Фото-кино клуб „Козјак“ од Куманово денеска ги соопшти резултатите од конкурсот за „ФИЛМАЈ 2024“ фестивалот на краток филм. Стручното жири составено од Матеј Матијевиќ (режисер и сценарист), Александар Арсовски (продуцент) и Антонио Димитриевски (актер), одлучи за составот на наградените и официјално селектираните филмови.

-Наградени се филипинскиот „Жими сè најмило“ режиран од Сам Манакса, чешкиот „Морска сол“‘ со Захер Јуреидини како директор на фотографија, „Синкопат“ (Шпанија) по сценарио на Рамон Лазаро, заедно со најдобриот домашен филм „Само ѓаволот се плаши од вода“ режиран од Лидија Мојсовска, и „Девет сантиметри“ (Русија) како најдобар краток филм, соопштија организаторите.

Овогодишниот „ФИЛМАЈ“ фестивал ќе се одржи на 29 и 30 мај 2024 (среда и четврток) во занаетчискиот дом во Куманово. На двете фестивалски вечери, кои ќе започнат во 20 часот, покрај наградените, ќе бидат прикажани уште единаесет официјално селектирани филмови.

Влезот ќе биде бесплатен за сите посетители.

The post Кратките филмови „Жими сè најмило“ (Филипини), „Морска сол“(Чешка), „Синкопат“ (Шпанија), „Само ѓаволот се плаши од вода“ (Македонија) и „Девет сантиметри“ (Русија) наградени на „Филмај“ appeared first on Република.

ФИЛМАЈ фестивалoт на кратoк филм, организиран од фото-кино клуб “Козјак” – Куманово, од минатиот понеделник (27 ноември 2023) го отвори конкурсот за пријавување за 6-тото издание на фестивалот,

Кратките играни филмови (со траење до 20 минути и завршени после 01.01.2022), до 31 март 2024 година може да се пријават преку платформите FilmFreeway и festhome .

Филмовите може да конкурираат за награда “Лазар Ѓорѓевиќ” за најдобра режија, награда „Радислав Ристевски” за најдобра фотографија/кинематографија, награда „Koзјак” за најдобрo сценарио и награда „ФИЛМАЈ” за најдобар краток филм.

Македонските (домашни) филмови може да конкурираат за награда за најдобар македонски филм, а може да се пријават и во меѓународна конкуренција за горенаведените награди.

Фестивалот ќе се одржи во две последователни вечери во мај 2024 година.

Претходница на главната фестивалска вечер ќе биде проекциска ревија на филмови од претходните изданија на „ФИЛМАЈ“, и промоција на книги со филмска тематика од македонски автори.

Повеќе детали за фестивалот има на Фејсбук-страната fb.com/filmaykozjak .

На истата страна ќе бидат објавувани новости и информации во врска со фестивалот.

The post Филмај – фестивалот за краток филм објави конкурс за пријавување на шестото издание appeared first on Република.

Фото-кино клуб “Козјак” – Куманово ги објави добитниците на награди од конкурсот за „ФИЛМАЈ’ – фестивал на кратoк филм 2022 – Куманово.

Филмовите ги оценуваше трочленото жири составено од сценаристот и режисер Сезер Салихи, сценаристот и режисер Косара Митиќ и членот на фото-кино клуб „Козјак“ – Филип Илиевски.

Наградата „Лазар Ѓорѓевиќ“ за најдобра режија ја доби режисерот Самир Карахода за режија на филмот „Изместено“ (Косово).

Наградата за најдобра фотографија/кинематографија „Радислав Ристевски“ ја доби Владимир Самоиловски за филмот „Северен пол“ (Македонија).

Наградата за најдобро сценарио „Козјак“ ја доби Фотис Зампетакис за филмот „Ангелос на Божиќ“ (Грција).

Наградата за најдобар македонски филм ја освои „Обичната Ели“ на режисерката Лавинија Софрониевска.

„Филмај“ наградата за најдобар краткок филм ја доби хрватскиот филм „Сама“ во режија на Борна Зидариќ.

Од фото-кино клуб “Козјак” – Куманово истакнуваат дека дополнително ќе биде објавена цела листа со официјално селектирани филмови кои ќе се прикажат на фестивалската вечер предвидена за 2 јуни 2022.

The post Доделени филмските награди за „ФИЛМАЈ“ – фестивал на краток филм во Куманово appeared first on Република.