Членовите на собраниската Комисија за прашања на изборите и именувањата денеска на седница одлучија да останат исти коефициентите за утврдување на плата на Претседателот на Република Македонија, на пратениците во Собранието на Република Македонија и на функционерите кои ги избира и именува Собранието на Република Македонија.

Претседателот на Комисијата за прашања на изборите и именувањата, Ѓорѓија Сајкоски образложувајќи ја предлог-одлуката нагласи дека согласно Законот за изменување и дополнување на Законот за основање на државна Комисија за одлучување во управна постапки и постапка од работен однос во втор степен, потребно е да се направат соодветни терминолошки усогласувања во оваа одлука.

-Станува збор за измени во насловот на претседател, заменик-претседател и член на државната Комисија за одлучување во управна постапка, постапка од работен однос и инспекциски надзор во втор степен. Притоа, коефициентот утврден со оваа одлука останува ист поради престанок на важење на Закон за основање на државна Комисија за одлучување во втор степен во областа на инспекциски надзор и прекршочната постапка, точките од одлуката во која се определени коефициенти на претседателот, заменик-претседателот и член на државната Комисија за одлучување во втор степен од областа на инспекциски надзор и прекршочната постапка се бришат, рече Сајкоски.

Комисијата го разгледа и изгласа барањето поднесено од заменик-министерот за животна средина и просторно планирање Ане Лашкоска за одобрување на надоместок на трошоците поради одвоен живот од семејството. Исто така, членовите го разгледаа и изгласаа барањето на пратеникот Миле Цеков за закупнина на стан. Ја изгласаа и Предлог-одлуката за именување на претседател и членови на Државната комисија за одлучување во управна постапка, постапка од работен однос и инспекциски надзор во втор степен.

Исто така, членовите на Комисијата ја утврдија новата Предлог-одлука за именување на претседател и членови на Управниот одбор на Агенцијата за регулирање на железничкиот сектор. Комисијата го разгледа и изгласа барањето на Владимир Георгиев поранешен член на Државната комисија за спречување на корупцијата за испратнина при заминување во пензија.

The post Останува ист коефициентот за утврдување на плата на именуваните и избрани функционери appeared first on Република.

Општина Демир Хисар добива модерен, современ и урбан изглед благодарение на работата, на активноста и посветеноста на градоначалникот, на советниците на Општина Демир Хисар, но и општинската администрација. Во минатото беа реализирани безброј проекти кои што се круцијално значајни за жителите на општина Демир Хисар, пишува на својот фејсбук профил Ѓорѓија Сајкоски, генерален секретар на ВМРО-ДПМНЕ и пратеник во македонското собрание.

Тој понатаму додава:

Но, морам да истакнам дека само пред шест месеци се ветија исто така проекти кои што навистина ќе ја направат општина Демир Хисар да добие посебен изглед. Тоа е реализацијата на Градскиот парк кој што беше ветен и отпочна работа на Градскиот парк. Исто многу значаен проект кој што многу значи за граѓаните на Демир Хисар бидејќи ќе ја зголеми безбедноста на жителите од овој град е реализација на пешачката патека на улица „Битолска“. Источниот дел од улица „Битолска“ ќе добие пешачка патека.

Но, Општина Демир Хисар исто така реализира проекти кои што се и за останатите населени места, кои се во околината на градот Демир Хисар. А, тоа се населеното место Прибилци, населеното место Вардино и населеното место Сопотница добиваат по две улици кои што беа многу значајни за жителите на овие населени места бидејќи го подобруваат квалитетот на живот на овие граѓани, меѓутоа и ја зголемува вредноста и на нивните имоти.

Општина Демир Хисар прераснува навистина во еден значаен центар во овој регион кој што го смени својот изглед од пред доаѓањето на локалната власт на сегашниот градоначалник Никола, кој посветено работи и реализира проекти кои и што не беа ветени во програмата.

А, она што беше ветено во изминатиот период е веќе реализирано за две ипол години.

The post Сајкоски: Општина Демир Хисар добива модерен, современ и урбан изглед, продолжува реализацијата на проекти appeared first on Република.

„Имаме неповторлива шанса да покажеме што можеме да направиме за Македонија, да покажеме дека државата не се сака само со зборови, туку со дела, добри дела кои траат вечно. Верувајте дека народот знаее да го цени тоа и да го награди. Нема да претерам ако речам дека оваа шанса која ви се укажува е можеби последната шанса Македонија да се избави од магичниот круг на транзицијата и да трне по патот кон просперитетот и стандардите кои владеат во Европа. Таа шанса и доверба ви е дадена и нема да ја изневериме. Да, тешко ќе биде. Да, ќе бара од вас , од нас, многу откажувања од конфорот и ќе има работа и не смееме да се откажуваме”, истакна пратеникот од ВМРО-ДПМНЕ Ѓорѓија Сајкоски на денешната собраниска седница.

Тој продолжи и додаде дека оваа Влада ќе е Влада на реформи и дела.

„Програмата на владата 2024-2028 е реална и остварливаа. Ќе придонесеме да направиме нешто плус за благосостојбата на својот народ и среќата за своето семејство, комшии и согаѓани”, рече Сајкоски.

Тој истакна дека време е Македонија да зачекори напред

„Време е Македонија да зачекори напред, време е да се справиме со криминалот и корупцијата. Време е способните и одговорните да покажаш што умеат и знаат”, посочи Сајкоски.

Тој потенцираше дека потребите на граѓаните биле преточени во предизборната програма на ВМРО-ДПМНЕ.

„Потребите и барањата на граѓаните беа преточени во предизборна платформа која ја понудивме пред граѓаните и ни се даде добербата оваа платформа ги опфаќа сите барања на граѓаните и се она што треба да го сработиме. Програмата е обемна и за нес ќе разговараме за сите проекти кои се во неа”, дециден е Сајкоски.

The post Сајкоски: Програмата на Владата 2024-2028 е реална и остварлива, Македонија конечно ќе зачекори напред appeared first on Република.

Ќе направиме повеќе за инфраструктурата, ќе го направиме патот Градско – Прилеп, за Битола повторно ќе има инвестиции. ВМРО-ДПМНЕ ќе направи рамен терен за сите за да можат да се натпреваруваат. Ќе направиме спортски комплекс, рече Ѓорѓија Сајкоски, носител на листата на изборна единица 5 на вечерашниот митинг во Битола.

Сајкоски укажа дека ВМРО-ДПМНЕ планира да даде и за пензионерите, за сите категории граѓани, ќе има раст од 5 проценти, ќе ја намалиме невработеноста.

„Ќе има надеж, ќе направиме почитувана држава од Македонија, пристојна за живот за сите“, кажа Сајкоски.

Сајкоски и со порака до оние кои не гласале за ВМРО-ДПМНЕ.

„Праќам порака до сите приклучете се кон големата победничка коалиција на ВМРО-ДПМНЕ, Твоја Македонија, сите сакаме подобро образование, здравство, судство. Твоја ќе дојде само со влада на ВМРО-ДПМНЕ која ќе испорача повеќе за секој еден од нас“, кажа Сајкоски.

The post Сајкоски со порака до сите граѓани: Приклучете се на ВМРО-ДПМНЕ и Коалицијата Твоја Македонија за Македонија да биде подобро место за живеење appeared first on Република.

Денес ни е потребно единство за да можеме да испорачаме резултати. Денес ни е потребно единство за да може да донесеме развој, единство на сите граѓани за да може да донесеме подобро образование, подобра инфраструктура, да донесеме надеж која е изгубена кај граѓаните, заеднички со вас може да го направиме тоа и оние кои гласале за другите политички партии и не верувале, но и сите оние кои останаа дома повикајте ги, денес на Македонија сте и потребни сите, денес за да формираме влада која треба да испорачува на македонските граѓани. Затоа па од денес па до 8 ми убедете што повеќе луѓе да донесеме огромна победа за ВМРО-ДПМНЕ и Македонија, истакна носителот на ИЕ 5 од ВМРО-ДПМНЕ Ѓорѓија Сајкоски на денешниот митинг на ВМРО-ДПМНЕ во Демир Хисар.

Тој истакна дека знаат како ќе испорачаат она што го ветиле за сите населени места.

„Ние знаеме како и ќе испорачаме за сите населени места тука. Ќе испорачаме со изградба на инфраструктура и ќе го направиме патот Кичево – Демир Хисар – Битола. Ќе направиме голем дел проекти заедно со градоначалникот затоа што ветивме дека општините ќе добијат 250 милиони евра и Општина Демир Хисар ќе добие средства за да може да вложува во Демир Хисар да се развива“, вели Сајкоски.

Тој продолжи и додаде:

„Ветуваме бидејќи знаеме како и можеме да донесеме нови инвестиции тука и нови работни места. Ќе направиме подобро образование, ќе ја вратиме надежта кај сите и заедно ќе донесеме подобра Македонија, ние ви укажуваме и ветуваме и обрзвуваме дека ќе се зголемат пензиите со 5,000 денари и основицата на сите пензионери. Земјоделците вистински ќе добијат 180 милиони евра ќе донесеме раст и развој, ќе донесеме голема надеж за Македонија, македонскиот народ, македонските граѓани и сите граѓани кои живеат во Македонија“, дециден е Сајкоски.

The post Сајкоски: Патот Кичево- Демир Хисар- Битола ќе го завршиме, а општина Демир Хисар ќе добие средства од предвидените 250 милиони евра за општините за да може да се развива appeared first on Република.

Ѓорѓија Сајкоски, генерален секретар на ВМРО-ДПМНЕ и носител на ИЕ 5 на денешниот митинг во рамките на претседателската и парламентaрната кампања во Струга потенцираше дека сите заедно треба да се обединат за идејата за економски развиена држава, за држава со добра инфраструктура, добро образование и добро здравство.

-Сакам да ви порачам една работа која што треба сите да ја сфатиме во периодот што доаѓа, дали сакаме да живееме во подобра држава? Дали имаме раст и развој? Дали сакаме да имаме подобра економија? Дали сакаме нашите деца да останат тука? Ако го посакуваме тоа да се обединиме околу идејата за Македонија развиена држава, околу идејата за Македонија за добра инфраструктура, околу идејата за подобро образование и здравство, зошто и на моите браќа Македонци муслимани од околината и на Албанците што живеат тука и на сите стружани, охриѓани, кичевчани  па и на тие и од Битола и од Ресен и од цела Македонија им е потребна добра инфраструктура и поголем економски развој и подобро здравство. Затоа да се обединиме околу ВМРО-ДПМНЕ, околу коалицијата „Твоја Македонија“ и да донесеме огромна победа предводена од ВМРО-ДПМНЕ, рече Сајкоски.

Тој во текот на своето обраќање побара за 12 дена по изборите да се донесе влада како во 90-тите години кога граѓаните излегоа на референдум за самостојна Македонија.

-Да донесеме влада онаква каква што очекувавме во 90-тите години кога излеговме на референдум за самостојна Македонија и на следните избори за 12 дена излезете референдумски, излезете со идеја со онаква каква што излегувавме во 90-тите години, кажа Сајкоски.

На крај Сајкоски порача:

Излезете сите и оние кои не излегле првиот пат од разни причини. Да се обединиме за заедничка Македонија, за твоја, за наша Македонија, за развиена Македонија, за Македонија која ќе ги врати нашите деца однадвор, но и ќе ги задржи они кои сакаат да си одат од нашата држава. Сите обединете за голема победа на 8 мај, за победа на Македонија, за победа на ВМРО-ДПМНЕ.

The post Сајкоски: Да се обединиме за заедничка Македонија appeared first on Република.

Сакаме македонско национално единство на граѓаните на Македонија за да донесеме голема победа која ќе значи да можеме да водиме влада која ќе може да испорача она што ќе го вети во изборната програма и влада која нема да биде уценета од ниту еден политички субјект во нашата држава. Затоа ние повикуваме дека треба да се обединиме и тоа го направивме за сите граѓани. Направивме најширока коалиција „Твоја Македонија“ која опфаќа огромен број на политички субјекти како никој друг политички субјект во Република Македонија“, истакна носителот на ВМРО-ДПМНЕ во ИЕ 5 Ѓорѓија Сајкоски во вечерашното гостување на ТВ 24 во „Отворено“.

Сајкоски истакна дека во изминатите години Македонија е правно суспендирана држава.

Во изминатиот период видовме дека имаме правно суспендирана држава, видовме дека имаме нефункционалност во судскиот систем, видовме дека ЈО не постапува по конкретни случаи, видовме висок степен на корупција и криминал и ние сме убедени дека тоа мора да го смениме. За да може да го смениме тоа ние понудивме решенија кои се практични и кои треба да го најдат начинот за да дојдеме до една правна и економска сигурност во нашата држава. Гледајќи во моментот дека најмногу што смета кај граѓаните е немањето правда во нашата држава - вели Сајкоски.

Тој вели дека ВМРО-ДПМНЕ пристапува кон решавање на сите недоследности и проблеми кои ги има Македонија.

Одиме кон тоа да пристапиме на решавање на сите недоследности и проблеми кои ги има нашата држава. За да може да ги решиме проблемите мора да донесеме најпрво реформа или распуштање на судскиот совет и советот на јавни обвинители затоа што изминатиот период видовме дека тие се извор на проблемите меѓутоа мора и судиите и обвинителите и сите чинители во општеството да бидат под сериозен надзор за да имаме правна држава - кажа Сајкоски.

Тој продолжи и додаде:

Видовме во изминативе години дека нема волја за решавање на корупцијата и на високо и на ниско ниво. Имавме забелешка од ЕУ неколку пати и во сите извештаи е нотирана висока корупција во нашата држава меѓутоа ништо не е постапено по тоа - дециден е Сајкоски.

The post Сајкоски: Македонско национално единство на граѓаните на Македонија, за да донесеме голема победа appeared first on Република.

УМС на ВМРО ДПМНЕ Битола синоќа ги претстави проектите од „Платформа 1198“, а во обраќањето на носителот на листата во петтата изборна едница Ѓорѓија Сајковски рече дека ВМРО ДПМНЕ секогаш се потпирала на нивната енергија и новата влада предводена од ВМРО ДПМНЕ и коалицијата Твоја Македонија ќе обезбеди 70 000 нови работни места за млади.

„Младите се носители на храброста и цврсто определени на страната на промените. Сметам дека секој од нас има нешто посебно, но кога сме заедно, нашата сила е несовладлива. Нашата сила лежи во нашата соработка, во нашата преданост и во нашата неуморна желба за напредок“ рече Сајкоски.

The post УМС на ВМРО ДПМНЕ ги претстави проектите од платформата 1198 appeared first on Република.

Генералниот секретар на ВМРО-ДПМНЕ и носител на ИЕ5, Ѓорѓија Сајкоски, порача дека Битола и битолчани ќе бидат во фокусот на идната влада предводена од ВМРО-ДПМНЕ.

За Битола се предвидени многу инфраструктурни проекти. Во новата програма „Платформа 1198“ за Битола е предвидено да се изгради обиколница што ќе ја поврзува со Грција. Предвидено е да се изгради автопат кој што ќе поврзува Битола со Прилеп, а исто така предвидено е да се изгради патот Градско-Прилеп, со тоа што Битола ќе биде поврзана инфраструктурно и ќе има добра можност за економски развој, изјави Сајкоски.

Тој додаде дека е предвидена реконструкција и рехабилитација на патот Кичево-Охрид, како и подобрување на патната инфраструктура кон Ресен.

Исто така, во програмата на ВМРО-ДПМНЕ „Платформа 1198“ предвидено е подобрување на железничката инфраструктура.

Со ова, на Битола ќе дадеме можност за економски раст и развој. Можност за подобра иднина на сите, и за младите и за возрасните.

Битола ќе го добие процутот онаков каков што треба да го има низ годините. Битола ќе биде економски центар во регионот, истакна Сајкоски.

The post Сајкоски: Во програмата „Платформа 1198“ за Битола е предвидено изградба на обиколница што ќе ја поврзува со Грција appeared first on Република.

Охрид мора да биде препознатлив како сесловенски, духовен, цивилизациски центар.
Треба да биде културна сцена и туристички простор 365 дена во годината.
Значајно место на мапата на светски центри за конференциски туризам и водечки туристички простор во регионални и меѓународни рамки, вели Ѓоргија Сајкоски.

https://www.youtube.com/watch?v=lxB_h66Aqdk

Охрид за да биде препознат како сесловенски духовен културен центар Програмата Платформа 1198 на ВМРО-ДПМНЕ и Коалицијата Твоја Македонија предводува значајни инвестиции во делот на инфраструктурата во комплексот Плаошник.

Охрид исто така треба да биде на мапата на културниот туризам, место каде културниот туризам ќе трае 365 дена и точка која особено внимание ќе посвети на промоцијата на црковните историски и цивилизациски придобивки.
Во зголемената културна понуда во Охрид од големо значење е и предвидената реконструкција што вклучува и надградба и доградба на Центарот за култура Глигор Прличев со што се обезбедува и нов простор за народниот театар Глигор Прличев.
Почитувани охриѓани, Охрид заслужува да биде и позициониран на мапата на светски центри за конференциски туризам за организација на меѓународни конференции и бизнис настани А тоа ќе го овозможиме преку сеопфатни и сериозни инвестирања во инфраструктурата.
Охрид мора да го стекне статусот за сериозна меѓународна туристичка зона за таа цел предвидени се и иницијативи со Албанија и Грција за формирање на заедничка туристичка зона помеѓу трите држави во регионот на Охридско, Преспанско и Костурско Езеро
Македонија повторно твоја!
Почитувани охриѓани, секој од вас знае, промените се во твои раце!

The post Сајкоски: Охрид мора да биде препознатлив како сесловенски, духовен, цивилизациски центар appeared first on Република.

Поддршка за нашиот кандидат Гордана Силјановска Давкова од ден на ден расте. Се по голем број на граѓани ни приоѓаат и не поддржуваат, даваат силна поддршка. Победата ќе биде голема, победа ќе биде историска, изјави денеска Ѓоргија Сајкоски.

Денеска сме тука во Дебарца за да ја побараме и добиеме поддршката на граѓаните од оваа прекрасна општина, составена од многу живописни села и населени места.
Затоа повикуваме на големо единство.

https://www.youtube.com/watch?v=F0Gip0Hdzh0&embeds_referring_euri=https%3A%2F%2Fvmro-dpmne.org.mk%2F&source_ve_path=MjM4NTE&feature=emb_title

На единство кое ќе ја зголеми победата, единство кое ќе ја зголеми поддршката и единство кое ќе ни донесе претседател кој што може, знае, кој што сака да направи меѓународна поддршка да добиеме, кое што сака да постигне внатрешно единство и кој што сака да имаме народ да биде достоинствен и народ кој што како што ја почна да ја гради оваа држава, така да ја види периодот кој што следи.

The post Сајкоски: Расте поддршката за Силјановска Давкова appeared first on Република.

Изминатите 7 години видовме корупција, криминал, се она што треба да биде спротивно од она што треба да го работи една влада. Затоа ве повикувам да се обединиме во борба против криминалот и корупцијата - истакна носителот на ИЕ 5 Ѓорѓија Сајкоски на денешниот митинг на ВМРО-ДПМНЕ во Долнени.

Тој продолжи и додаде дека Пендаровски само зборува против корупција и криминал, а ништо не направи за да ја спречи корупцијата и криминалот во нашата држава.

Пендаровски зборува за економија, а денес имаме најзадолжена држава во регионот бидејќи нашата држава Македонија сите влади до 2016та година ја задолжиле околу 4,5 милијарди евра, а оваа влада за само 6 и пол години ја задолжи 4 милијарди евра и ние треба да ја казниме таа влада и претседател кој лажно се претставува - кажа Сајкоски.

Тој упати повик до граѓаните да застанат под знамето на Македонија и да дадат поддршка за Гордана Силјановска Давкова.

Ве повикувам заедно да застанеме под знамето на Македонија затоа што е потребно најмногу единството во овој период. Да ја поддржиме нашата кандидатка Гордана Силјановска Давкова бидејќи ние нудиме различен концепт од оној што е досега. Ние нудиме универзитетски професор, лик кој е профилиран во парламентот, лик кој изминатите години многу помогна за нашата држава. Кандидатка за претседател кој знае да не претставува надвор меѓутоа да не почитува и сите тука во нашата држава - вели Сајкоски.

Тој посочи дека потребно е на 24 април што помасовно да се излезе на гласање.

На 24 април сите заеднички да излеземе што помасовно затоа што масовноста ќе ни треба затоа што така ќе го покажеме единството и само така може оваа власт да ја направиме да биде најпоразена власт што досега постоела во Република Македонија - дециден е Сајкоски.

The post Сајкоски: На 24 април сите заеднички да излеземе што помасовно и да ја поддржиме Силјановска Давкова appeared first on Република.

Поврзувањето на руралните и урбаните средини е многу важно за сите граѓани на една општина. Патеката која води кон Долно Оризари е проект кој граѓаните многу години наназад го бараат а сега конечно е реализиран од локалната самоуправа предводена од ВМРО-ДПМНЕ.

Со инвестиција од над 6 милиони денари имаме прекрасно уредена и осветлена патека која Долно Оризари го поврзува со Битола. Ја зголемува безбедноста на сите учесници во сообраќајот а пред се на младите луѓе кои често поминуваат во овој дел, изјави Ѓорѓија Сајковски.

Но уредувањето продолжува во внатрешноста на населеното место затоа што сите наши граѓани заслужуваат да живеат во инфраструктурно уреден простор.

https://www.youtube.com/watch?v=eRSwHIcSOy4&embeds_referring_euri=https%3A%2F%2Fvmro-dpmne.org.mk%2F&source_ve_path=MjM4NTE&feature=emb_title

Токму затоа тука веќе се работи на подобрување на патната инфраструктура што е наша тенденција и во понатамошниот период за сите рурални средини.

The post Сајкоски: Со инвестиција од над 6 милиони денари реализиран проектот на ВМРО-ДПМНЕ, патека која Долно Оризари го поврзува со Битола appeared first on Република.

„Денес ќе го имаме еден од најголемите собири кој што се случил во Македонија последниве години. Собир кој што ќе биде вовед на паѓањето на една лоша власт. Власт која што изминативе години покажа дека нема лидерство и власт која што во тоа лошо лидерство го вклопи и претседателот на државата Пендаровски, кој што изминативе пет години е само статист во процесите и не покажа ништо“, истакна Ѓорѓија Сајкоски, генерален секретар на ВМРО-ДПМНЕ и носител на листа во ИЕ5 во Отвореното студио пред започнување на големиот народен митинг пред Влада на Република Македонија.

„Ние сме сведоци дека поминаа пет години од кога имаме претседател кој што не учествуваше во подготвување на меѓународни договори. Претседател кој што не ги креираше меѓународните договори. Претседател кој што изминативе години не посети ниту една држава надвор од Македонија за да покаже дека сака Македонија да ја приближи кон оние партнерски држави“, заклучи тој.

Сајкоски додаде дека на Пендаровски устата му е преполна со ЕУ, а не посети ниту една земја од ЕУ.

„Поразително е тоа што и претседателот на државата изминативе години не беше посетен од ниту еден светски државник“, рече Сајкоски.

Тој посочи дека тоа покажува за капацитетот на претседателот и покажува за безличноста.

„Ние имавме претседател кој што ќе биде сменет после осми мај, кој што наутро кажуваше една изјава, попладне ја демантираше, а навечер не се согласуваше со двете изјави што ги кажал претходно“, потсети Сајкоски.

Тој укажа дека наместо Македонија да има претседател кој што е браник на македонскиот идентитет, Пендаровски потпадна на пропагандите.

The post Сајкоски: Пендаровски овие пет години беше статист во процесите на оваа лоша власт appeared first on Република.

Потпретседателот на ВМРО-ДПМНЕ Александар Николоски на денешната прес-конференција одговарајќи на новинарско прашање го потврди Ѓорѓија Сајкоски за носител на ВМРО-ДПМНЕ во петтата Изборна единица.

„Во однос на носител во петтата Изборна единица можам да го потврдам Ѓорѓија Сајкоски генералниот секретар на партијата ВМРО-ДПМНЕ за носител во петтата Изборна единица. Сметам дека имаме одлично решение, тој долги години беше еден од најуспешните претседатели на Општински комитети во ВМРО-ДПМНЕ, го водеше Општинскиот комитет во Кичево кој секогаш постигнува фантастични резултати за ВМРО-ДПМНЕ. Како генерален секретар е дел од оваа нова приказна на ВМРО-ДПМНЕ која ќе значи убедлива победа на претседателските и парламентарни избори. Така што во петка одиме со Сајкоски“, истакна Николоски.

https://republika.mk/vesti/makedonija/nikoloski-gi-prasha-pendarovski-i-kovachevski-kolku-chini-koj-ke-go-plaka-i-zoshto-dogovorot-za-angazhman-na-konsultantot-asaf-iseini/

Потпретседателот Николоски истакна дека промоцијата на пратеници согласно законските правила, најпрво треба да ги достават листите до ДИК, да бидат прифатени, а потоа секако ќе има промоција, а во недела ќе има промоција на програмата.

The post Носител во петтата изборна единица на ВМРО-ДПМНЕ ќе биде Ѓорѓија Сајкоски appeared first on Република.

Во моментов или на овие претстојни избори граѓаните ќе кажат кој за што е виновен и тие ќе го дадат мандатот на оние на кои можат да ги решаваат проблемите, рече Ѓорѓија Сајкоски, генерален секретар на ВМРО-ДПМНЕ на гостување на битолската телевизија Тера.

Сајкоски се осврна и на работата на Владата на СДСМ и ДУИ укажувајќи дека немало грижа за никого.

Оваа Влада треба да замине во историја. Техничката влада е само ад хок решение кое требаше да биде решение, но бидејќи гледаме дека не може многу да се направи, да не речам ништо. Оваа Влада наместо да ги решава проблемите таа ги прави истите или има само застој 100 дена и тоа имаме застој во се, во сите области - рече Сајкоски.

Во минатото се покажа кои политички партии кои ги штитат интересите на граѓаните, а кои не, сите видовме дека СДСМ е во тие што не испорачува ништо.

Во меѓународната јавност ние како држава во последниве седум години сме третирани како држава со високо ниво на корупција, неискористеност на фондови. Срам сме и за регионот и за ЕУ, заедница од која се стремиме да сме дел. Патриоти се оние кои се грижат и за граѓаните и за државата. А што видовме ние? Се зголеми инфлацијата и истата ги јаде и платите и пензиите за кои се фалат дека ги зголемиле - кажа Сајкоски.

На прашањето што очекува на претстојните претседателски и парламентарни избори, Сајкоски вели:

Очекуваме голема победа, очекуваме огромна поддршка од граѓаните тоа го покажуваат анкетите, ама се гледа и од расположение на граѓаните.

The post Сајкоски: Владата на СДС и ДУИ дозволи огромна инфлација која ги изеде платите и пензиите appeared first on Република.

На денешната трибина во организација на ВМРО-ДПМНЕ во Кичево „Инфраструктурна платформа за иднина“ на тема „Концепт за инвестиции во инфраструктурата“ свое обраќање имаше Ѓорѓија Сајкоски, генерален секретар на ВМРО-ДПМНЕ кој што истакна дека владата на СДСМ и ДУИ нанесе огромни штети во инфраструктурата поради неработењето, криминалот и корупцијата а вети дека идната влада на ВМРО-ДПМНЕ ќе реализира многу проекти како патната делница Кичево -Битола, рехабилитација, реконструкција и асфалтирање на делницата Крушево и патот што го поврзува Кичево со Битола, експресниот пат кој што ќе ги поврзува Меџитлија граничен премин со Грција и автопатот Прилеп – Битола обиколница кај Ресен и реконструкција на пристаништето во Охрид.

„Драги Кичевчани секогаш кога ќе поминувате по автопатот Кичево Охрид присетете се на владата која што направи огромна штета за овој регион сетете се на владата која што има невидена не работа од сите влади до сега, сетете се на една влада која што ветуваше брз проток на стоки а направи нај спор проток на стоки и услуги, сетете се на една влада која зборуваше за раст и развој а донесе невидена стагнација. Сетете се на една влада која  што зборуваше дека ќе има безбедност во сообраќајот а денес ние имаме безброј жртви по патиштата низ Македонија а особено на автопатот Кичево Охрид. Затоа имаме можност таа влада да ја казниме на 24 април и 8 мај заедно сите да укажеме дека ваква влада не треба да има никогаш повеќе“, нагласи Сајкоски.

Сајкоски посочи за огромните штети што ги нанесе оваа влада на СДСМ и ДУИ во инфраструктурата поради неработењето, криминалот и корупцијата.

„Во 2014 година се отпочна со работа патната делница Кичево- Охрид и до 2016 се направи пробивање на патот за околу 55 проценти. За жал наназад кога ќе гледаме ќе видиме дека од 2016 воопшто ништо не е сработено, бараа разни образложенија. Бараа изговори, но вие ќе видите дека таму има корупција не работа криминал, има менување на подизведувачи и тоа е причината, не работата и криминалот зошто не е завршена делницата. Железничкиот сообраќај е на исто така лошо ниво низ нашата држава. Кичево имало железнички сообраќај 1920 година и наместо денес да е модернизиран и да не поврзува сега во 2020 година таа можност им е ускратена затоа што денес ние немаме воопшто сообраќај до Кичево“, истакна Сајкоски.

Сајкоски посочи и неколку проекти кои ќе ги реализира идната влада на ВМРО-ДПМНЕ како патната делница Кичево -Битола, рехабилитација, реконструкција и асфалтирање на делницата Крушево и патот што го поврзува Кичево со Битола, обиколница кај Ресен и реконструкција на пристаништето во Охрид.

„Можам да ветам дека во идната програма на ВМРО-ДПМНЕ ќе се направи рехабилитација и реконструкција на патната инфраструктура, железничка на Скопје -Кичево и ќе се отпочне со редовно сообраќање на воз на оваа делница. Помош и за граѓаните и стопанството затоа што ова е важна делница. Ќе ја реализираме и патната делница Кичево -Битола рехабилитација, реконструкција и асфалтирање, реконструкција и на делницата Крушево и патот што го поврзува Кичево со Битола и да има поврзување какво што заслужуваат Крушевчани. Ќе се направи и реконструкција на патниот правец Крушево и Кривогаштани на тој начин тој регион ќе го заокружиме. Во план за следниот мандат на ВМРО-ДПМНЕ е и патниот правец, експресниот пат кој што ќе ги поврзува Меџитлија граничен премин со Грција и автопатот Прилеп – Битола. Проект за обиколница во Ресен и реконструкција на пристаништето во Охрид во соработка и препораки со УНЕСКО“, истакна Сајкоски.

The post Сајкоски: Владата на СДСМ и ДУИ направи огромни штети во инфраструктурата appeared first on Република.

Изборите се лесни кога се има тим кој е силно мотивиран!, вели генералниот секретар на ВМРО-ДПМНЕ, Ѓорѓија Сајкоски.

Заедно со организационите секретари сме и повеќе од подготвени да го истрчаме и последниот дел од трката за враќање на достоинството на граѓаните на Македонија.
На денешниот успешен состанок ги поставивме темелите на борбата за редемократизација на Македонија.
Одиме кон победи!, пишува Сајкоски на Фејсбук.

The post Сајкоски: Изборите се лесни кога се има тим кој е силно мотивиран! appeared first on Република.

Ова е значаен датум, бидејќи на 11 октомври 1941 година партизанскиот одред од 16 луѓе во Прилеп ја нападна полициската станица, го нападна затворот, ги нападна и ги прекина телефонските и електричните врски и со тоа нанесе силен удар на бугарскиот фашистички окупатор и со тоа фактички во Македонија се одбележува денот кога започна македонското народно востание, востанието за самостојност, за посебност, востанието кое беше континуитет на долгата борба на македонскиот народ уште од периодот на формирањето на македонската револуционерна организација, рече Ѓоргија Сајкоски, генерален секретар на ВМРО-ДПМНЕ на денешната дебата насловена како „Образовни процеси-мост од историјата кон иднината“ која е во рамки на кампањата на ВМРО-ДПМНЕ „Важно е! Од тебе зависат промените“.

Затоа, додаде Сајкоски, ова е најзначаен датум, бидејќи македонскиот народ и граѓаните на Македонија во долгиот континуитет на борба успеаја да ја донесат слободата, да ја никнат македонската држава.

Овој датум е значаен зошто ни е и вековен и милениумски аманет за да ги споменуваме борците, жртвите, и за да се потсетуваме како сме ја добиле слободата, државата и како треба да ја браниме и градиме државата сега. И нашето Кичево е револуционерен град. Кичево е град кој е прв ослободен на 11 септември во 1943 година, Кичево е најпркосен град и во Илинден и во НОБ, кажа Сајкоски.

Сајкоски укажа дека историјата не може да биде предмет на било какви преговори и договори во комисии и слично.

Денес кога зборуваме за историјата сакаме да кажеме дека историјата не може да биде предмет на договор на некоја комисија. Историјата се фактите, историјата се жртвите, историјата се сведоштвата, историјата ни е културниот идентитет со кој се поистоветуваме. Ние кога зборуваме за историја зборуваме за археологијата, фактите, документите, затоа ние не можеме да се откажеме од историјата“, изјави Сајкоски.

Според Сајкоски многу е јасно дека не може други да ни ја креираат историјата, затоа што историјата е исцртана и во светски рамки.

Нашиот народ се дефинираше во 1941 година, и нашата страна е да имаме слободна, суверена Македонија, да имаме Македонија каде суверенитетот нема да биде нападнат од комисија која ни ги креира учебниците, треба ние сами да си работиме на учебници, да си го дефинираме образовниот процес и како што ја почнавме битката така денес треба да се бориме за посебноста на Македонија, заклучи Сајкоски.

https://www.youtube.com/live/Rm6SATKLpJs?si=XR_5EjWDOHgKXSgB

The post Сајкоски: Историјата на Македонија не може да биде предмет на договор на некоја комисија appeared first on Република.

Денес остваривме средба со Македонците во Мала Преспа, Пустец. На средбата разговаравме за положбата и правата на Македонците во Република Албанија, за негувањето и афирмацијата на македонската посебност и македонскиот национален дух, за поголема прекугранична соработка за која цел сме во план за отворање на задграничен комитет, информира Ѓорѓија Сајкоски од ВМРО-ДПМНЕ.

-Република Македонија и Република Албанија негуваат и градат пријателски односи на соработка базирана на обострано почитување. Посетивме и дел од училиштата кадешто дониравме книги на македонски јазик за деца на училишна возраст, додава тој.

The post Сајкоски во посета на Македонците во Албанија: Разговаравме за положбата и правата на Македонците, за националната посебност и поголема прекугранична соработка appeared first on Република.