Во Австрија, во градот Грац, родителите кои ги запишуваат своите деца во градинка се соочуваат со необична практика - формуларот за апликација бара од нив да изберат еден од шесте полови за своето дете! Покрај традиционалните „машки“ и „женски“, тука се и опциите „друго“, „интер“, „отворено“ и „неодредено“.

Според властите, овој потег е во согласност со федералниот закон, кој со години се прилагодува на новите стандарди за родова еднаквост. Сепак, оваа одлука предизвика силен отпор во јавноста, особено кај родителите и конзервативните политичари кои сметаат дека воведувањето на шест родови категории е апсурдно и непотребно.

Ситуацијата во Грац не е ненадејна и одлуката не е нова. Всушност, законската рамка која ја регулира оваа практика датира од 2022 година, а целта беше усогласување на административните документи со одлуките на Уставниот суд на Австрија, кои ги поддржуваа правата на интерсексуалните и родово неутралните лица.

Од градската управа наведуваат дека нивна обврска е да ги почитуваат федералните закони и дека оваа практика се применува во сите јавни институции кои работат со деца, вклучително и градинките и училиштата.

The post На децата во градинка во Австрија им се нуди да изберат еден од шест пола appeared first on Република.

Секогаш кога ќе се почнуваат вака убави работи, секогаш за мене претставува тоа посебен ден и посебен момент и чест да бидам дел од сето тоа. Овде во Општина Ѓорче Петров веќе во неколку наврати во последниве недели отпочнуваме вакви активност, капитални објекти, како што и оваа детска градинка. Тука нема да се застане, ќе се продолжи во периодот којшто следи.

Дозволете ми оваа прилика да ја искористам да му честитам на градоначалникот, на советниците коишто ја подржуваат работата на градоначалникот, се разбира администрацијата во Општината без која можеби и сето ова и не би било така како што е сега, бидејќи тоа и многу важно во овој процес.

Исто така би сакал да им честитам на пратениците коишто доаѓаат од Општина Ѓорче Петров, на членовите на Владата коишто овозможуваат овие проекти заедно со Општината да бидат реалност.

И се разбира да им посакам на граѓаните уште еден ваков набргу објект овдека да никне, да има повеќе дечиња и да можеме да се радуваме на повеќе вакви објекти, на повеќе дечиња да ги користат тие објекти.

Така што еве навистина посебен момент и нека и за дарлија и нека има што е можно повеќе вакви објекти. А за техничките детали не би зборувал,  тоа го кажа веќе градоначалникот за да не се повторуваме. Нека има што повеќе дечиња, нека има што повеќе вакви објекти, ние како Влада ќе работиме да овие објекти станат реалност.

https://www.youtube.com/live/Fjgbv_fWGpI?si=LgqbrL4PYcaNSGAm

The post Мицкоски: Започна изградба на детска градинка во Општина Ѓорче Петров, како Влада ќе подржуваме изградба на вакви инвестиции appeared first on Република.

Премиерот Христијан Мицкоски ќе присуствува на поставување камен темелник на изградба на нова детска градинка во населено место Ново Село кај Стопански Двор во Општина Ѓорче Петров, информира владината прес-служба.

Детската градинка ќе има капацитет за згрижување на над 100 деца, на површина од 415 м2 на приземје и 483 м2 на прв кат. Дечињата на возраст од 0 до 2 години ќе бидат сместени во две групи на приземјето на градинката. Првиот кат е предвиден за поголемите дечиња кои дневните програми ќе ги поминуваат во 4 занимални, односно вкупно 6 занимални заедно со јаслите, поделени на два ката.

Објектот, кој ќе биде граден по најмодерни стандарди, ќе опфаќа заедничка занимална, повеќенаменски простор, просторија за изолација и просторија за индивидуална работа, гардеробер, кујна, санитарни простории и отворена занимална. Проектот е финансиран од Владата на Република Македонија во вредност од 60.000.000 денари и со ова ќе се намали списокот на деца кои чекаат за упис во детските градинки во Ѓорче Петров. с

The post Поставување камен-темелник за нова детска градинка во општина Ѓорче Петров appeared first on Република.

Премиерот Христијан Мицкоски утре во 11 часот ќе присуствува на поставување камен темелник на изградба на нова детска градинка во населено место Ново Село кај Стопански Двор во Општина Ѓорче Петров.

Детската градинка ќе има капацитет за згрижување на над 100 деца, на површина од 415 м2 на приземје и 483 м2 на прв кат. Дечињата на возраст од 0 до 2 години ќе бидат сместени во две групи на приземјето на градинката. Првиот кат е предвиден за поголемите дечиња кои дневните програми ќе ги поминуваат во 4 занимални, односно вкупно 6 занимални заедно со јаслите, поделени на два ката.

Објектот кој ќе биде граден по најмодерни стандарди ќе опфаќа заедничка занимална, повеќенаменски простор, просторија за изолација и просторија за индивидуална работа, гардеробер, кујна, санитарни простории и отворена занимална.

Проектот е финансиран од Владата и е во вредност од 60.000.000 денари, а со ова ќе се намали списокот на деца кои чекаат за упис во детските градинки во Ѓорче Петров.

Најмладите жители добиваат нови и современи објекти за воспитно-образовен процес и едукација од најрана возраст, информираат од Владата.

Предвидено е изјава за медиуми да даде претседателот на Владата Мицкоски.

The post Нова детска градинка ќе се гради во Општина Ѓорче Петров – Мицкоски ќе присуствува на камен темелникот appeared first on Република.

Македонија минува низ образована криза. Тоа го покажуваат слабите резултати на последното ПИСА тестирање - 75 отсто од 15-годишните ученици во земјата имаат ниски резултати по читање, а 66 отсто покажуваат ниски резултати по математика и природни науки.

Лесли Милер, претставничка на УНИЦЕФ во Македонија вчера говореше на настанот „Образование водено од реалните потреби на учениците – паметно инвестирање во наставниот кадар и инфраструктура“ во организација на Здружение за истражување и анализи ЗМАИ.

Според Милер, резултатите од истражувањата покажуваат дека се работи за недоволно време минато во учење.

Учениците во основно образование во Македонија на возраст од 14 години имаат речиси 900 часа помалку настава од просекот на учениците во земјите на ОЕЦД. Ова првенствено се должи на фактот што училишната мрежа не одговара на демографските промени во земјата и како резултат на тоа 90 отсто од учениците учат во 30 отсто од училишните згради, и училиштата се принудени да работат во смени.

Исто така, врз успехот на учениците негативно се одразува и недоволното време минато во предучилишно образование. Резултатите од ПИСА за земјата покажуваат дека учениците кои не посетувале предучилишно образование или кои оделе во градинка помалку од една година, обично имаат пониски резултати по читање, математика и природни науки. Ова не изненадува ако се земе предвид дека само околу 43 отсто од децата на возраст од 3 до 6 години посетуваат градинка, а опфатот на децата Албанци и Роми е уште понизок, вели претставничката на УНИЦЕФ Лесли Милер.

Овие бројки не се само статистика; овие бројки се итен повик за акција, повик да се оствари правото на децата на квалитетно и инклузивно образование, а образовниот систем да обезбеди развој на човечкиот капитал и економска конкурентност, смета Милер.

Втор фактор е бројот на наставници и како тие се распределени: Бројот на наставници и понатаму расте и во просек наставниците работат со помал број ученици. Во изминатите две децении просечниот број ученици се намали од 18 на помалку од 10 ученици по наставник, што е значително под просекот на ОЕЦД. Во две третини од општините, просечниот сооднос ученик-наставник е под 10. Во исто време, распределбата на работната сила е нерамномерна. Некои училишта имаат паралелки со над 30 ученици, додека други имаат помалку од 10. Речиси половина од учениците во руралните средини учат во екстремно мали или комбинирани паралелки од различни одделенија – и едното и другото има негативно влијание врз нивното учење и социјализација.

Трет фактор се расположивите ресурси за квалитетно учење: Инвестициите во образованието несразмерно се трошат на плати, при што останува малку за покривање на трошоците наменети за квалитетно и инклузивно образование. Во моментов, близу 90% од расходите за основно образование одат на трошоци за плати, додава Милер.

Накратко, образовната криза е резултат на децениското несоодветно решавање на клучните структурни предизвици, недостигот од континуитет во реформските процеси кај различните влади и недоволната насоченост на образованието кон реалните и индивидуалните потреби на сите ученици, сметаат од УНИЦЕФ.

Од УНИЦЕФ велат дека постои потреба од преиспитување во три критични области:

Училишна инфраструктура: За да може секое дете да посвети доволен број часови на учење во една смена, треба да се продолжи училишниот ден што може да бара проширување на некои училишни објекти и консолидирање на други. Целта треба да биде на секој ученик да му се овозможи пристап до исто ниво на можности за учење кои доаѓаат со воннаставните активности, пристап до нови технологии и опрема и интеракција со поширока група врсници.

Човечки ресурси: При планирањето на наставниот кадар, треба да се земат предвид новите улоги на наставниците и да се обзебеди поддршка за професионалниот развој и кариерното напредување на наставниците, преку наставниците ментори и стручните служби. Исто така треба да се земе предвид и моделот на споделени ресурси меѓу општините за да се обезбеди ефикасно искористување на работната сила.

Финансирање на образованието: Со сегашната формула за финансирање не се поттикнува ефикасно трошење, не се земаат предвид училишните резултати и не се предвидуваат наменски средства за професионален развој на наставниците или за воннаставни активности. Потребна ни е формула со која се пресметува трошокот по ученик, обезбедува правична распределба и се гарантираат средства за превоз на учениците што живеат подалеку од училиштата.

Реформирањето на образовниот систем е сложен процес и бара силно лидерство и политичка посветеност на сите владини нивоа. Потребен е и ангажман и дејствување од страна на Собранието, пошироката Влада вон Министерството за образование, вклучувајќи ги Министерството за финансии, општините, раководството на училиштата, наставниците и родителите, смета претставничката на УНИЦЕФ во Македонија, Милер.

https://republika.mk/vesti/makedonija/makedonskite-uchenitsi-uchat-okolu-900-chasovi-pomalku-od-prosekot/

https://republika.mk/vesti/makedonija/janevska-vishokot-nastavnitsi-koi-ke-se-pojavat-mozhe-da-bidat-angazhirani-vo-bro-dits-dpi-i-da-pomognat-so-svoeto-iskustvo-i-znaene/

The post УНИЦЕФ: Учениците во Македонија кои оделе во градинка помалку од една година, обично имаат пониски резултати по читање, математика и природни науки appeared first on Република.

За нас како претставници од Владата, од Парламентот, градоначалници, претставува посебна чест и задоволство што објектот којшто го почнавме да го градиме со симболично би рекол поставување камен темелник пред неколку месеци, денеска го гледате завршен.

Јас му честитам на градоначалникот за исклучително брзата реализација на ова изборно ветување, ветување со коешто практично во Општина Илинден ќе нема повеќе листи за чекање за упис во градинка, односно сите дечиња коишто ќе имаат потреба од сместување во објектите овдека во градинките во Општина Илинден ќе бидат сместени.

Овој објект е со капацитет од шеесетина дечиња, инвестицијата е обезбедена комплетно од средства со коишто располага општината, а опремена со средства од Министерството за социјална политика, демографија и млади, значи еден заеднички проект и навистина мислам дека ваквите проекти ја враќаат довербата дека не се сите исти и дека можело поразлично, секој ден нов проект, секој ден ново изборно ветување, секој ден ново очекување на граѓаните коишто е испорачано.

Така продолжуваме понатаму за нешто повеќе од два месеци оваа Влада направи навистина работи коишто изминатите години претходната Влада не можеше ниту пак да ги замисли.

Така да уште еднаш му честитам на Александар, на советниците, на администрацијата, на луѓето од градинката за успешно, брзо, експресно завршен проект и им посакувам на дечињата да поминуваат навистина прекрасни мигови, бидејќи од тука ќе почнат да го чекорат својот животен пат и да се образуваат“.

The post Мицкоски: Со доградбата на детска градинка во ЈОУДГ „Гоце Делчев“ во Општина Илинден нема повеќе листи за чекање за упис appeared first on Република.

Претседателот на Владата на Република Македонија, Христијан Мицкоски денеска во 12:15 часот, ќе присуствува на поставување на камен темелник на изградба на спортска сала во населено место Огњанци, во Општина Петровец.

Големината на салата е 25 метри квадратни на 21 метар квадратен, во вредност од 12.000.000 денари обезбедени од Министерството за образование и наука и 6.000.000 денари од општинскиот буџет, а рокот на изведба е 5 месеци.

Предвидено е изјава за медиуми да даде Претседателот на Владата, Мицкоски.

https://www.youtube.com/live/a9owoa331-A?si=B88oAaBS0fMeVX1l

The post Изградба на спортска сала во Општина Петровец, Мицкоски ќе присуствува на поставување на камен темелник appeared first on Република.

Премиерот Христијан Мицкоски, заедно со градоначалникот на Општина Гази Баба, Бобан Стефковски и министерот за социјална политика, демографија и млади, Фатмир Лимани, денеска го поставија камен-темелникот за изградба на нова детска градинка во Трубарево во општина Гази Баба.

На настанот по повод одбележувањето на изградбата на новата детска градинка во Трубарево, Мицкоски рече дека работата е белегот на новата Влада и дека ваквиот проект е првиот чекор за решавање на проблемот со недостатокот на градинки во поголемите населени места.

– Проблемот со недостаток на градинки, особено во големите населени места е хроничен. Листите на чекање преставуваат сериозен проблем и на овој начин преку изградба на вакви објекти ние го правиме првиот чекор за решавање на проблемот, рече премиерот.

Градоначалникот Стефковски посочи дека детската градинка ќе има капацитет да згрижи 60 деца и ќе се протега на површина од 720 метри квадратни во кои ќе се изградат три занимални за деца, административни простории и останати помошни простории. Тој додаде дека се работи за инвестиција со вкупна вредност од 19 милиони денари.

– Инвестицијата е во вредност од 19 милиони денари. Ќе се изгради детска градинка со вкупна површина од 720 метри квадратни, кое ќе може да згрижи 60 дечиња. Општина Гази Баба комплетно ја заврши урбанистичко-планската и проектната документација за изградба на нови детски градинки во Инџиково и на потегот помеѓу Маџари и Керамидница и со истите ќе аплицираме за добивање поддршка од Владата. Со изградбата на овие детски градинки во Гази Баба нема повеќе да има дете кое ќе чека за упис во градинка, изјави Стевковски.

Мотивот за работа е сега поголем, вели градоначалникот, бидејќи, како што рече, со премиерот Мицкоски општините добиле сојузник за реализација на повеќе проекти.

The post Со поставување камен-темелник Мицкоски го одбележа отпочнувањето на изградбата на нова детска градинка во Трубарево appeared first on Република.

The post ВИДЕО: Камен темелник на нова градинка во општина Гази Баба appeared first on Република.

Денес го одбележуваме стартот на уште еден важен проект, нова детска градинка овде во Трубарево. Во Гази Баба се реализира уште едно ново ветување, кое беше дадено на изборите пред граѓаните. Проблемот со недостаток на градинки, особено во големите населени места е хроничен.

Ова го истакна премиерот Христијан Мицкоски кој денеска присуствуваше на поставување камен-темелник на новата детска градинка.

Листите на чекање преставуваат сериозен проблем и на овој начин преку изградба на вакви објекти ние го правиме првиот чекор за решавање на проблемот. 19 милиони денари ќе се инвестираат за градба на оваа градинка која ќе има опфат на над 60 дечиња. Но, ова не е единствениот проект кој се реализира за овој крај и оваа општина. Можам да му честитам за посветеноста и ангажираноста на градоначалникот Бобан Стефковски кој во моментов реализира повеќе десетици проекти важни за граѓаните. Се разбира ја користам оваа прилика да им честитам и на советниците кои ја поддржуваат работата на градоначалникот, истовремено и на пратениците во македонското Собрание кои грчевито се борат за да можат да обезбедат проект повеќе за општина Гази Баба. Работата е нашиот белег, додека на тазе опозицијата белег е политиката на ниски страсти, кочење и лаги. Ние ќе продолжиме со работа. И ќе решаваме што е можно повеќе проблеми на граѓаните. Затоа што само така се сака Македонија. Само така ќе правиме повеќе за тебе, за сите вас - истакна премиерот.

The post Мицкоски: Нова детска градинка во Гази Баба, ќе бидат згрижени над 60 дечиња- го решаваме проблемот со листите за чекање appeared first on Република.

Претседателот на Владата на Република Македонија, Христијан Мицкоски ќе присуствува на поставување на камен темелник за изградба на комплетно нова детска градинка во населено место Трубарево, во Општина Гази Баба.

Детската градинка има капацитет на згрижување на 60 деца, и е на површина од 720 метри квадратни во кои ќе се изградат 3 занимални за деца, административни простории и останати помошни простории. Вкупна инвестиција на истата во првата фаза ќе изнесува 19.000.000 денари

The post Мицкоски ќе присуствува на ставање на камен темелник за изградба на нова детска градинка во Трубарево appeared first on Република.

Премиерот Христијан Мицкоски со министерот за социјална политика, демографија и млади Фатмир Лимани и градоначалникот на Општина Бутел, Дарко Костовски ќе присуствува на поставување камен темелник на нова детска градинка.

Како што информира владината прес-служба, новата градинка ќе треба да обезбеди згрижување на над 200 деца, а инвестицијата е над 100 милиони денари.

The post Мицкоски на камен-темелник на нова градинка во општина Бутел appeared first on Република.

Две петгодишни момчиња денеска избегаа од градинка на Петлово Брдо, во белградската населба Раковица. Во претресот учествуваа многу луѓе, а пред се полиција, пишуваат српските медиуми.

Како што дознава Информер од родителите на најмалите, кои одат во истата градинка од која избегале момчињата, драмата започнала околу 11:30 часот, кога било забележано дека две петгодишни момчиња не се во градинката.

Не можам да ги опишам стравот и траумата. Само што дознавме дека децата се исчезнати. Во потрагата се вклучија сите, пред се полициската станица Раковица, во која е пријавено исчезнувањето на момчето – изјави извор запознаен со случајот.

Според информациите биле информирани сите полициски патроли во тој дел од градот и сите биле вклучени во потрагата.

По еден час полицајците, припадници на полициската станица Раковица, ги пронашле момчињата во Видиковац и ги вратиле кај родителите. Имаше солзи на родители, но и на деца кои, како што слушнав, се качиле во автобусот на релација број 56 и се упатиле кон Видиковац – вели истиот извор.

The post Две петгодишни деца избегале од градинка, по еден час полицијата ги пронашла appeared first on Република.

Вчера во 15.00 часот во Полициската станица Карпош, Љ.М.(34) од Скопје пријавила дека на 12.06.2024 откако нејзиниот сопруг го земал нивниот малолетен син од градинка на подрачјето на Карпош забележале дека има гребаница на лицето, информираше Министерството за внатрешни работи (МВР).

„Според пријавеното, тие подоцна разговарале со негувателката и директорката на градинката, при што негувателката појаснила дека за време на појадокот нивниот син не сакал да јаде, при што таа го стиснала на образот за да јаде и дека е можно тогаш да го изгребала. Се работи на расчистување на случајот“, наведено е во полицискиот билтен.

The post Инцидент во градинка во Карпош: Дете не сакало да јаде, негувателката го стиснала за образ и го изгребала appeared first on Република.

Единицата за корупција при Одделот за сузбивање на организиран и сериозен криминал (ОСОСК) вчера до ОЈО Велес поднесе кривична пријава против М.В.(44), од Велес, поради постоење на основи на сомнение за сторено кривично дело „употреба на исправа со невистинита содржина“, согласно член 380 ст.1 од Кривичниот законик.

Како што соопшти МВР, пријавената, на функција директор во општинска јавна установа за деца - детска градинка во Велес, прибавила меѓународно признаен сертификат за познавање на англиски јазик со нејзино име, издадена од училиште за јазици од Пловдив, Р.Бугарија.

Иако знаела дека исправата е со невистинита содржина, М.В. ја употребила како доказ дека поседува меѓународно признаен сертификат при нејзиното аплицирање на Јавен оглас за избор на директор на детската градинка, по што и била именувана на функцијата, велат од МВР.

The post Директорка на велешка градинка фатена со лажен бугарски сертификат за познавање англиски јазик appeared first on Република.

Децата кои ќе примат ДиТеПер пожелно е да останат дома две недели по вакцинацијата, а не утредента да одат во градинка.

Ова е ставот на професорот Драган Даниловски за последните случувања околу епидемијата со голема кашлица и контролите во установите за згрижување деца, пренесе Сител.

Не можете вие наредниот ден да го пуштите во градинка и да се дружи. Зошто е потребно време околу 2 недели да дојде до формирање на антитела. Под тој период ако детето биде изложувано во колектив, практично исто како да не примило вакцина, изјави проф. д-р Драган Даниловски, епидемиолог.

За последната одлука на министерот по препорака на Комисијата за заразни болести која ќе почне да важи од утре, во градинка да се примаат и деца со 3 дози од прима вакцинацијата во период од 6 месеци со услов за ревавакцина најрано за половина година, епидемиологот Даниловски смета дека е компромис, но според него подобро е некаква мерка отколку ништо.

Пожарот е избиен сега останува со сите расположливи средства да се гаси. Да се бараат децата кои не се вакцинирани или некомплетно вакцинирани. Строго да им се забрани да бидат во градинка или училиште. Да се контролираат и приватните градинки, бидејќи јавна тајна е дека тие не бараат вакцини за упис на деца и таму треба да важат законите, категоричен е професорот Даниловски.

Професорот Даниоловски потенцира дека е потребна долгорочна стратегија за имунизација од здравствените власти и строго да се почитуваат законите за да не се враќаат речиси искоренети заболувања вклучително и големата кашлица.

Непочитување на законите треба да се санкционира, зошто не се санкционирало јас незнам. И има усште една појава би рекол внатрешна, тивка саботажа внатре во системот посебно од колегите во примарната здравствена заштита. Охрабрувањето кои голем број доктори го прават кај родителите – Почекај да проговори детето па вакцинирај го, од прилика тој  наратив го користат и крајно време е да им се застане на патот на таквите колеги. Да се идентуификуваат и санкционираат. Имаме Лекарска комора, Суд на честа и дриги инстанци, вели професорот Даниловски.

Дека има сериозни пропусти и покажаа и првичните резултати од контролите на ДСЗИ во градинките во Скопје каде скоро 50 проценти од децата се невакцинирани или некомплетно имунизирани.

The post Нововакцинираните деца во градинка да одат по две недели, вели епидемиологот Даниловски appeared first on Република.

Директорката на Државниот санитарен здравствен инспекторат, Рената Младеновска најави дека денеска ќе ѝ биде донесена новата одлука со дообјаснувањето од Комисијата за заразни болести, со што ќе се овозможи од понеделник во градинките да се примаат деца кои ја имаат комплетирано вакцинацијата со три дози против пертусис.

ДСЗИ неделава изврши стотина вонредни инспекциски надзори низ градинки во кои, како што рече, е утврдено дека се почитува решението за забрана за прием на нецелосно или делумно вакцинирани деца.

Одговорните лица во самите градинки си ги контролираат и ажурираат податоците од вакциналниот статус на секое дете. Се почитува мерката, така што сега за сега, задоволни сме и од самата соработка и од начинот како се спроведуваат вонредните надзори, изјави Младеновска.

Таа повтори дека во надлежност на ДСЗИ е, согласно сите списоци што им ги праќаат вакциналните пунктови, да ги повикаат родителите на постапка на порамнување или казнување, ако родителот не се согласи да го вакцинира неговото дете.

Засилени се и тие контроли. Сѐ повеќе и секојдневно ни стасуваат списоци каде се содржани деца кои не примиле досега ниту една доза, нагласи директорката на ДСЗИ.

Директорката на Државниот санитарен здравствен инспекторат Рената Младеновска најави дека денеска ќе и биде донесена новата одлука со дообјаснувањето од Комисијата за заразни болести со што

Во однос на значително повисокиот процент на вакцинирани деца во внатрешноста од над 95 проценти, наспроти во Скопје каде околу 50 отсто не се вакцинирани, Младеновска оцени дека родителите во градови во внатрешноста се поодговорни.

Мојот заклучок е дека на тие деца кои се во внатрешноста, родителите им се одговорни и го почитуваат редовниот Календар за имунизација и се редовно вакцинирани. Очигледно е дека проблемот е во градот Скопје. Мислам дека овие епидемии ќе нѐ освестат дека треба да се вакцинираат сите деца, сѐ со цел да не ни се случуваат и да не ги враќаме заразните болести, рече Младеновска.

Таа најави дека ДСЗИ ќе продолжи со инспекциите и во наредниот период.

Ќе мора да ја решиме оваа состојба зашто не е во ред да враќаме заразни болести, веќе сме 21. век, порача Младеновска.

Комисијата за заразни болести вчера препорача децата кои примиле три дози на ДиТеПер вакцината да може да посетуваат градинка, но, под услов да се ревакцинираат за шест месеци.

Како што соопшти денеска министерот за здравство во техничката Влада, Илир Демири денеска се пристигнати вакцините против пертусис и за возрасни.

Од 15 март се очекуваат и вакцини против пертусис за возрасни, предлагаме тестирање за голема кашлица низ цела држава, изјави попладнево Злате Мехмедовиќ, портпарол на Комисијата за заразни

Предност при вакцинацијата ќе имаат возрасните кои живеат со деца под две години, вработените кои се во директен ангажман и се во контакт со децата на оваа возраст и бремените жени кои се во третиот семестар од нивната бременост.

Од 1 до 7 март, пријавени се 50 нови случаи на голема кашлица. Во однос на географската дистрибуција, најголем дел од случаите се пријавени во Скопје. Од новите 50 случаи, пет се хоспитализирани. Станува збор за четири деца на возраст под една година и едно од возрасната група од една до четири години. Заклучно со 7 март, во Република Македонија се регистрирани вкупно 173 случаи на голема кашлица, со инциденца од 9,4/100 000 жители. По однос на место на живеење, најголем број лица живеат во Скопје - 151 или 87,3 отсто во дванаесет различни општини, според податоците на последниот извештај од Институтот за јавно здравје (ИЈЗ).

The post ДСЗИ: Од 18 март во градинка деца со три дози вакцини против пертусис appeared first on Република.

Деца кои се вакцинирани со трета доза ДиТеПер во последните шест месеци може да одат во градинка, реши Комисијата за заразни болести. Задолжително е во следните шест месеци да се изврши и ревакцината, соопшти денеска претседателот на Комисијата проф. д-р Александар Петличковски.

Д-р Петличковски рече дека не може да каже кога Министерството ќе достави известување до градинките, но може да се очекува тоа да биде денеска или во следните денови.

На седницата на Комисијата за заразни болести ја имавме како гостин проф. д-р Александра Грозданова од Комитетот за имунизација, со цел да ги дообјасниме препораките кои беа дадени. Дообјаснувањето се однесува на деца кои примиле серија вакцинална од три дози, ја завршиле примоимунизацијата во последните шест месеци и сега им следи ревакцина која во стандардниот календар беше препорачано да се прима на една година, сега го кратиме тој период на шест месеци, но овие деца кои ја завршиле примовакциналната серија во последните шест месеци треба да им биде дозволено да влезат во градинка, со напомена дека оваа ревакцина редовно треба да ја примат во следниот период односно после шест месеци најрано од примањето на третата доза“, рече д-р Петличковски.

Петличковски истакна дека состојбата не е добра, не е стабилна, а во оваа состојба сме се довеле заради многу години наназад неодговорно однесување на многу граѓани.

Оној податок од 50 проценти вакцинирани деца по градинките е поразителен податок за државата. И тука мора многу да работиме. Имаме разбирање, имаме и научна поткрепа дека овој малку олабавен начин на проценка на имунитетот со трите дози помага, но не знам до кога ќе остане затоа што ако состојбата со оглед дека сега сме веќе со бројки над 170 случаи во Скопје и над 200 во државата и веројатно тој број и понатаму ќе расте, можно е во следниве недели да излеземе со построги епидемиолошки мерки. Се зависи од развојот на ситуацијата. Тоа е главниот заклучок на денешниот состанок“, посочи д-р Петличковски.

Проф. д-р Грозданова изјави дека од медицински и имунолошки здравствен аспект процениле дека детето вакцинирано со три дози во последните шест месеци, завршена примоимунизација ќе биде оптимално заштитено со цел да може да продолжи да посетува градинка, да се социјализира со напомена дека ревакцината мора да биде примена во следните шест месеци.

Имунолошкиот аспект од аспект на заштита на детето ќе биде целосен доколку се задоволени и двата услови. Во шесте месеци да бидат примени тие три дози од примо имунизацијата, но задолжително да се прими ревакцината, којашто временскиот период го скративме, наместо од последната доза на вакцина една година, го скратуваме на шест месеци. Тоа се препораките до родителите. Да го сфатат овој апел со цел нормално да соработуваме, но, приоритет е здравствената заштита на децата. Се' уште епидемиолошката состојба е далеку од добра и се зголемува. Имаме во градинките, имаме во училиштата, во ризик ќе бидат и возрасните. Апелираме до родителите најитно да се упатат во вакциналните тимови и овој редослед на вакцини го остварат“, потенцираше д-р Грозданова.

Од Комисијата за заразни болести ќе апелираат до градинките да вршат поинтензивна проверката на вакциналните картони и притоа да биде вклучена и проверката за МРП вакцината за да не ни се случат две епидемии истовремено. Според д-р Грозданова, децата можат во ист ден да примат и ДиТеПер и МРП вакцина.

Комитетот за имунизација до вакциналните тимови и официјално испрати препорака детето кои прима вакцина ДиТеПер на 18 месеци, заедно да се прими и МРП вакцина. И веќе тоа се прави во вакциналните пунктови. Треба да им се објасни на родителите дека не постои проблем двете вакцини да се примат во ист ден, рече Грозданова.

Петличковски нагласи дека вакцинацијата може да се одложи поради болест, кај многу деца календарот е изместен поради коронавирусот, но потврди за привремена спреченост не постојат ниту, пак, некој ги издава. Постојат само потврди за трајна спреченост за вакцинација во одредени случаи и ги повика родителите да ги вакцинираат децата оти во ризик може да бидат доведени и возрасните.

Во град Скопје е прогласена епидемиија на голема кашлица.

Според календарот за имунизација, вакцината против голема кашлица се прима во три дози – на двомесечна, тримесечна и на шестмесечна возраст. Ревакцината треба да се прими на 18-месечна возраст односно една година по последната од трите дози на вакцината. На четири години се прима втората ревакцина за ДиТеПер.

Заклучно со 7 март во Македонија се регистрирани вкупно 173 случаи на голема кашлица, најмногу од Скопје – 151.

Заболените лица се на возраст 1 месец до 70 години. Најголем број заболени се деца на возраст до 4 години, односно 27 случаи припаѓаат на возрасната група под 1 година, а 22 се деца на возраст од 1 до 4 години, а во возрасната група 10-14 години се пријавени 43 случаи, според извештајот на Институтот за јавно здравје кој се објавува секој петок.

The post Деца кои се вакцинирани со трета доза ДиТеПер во последните шест месеци може да одат во градинка, реши Комисијата за заразни болести appeared first on Република.

Поради недостаток на лиценциран кадар во градинките, голем дел од клоновите се нефункционални, а бројот на деца на листите за чекање се зголемува. Во клонот „Темјанушка“ во Општина Неготино, 81 деца чекаат на листата за чекање, вели техничкиот министер за труд и социјална политика, Ѓоко Велковски при денешната теренска посета на детската градинка „Фемо Кулаков- Неготино“.

Велковски овој пат од Неготино, повторно укажа на сериозноста на проблемот со кој се соочуваат детските градинки не само во оваа општина, туку низ целата држава.

„Со давање на ваквите согласности за стручниот кадар ќе имаме можност токму да се отворат овие останати просторни услови и бројот на овие дечиња од листите на чекање буквално да биде на нула, дополнува тој.

Директорката на градинката, Нада Најдова на средбата со министерот истакна дека таа има поднесено барање за полагање за лиценца уште во 2021 година, за што не била повикана, иако во текот на 2023 година полагале лица коишто аплицирале истата година.

The post Велковски: 81 дете чека за упис во градинка во Неготино поради недостаток на кадар appeared first on Република.

Во детската градинка „Брешија“ во Дебар нема невакцинирани дечиња со ДиТеПер, потврди за медиумите директорката Ајрие Дачи.

Според неа, во оваа установа, во која се згрижени 330 деца, до сега нема заразено дете со голема кашлица, но состојбата внимателно се следи и редовно се вршат контроли.

Во службата за вакцинација при Општата болница со проширена дејност имунизацијата се реализира тековно, што, како што потврдуваат одговорните, е резултат на фактот дека родителите редовно ги носат децата, според картонот за вакцинација.

Во текот на минатата година, процентот на опфатеност со имунизација на децата во општините Дебар и Центар Жупа, кои со својата активност ги покрива дебарската болница, изнесува 95 отсто, што е намалување за 2 отсто споредено со претходната година. Тоа како последица на преселбата на семејството во друг град во државава или во странство.

The post Во дебарската градинка нема невакцинирани деца со ДиТеПер, а нема ни заразени appeared first on Република.