Долгогодишниот член на Градскиот дувачки оркестар, Мицко Дамњановски за Радио МОФ вели дека со целата ситуација со хонорарците со МКЦ никој не го споменува овој Оркестар, за кој имало активни договори за 2023 година, но сепак музичарите останале без пет исплатени хонорари.

Според него, тие добиле само празни ветувања како од администрацијата за култура на Град Скопје, така и од раководните структури на МКЦ.

Никој не’ нема нема контактирано од Дирекцијата на МКЦ за да видиме како би се одвивале понатаму работите. Веднаш по поставувањето на господинот Бени Шаќири за директор, беше повикан диригентот на оркестарот каде усно беше ветено дека ќе стори се’ што е во негова надлежност да ги нормализира работите. Но еве, до денешен ден ништо не е превземено. Договорите кои ги потпишавме уште минатата година, веднаш видовме дека содржат сомнителни членови во нив, меѓутоа поради долгогодишната работа искрено не очекувавме да бидеме изиграни. Ние како членови на оркестарот искрено се надеваме на позитивна разврска“, посочува Дамњановски за Радио МОФ.

The post Градскиот дувачки оркестар доби само празни ветувања од Град Скопје и МКЦ и останаа покуси за пет хонорари appeared first on Република.

Градскиот дувачки оркестар ќе одржи традиционален првоаприлски параден концерт по повод Светскиот ден на шегата, на кој ќе бидат изведени маршеви и детски композиции.

Концертот ќе се одржи во Градскиот парк, со почеток од 12 часот.

Оркестарот е формиран во март 2006 година, на иницијатива на Град Скопје и во него членуваат професионални музичари и студенти на Факултетот за музичка уметност. Од самиот почеток па сѐ до денес ГДО има настапувано на сите значајни културни манифестации во Скопје и низ другите градови во државата.

The post Параден концерт на Градскиот дувачки оркестар за Денот на шегата appeared first on Република.

Денеска, 15 декември во 19:30 часот во салата 25 Мај во Младински клутирен центар (МКЦ), ќе се одржи традиционалниот предновогодишен концерт на ансамблот на Градскиот дувачки оркестар.

На овогодинешниот празничен концерт ќе бидат изведени дела на Л. Андерсон,, Х. Еминовиќ, Џ. Темпест, Р. Стицл, М.П. Мосман, Џ. Кандер и други.

Оркестарот е формиран во март 2006 година, на иницијатива на Град Скопје и Младинскиот културен центар и во него членуваат професионални музичари и студенти на Факултетот за музичка уметност. Од самиот почеток па сѐ до денес ГДО има настапувано на сите значајни културни манифестации во Скопје и низ другите градови во државата.

Влезот на концертот е бесплатен.

The post Предновогодишен концерт на Градски дувачки оркестар денеска во МКЦ appeared first on Република.