П., во својство на советник за системот на осигурување, и покрај тоа што знаела дека барањето не е доставена во законски предвидениот рок, без да ја архивира со приемен печат и без да изврши контрола на соодветноста на банкарската гаранција, ја депонирала во предметот како вистинска. О.С.С., раководител на Одделение за игри на среќа и за забавните игри, без да ја провери соодветноста на доставената банкарска гаранција ја проследила без приемен печат до Л.Т., која во својство на раководител на Сектор за финансиски систем во Сектор за финансиски систем и потоа М.С. во својство на Државен советник за прашања од финансискиот систем, со пропуштање на должен надзор, го одобриле проследувањето на лажната банкарска гаранција до О.Н., државен советник за јавна внатрешна финансиска контрола, која била должна да изврши проверка на предметите кои се доставуваат во Сектор кабинет за потпис од Министерот за финансии, Заменик министерот за финансии и Државниот секретар, а кои се во надлежност на Секторот за финансиски систем, во делот на издавање на лиценците за приредување на игрите на среќа во обложувалница, автомат клуб, казино и томбола од затворен тип.

Со наведените дејствија пријавените лица предизвикале штета на државниот буџет во износ од 32.000 евра и му овозможиле на правниот субјект да ја користи добиената лиценца и да се стекне со противправна имотна корист од 13.489.952 денари. 

The post Струмичка фирма и вработени во Финансии ќе одговараат за криминалии со лиценца за игри на среќа appeared first on Република.

Во тетовски Пирок вчера во 13:45 часот полициски службеници од СВР Тетово го лишиле од слобода А.Х.(30) од Пирок поради сомнение за сторено кривично дело „приредување игри на среќа без лиценца, односно дозвола од надлежен орган“ предвидено во член 156 од Законот за игрите на среќа и забавните игри.

При контролата во неговиот мобилен телефон, соопштија денеска од МВР, било констатирано  дека користел веб страница за онлајн игри на среќа за која имал административни права за креирање на други корисници.

- Исто така, пронајдена е листа со играчи кои биле активни, како и баланс на ставен кредит, со баланс сума и достапни кредити, како и пораки на средства за комуникација со барања за надополнување на кредити на платформата. Мобилниот телефон му бил одземен, а тој бил задржан во полициска станица за понатамошна постапка, се појаснува во соопштението.

Во исто време, полициски службеници од СВР Тетово, во содејство со УЈП и Државен инспекторат за труд, извршиле контрола и во спортската обложувалница во село Пирок, во која работел, а е сопственост на Е.Ш и И.Ш., двајцата од Тетово. При контролата биле констатирани неправилности во работењето на обложувалницата, за што ќе бидат преземени соодветни мерки од надлежните институции. По документирање на случајот, ќе биде поднесена соодветна пријава.

The post Teтовец на диво си приредувал игри на среќа appeared first on Република.

Премиерот Христијан Мицкоски денеска рече дека на владина седница се донело одлука за укинување на лиценците за онлајн игрите на среќа, бидејќи според правното мислење од Министерството за финансии, истите се давани незаконски без да бидат запазени процедурите.

Затоа што тие лиценци коишто се давани, се незаконски давани. И затоа што имаме начелно правно мислење од Министерството за финансии дека сето тоа што е дадено како лиценца е незаконски издадено. И Министерството за внатрешни работи и Финансиската полиција, но и другите институции ќе се погрижат да јавноста многу скоро ја дознае вистината за тоа како се давани, зошто се давани“ - изјави Мицкоски.

The post Мицкоски: Лиценците за онлајн игрите на среќа се незаконски давани! appeared first on Република.

Министерството за финансии информираше за одлуката за одземањето на Лиценцата за приредување на игри на среќа во автомат клуб издадена на Друштвото за производство, трговија и услуги „АРЕНА ГАМИНГ“ ДООЕЛ Струмица.

Даночниот обврзник не ги подмирувал месечните обврски за даночните давачки  за целиот период на контролата и не работел во согласност со законот.

Воедно констатирано е дека Државна лотарија незаконски доделувала лиценци за приредување на игри на среќа, за што ќе бидат информирани и надлежни истражни институции.

The post Oдземeна лиценцата за приредување на игри на среќа на „АРЕНА ГАМИНГ“ ДООЕЛ Струмица поради неподмирени даночни обврски appeared first on Република.

Помпезните најави за наводна борба против коцкањето, со одземање лиценца на две фирми кои не платиле данок, се обид да се фрли прашина во очите на граѓанинот и да се прикрие големата измама на нелегитимната Влада.

Ова не е војна против коцкањето, туку повеќе наликува на војна меѓу коцкари, каде што на некого му се зема лиценца за да се создаде простор за други компании, а можеби дури и да дават лиценци на трети фирми блиски до власта.

Вистинската борба против коцкањето се прави само со законски решенија, со затворање на сите обложувалници и казина одеднаш.

Доколку навистина сакате војна против коцкањето, ве повикуваме да гласате за предлогот на Алијансата за Албанците и Европскиот фронт, со кој е предвидено да бидат затворени сите објекти на игри на среќа низ целата држава и да работат само во хотели со пет ѕвездички.

The post Алијанса за Албанците реагира што се одземаат лиценци на две фирми за игри на среќа appeared first on Република.

Министерката за финансии Гордана Димитриеска Кочоска информираше дека е иницирана постапка за одземање на лиценца за приредување игри на среќа на две друштва заради неисполнување на условите од издадената лиценца за приредување игри на среќа

Министерството за финансии ја иницираше постапката откако од УЈП како надзорен орган на приредувањето на игри на среќа го доби записникот од извршената надворешна контрола над работењето на овие друштва“, рече Кочоска.

Нагласи дека првичното барање од Министерството за финансии за добивање на записникот до УЈП е доставено уште во јули 2023 година по што се направени неколку ургенции, а конечно е постапено од страна на Управата дури во јуни 2024 година, откако доаѓа новото раководство.

Во одговор на новинарско прашање рече дека не може да се направи точна проценка за штетата врз Буџетот, но додаде дека станува збор за голем износ. Дополнително ќе треба да се утврди дали двете друштва се поврзани со поранешни функционери. Едното, како што кажа, не е од Скопје.

Едното од друштвата е основано во 2022 година и од 2022 година до денес нема ниту еден денар платено каква било давачка кон буџетот и сето тоа е констатирано во записник од страна на УЈП. Дали има одредени оштетувања кон буџетот – има, затоа што има пред се давачки коишто согласно законот требало да ги плаќа, посочи Димитриеска Кочоска.

The post Ќе им се одземат лиценците за приредување игри на среќа на две друштва, не ги платиле давачките утврдени со закон appeared first on Република.

Ништо од законот за игри на среќа. Пропадна обидот на мнозинството во Собранието да го заобиколи суспензивното вето на Претседателот Пендаровски. На денешната седница на повтореното гласање за законот гласаа само 51 пратеник, десетмина помалку од минимумот за апсолутно мнозинство.

За да биде усвоен Законот потребни се најмалку 61 глас ЗА, при одлучувањето за Законот за игри на среќа и забавни игри, на 145. седница, Законот доби поддршка од 51 глас ЗА, со што не се исполнети условите за Законот да биде усвоен и со тоа завршува процедурата по тој Закон – се вели во појаснувањето од кабинетот на собранискиот Претседател.

Во ДУИ, кои што на мускули го буткаа овој закон денеска не криеја дека се разочарани. Уште еднаш потенцираа дека со ветото Пендаровски кај нив си пишал голем грев. Одбија да одговорат дали тоа ќе го чини и поддршката на ДУИ во вториот круг.

Во СДСМ од каде што повеќе од третина од пратеничката група не даде поддршка на законот, причините ги лоцираат во сопствениот како што велат, развиен демократски капацитет

Обложувалниците задоволни.

Во името на 10 илјади вработени во секторот игри на среќа и нивните семејства оддаваме признание на сите пратеници кои не гласаа за скандалозните и противуставни измени на Законот за игри на среќа после одлуката на Претседателот на Републиката да не го потпише указот за нивното стапување во сила, велат од Асоцијацијата на приредувачи на игри на среќа

The post Собранието не даде зелено светло: Не поминаа измените во Законот за игри на среќа appeared first on Република.

Измените во Законот за игри на среќа на второто гласање не поминаа. За овој закон гласаа 51 пратеник, а беа потребни 61. Здруженијата на приредувачите на игри на среќа и на спортските обложувалници веќе подолг период предупредуваа дека овие измени се проект на само една партија, отворено алудирајќи дека е тоа ДУИ и дека ќе остави илјадници граѓани без работа. Собранието во февруари ги усвои овие измени поднесени со европско знаменце, но претседателот Стево Пендаровски не го потпиша указот.

„Имајќи ја предвид Одлуката од Уставниот суд У.бр. 115/2019 од 14 мај 2020 година, според која за да биде усвоен Законот потребни се најмалку 61 глас ЗА, при одлучувањето за Законот за игри на среќа и забавни игри, на 145. седница, Законот доби поддршка од 51 глас ЗА, со што не се исполнети условите за Законот да биде усвоен и со тоа завршува процедурата по тој Закон“, соопштија од Собранието.

The post Измените во Законот за игри на среќа не поминаа во Собрание appeared first on Република.

Во услови на тензии, свирежи, транспаренти и блокирана говорница, предизвикани од пратениците на опозициската демократска партија, приврзаници на Сали Бериша и Газменд Барди, владејачкото мнозинство во албанскиот парламент го изгласа законот со кој се враќаат игрите на среќа-онлајн.

Законот беше изгласан со 72 гласа „за“, двајца социјалистички пратеници, поранешниот вицепремиер Ерион Браче и ексминистерот за внатрешни работи Фатмир Џафа, беа воздржани, додека опозициските демократи не гласаа.

Според новиот закон, оние кои сакаат да играат игри на среќа онлајн ќе треба да се пријават со својот идентитет во системите на обложувалниците, кои ќе имаат обврска да ги чуваат податоците на играчите три години. Додека циркулацијата на парите ќе се врши преку банкарскиот систем, јави Топ чанел.

Додава дека игрите на среќа беа прогласени за нелегални на 1 јануари 2019 година, но и покрај тоа, „Албанците никогаш не престанаа да се обложуваат или да играат во казина, бидејќи оваа услуга се нудеше онлајн без никој да ја контролира“.

Откако се попишмани владата, предлагајќи нивно повторно враќање, албанскиот премиер Еди Рама, тоа го образложи со тоа дека после забраната, игрите на среќа продолжиле да се одвиваат на црно и дека повторното легализирање на оваа дејност ќе и помогне на албанската економија во време на енергетска и економска криза, потсетува телевизијата на изјавата на Рама.

На седницата, која траеше 15-на минути беа изгласани измени и дополнувања на неколку закони, меѓу кои и на законот за официјални празници.

На дневен ред беше и интерпелацијата со премиерот Еди Рама, побарана од опозицијата. Поради престојот на Рама во Брисел, кој се враќа денеска попладне и неговата ангажираност со посетата на американскиот државен секретар Ентони Блинкен, истата беше одложена, откако опозицијата не се согласи на нејзините прашања да одговара државната министерка за односи со парламентот Елиса Спиропали, што за тоа ја овластил Рама.

The post Во тензии и хаос албанскиот парламент го изгласа законот со кој ги враќа онлајн игрите на среќа appeared first on Република.

Одлуката на Пендаровски е за жалење, се вели во реакцијата на Демократската партија на Албанците (ДУИ) откако претседателот Стево Пендаровски не го потпиша указот за прогласување на Законот за изменување и дополнување на Законот за игри на среќа и за забавните игри, што Собранието на Македонија го донесе на седницата одржана на 7 февруари.

Опозицијата две години по ред го блокираше законот за одалечување на казината и обложувалниците од нашите училишта и деца. Сите ги знаеме нивните мотиви. По сите блокади и опструкции, парламентарното мнозинство конечно го изгласа законот, кој го поздравија сите граѓани, Албанци, Македонци, Турци, Роми, Срби, Босанци и сите останати, а посебно мајките со пораки ‘ни ги спасивте децата’, како и здруженијата против коцкање.

Довербата на пратениците и граѓаните кои го поддржаа, како и целата оваа битка за отстранување на казината и обложувалниците од нашите училишта и деца, за двојно зголемување на даноците и зголемување на буџетските приходи и отежнување на процедурите за отворање и проширување на индустријата, Пендаровски ја фрли во корпата за отпадоци, ја одбра страната на обложувалниците и казината.
Образложението дека европското знаменце била злоупотребено за усвојување на законот е приказна за мали деца. Замислете немале забелешки за содржината, туку за процедурата.
Ние не се предаваме во оваа битка и убедени сме дека пратениците со чиста совест се на страната против казината и обложувалниците, се вели во реакцијата на ДУИ.

The post ДУИ контра Пендаровски: Неговата одлука е за жалење appeared first on Република.

Асоцијацијата на спортски обложувалници на Македонија (АСОМ) и Асоцијацијата на приредувачи на игри на среќа во автомат клубови и казина (АПИС) денес, пред Собранието од 12:00 до 13:00 часот ќе одржат јавен собир.

Во 12:30 часот предвидени се и изјави за медиумите од страна на претседателот на АСОМ, Васко Илијевски и претставникот од АПИС, Горан Стоименов.

За време на собирот најавено е и затворање на улицата „11-ти Октомври“ пред Собранието на РСМ, а се очекува присуство и на голем дел од вработените од секторот на игри на среќа.

Поводот е закажаната седница на Комисијата за европски прашања каде на дневен ред е второ читање на Предлогот за изменување и дополнување на Законот за игрите на среќа и за забавните игри. Предлог законот, согласно Заклучокот од првото читање на седницата одржана на 27.12.2023 година, беше изгласан за прифатлив, со што истиот денеска се наоѓа на натамошно, односно второ разгледување, што е на чекор пред конечно донесување на пленарна седница во Парламентот.

Ова, како што велат, води до целосно згаснување на една легална стопанска гранка и оставање на улица повеќе од 10.000 вработени.

The post Вработените во игри на среќа на протест пред Собранието appeared first on Република.

Измените и дополнувањата на Законот за игрите на среќа и забавните игри добија поддршка од членовите на собраниската Комисија за европски прашања.

За опозициските пратеници со ставањето на овој Предлог-закон на дневен ред на оваа Комисија се злоупотребува европското знаменце и оти нема никаква поврзаност со регулативата на Европската Унија. Пратениците на ВМРО-ДПМНЕ потенцираа дека во услови на огромна инфлација и сиромаштија, Владата во државата отвора три нови коцкарници за онлајн коцкање.

Тие истакнаа дека наместо инвестиции, граѓаните добиваат коцкање и посочија дека парите од коцкањето завршуваат во бизниси блиски на ДУИ, а во Собрание, како што рекоа, се претставуваат дека треба да се менува Законот со европско знаменце со единствена цел затоа што овој бизнис метастазира и се појавува онлајн коцкање.

Ако ја погледнете и Директивата на која што се повикувате Директивата 2014/478 или препораките во самиот член 5 пишува „во отсуство на усогласување на ниво на Унија, земјите-членки во принцип се слободни да ги постават целите на нивната политика на игрите на среќа и да го дефинираат нивото на заштита. Самата препорака во членот 5 ви кажува дека нема усогласување во Европската унија. И додека од ДУИ ви го рекламираат со 500 метри оддалеченост од секое училиште, ве потсетувам дека со трите нови компании коцкањето ќе стане достапно на секој паметен телефон и секој уред кој е поврзан со интернет. А кога зборуваме за оние 500 метри кои што помпезно ги најавувате како оддалечување на објектите за организирање на игрите на среќа во членот 10 „деловните простории во кои се приредуваат игрите на среќа на обложувалници, електронски игри на среќа, се отвораат на оддалеченост од 500 метри од основните и средните училишта“. Навидум изгледа дека навистина е така, меѓутоа ставот 3 од истиот член - оддалеченоста на ставот 2 од истиот член претставува најкраткиот безбеден пат од основните и средните училишта до влезот на просторијата во која се уредуваат игрите на среќа кој се утврдува со геодетски елаборати за посебни намени изготвен од страна на поединец трговец, трговско друштво за геодетски работи. Што значи ова? Ова значи дека веднаш спроти училиштето можете да имате огромно казино или кладилница ако помеѓу таа кладилница и училиштето ви поминува булевар, рече пратеникот на ВМРО-ДПМНЕ Миле Лефков.

Пратеничката на ВМРО-ДПМНЕ, Дафина Стојановска на почетокот на седницата во процедурална забелешка истакна дека не се остава доволно време за пратениците клавитетно и темелно да и се посветуваат на темата за Онкологија.

Не оставате Парламентот доволно да се посвети исклучиво квалитетно и темелно на темата Онкологија, бидејќи ако можеше Анкетната комисија овие денови кога заседава Комисијата за финансирање и буџет во однос на ревизорскиот извештај во Клиниката за онкологија, вие да свикате седница на Комисијата за европски прашања со која, покажувате што е интерес за власта во овие тешки моменти за државата. Еве како вие успевате да правите еден дефокус, на една страна правите дефокус од темата за Онкологија, а од друга страна си ги водите само вашите лични интереси и бизниси, а тоа е бизнисот со конечното озаконување на една нова видео-лотарија паралелна во државата, рече Стојановска.

На Стојановска и реплицираше претседателот на Комисијата за европски прашања, Арбер Адеми, кој рече дека ако се за доследно почитување на Деловникот, тогаш требаше да побараат две години од Комисијата за финансирање и буџет за ставање на дневен ред на оваа точка.

Со Предлог на законот за изменување и дополнување на Законот за игрите на среќа и за забавните игри кој е предложен од Владата, се предлага ограничување на просториите во кои се приредуваат електронските игри на среќа, односно да може да се приредуваат само во простории на посебните игри на среќа за кои имаат добиено согласност од Министерството за финансии.

Како што стои во Предлог-законот објавен на собраниската веб-страна, со цел да се намали неограниченото отворање на уплатно исплатните места кај обложувалниците односно на деловните простории кај автомат клубовите, а со тоа и да се оневозможи лесниот пристап на населението до игрите на среќа, се предлага воведување на ограничување на бројот на уплатно исплатни места на обложувалниците со издадената лиценца, како и ограничување на бројот на деловните простории на автомат клубовите што се отвораат со една издадена лиценца и воведување на надоместок за секое ново уплатно-исплатно место за обложувалница и за секоја нова деловна просторија за автомт клуб.

Основни решенија на предложениот Закон се: соработниците на друштвото кое поднело барање за лиценца или кои сакаат да влезат во постојно друштво кое има лиценца за игри на среќа мора да поседуваат репутација; деловните простории во кои се приредуваат игри на среќа во обложувалница и автомат клуб, томболата од затворен тип и електронските игри на среќа треба да се наоѓаат на оддалеченост не помалку од 500 метри од основни и средни училишта; начинот на мерење на оддалеченоста ќе се утврди со правилник пропишан од министерот за финансии; се воведува надзорен информациски систем за приредувачите на електронските и интернет игри на среќа; се зголемува месечниот надоместок за лотариските и електронските игри на среќа; електронските игри на среќа ќе можат да се приредуваат во простории каде што се приредуваат посебните игри на среќа за кои имаат добиено согласност од Министерството за финансии; се воведува нов начин на пресметка и плаќање на посебната давачка кај приредувачите на посебните на среќа (казина, обложувалници и автомат клубови); се зголемува надоместокот за издавање на лиценца за обложувалница од 105.000 евра на 200.000 евра, се ограничува бројот на уплатно-исплатни места на 25 со една издадена лиценца. За секое следно уплатно-исплатно место над 25- тото, приредувачот плаќа надоместок во износ од 10.000 евра; се зголемува надоместокот за издавање на лиценца за автомат клуб од 78.750 евра на 100.000 евра. Лиценцата за приредување на игри на среќа во автомат клуб се однесува за три деловни простории и се воведува надоместок во износ од 30.000 евра; се зајакнува регулативата во делот на интернет игрите на среќа со имплементирање на препорака та на Препораката на Комисијата за принципите за заштита на потрошувачите и играчите на онлајн услугите за коцкање и за спречување на малолетници од коцкање преку интернет, стои во Предлог-законот.

The post Измените на Законот за игрите на среќа ја поминаа собраниската комисија appeared first on Република.

Веднаш на почеток, постои ли договор којшто Лотарија на Македонија го потпишала со бугарска компанија за онлајн коцкање? Дали тоа е компанијата 7777.бг, клон на четирите осмици на бугарското подземје? Дали Артан Груби го заобиколи законот, со тоа што Владата со негов потпис донела Одлука за три фирми за коцкање, затоа што Лотарија така одлучила? И уште едно прашање, со однапред општопознат одговор, дали директор на Лотарија, и прв на УО на Лотарија, е шефот на кабинет на Артан Груби, Перпарим Бајрами?, прашува Наум Стоилковски, портпарол на ВМРО-ДПМНЕ.

Ова се фактите, Артан Груби речиси две години се обидува да го смени законот за игри на среќа во Собранието, еднаш се обиде со европско знаменце, не успеа, потоа со автентично толкување кое што не заврши во Собранието.

И додека Македонија тоне во сиромаштија и се крадат лекови од болни, Артан Груби преку неговиот шеф на кабинетот, со популарен „дупли пас“ дозволува три нови лиценци за коцкање во Македонија. Тоа е ова Одлука на Владата со потпис на Артан Груби каде што се вели дека со оваа Одлука се одобрува работењето на Управниот одбор на Акционерското друштво за приредување на игри на среќа на државна Лотарија на Република Македонија, во врска со донесувањето на Одлуката за отпочнување на постапка за основање на три нови друштва за приредување на интернет игри на среќа.

По оваа Одлука, Лотарија објавува оглас во Сл. Весник, на 11-ти септември, број 189, страница 12, на којшто се дава фоторобот на фирмата.

8888.бг, е позната како онлајн казино, коцкарница на бугарското подземје, водена од Черепот.

Клон на оваа фирма е онлајн коцкарницата 7777.бг, водена од истите луѓе, истата платформа, истата структура, само друга страница на 8888.бг.

Васил Бошков, Черепот, според Блумберг, е во домашен притвор во Бугарија. И тука во Блумберг е опишан како коцкарски могул и олигарх поврзан со подземјето.

И оттука, многу е важно да се покаже, дали Лотарија на Македонија, дали Груби преку неговиот шеф на кабинетот, Македонија ја уортачил со бугарски мафијаш, коцкарски могул, притворен во Бугарија?

Македонија тоне во сиромаштија, секојдневно се штрајкува и протестира, се крадат лекови од болни со канцер, ама Артан Груби тера подземни бизниси!

Лотарија е државна фирма и овој документ за партнерство не може да остане таен!, додава Стоилковски.

The post Стоилковски: Дали Артан Груби ја уортачи Македонија со бугарски мафијаш кој се наоѓа во притвор? appeared first on Република.

Изразуваме силен револт во однос на вчерашната медиумска објава на Државната лотарија на Македонија, во која се информира за започнување на постапка за основање на трговски друштва за интернет игри на среќа со доминантен капитал на Државна лотарија. Државата ни создава силен удар и ја доведува во прашање нашата егзистенција.

Зошто Државната лотарија досега молчеше и не информираше за отпочнување на постапката, иако владината одлука за отпочнување постапка за основање на три нови друштва за приредување интернет игри на среќа била донесена пред три месеци? Дали за однапред договорени компании од странство се отворени овие повици со цел да се дискриминираат домашните?

Зошто Државната лотарија чекаше во медиумите да избие скандал, за потоа да информира?

Целта на оваа нетранспарентност на Државна лотарија укажува на тоа дека зад сето ова стои однапред договорено сценарио и дека се работи за услови креирани за однапред договорени компании преку повик кој е незаконски.

Државната лотарија се повикува одредбите на член 7, став 3 од Законот за игрите на среќа и забавните игри. Мораме да потенцираме дека овој член не пропишува постапка и начин како и услови и критериуми за избор на приватен партнер. Преку овој повик јасно се гледа дека се прекршува Законот за игрите на среќа и забавните игри при што без прецизни законски услови и дефинирани критериуми се избираат приватни партнери.

Повикот е напишан за странски компании и преку него се врши директна штета на домашните приредувачи на игри на среќа. Како најочигледен пример ќе ја посочиме одредбата: да има искуство во приредување интернет игри на среќа во период од најмалку 3 години од денот на поднесување на понудата, да има искуство од најмалку 8 години во развој, поддршка и маркетинг на интернет платформа за игри на среќа и содржини на игри во две држави во Европа од кои една на Балканот и да има 40 милиони евра приход само од интернет игри на среќа. Прво државата не дискриминираше и не ни дозволуваше да приредуваме интернет игри на среќа, а сега како услов бара да сме имале искуство во тоа. Преку ова станува јасно дека партнерите се веќе договорени и ги исполнуваат токму наведените специфични услови.

Понатаму, Државната лотарија вели дека одлуката се темели на претходно изработена физибилити студија, за која нема споделено никакви детали кои укажуваат на потребата од отворање на три нови трговски друштва за интернет игри на среќа, што уште еднаш ја доведува во прашање издржаноста на одлуката.

Почитувани медиуми,

Оваа одлука значи силен удар за индустријата, односно за постојните приредувачи на игри на среќа, кои веќе имаат инвестирано во кадар, опрема и простор. На среден рок кога новите друштва ќе ја преземат работата ова ќе значи директен удар на 10 илјади вработени, и за домашните компании кои плаќаат данок на државата од околу 250 милиони евра годишно и придонесуваат за општеството.

Министерството за финансии од 2014 година ги нема донесено подзаконските акти, без кои во пракса не можеме да приредуваме игри на среќа преку интернет.

Сакаме да појасниме дека не е точно дека само Државна лотарија има право да приредува игри на среќа преку интернет, цитирајќи го член 7 став 3 од Законот за игри на среќа. Тој член ним само им дозволува, но истиот Закон во цела глава VI, со преку 20 членови регулира и дозволува лиценци и за останатите приредувачи, многу повеќе отколку само член 7.

Единствено, поради "административна причина" од непознати причини 9 години не се донесуваа подзаконските правилници, иако министерот за финансии беше должен да ги донесе за 6 месеци, токму за да се дозволи монополизирање на пазарот.

Поради сето ова нашата земја останува една од ретките во светот каде на постоечките приредувачи на игри на среќа не им се овозможува да приредуваат игри на среќа преку интернет, со што ние сме сериозно оштетени и за тоа алармиравме во повеќе наврати. Владата не само што немаше слух за нашите апели, туку направи крајно деструктивен чекор за нашата индустрија донесувајќи ја оваа штетна одлука.

Ја информираме јавноста дека ќе ги преземеме сите правни механизми да ја оспориме оваа штетна одлука која ќе предизвика сериозни последици за домашните приредувачи на игри на среќа и ќе остави без работа илјадници вработени во време на економска криза велат од Асоцијација на спортcки обложувалници на Македонија - АСОМ.

The post АСОМ: Незаконска и дискриминирачка одлука на Владата за нови приредувачи на игри на среќа appeared first on Република.

Изразуваме силен револт во однос на вчерашното соопштение на Државната лотарија на Македонија, во која се информира за започнување на постапка за основање на трговски друштва за интернет игри на среќа со доминантен капитал на Државна лотарија. Државата ни создава силен удар и ја доведува во прашање нашата егзистенција. Зошто Државната лотарија досега молчеше и не информираше за отпочнување на постапката, иако владината одлука за отпочнување постапка за основање на три нови друштва за приредување интернет игри на среќа била донесена пред три месеци? Дали за однапред договорени компании од странство се отворени овие повици со цел да се дискриминираат домашните? Зошто Државната лотарија чекаше во медиумите да избие скандал, за потоа да информира, прашуваат од Асоцијацијата на спортски обложувалници на Македонија (АСОМ).

„Целта на оваа нетранспарентност на Државна лотарија укажува на тоа дека зад сето ова стои однапред договорено сценарио и дека се работи за услови креирани за однапред договорени компании преку повик кој е незаконски.

Државната лотарија се повикува одредбите на член 7, став 3 од Законот за игрите на среќа и забавните игри. Мораме да потенцираме дека овој член не пропишува постапка и начин како и услови и критериуми за избор на приватен партнер. Преку овој повик јасно се гледа дека се прекршува Законот за игрите на среќа и забавните игри при што без прецизни законски услови и дефинирани критериуми се избираат приватни партнери.

Повикот е напишан за странски компании и преку него се врши директна штета на домашните приредувачи на игри на среќа. Како најочигледен пример ќе ја посочиме одредбата: да има искуство во приредување интернет игри на среќа во период од најмалку 3 години од денот на поднесување на понудата, да има искуство од најмалку 8 години во развој, поддршка и маркетинг на интернет платформа за игри на среќа и содржини на игри во две држави во Европа од кои една на Балканот и да има 40 милиони евра приход само од интернет игри на среќа. Прво државата не дискриминираше и не ни дозволуваше да приредуваме интернет игри на среќа, а сега како услов бара да сме имале искуство во тоа. Преку ова станува јасно дека партнерите се веќе договорени и ги исполнуваат токму наведените специфични услови.

Понатаму, Државната лотарија вели дека одлуката се темели на претходно изработена физибилити студија, за која нема споделено никакви детали кои укажуваат на потребата од отворање на три нови трговски друштва за интернет игри на среќа, што уште еднаш ја доведува во прашање издржаноста на одлуката.

Оваа одлука значи силен удар за индустријата, односно за постојните приредувачи на игри на среќа, кои веќе имаат инвестирано во кадар, опрема и простор. На среден рок кога новите друштва ќе ја преземат работата ова ќе значи директен удар на 10 илјади вработени, и за домашните компании кои плаќаат данок на државата од околу 250 милиони евра годишно и придонесуваат за општеството.

Министерството за финансии од 2014 година ги нема донесено подзаконските акти, без кои во пракса не можеме да приредуваме игри на среќа преку интернет.

Сакаме да појасниме дека не е точно дека само Државна лотарија има право да приредува игри на среќа преку интернет, цитирајќи го член 7 став 3 од Законот за игри на среќа. Тој член само им дозволува, но истиот Закон во цела глава VI, со преку 20 членови регулира и дозволува лиценци и за останатите приредувачи, многу повеќе отколку само член 7.

Единствено, поради 'административна причина' од непознати причини 9 години не се донесуваа подзаконските правилници, иако министерот за финансии беше должен да ги донесе за 6 месеци, токму за да се дозволи монополизирање на пазарот.

Поради сето ова нашата земја останува една од ретките во светот каде на постоечките приредувачи на игри на среќа не им се овозможува да приредуваат игри на среќа преку интернет, со што ние сме сериозно оштетени и за тоа алармиравме во повеќе наврати. Владата не само што немаше слух за нашите апели, туку направи крајно деструктивен чекор за нашата индустрија донесувајќи ја оваа штетна одлука.

Ја информираме јавноста дека ќе ги преземеме сите правни механизми да ја оспориме оваа штетна одлука која ќе предизвика сериозни последици за домашните приредувачи на игри на среќа и ќе остави без работа илјадници вработени во време на економска криза“, се вели во реакцијата на АСОМ.

The post АСОМ: Незаконска и дискриминирачка одлука на Владата за нови приредувачи на игри на среќа appeared first on Република.

Тајно и на мала врата Владата уште пред три месеци донела одлука да овозможи почнување постапка за основање три нови друштва за приредување интернет игри на среќа, кои ќе бидат под нејзина капа, односно под капата на Државната лотарија на Македонија.

Одлуката, случајно или не, пишува „Плусинфо“ е донесена под назив кој не навестува дека содржи информација која е од круцијално значење за индустријата на игри на среќа. Под наслов „Одлука за одобрување на работењето на Управниот одбор на акционерското друштво за приредување игри на среќа, Државна Лотарија на Република Македонија“ објавен во Службен весник на РСМ, бр. 124 од 14.6.2023 година, Владата, всушност, овозможила отпочнување постапка за основање на три нови друштва за приредување интернет игри на среќа.

Во меѓувреме, Законот за игри на среќа, кој беше актуелен во последните две години и беше високо на агендата на Владата, веќе неколку месеци целосно исчезна од јавниот дискурс, а предлог законот кој требаше да се донесе со европско знаменце мистериозно заглави во некоја од фиоките во Собранието. Законот беше силно критикуван како од здруженијата на приредувачите на игри на среќа, така и од европските политичари. Покрај тоа, во јавноста се појавија сомнежи и шпекулации дека законот воопшто не е во интерес на граѓаните и заштитата на малолетните лица во игрите на среќа, туку дека тој е параван за бизнис интереси на ДУИ и на вицепремиерот Артан Груби. Со вакви наводи излегоа опозициските ВМРО-ДПМНЕ и неодамна формираната партија на Изет Меџити.

Иако настана извесно затишје во јавноста за оваа тема, „Плусинфо“ дознава дека Владата била вредна и тајно и молчешкум си работела додека граѓаните се плажирале. Во текот на летните одмори, уште пред три месеци, Владата на мала врата донела одлука која ќе има сериозни импликации врз постоечките компании кои организираат игри на среќа во земјава.

Целата сторија на „Плусинфо“

The post Со ќутенката „загрижената“ влада тајно формира 3 нови друштва за коцкање преку интернет appeared first on Република.

Хороскопски знаци кои имаат најмногу среќа на лотарија.

Астролозите посочија кои знаци од Зодијакот најмногу ја насмевнуваат среќата. Знаат да ја искористат секоја прилика за да се збогатат, а најмногу профитираат од игрите на среќа!

Според астролозите, најчести добитници на лотарии и игри на среќа се претставниците на овие три знаци – Девица, Близнаци и Водолија

The post Астролозите откриваат кој има најмногу среќа во игрите appeared first on Република.

Астролозите посочија кои знаци од Зодијакот најмногу ја насмевнуваат среќата. Знаат да ја искористат секоја прилика за да се збогатат, а најмногу профитираат од игрите на среќа!

Според астролозите, најчести добитници на лотарии и игри на среќа се претставниците на овие три знаци – Девица, Близнаци и Водолија

The post Астролозите посочија: Овие знаци профитираат од игри на среќа appeared first on Република.

На 07.03.2023 околу 11:50 часот на улица „Видое Смилевски Бато“ во Тетово, полициски службеници на СВР Тетово го лишиле од слобода Л.Т.(23) од тетовски Требош.

Тој се сомничи дека сторил кривично дело „приредување игри на среќа без лиценца, односно дозвола од надлежен орган“, казниво по член 156 од Законот за игри на среќа и забавни игри.

При претрес во неговиот дом, извршен со судска наредба, биле пронајдени и одземени лаптоп компјутер, кој се користел за менаџирање на клиентите и надополнување кредити, како и извесна сума парични средства.

Се расчистува и документира случајот и на Л.Т. ќе му биде изготвен поднесок.

The post Надополнувал кредити, доби кривична пријава за приредување игри на среќа без лиценца appeared first on Република.

Групацијата за игри на среќа при Стопанската комора на Македонија уште еднаш јавно го изразува ставот на приредувачите на игри на среќа во пресрет на носењето на новиот закон за игри на среќа кој се наоѓа во собраниска процедура (изгласан на седница на Влада на 21 февруари 2023). За членките на Групацијата, постапката која се спроведува за носење на законот во Парламентот е спорна по неколку основи. Тие бараат од Предлог-законот да биде тргнато европското знаме и текстот целосно да биде повлечен за да се остави простор за широка дискусија во која бизнис секторот ќе може да ги аргументира своите ставови, со цел носење ефикасен и европски закон.

Од компаниите-членки на Групацијата директно и индиректно редовни примања добиваат околу 54 000 луѓе. Укажувањата се дека ако се изгласа законот како што е предложен, ќе се стави клуч на врата на легалните приредувачи на игри на среќа, но играњето нема да запре, играчите ќе бараат алтернатива и ќе се префрлат на нелегални локации, каде државата ќе нема контрола ниту врз средствата, ниту врз безбедноста на играчите.

Прво, на новиот Закон за игри на среќа се става европско знаме иако во Европската Унија не постои посебна Директива која ги уредува игрите на среќа, туку е оставено секоја земја поединечно да го регулира законското работење. Европското знаме на овој нов предлог закон се става само со повикување на Препораката од ЕУ – CELEX32014H0478 која се однесува на заштита на потрошувачите и играчите на интернет игри на среќа и спречување на малолетниците за учество во интернет игрите на среќа. Оваа препорака не е обврзувачка ниту за членките на ЕУ а уште помалку за пристапните земји членки. Преку ставање на ЕУ знаме на Законот, истиот наместо во матичната комисија за финансирање и буџет, ќе биде ставен на разгледување во Комисијата за европски прашања во Собранието на РМ, а со тоа се оневозможува да се отвори јавна расправа по предлог законот. Второ, иако образложението е дека новиот Предлог-закон се носи со цел да се унапреди дејноста, всушност измените ќе значат тотално гаснење на индустријата на игри на среќа и ќе поттикна сива економија во дејноста, која сега со постојната законска регулатива е на исклучително високо ниво регулирана и усогласена со европските закони, наведува Комората.

Комората укажува и дека Предлог-законот не се носи во транспарентна процедура со што, како што подвлекува, се заобиколува правната сигурност во дејноста во која за своето работење сите компании имаат важечки лиценци за работа со кои се обврзуваат и гарантираат почитување на пропишаните законски прописи, регулативи и норми.

Во Предлог-законот и овој пат е изоставен делот со кој се овозможува приредувачите да организираат онлајн игри на среќа како во сите европски земји. Приредувачите на игри на среќа како општествено одговорни компании продолжуваат и со активни едукативни кампањи и силна финансиска поддршка, поради што постои верување дека укажувањата на бизнисот ќе бидат земени во предвид и во Собранието нема да се изгласа закон чии штетни последици ќе бидат повеќекратни, истакнува Стопанската комора.

The post Ќе ги затвори компаниите и ќе поттикне сива економија: Стопанска комора бара повлекување на новиот Закон за игри на среќа appeared first on Република.