Денеска граѓаните се соочуваат со нов ценовен шок поради не продолжување на мерката загарантирани цени на прехранбените производи.Со ваквата одлука на владата на СДС и ДУИ директно се удира по џебот на граѓаните.Од денеска цените на прехранбените производи значително ќе се зголемат, а со тоа и инфлацијата која што во моментот е 50 проценти поголема од онаа во еврозоната, обвини ВМРО-ДПМНЕ.

Владата на СДС и ДУИ од една страна додека се фали дека наводно ги зголемуваат платите, а од друга страна носи непромислени одлуки кои негативно ќе влијаат врз животниот стандард на граѓаните.

Наводното зголемување на платите со кои се фали СДС и Димитар Ковачевски е безначајно бидејќи куповната моќ на парите е намалена. Па така за да се наполни една потрошувачка кошничка потребни се околу 1000 евра, или три минимални плати.

Со СДС и ДУИ граѓаните едвај врзуваат месец за месец. Со СДС и ДУИ граѓаните едвај преживуваат.

https://republika.mk/vesti/ekonomija/nov-udar-za-graganite-od-deneska-nema-veke-garantirani-tseni/

Со овој ценовен шок и зголемување на цените на прехранбените производи само ќе се зголемува бројот на оние 600.000 сиромашни граѓани кои денот го поминуваат со 150 денари.

Владата на СДС и Ковачевски во заминување преку ваквите катастрофални мерки сакаат да им се одмазди на граѓаните заради нивниот слаб рејтинг.

За нивниот слаб рејтинг не се виновни граѓаните, туку самите тие кои изминатите 7 години водат политика на криминал и лично богатење.

The post За да се наполни потрошувачката кошничка потребни се околу 1000 евра или три минимални плати appeared first on Република.

Од денеска престанува да важи мерката за гарантирана цена на голем дел од прехранбените производи ,безалкохолните пијалоци , но истекува и рокот на Владината одлука со која беа намалени увозните давачки за зеленчукот.

Инспекцискиот совет најавува дека инспекторите ќе ја следат состојбата низ маркетите со цел да не настане ценовен шок, но оттаму апелираат и на поголема совесност од страна на трговците и земјоделците.

The post Нов удар за граѓаните: Од денеска нема веќе гарантирани цени appeared first on Република.

Мерката за гарантирана цена на дел од прехранбените производи, како лебот, млекото, јогуртот, тестенините,...,  дел од месните производи, како и на безалкохолните пијалаци и пивото од утре нема да важи. Истекува и рокот на владината одлука со која беа намалени увозните давачки за зеленчукот.

Институциите најавуваат засилени контроли за да се интервенира во случај на драстично поскапување на производите, со оглед дека законот за нефер трговски практики, со кој се очекува да се амортизира состојбата, се уште не е изгласан.

The post Oд утре веќе нема „гарантирана цена“ – лебот, млекото, тестенините се враќаат на скапите цени appeared first on Република.

Министерот за економија, Крешник Бектеши, во интервју за ТВ 24 најави продолжување на гарантираните цени на одредени производи за уште еден месец. Мерката беше предвидено да заврши со крајот на 2023 година, но, Бектеши кажа дека замрзнатите цени ќе се практикуваат се додека не биде донесен Законот за нефер трговски практики.

Министерот вели дека овој закон е со европско знаменце и очекува дека постапката во Собранието ќе оди побрзо.

Денеска ќе имаме средба на која најверојатно ќе усвоиме продолжување на замрзнувањето на цените, односно оние замрзнати цени, а тоа ќе трае се до донесувањето на Законот за нефер трговски практики. Конечната одлука за загарантираните цени ја носи Владата по предлог на Министерството за економија, вели Бектеши. Конечната одлука за загарантираните цени ја носи Владата по предлог на Министерството за економија - вели Бектеши.

Според Бектеши, за време на кризата, најголема добивка имаа трговците на мало со неправедно зголемување на цените кои граѓаните со ниски приходи не можеа да ги покријат.

Освен продолжување на мерката за гарантираните цени, Бектеши најави и нови мерки за граѓаните, а особено за студентите.

The post Мерката „гарантираната цена“ ќе продолжи до крајот на јануари 2024 година appeared first on Република.

До крајот на годинава ќе важи мерката за намалени цени на основните прехранбени производи и алкохолните и безалкохолните пијалоци што од 20 септември се продаваат со ознаката „гарантирана цена“, а укината е одлуката за забрана на акции и промоции од страна на производителите и дистрибутерите, одлучи денеска Владата.

По вчерашната конференција и дискусија со трговците на мало и на големо и производителите, како и со помош на Стопанската комора на  Македонија за да нема заблуда во делот на трговијата, денеска, на предлог на Министерството за економија, укината е Одлуката во делот на акциите имајќи во предвид дека одредени трговци на мало ја толкуваа претходната одлука како неможност за давање акции и промоции. Тоа значи дека сега и производителите и дистрибутерите ќе може да организираат такви акции со цел да ги намалат цените за потрошувачите - изјави министерот за економија Крешник Бектеши.

Мерката со која производите треба да имаат 10 отсто пониски цени отколку што се продавале на 1 август годинава наместо до 30 ноември како што одлучи претходно Владата ќе важи до крајот на годината, до кога се очекува да стапи во сила законското решение за нефер трговски практики.

Согласно сите анализи и разговори со Државниот пазарен инспекторат и Секторот економија во Министерство за економија, а имајќи во предвид дека веќе е подготвен текстот на законот за нефер трговски практики кој треба за кратко време да биде пратен во собраниска процедура, анашите очекувања се до крајот на годината да биде усвоен, одлучивме мерката за намалување на цените и ознаката „гарантирана цена“ да продолжи до крајот на годината, односно наместо до 30 ноември да важи до крајот на годината. Дотогаш најверојатно ќе го имаме новото законско решение со нема да може да се прават злоупотреби во делот на намалување на цените - рече Бектеши.

Сите прехрабнети прозводи, како и алкохолни и безалкохолни пијалоци од Одлуката за гарантирана цена, посочи Бектеши, мора да ги имаат највисоките цени од 1 август годинава до крајот на годинава намалени со дополнителни 10 отсто согласно со донесената одлука.

The post Власта се изјасни, трговците се на потег: Може да се прават акции и промоции appeared first on Република.

Мерките за ограничување на цените на производите даваат одличен резултат и убеден сум дека до 10 ноември ќе ги имаме целосните анализи за сите производи опфатени со одлуката, оцени денеска министерот за економија Крешник Бектеши.

Навремено минимум 15 дена пред истекот на рокот граѓаните и компаниите ќе бидат известени дали ќе продолжат и понатаму да важат. Во случај да оцениме дека треба да продолжат да важат ќе важат минимум до крајот на годинава, рече Бектеши во одговор на новинарско прашање на паузата на бизнис настанот SUBEX - Suppliers Balkan Expo што денеска и утре се одржува во Скопје во организација на Делегацијата на германското стопанство во Македонија (АХК).

Најави дека се при крај и креирањето на антикризните мерки и новиот закон за нефер трговија.

Согласно моите сознанија антикризните мерки се при крај и до крајот на месецов траба да се усвојат на Влада. За законот за нефер трговија деновиве ќе имаме дополнителна консултација за сите забелешки што ги добивме и од страна на трговците и од страна на другите чинители. Во моментот кога ќе биде готова драфт верзијата ќе ја пратиме во Влада, а потоа и во Собранието. Законот ќе се носи со европско знаме бидејќи се трнспонираат повеќе директиви од Европската комисија. Имајќи ги во предвид процедурите би требало да биде усвоен во текот на наредниот месец заради тоа што мислам дека е поддржан и од опозицијата, бидејќи е законско решение кое оди во прилог на потрошувачите и граѓаните, прецизира Бектеши.

The post Бектеши: Мерките за ограничување на цените на производите даваат одличен резултат appeared first on Република.

Членката на ЦО на СДСМ, Мелиса Ценовска Серафимовска, на пре-конференција изјави дека новата мерка на Владата за намалување на цените на прехранбените производи е успешна и дава резултати.

Како што наведе Ценовска Серафимовска, веќе се намалени цените на стотици основни прехранбени производи во маркетите, помали цени имаат лебот, млекото, јајцата, брашното, месото, оризот, сирењето, кашкавалот, и многу други.

Со „гарантирана цена“ која е за 10 отсто пониска од цената по која се продавале на 1 август се намалуваат цените на над 500 производи во 25 категории.

За дел од производите, кои енормно поскапеа од август досега, цената се намалува и до 40%.

Во наредниот период следува намалување и на цените ја пијалаците.

СДСМ го штити животниот стандард на граѓаните, ги зголемува платите и пензиите и парите ги враќа назад кон граѓаните.

Со мерката за поврат на ДДВ, за четири години СДСМ кај граѓаните врати 107,5 милиони евра.

Оваа мерка позитивно влијае врз семејните буџети на сите корисници на мерката Мој ДДВ.

Граѓаните кои скенираат фискални сметки во едно тромесечје сега може да остварат максимален износ од 2.100 денари по корисник.

За цела една година тоа се 8.400 денари по корисник. Ако во едно семејство има двајца корисници тоа се околу 17.000 денари годишно дополнителен приход во семејниот буџет.

СДСМ како одговорна партија продолжува со реализација на мерки и политики кои значат унапредување на животниот стандард на сите граѓани, изјави Ценовска Серафимовска.

The post СДСМ: Го штитиме стандардот на граѓаните appeared first on Република.