Македонската фудбалска репрезентација освои само бод на првиот меч против Фарски Острови во рамките на Лигата на нации.

Ние имавме свои шанси на пресметката во Торшавн, но исто така и противникот, покажавме слабости и на крајот моравме да се задоволиме со реми од 1-1.

Предводникот на националниот тим, Благоја Милевски не е задоволен од резултатот, но и од емоцијата кај одредени играчи.

-Не сум задоволен од резултатот. Ама противникот е незгоден, игравме на вештачка трева на која не сме навикнати. Првиот натпревар секогаш е тежок, но одиме понатаму, немаме време многу за жалење, не очекува нов меч и крајната цел е првото место во групата. Од првото полувреме не сум задоволен. Очекував повеќе од дебитантите од Иљазовски и од Митровски и затоа беа заменети. Кога е во прашање вториот дел можам да бидам задоволен од реакцијата. Меѓутоа ме загрижува еден факт, оваа емоција која ја видов кај одредени играчи, искрено не може вака да се настапува за Македонија -порача селекторот Милевски.

Следната средба за нас е против Ерменија на 10 септември на националната арена „Тодор Проески“ во Скопје.

The post Милевски: Со ваква емоција не може да се игра за Македонија appeared first on Република.

Голманот на македонската фудбалска репрезентација Столе Димитриевски верува дека може да се дојде до позитивен резултат на утрешниот натпревар со Англија.

Мора да го дадеме нашиот максимум на терен и мислам дека ако фокусот ни е на високо ниво, може да извадиме позитивен резултат, а зошто не и да дојдеме до победа. Нормално е дека овој натпревар ни доаѓа близу, по оној по Украина, а се наоѓаме на крајот на сезоната и чувствуваме замор. Но, знам дека ние имаме квалитетна екипа. Мора само да бидеме концентрирани, за да може да дојдеме до посакуваната цел. Имавме перфектни шеесет минути со Украина, но, сепак, мечот трае 90 минути. Немавме концентрација и фокус до крајот на натпреварот и така загубивме. Сега ни следи нов меч, за ново докажување. Мора да имаме подобар фокус, само така можеме до победа или нерешен резултат, изјави Димитриевски.

Натпреварот ќе се игра утревечер од 20:45 часот на „Олд Трафорд“ во Манчестер.

Англичаните се први на табелата во Ц-групата од квалификациите за Еуро 2024, македонската селекција има три бода исто колку и Италија и Украина. Малта е последна без освоен бод.

The post Димитриевски: Ако се фокусираме, можеме и да ја победиме Англија appeared first on Република.

Вчера националниот тим на Србија во последната контролна средба пред стартот на Мундијалот го совлада Бахреин со убедливи 5:1. Избраниците на Стојковиќ со играта против Бахреин уште еднаш покажаа дека максимално подготвени го очекуваат премиерниот дуел на Светскиот шампионат против големиот фаворит за тронот, Бразил на 24 ноември.

Еден од најдобрите светски тенисери во историјата, Србинот Новак Ѓоковиќ најави дека доаѓа во Катар на големото финале за да ја бодри својата репрезентација, а српскиот селектор на тоа му одговори.

Значи дека треба да стигнеме до финалето, за да не го разочараме Ноле, нели?Секој навива на свој напчин. Да повторам, мора да бидеме максимално подготвени, ако некој е подобар од нас, секако како спортисти ќе честитаме. Нема лесно да се предадеме, тоа е сигурно. Размислуваме за тоа, одиме од натпревар во натпревар. Имаме тешка група, но мора да веруваме. Ако можеме сакаме да освоиме доволен број бодови за да преминеме во нокаут фазата, изјави селекторот на Србија Драган Стојковиќ Пикси.

Српските фудбалери попладнево допатуваа во Катар.

The post Пикси: Мора да стигнеме до финалето за да не го разочараме Ѓоковиќ appeared first on Република.

Селекторот Благоја Милевски официјално го објави стартниот состав со кој Македонија ќе ја нападне Бугарија. А-тимот ќе го отвори мечот со Бугарија со Димитриевски, Ашковски, Велковски, Муслиу, Алиоски, Спировски, Барди, Елмас, Трајковски, Чурлинов и М. Ристовски.

Селектрот имаше само една дилема и мечот со Бугарите во средниот ред го почнува Стефан Спировски додека Боби Николов ќе чека шанса од клупата за резервни играчи.

Македонската фудбалска репрезентација денеска ја отвора новата сезона во Лигата на нации, а наш прв противник ќе биде соседна Бугарија.

Селекторот Благоја Милевски ги одреди единаесетте фудбалери кои ќе го започнат натпреварот во Разград, а во составот настапуваат голем број офанзивни фудбалери.

На голот очекувано е Димитриевски, а пред него ќе бидат Алиоски, Муслиу, Велковски, Чурлинов, Елмас, Барди, Ашковски и Спировски додека во нападот се Трајковски и Ристовски.

Бугарската репрезентација ќе стартува во состав: Михајлов, Турицов, А.Христов, П.Христов, Недјалков, Миланов, Крастев, Чочев, Неделев, Десподов и Илиев.
Првиот натпревар од новото издание меѓу селекциите на Бугарија и Македонија почна во 18 часот.

The post Милевски го одреди составот: Спировски на терен, Николов на клупа appeared first on Република.

Македонија ќе се чекира за катар во Порто. Историското финале нашата репрезентација ќе го игра во вторник против Португалија, а во своите редови ќе ги има и Елиф Елмас и Тихомир Костадинов.

Костадинов и Елмас ќе ја зголемат конкуренцијата во нашиот тим во финалниот меч. Адеми и Николов не се повредени, многу се потрошија, а Аријан доаѓа од повреда и калкулирана беше таа замена, изјави Милевски на пресот.

The post Добри вести: Во Портулагија ќе бидеме посилни за Елмас и Костадинов appeared first on Република.