Црвениот крст на Република Македонија денеска ќе достави хуманитарна помош - храна, средства за хигиена, душеци, ќебиња и вода за потребите на настраданото население зафатено од пожарите во земјава, за 40 семејства од неколку села во Свети Николе и девет семејства од село Брезница, општина Македонски Брод.

Како што информираат од Црвениот крст, хуманитарната помош ќе се достави врз основа на направена проценка од општинските организации на Црвениот крст Свети Николе и Македонски Брод, во соработка со општините и институциите на кризниот менаџмент.

Од организацијата посочуваат дека ја следат состојбата со пожарите и додаваат оти се подготвени во наредниот период итно да интервенираат и да ги покријат потребите на настраданото население. Упатуваат благодарност за досегашната поддршка на компаниите кои досега се вклучија во хуманитарната акција за помош за справување со последиците од пожарите.

Црвениот крст отвори СОС телефонски линии за психолошка прва помош за настраданото население од пожарите. Тоа се обезбедува од оспособени волонтери од Црвениот крст. Секое лице погодено под пожарите, како што наведуваат, може да поставува прашања и да добива совети и одговори за справување со ситуацијата.

Отворени телефонски линии за прва психолошка помош се: Скопски регион 072/271 -048, Пелагониски регион 047/ 236-019, Југозападен и Полошки регион 072/239-051 и 072/239-077, Источен, североисточен и југоисточен регион 071/223-691 и Вардарски регион 043/231 - 537.

Сите заинтересирани правни субјекти и грѓани можат да донираат парична помош на сметката на Фондот на солидарноста на Црвениот крст и 100 денари со повик на 143-400.

The post Хуманитарна помош од Црвениот крст за настарадното население од пожарите во Свети Николе и Македонски Брод appeared first on Република.

Египетскиот министер за надворешни работи, Самех Шукри, изјави дека неговата земја доставила повеќе од 94.000 тони хуманитарна помош за Појасот Газа и обезбедила медицинска нега на повеќе од 85.000 Палестинци од почетокот на конфликтот меѓу палестинското движење Хамас и Израел на 7 октомври 2023 година.

На состанокот на високо ниво во Јордан за подобрување на критичната хуманитарна ситуација во енклавата, Шукри, исто така, објави дека Египет помогнал во евакуацијата на 74.000 странски државјани и двојни државјани во соработка со дипломатските мисии.

Во своето обраќање до учесниците на конференцијата, претседателот на Египет, Абдел Фатах ал-Сиси повика на итен, целосен и траен прекин на огнот.

Тој побара ослободување на сите заложници кои ги држат Хамас и Палестинците кои се држат во израелските затвори, како и почитување на меѓународното право, вклучително и законите кои се однесуваат на заштита на цивилите.

Египет продолжува да игра клучна улога како посредник во преговорите за примирје меѓу Израел и Хамас во партнерство со Катар и САД.

Египет ја поздрави резолуцијата на Советот за безбедност на ОН за поддршка на планот за примирје претставен од американскиот претседател Џо Бајден кон крајот на минатиот месец.

Арапската Република ги повика и Израел и Хамас да преземат сериозни чекори за да го финализираат договорот што е можно побрзо и да го спроведат без одлагање или дополнителни услови.

The post Египет испорача над 94.000 тони хуманитарна помош во Газа од почетокот на конфликтот appeared first on Република.

Американски и јордански авиони денеска доставија прехранбени производи за Палестинците во Појасот Газа како дел од заедничката операција за доставување хуманитарна помош, соопшти американската Централна команда.

Американските воздухопловни сили и авионите на кралските јордански воздухопловни сили Ц-130 го извршија хуманитарниот лет бидејќи главната агенција на ОН која работи во енклавата соопшти дека секое трето дете на возраст под две години е акутно неисхрането. Агенцијата предупреди дека претстои глад во енклавата.

Во соопштението, Централната команда на САД ги нарече воздушните доставувања „дел од континуираните напори“ и наведе дека продолжуваат да планираат дополнителни доставувања по воздушен пат“.

Голем дел од Појасот Газа е во урнатини, а неговите 2,3 милиони Палестинци се соочуваат со сериозен недостиг на храна повеќе од пет месеци откако Израел започна воздушна и копнена офанзива по 7 октомври, кога владејачката исламистичка група Хамас во енклавата го нападна Израел.

Јорданската кралица Ранија, во интервју за Си-Ен-Ен, го нарече доставувањето храна по воздушен пат „буквално само капка во океанот на незадоволени потреби“ и го обвини Израел дека „го прекинува пристапот до сè што е потребно за одржување на човечкиот живот: храна, гориво, лекови, вода“.

The post Американски и јордански авиони доставија храна за населението во Појасот Газа appeared first on Република.

Товарот од првиот брод со хуманитарна помош што пристигна во Појасот Газа од Кипар е истоварен и се подготвува за дистрибуција до населението на кое му се заканува глад по пет месеци војна, соопшти денеска невладината организација „Светска централна кујна“.

Пратката од речиси 200 тони храна е пренесена од Кипар со брод на шпанската невладина организација „Опен Армс“, кој во вторникот тргна од кипарското пристаниште Ларнака и вчера пристигна во Газа.

По пристигнувањето, бродот се закотви на привремен брег, а хуматитарната помош беше натоварена на 12 камиони.

Испратената храна треба да се користи за подготовка на оброци за жителите на северниот дел на Појасот Газа, каде што хуманитарната ситуација е особено тешка.

Израелската војска вчера објави дека бродот поминал целосна безбедносна проверка и дека се испратени војници да ја обезбедат областа каде што била истоварена пратката на брегот југозападно од градот Газа.

Тоа е првиот брод што пловеше низ морскиот коридор отворен од Кипар, земја на ЕУ најблиску до Појасот Газа, поради итната хуманитарна ситуација и недоволната количина на помош што стигнува по копно во таа енклава под израелска опсада.

„Светската централна кујна“ соопшти дека се товари уште еден брод со помош во Ларнака, но засега не се зане кога ќе замине за Газа.

Меѓународната заедница и невладините, сепак, нагласуваат дека поморскиот коридор и испраќањето помош од воздух со падобрани не може да биде замена за копнените патишта.

The post Истоварен првиот брод со хуманитарна помош што пристигна во Газа appeared first on Република.

Пет Палестинци загинале во Појасот Газа кога врз нив паднале пакети со помош од САД, откако падобраните на кои биле поставени не се отвориле, објави британскиот весник „Телеграф“.

Светските агенции јавија дека повредени се 10 лица.

На снимката објавена на социјалните мрежи се гледа како неколку пакети паѓаат со екстремно голема брзина на земја, исфрлени од транспортен авион.

Во текот на изминатата недела, американската војска, во координација со Јордан, Египет и Франција, испорача над 70.000 оброци со храна во Појасот Газа.

Претходно, британскиот министер за надворешни работи Дејвид Камерон рече дека Обединетото Кралство ќе работи во соработка со САД за отворање на поморски коридор преку кој помошта за енклавата би можела да се доставува директно по море.

Претставниците на хуманитарните организации со месеци предупредуваат дека претстои глад во Газа поради недостигот на храна предизвикан поради затворањето на границите, забележува британскиот весник.

The post Чекале хуманитарна помош, дочекале смрт: Пакети со помош од САД усмртиле пет Палестинци откако не им се отвориле подобраните appeared first on Република.

Вчера во Појасот Газа се убиени најмалку 112 Палестинци додека чекале да добијат хуманитарна помош. Некои  биле прегазени од камиони кои носеле помош .Хаосот кој настанал откако врз нив од тенкови почнале да пукаат израелските сили.

Погледнете

https://www.youtube.com/watch?v=kA1jufk-8TE&embeds_referring_euri=https%3A%2F%2Femagazin.mk%2F&source_ve_path=MjM4NTE&feature=emb_title

The post Кога сите чекаа крај на војната Израелците убија над 100 Палестинци додека чекале хуманитарна помош appeared first on Република.

Во Појасот Газа денеска влегоа 12 камиони со хуманитарна помош, јавија локалните медиуми.

Во камионите има храна, вода и лекови, пишува Тајмс оф Израел. Со тоа бројот на камиони со хуманитарна помош што влегоа во Газа изнесува 74.

Меѓународните хуманитарни организации предупредуваат дека состојбата во Газа е лоша и бараат помошта да се достави побрзо.

Светската здравствена организација претходно денеска повика на итен и непречен пристап на хуманитарна помош до Газа, за да може да профункционира здравствениот систем.

The post Во Појасот Газа влегоа 12 камиони со хуманитарна помош appeared first on Република.

Шефот на ОН задолжен за хуманитарна помош, Мартин Грифитс, изјави дека се надева дека на вториот конвој со хуманитарна помош денеска ќе му биде дозволено да влезе во Појасот Газа.

Грифитс вели дека постои можност да помине уште еден конвој, пренесува Би-Би-Си

Можеби дури и малку поголем, до 30 камиони, појасни Грифитс.

Дваесет камиони со хуманитарна помош влегоа вчера во Појасот Газа преку преминот Рафа со Египет.

Ова беа првите камиони кои влегоа во Појасот Газа откако Израел воведе блокада пред две недели по нападот на Хамас.

Во меѓувреме, Светската програма за храна при ОН, соопшти дека цивилите во Газа се „на работ на катастрофа“ поради акутен недостиг на храна, вода и медицински материјали.

Агенцијата соопшти дека и се потребни 74 милиони долари за итни потреби во Појасот Газа во следните 90 дена. Се вели дека продавниците во Појасот Газа имаат резерви на храна за помалку од една недела и оти има сериозен недостиг од прехранбени производи.

Агенцијата на ОН апелира за „заштита на виталната инфраструктура и заштита на цивилите, за да можат да пристапат до точките и услугите за хуманитарна помош“.

Три камиони на Програмата за храна беа дел од конвојот од 20 камиони со помош што вчера влегоа во Газа преку граничниот премин Рафа. Уште 40 камиони на Светската програма за храна чекаат во Египет за да го преминат граничниот премин Рафа и да влезат во Газа, се вели во извештајот на оваа агенција.

The post ОН се надеваат дека денеска ќе има втор конвој со хуманитарна помош што ќе влезе во Газа appeared first on Република.

Конвојот од 20 камиони утрово ја помина границата Рафа, единствениот граничен премин меѓу Египет и палестинската енклава, кој не е контролиран од Израел. Во Газа се внесени пакети со храна, вода и лекови.

Палестинското Министерство за здравство изрази загриженост што горивото не е дел од хуманитарната помош и апелираше до меѓународната заедница и Египет веднаш да се вклучат во испораката на гориво и итни медицински материјали пред да бидат изгубени повеќе човечки животи во болниците.

Израелската армија претходно денеска објави дека хуманитарната помош што влегува во Појасот Газа ќе оди само на југот на енклавата, каде што претходно ги повика палестинските цивили да се евакуираат.

Портпаролот на израелските одбранбени сили Даниел Хагари изјави дека нема да има гориво во хуманитарната помош.

The post Камиони со хуманитарна помош конечно пристигнаа во Газа appeared first on Република.

Граничниот премин Рафа меѓу Египет и Појасот Газа денеска е отворен за испорака на хуманитарна помош за палестинската енклава, блокирана од Израел.

Хамас вели дека помошта вклучува „лекови, медицински материјали и ограничено количество храна“ (конзервирана храна).

Според палестинското движење, конвојот се состоел од 20 камиони.

The post Помина конвој од 20 камиони: Граничниот премин Рафа меѓу Египет и Газа отворен за испорака на хуманитарна помош appeared first on Република.

Генералниот секретар на ОН, Антонио Гутереш пристигна на египетскиот граничен премин Рафа со Газа каде што повика да се дозволи влез во Газа на камионите со хуманитарта помош.

Активно се ангажираме со сите страни со цел да ги разјасниме овие ограничувања за да можат овие камиони да се движат таму каде што се потребни. Потребно ни е овие камиони да се придвижат што е можно поскоро, рече Гутереш.

Тој рече дека видел „толку камиони натоварени со вода, гориво, лекови, храна“, додавајќи дека овие камиони би биле „спас“ и „разликата меѓу животот и смртта за толку многу луѓе во Газа“.

Имаме два милиони луѓе овде кои премногу страдаат. Нема вода, нема храна, нема лекови, нема гориво. На Газа и треба сè за да преживее, нагласи тој.

Шефот на ОН рече дека камионите со хуманитарна помош се натоварени и подготвени.

Овие камиони се спас. Тие се разликата помеѓу животот или смртта за толку многу луѓе, рече Гутереш.

The post Гутереш: Камионите со помош се разликата помеѓу животот или смртта appeared first on Република.

Русија денеска испрати 27 тони хуманитарна помош за цивилите во Појасот Газа, што ќе биде транспортирана од Египет, соопшти руското Министерство за вонредни ситуации.

Специјален авион полета од аеродромот во Раменскоје во близина на Москва за Ел-Ариш во Египет. Руската хуманитарна помош ќе биде предадена на египетската Црвена полумесечина за да биде испратена во Појасот Газа, наведе заменик-министерот Илја Денисов.

Претходно беше соопштено дека претседателот на Египет, Абдел Фатах ал-Сиси одобри отворање на граничниот премин Рафах за 20 камиони со хуманитарна помош за Појасот Газа.

- Египетскиот претседател Абдел Фатах ал-Сиси и американскиот претседател Џо Бајден се договорија за одржлива испорака на хуманитарна помош до Појасот Газа преку терминалот Рафах, изјави портпаролот на Сиси, Ахмед Фахми, без да се прецизира датум.

Египет соопшти дека преминот Рафах, витална артерија пред борбите и сега важен пат за очајно потребните резерви, не бил официјално затворен, туку било оневозможено функционирање поради израелските воздушни напади врз Газа.

Израелски медиуми објавија дека отворањето се очекува утре. Египет мора прво да го поправи патот преку границата, што беше уништен од израелските воздушни напади. Повеќе од 200 камиони и околу 3.000 тони помош чекаат на или во близина на преминот Рафах, единствената врска на Појасот Газа со Египет

The post Русија испраќа хумантитарна помош за Газа appeared first on Република.

Конвој за хуманитарна помош на Меѓународниот комитет на Црвениот крст (МКЦК) испратен во Нагорно-Карабах е забележан на ерменско-азербејџанската граница, за првпат откако Баку почна молскавично брза 24-часовна воена операција и ги разби ерменските сили во енклавата.

Етничките Ерменци кои живеат во Нагорно-Карабах апелираа дека се под опсада, со малку храна и недоволно струја и гориво и ги повикаа светските сили да им помогнат.

Помош испрати и Русија. Официјална Москва претходно соопшти дека ерменските  борци почнале да го предаваат оружјето откако Азербејџан ја презеде контролата врз енклавата.

Американскиот сенатор Гери Питерс, демократ од Мичиген, кој ја предводеше делегацијата на американскиот конгрес на границата меѓу Ерменија и Азербејџан, изјави дека се потребни меѓународни набљудувачи за да се следи ситуацијата во Нагорно-Карабах, додавајќи дека луѓето се „многу исплашени“ од тоа што се случува таму. .

Секако дека сум многу вознемирен од она што се случува во Нагорно-Карабах во моментов и мислам дека тоа треба да биде јавно објавено“, им рече сенаторот на новинарите на границата.

The post Првиот конвој со хуманитарна помош од Црвениот крст испратен во Нагорно Карабах стигнал до границата меѓу Ерменија и Азербејџан appeared first on Република.

Соња Тасевска, мајка на 8-годишниот Душан од Кавадарци, момчето кое откако со автомобил управуван од неговиот татко паднаа во бездна длабока 22 метра, и повика помош на 112, телефонскиот број за итни случаи, бара помош од хуманите граѓани. Настанот кој ја вознемири јавноста се случи пред пет дена, на патот Дреново – Кавадарци, а благодарение на повикот на момчето, животите им беа спасени на време.

Како што раскажува мајката за „Фокус”, и биле потребни парични средства, или пак донации од сокови, витамини, храна и играчки за детето, кое по страотната сообраќајка сега се наоѓа на домашно лекување.

Нема место за срам, во незавидна состојба сум, морав да побарам помош од хуманите граѓани. Јас сум вработена во фабрика во Кавадарци, сопругот, кој се здоби со скршеница на рбет и повреди на главата се уште е во болница. Иако е вработен во судската администрација, тој се уште нема примено плата, касни и мојата плата, а имам големи трошоци периодов. Душан помина со скршена рака и со нагмечувања, но благодарна сум што детето ми е живо, ќе го пребродиме ова заедно. Тој уште е вознемирен од настанот, му се враќаат слики, плачлив е. Автомобилот со кој се случи несреќата не беше наш, па на сите трауми и немили ситуации, јас подигнав кредит, бидејќи морав да му ја платам штетата на човекот кој е сопственик на автомобилот.

Ми требаат лекови за детето, витамини, сокови, здрава храна, не знам како да најдам и каде да се обратам. Затоа замолувам јавно, доколку има хумани граѓани кои можат да ми излезат во пресрет, да помогнат во овој тежок период – раскажува Соња.

Околу тоа како осумгодишното дете го знаело телефонскиот број за итни случаи, и се сетило во тие моменти, додека лежело пригмечено во автомобилот, под таткото кој бил без свест, да побара помош, таа вели дека во минатото дома имале расправии, и се случило на тој број и претходно да побараат помош. Повеќе детали не сакаше да открива и вели дека сега е најважно Душан да ги надмине траумите.

Тој е во трето одделение, горди сме што во тие моменти изреагирал така, што повика помош. Сега, многу се грижи бидејќи знае дека автомобилот со кој се случи несреќата не беше наш…

Се надевам дека оваа немила ситуација ќе ја надминеме, нема што да се криеме, Кавадарци е место каде сите се знаат, токму затоа и верувам во солидарноста на народот. Работиме за минимална плата, ни се случија овие настани кои мораме некако да ги пребродиме. Ќе бидам благодарна доколку граѓаните ни помогнат – истакна мајката.

Сите хумани граѓани и општествено одговорни компании кои се во можност, можат да донираат на следната сметка:

300007078447675 Комерцијална банка, со назнака донација за Соња Тасевска, или пак да се јават на нејзиниот телефонски број 075 216-871, доколку сакаат лично да и однесат помош.

The post Мајката на момчето од Кавадарци кое повика помош по сообраќајната несреќа апелира за донации appeared first on Република.

Приказната за малата Нина, која продава крофни во Нови Сад за да заработи џепарлак, но и за да го помогне лекувањето на нејзиниот татко, ја обиколи Србија. Таа има 11 години и има завршено петто одделение од основно училиште и од почетокот на распустот решила на свој начин да му помогне на семејството.

Нејзиниот татко Зоран го загуби едното око поради тешка болест на окото со аблација на ретина, а во голема опасност е и другото око. Освен што може целосно да ослепи и да му биде загрозен животот. Спасот е лекувањето во Москва, кое е многу скапо.

- Нина е само мало девојче кое неизмерно го сака својот татко. Покрај неа го имаме и синот Немања и се обидовме да ги поштедиме од тежината на ситуацијата, но децата чувствуваат се. Таа сама забележала дека и е потребна помош за домашниот буџет и решила да работи и да заработува. Баба ми ја даде идејата за крофни, а јас не смеев да ја пуштам сама да продава, туку излегов со неа пред продавница, изјавила за РИНА мајката на Нина, Наташа Нинковиќ.

Идејата за нивната акција ја споделила на социјалните мрежи и тогаш, како што вели Наташа, започнала вистинска емотивна експлозија, особено кај младите, но и кај сите татковци. И покрај сите очекувања, идејата на малата Нина се разви и сега луѓето чекаат на ред за крофни.

-Прво речиси немаше кој да купи крофна од 100 динари (50 денари), а сега луѓето чекаат во редици. Навистина почувствувавме многу емпатија и сфативме дека има многу прекрасни и добри луѓе. Верувајте, 100 крофни дневно не ни се доволни со оглед на побарувачката. Луѓето знаат дека треба долго да чекаат за да купат една крофна бидејќи сите премолчено се согласиле да купат само една бидејќи немаме доволно. Во исто време, сите платија за крофната повеќе отколку што всушност чини, а сега бараат од нас да ги испратиме дури и крофните по пошта. Почна позитивна лавина, изјави Наташа.

The post Убава приказна: Нина продава крофни за 50 денари за да собере помош за болниот татко appeared first on Република.

Во рамките на хуманитарната кампања на Стопанската комора на Македонија-Турција (МАТТО) - „Споделувањето ја намалува болката“, испратени се 28 шлепери со помош за настраданите во катастрофалниот земјотрес на 6 февруари.

Досега вкупно се собрани и 250.000 евра кои се префрлени на сметката на Центарот за управување со катастрофи и вонредни состојби на Турција (АФАТ).

Покрај финансиската поддршка од страна на членовите на МАТТО, испратени се и ќебиња, грејни тела, нова зимска облека, пелени, бебешка храна, вода, градежна машина - багер.

Од МАТТО посочуваат дека хуманитарната кампања продолжува и понатаму. Донации можат да се уплатат на следните сметки:

- МКД сметка: 270-0641538507-69

- Ибан: MK07270722000058274

- Свифт: EXPCMK22

The post Стопанската комора Македонија-Турција испрати 28 шлепери помош за настарданите од земјотресот appeared first on Република.

Министерството за вонредни ситуации на Русија испрати 36 тони хуманитарна помош за граѓаните на Турција кои настрадаа во земјотресите, јавија руските медиуми.

Авион Ил-76 на Министерството за вонредни ситуации на Русија полета со хуманитарен товар за Турција. По наредба на претседателот и Владата на Руската Федерација, собрани се 36 тони хуманитарна помош за турските граѓани кои настрадаа во разорниот земјотрес, се наведува во соопштението на Министерството.

Хуманитарната помош вклучува над 100 зимски шатори со капацитет за по 30 лица и шпорети. Во наредните часови тие ќе бидат испорачани во Малатија, Источна Турција.

The post Големи шатори, шпорети, oблека: Русија испрати 36 тони хуманитарна помош за Турција appeared first on Република.

Хуманитарната организација „Свети Спас“ изминатите денови собираа донации во храна, лекови, хигиенски средства, облека и кебиња за настраданите во минатонеделниот земјотрес во Турција и Сирија.

Вчера и предводникот на оваа организацијата, отец Оливер Петровски замина во Ипсала,Турција.

На овие наши браќа и сестри сега сме им најпотребни и сега е моментот кога треба и мора да го покажеме нашето човекољубие. Нашата хуманитарна организација сочувствувајќи со нашите браќа и сестри, донесе решение да се активира со собирање и достава на вода, ќебиња, свеќи, памперс, влажни марамици, облека, обувки... на настраданите и спасувачите. И токму затоа Ви се обраќаме со надеж дека нашата молба ќе допре до секој од вас, но и до секоја фирма и секој бизнис во Македонија, и ќе помогнете со донирање дел од потребните производи, во рамките на Вашите можности, порача на почетокот на акцијата хуманиот и неуморен отец.

The post Отец Оливер Петровски со собраните донации замина во Ипсала, Турција appeared first on Република.

Турција отвори граничен премин со Ерменија со цел да овозможи испорака на хуманитарна помош за жртвите од земјотресот во 10 јужни турски провинции.

Агенцијата Анадолија јавува дека пет камиони со хуманитарна помош поминале преку граничниот премин Аличан во турската област Угдер. Пунктот последен пат беше употребен во 1988 година, кога турската Црвена полумесечина достави помош по земјотресот во Ерменија.

Да извлечеме нешто добро од оваа голема катастрофа. Солидарноста спасува животи!“, напиша турскиот ерменски пратеник, Гаро Пајлан на Твитер.

Целата копнена граница меѓу Турција и Ерменија е затворена од 1993 година, по судирите меѓу Ерменија и Азербејџан, каде што живеат етнички Турци.

Двете соседни земји ги обновија дипломатските контакти на крајот на 2021 година.

The post Турција ја отвори границата со Ерменија за да може да биде испорачана помош за погодените од земјотресот appeared first on Република.

Унгарскиот премиер Виктор Орбан изјави дека Унгарија ќе продолжи да и дава хуманитарна помош на Украина, но нема да и доставува оружје. Орбан ова го соопшти по средбата со украинскиот претседател Владимир Зеленски во Брисел, каде европските лидери се собраа да договараат како да продолжат да ја поддржуваат Украина во војната против Русија.

Орбан имаше средба со Зеленски заедно со водачите на Словенија, Грција, Хрватска, Австрија, Бугарија и Кипар, јави новинската агенција В4НА.

Минатата година Унгарија на Украина и го испорача најголемото количество хуманитарна помош во својата историја. Примивме над милион бегалци од Украина кои поминаа преку нашата граница. Од разговорот со украинскиот претседател, јасно е дека војната ќе потрае. Не можеме да очекуваме нејзин скорешен крај. Притоа, Унгарците ќе продолжат да им укажуваат хуманитарна помош на Украинците, но нема да испорачаме оружје. Унгарски интерес останува да дојде до прекин на огнот, мировни преговори и договор кој ќе води до краен мир, и тоа што е можно поскоро. За да се спасат животи потребно е да има мир и прекин на огнот, изјави Орбан, додавајќи дека Унгарија „останува во таборот на мирот“.

The post Унгарија ќе продолжи да дава хуманитарна помош, но не и оружје, Орбан му порача на Зеленски appeared first on Република.