Со стоечки овации и громогласен аплауз беше поздравена поп дивата Калиопи, каде што на битолчани овој викенд им приреди фантастичен концерт и магична ноќ која уште долго ќе се памети.

Битолската Хераклеа беше претесна да ја собере публиката, а преполна со емоција која кај присутните може да ја разбуди само Калиопи. Со својот моќен вокал, вложувајќи огромна енергија и емоции и повеќе од два часа во кои не постоеше ништо освен музика, во прудружба на својот бенд, изведе стари и нови песни заблагодарувајќи му се на Ромео Грил за придонесот. Битолчани ја наполнија Хераклеа, а таа им рече:

Преубави сте, многу убав свет видов пред себе, ја гледам мојата Македонија и каде и да одам секаде со себе ја носам, ама срцето најмногу чука токму овде меѓу овие ѕидови“.

Енергијата на Калиопи, направи искуство кое вредеше да се почувствува за илјадната публика. Ова беше само мало “загревање” за концертите кои следуваат и тоа на 2 август во Охрид и на 19 октомври во Скопје.

The post Ја гледам мојата Македонија и каде и да одам секаде со себе ја носам, рече Калиопи на концерот во Битола appeared first on Република.

Од денес пуштени се во продажба влезниците за јубилејниот концерт на Наум Петрески во Битола, „35 години Наум”, кој воедно претставува и концертна промоција на албумот “Најдоброто од Наум”, информираат организаторите.

Концертот ќе се одржи на 04.08 во Хераклеа Битола со почеток од 21:00ч., а влезниците по цена од 350,оо денари можат да се набават преку продажната мрежа на Купикартизасе како и онлајн на следниот линк- https://www.kupikartizase.com/Events/naum_heraklea

Во текот на идната недела ќе Ве информираме за продажбата на влезници за концертот во Долни Сарај Охрид, кој ќе се одржи на 11 август, соопштија оттаму.

The post Во продажба влезниците за концертот на Наум Петрески во Хераклеа – Битола appeared first on Република.