Новинарот и издавач на весникот „Лајм“, Фејзи Хајдари на „Фејсбук“ напиша дека нападот што го прави лидерот на ВМРО-ДПМНЕ Христијан Мицкоски врз криминалот и корупцијата не е напад врз ДУИ.

Хајдари нагласува дека „криминалот нема етничка припадност“. Целосниот статус на новинарот Фејзи Хајдари:

„Криминалот и корупцијата немаат етничка припадност. Затоа, нападот на ВМРО против криминалот и корупцијата во ДУИ, е најголемата помош и придонес кон Албанците, на која било македонска партија, особено ВМРО. Глупостите на ДУИ дека СДСМ е подобра од ВМРО за Албанците не држат вода... затоа што ниту една од овие две партии не направи ништо за да се отстрани навредливата уставна формулација „ народот 20%“! Дури и Бујар Османи, во својство на министер за надворешни работи, беше уште полош од Македонците кога изјави: „Сега не е време да се отстрани ’20%’“, напиша Фејзи Хајдари, издавач на весникот „Лајм“.

The post Фејзи Хајдари: Нападот на ВМРО-ДПМНЕ кон криминалот на ДУИ не е напад врз Албанците appeared first on Република.

Сопственикот на весикот „Лајм“ Фејзи Хајдари смета дека е добро што ВМРО-ДПМНЕ пријавува корупција и криминал во договорот за изградба на Коридорот 8. Тој посакува да има што повеќе „вакви ВМРО“ кои ќе пријавуваат криминал меѓу владините функционери, макар тоа да е само кај Албанците.

Не, не, ВМРО не е против САД и Коридорот 8, кога пријавува корупција и други коруптивни и криминални скандали. Дури баш и ми се допаѓа кога пријавува корупциски скандали. Дај боже, што повеќе да имаме вакви ВМРО кое ќе ги пријавува коруптивните афери кај Албанците во власта, вели Хајдари.

Тој го коментира односот на ДУИ кон ВМРО-ДПМНЕ. Спред него, за ДУИ ВМРО е добро само кога е во влада со ДУИ и заедно ги делат бизнисите и му се потсмеваат на народот.

Точно три мандати ДУИ беше на власт со ВМРО, кога се случија монтираните случаи „Монструм“, „Алфа“, „Тепање на ученици Албанци“, „Радишани“, „Палење дуќани и куќи на Албанци во Ѓорче Петров“, енциклопедија и учебници навредливи за Албанците... Добро ли беше тогаш ВМРО? Ја споделувавте ли „шегата“ со оваа партија? Мијалков го нарековте татко. И сега ВМРО е против САД, ЕУ и Коридорот 8?! Не бе?! Кому му продавате пувки, вели Хајдари.

The post Хајдари: Не, не e ВМРО-ДПМНЕ против САД и Коридорот 8 кога пријавува корупција и криминал appeared first on Република.