„Имаме најмал економски раст споредбено со земјите во регионот. Буквално доживуваме едно големо фијаско во делот на странските инвестиции, па и во домашните инвестиции. На 31 мај завршија антикризните мерки, кои пред се, се однесуваат за намалување на ДДВ-то во однос на основните прехранбени производи и горивата. Но, се уште нема нови антикризни мерки, а секоја сериозна и одговорна Влада навремено реагира, освен оваа нашава, која што за жал дозволи нов ценовен шок кој исклучиво влијае на намалување на животниот стандард на граѓаните“, истакна Гоце Димоски, претседател на ОК на ВМРО-ДПМНЕ Гостивар, на денешната трибина насловена „Ценовен шок, сиромаштија и неспособна влада“.

Димоски додаде дека негов главен заклучок околу проектираниот ребаланс на буџет дека истиот не е креиран целосно да ги поддржи главните приоритети.

Главните приоритети се сигурност на храна, енергетската стабилност, одржливиот раст на економијата и фискалната одржливост. Педлог ребалансот на Буџет не е соодветен да помогне и да ги промени економските состојби во Македонија кон подобро. Сакам да ја потсетам македонската јавност за една изјава дадена од страна на актуелниот премиер на Владата, дадена во декември 2021 година за една национална телевизија, каде тој јасно и децидно кажа дека државата нема да дозволи ценовен шок. А, сега сме јуни 2022 година, шест месеци после таа изјава и ние можеме слободно да констатираме дека државата и тоа како доживеа нов ценовен шок, потсети Димоски.

Тој укажа дека направил своја анализа во однос на просечна нето плата и цените на горивата во земјите во регионот. Целта беше да се утврди и спореди куповната моќ на населението во однос на актуелните цени на горивата. Македонија е на дното во однос со другите земји и има најниска просечна нето плата. Во дрѓавата со една просечна плата може да се купат 279 литри бензин, а во Србија околу 360 литри бензин, додека во Црна Гора со една просечна плата може да се купи 419 литри бензин. Во Хрватска, 498 литри бензин, а во Словенија 624 литри бензин. Додека пак во БиХ со една просечна плата може да се купи 362 литри бензин.

The post Во Македонија може да се купи најмалку гориво со една просечна плата, во споредба со земјите од регионот appeared first on Република.

Капиталните инвестиции се особено важни за секоја општина бидејќи истите имаат долгорочни ефекти. Реализираните капитални инвестиции влијаат позитивно на растот на секоја општина и позитивно во делот на подобрување на животот на жителите на општините, но доколку ги погледнеме податоците тие ни покажуваат дека претходните градоначалници од СДСМ не се не се грижеле доволно да го развијат локалниот економскиот развој, изјави Гоце Димоски на панел дискусија насловена „Што наследија општините“.

Тој потенцираше дека капиталните инвестиции за време на градоначалниците на СДСМ се разочарувачки, иако науката докажала јавните финансии преку капиталните инвестиции се погодно поле за соработка помеѓу локалната власт и приватниот сектор, а тоа значи дека се создаваат услови за успешен локален економски развој.

Димоски преку анализа на два периоди 2013-2016 споредено со 2018-2021 појасни што наследија општините, односно колку лоша реализација на капитални инвестиции имале градоначалниците од СДСМ.

Во Аеродром ако се погледне периодот 2013-2016 можеме да заклучиме дека вкупните расходи во тој период по глава на жител изнесувале 692 евра, додека пак капиталните расходи околу 146 евра по глава на жител односно реализацијата на капиталните инвестиции во тој период изнесувала околу 21% од вкупните расходи. Ако погледнеме 2018-2021 можеме да констатираме дека вкупните расходи се 744 евра по глава на жител, додека пак капиталните расходи за тој период само 95 евра, и тоа покажува дека се намалиле капиталните расходи во тој период - изјави Димоски.

Тој додаде дека во општина Босилово период 2013-2016 вкупните расходи по глава на жител изнесувале 575 евра, додека пак вкупните капитални расходи изнесувале 166 евра по глава на жител или тоа е околу 30% од вкупните расходи, додека пак 2018-2021 вкупните расходи се 576 евра по глава на жител, додека пак реализираните капитални инвестиции по глава на жител за тој период се 89 или само 15%.

Во општина Бутел за 2013-2016 вкупните расходи по глава на жител изнесувале 657 евра, додека пак капиталните расходи изнесуваат 132 евра, односно во тој периоди биле реализирани околу 20% капитални инвестиции од вкупните расходи во тој период. Додека за 2018-20121 констатираме дека вкупните расходи се зголемени на 838 евра по глава на жител што значи има зголемување, а пак капиталните расходи изнесуваат 127 евра по глава на жител или 15% - изјави Димоски.

Димоски за општина Кратово истакна дека за период 2013-2016 имала вкупни расходи од 1032 евра по глава на жител, додека пак капиталните расходи изнесувале 310 евра, а ако погледнеме 2018-2021 имаме скоро исти расходи околу 1010 евра по глава на жител, додека пак капиталните расходи се 169 евра по глава на жител што значи многу помалку.

За Град Скопје 2013-2016 вкупните расходи по глава на жител изнесуваат 369 евра, додека капиталните расходи се 170 евра по глава на жител, односно реализирани капитални инвестиции во Скопје се 30% од вкупните расходи на градот. Ако погледнеме 2018-2021 можеме да видиме дека вкупните расходи се 696 евра, односно дури се за 88% поголеми, но капиталните расходи се 191 евро или 17% од вкупните расходи - вели Димоски.

Тој нагласи дека врз основа на овие податоци можеме да констатираме дека учеството на капиталните инвестиции во однос на вкупните расходи се разочарувачки.

Можеме да заклучиме дека периодот 2018-2021 се карактеризира со тоа дека вкупните расходи се зголемувале, а за жал се помалку и помалку капитални инвестиции се реализирале. Односно тие градоначалници не се грижеле доволно да го развијат локалниот економскиот развој - заклучи Димоски.

Тој додаде дека Македонија за време на градоначалниците на СДСМ назадува по странски инвестиции иако секоја нова странска инвестиција ја подобрува економијата, обезбедува работни места, ги ангажира локалните компании за услуги и деловни соработници.

Ако погледнеме 2019 година Македонија успеала да привлече 3,2% од БДП од странски директни инвестиции, а ако тоа го споредиме со останатите држави од регионот може да видиме дека сме на дното и истото за 2020 кога е 1,9%, за споредба едно Косово им 4%, Србија 4,8%, а Црна Гора 11,1%. Приливот на странски инвестиции по глава на жител за првите 9 месеци од 2021 година се скромни 137 евра споредено со земјите од регионот сме на дното. Ова се должи на што оваа влада не покажа амбиција за поволни бизнис услови - изјави Димоски.

https://www.youtube.com/watch?v=3S24mnPp0CM

The post Димоски: Градоначалниците од СДСМ не се грижеле за локалниот развој, нивото на капитални инвестиции е разочарувачко ниско appeared first on Република.

Науката покажала дека во време на економски кризи, за да си го спасат стопанството, државите се насочуваат да инвестираат во капитални инвестиции, кои вклучуваат изградба на патишта, железници, училишта, болници, вели Гоце Димовски од ВМРО-ДПМНЕ на денешната трибина во централниот штаб на партијата, насловена „Тендери и криминал за власта – За народот скапа струја и поскапо парно греење“.

Ситуацијата со капиталните инвестиции не е онака каква што ветуваа СДСМ. Реализацијата на однапред предвидените капитални инвестиции на сериозно ниско ниво. Капиталните инвестиции сами по себе, за секоја економија, било да е развиена било да е мака економија како нашата, претставуваат компонента која е развојна. Капиталните инвестиции сами по себе како што се изградбата на патишта, железници, училишта, енергетски капацитети сами по себе го активираат секторот градежништво. Бидејќи секторот градежништво, според сите експерти, е една најбитните стопански гранки во една економија и кога имаме развиено градежништво, односно активно градежништво, ние имаме де факто и уште 25 стопански гранки во економијата кои се развиени и се активни“, истакна Димоски.

Тој посочи дека ако се инвестира едно евро во патишта, железници, енергетски капацитети, училишта и така натаму, носат поврат во економијата за четири пати повеќе.

Ако ја погледнеме реализацијата на капитални инвестиции како процент од вкупните расходи по години. Согласно мојата направена анализа, ако го погледнеме периодот 2018-2021, годишниот процент за реализација на капитални инвестиции е само 7% од вкупните расходи, што е многу малку. И ако направиме споредба со периодот 2010-2016 година ќе видиме дека реализацијата на капиталните проекти како процент од вкупните расходи на буџетот, изнесуваа над 11%. Разликата е голема. А од друга страна за периодот 2018-2021 година имаме масовно зголемување на долгот, а намалување на процентот на реализација капиталните инвестиции. Заклучокот е дека имаме масовно зголемување на долгот а намалување на реализацијата на капиталните инвестиции“, рече Димовски.

Димоски се осврна и зголемувањето на јавниот долг, кое беше и едно од клучните ветувања на СДСМ пред да го преземе раководењето на власта, дека ќе го намали, но од друга страна Владата на СДСМ, за четири години го зголеми долгот колку претходната за единаесет и тој сега е на работ на Мастришкриот критериум од 60%, кој е меѓународен критериум кој ја мери стабилноста на одредена државна економија.

Денеска ситуацијата не е баш таква како ветуваше СДСМ. Ако направиме анализа на јавниот долг, тој се зголеми за 2,1 милијарди евра и ако продолжи со ова темпо на задолжување ќе го стеснеме просторот за инвестирање во капитални проекти. Со она задолжување над 60% од БДП е сериозни последици функционирањето и развојот на државата и економијата и ќе преставува сериозен проблем за инвестиции во капитални проекти“, објасни Димоски.

Тој се надоврза и на директните странски инвестиции, при што додаде дека во последните години кога земјите од регионот како Албанија, Косово и Србија забележаа рекордни нивоа на инвестиции, за разлика од Македонија која пред десетина години беше лидер во регионот сега е закована на дното.

Во последните години Македонија во однос на странски директни инвестиции назадува. Тука ќе ја напоменам онаа ранг листа која ја прави секоја година угледниот британски весник Фајненшл тајмс, каде што го мери индексот за успешност на странки директи инвестиции на секоја земја во светот. Ако Македонија во 2016 согласно индексот на Фајненшл тајмс беше на високото 3 место во светот, за жал во 2019 о 2020 Македонија ја нема ниту во првите 50 места, што ја покажува лошата состојбата во делот на привлекување странски директни инвестиции.

„Ако ги погледнеме официјалните податоци на народните банки на Македонија, Косово, Србија и Албанија за 2020 година, Македонија за жал, споредено со овие земји е закована на дното, по однос на прилив на странски инвестиции. И тоа, Македонија во 2020 успеала да привлече околу 239 милиони евра странски директни инвестиции. За разлика од нас, соседно Косово за истата година успеала да привлече повеќе од 341 милион евра странски директни инвестиции, соседна Албанија успеала да привлече околу 933 милиони евра, а соседна Србија успеала да привлече над три милијарди евра странски директни инвестиции. Воедно, ако ја мериме успешноста, односно приливот односно износот на странски директни инвестиции, во однос на Бруто домашниот производ за 2020, исто така сме на дното споредено со соседните земји Косово, Србија и Албанија. Македонија успеала да привлече само 1,9% од ДБП, како странски директни инвестиции додека Косово 4%, Србија 4,8% од БДП, Албанија 5,7% од БДП. За 2020 исто така имам направено анализа колку изнесува приливот на странски директни инвестиции по глава на жител, и тука за жал Македонија останува закована на дното. Ние сме со 115 евра прилив на странски директни инвестиции по глава на жител, додека Косово е 193, Србија е 433 евра, Албанија е 329 евра прилив на странски директни инвестиции по глава на жител за 2020 година. Она што се случуваше во 2020 година за жал, продолжува во континуитет и во 2021 година. За првите девет месеци од 2021 година, Македонија има прилив на странски директни инвестиции за околу 285 милиони евра, споредено со Косово, Србија, Албанија како соседни земји, ние сме пак заковани на дното. Косово има околу 493 милиони евра прилив на странски директни инвестиции, соседна Србија има над 2,9 милијарди евра прилив на странски директи инвестиции и соседна Албанија има околу 711 милиони евра. И по однос на приливот на странски инвестиции по глава на жител, за првите девет месеци од 2021 година Македонија има скромни 137 милиони евра, додека Албанија е со 251 евро, Србија е со 419 евра и Косово е со 279 евра прилив на странски директни инвестиции по глава на жител“, истакна Димоски.

 

Димоски потенцираше дека малиот обем на странски директни инвестиции е резултат на високото ниво на корупција и неефикасноста на судскиот систем во Македонија.

Секоја мултинационална компанија прави детални анализи. Прва работа која ја интересира е владеењето на правото и стапката на корупција. За жал Македонија со оваа влада достигнува рекорди. Тука би го цитирал извештајот на Транспаренси од 2021 година каде Македонија за прв пат е на високото 111 место по индексот за перцепција за корупција. Тоа покажува зошто уназадуваме во делот на странските директни инвестиции. И извештајот на Стејт департментот кој беше објавен во 2021 година врз основа на анкета на компании кои работат во Македонија, вклучително и американски компании, кажува дека главен проблем за бизнис климата е корупцијата и неефикасното судство. Тука би ја истакнал и анкетата која беше направена во 2019 од страна на делегацијата на германското стопанство во Македонија, каде што германските компании кои придонесуваат за раст на економијата во Македонија, и дадоа на владата 0 во однос на бизнис климата во Македонија. Тоа се тие параметри кои не прават неатрактивни за инвестирање на странски компании- истакна Димоски.

The post Димоски: Заради корупцијата Македонија со најниско ниво на странски инвестиции во регионот appeared first on Република.