По наредба на европското јавно обвинителство (ЕППО), полицијата упадна во Министерството за култура на Хрватска и во тек е претрес на простории, компјутери и одредени лица поврзани со штети нанесени на европските фондови, јавуваат хрватските медиуми.

Според загрепски „Јутарњи лист“, претресот следел откако ЕППО покренала постапка против челниците на Геодетскиот факултет осомничени за проневера на европски фондови.

Нема потврда дали овие активности на полицијата се поврзани со малверзации за кои веќе се осомничени челниците на Геодетскиот факултет.

Според досегашните податоци, никој не е уапсен, но, како што се наведува, истражителите сакаат да добијат податоци, пред сѐ и-мејл кореспонденција и мобилни уреди на одредени лица, кои досега не ги собрале.

The post Полицијата упадна во хрватското Министерство за култура по наредба на европското обвинителство appeared first on Република.

Со блокадата на уставните измени, ДПМНЕ и Мицкоски не само што ја оддалечуваат државата од европскиот пат, туку негативно влијаат и врз економскиот развој,вели Даниела Николова, пратеничка на СДСМ

ЕУ е нашиот главени трговски партнер, со 77,5% од извозот на земјата и 51% од нејзиниот увоз.Дополнително, ЕУ е наш најголем финансиски поддржувач, донатор и кредитор во сите области, таа ни помага во европеизирањето на македонскиот бизнис модел.Блокадата од страна на ДПМНЕ може да ја чини нашата земја 10 милијарди евра помалку фондови од ЕУ-вели Николова.

 

Само во досегашниот евроинтегративен процес на земјата, преку ИПА, грантови за енергетската криза, макроекономска помош, поддршка за малите и средните компании, помошта за ублажување на економските последици од пандемијата, образовните и други програми во државата се слеаја над 1,2 милијарди евра од европските фондови.

Во иднина, преку забрзување на евроинтеграциите и полноправното членство, програмите и фондовите на ЕУ можат да бидат 11 пати повисоки од оние што досега ги имаме.

Но, блокадите на ДПМНЕ и Мицкоски можат да доведат до загуба на овие значајни финансиски прилики за државата, бизнисот и граѓаните.

Мицкоски и ДПМНЕ исто така, ја ускратуваат шансата за голем скок на платите и раст животниот стандард на граѓаните, со оглед на фактот што, во првите пет години по зачленувањето во ЕУ, растот на платите во земјите членки на ЕУ се движеше од над 50 отсто, па се до 100 отсто.

Првите пет години по членството, кај државите од ЕУ, стапките на раст на БДП се зголемиле од 80 до 90 отсто, но во случај на прекин на интеграциските процеси, тие стапки за нашата држава може да останат недостижни, исто како и пристапот на македонските компании на европскиот пазар со 500 милиони.

Придобивките од членството во ЕУ се огромни, сега имаме единствена можност, отворена врата за европскиот пат и оваа шанса треба да се искористи, затоа што 80 отсто од граѓаните јасно се определени за членство во ЕУ.

Почитувани,

Како што обезбедивме членство во НАТО, како што обезбедивме почеток на преговори со ЕУ, така заедно со европскиот блок ќе обезбедиме и полноправно членство во ЕУ.

Имаме одговорност и обврска пред граѓаните и државата да ја обезбедиме европската иднина.

The post СДСМ: Ако нема уставни измени ќе има 10 милијарди помалку од фондовите на ЕУ appeared first on Република.

Европската јавна обвинителка Лаура Ковеши реши да почне акција во Бугарија и конечно да стави крај на неуспехот на Брисел да го реши проблемот со кражбата на европските фондови, пишува „Политико“.

Во четвртокот Европското јавно обвинителство извршило претреси во 28 домови и канцеларии во рамки на истрагата за злоупотреба на парите на Европската Унија за железнички проекти, а уапсен е и градоначалникот на Генерал Тошево, град на североистокот на земјата.

Акцијата се најавува веќе неколку години, а водечки политичари од бугарскиот реформистички табор тврдат дека извлекувањето средства од ЕУ станало еден од главните извори на приходи на организираните криминални групи.

Центарот за проучување на демократијата, невладина организација од Софија, заклучи дека во 2020 година се отуѓени дури 15 отсто од парите од европските фондови.

Европското обвинителство во моментов спроведува 143 истраги во Бугарија со проценета вкупна штета од 492 милиони евра, според извештајот за минатата година.

Како најсиромашна држава во ЕУ, Бугарија редовно бара поддршка од европските даночни обврзници за да изгради инфраструктура и да ги направи старите згради од социјалистичкиот период енергетски поефикасни.

Обвинителството, кое е задолжено за кривично гонење на дела против финансиските интереси на ЕУ, соопшти дека во моментов истражува два проекти за градење железничка инфраструктура, вредни повеќе од 241 милион евра од фондовите на ЕУ, и грант за подобрување на енергетската ефикасност на станбените објекти во Генерал Тошево вреден 169.000 евра.

Повеќе од 100 припадници на бугарската полиција извршиле рации во рамки на истрагата за изградбата на железничката пруга меѓу градовите Костенец и Септември, за што Европската агенција за клима, инфраструктура и животна средина обезбедила 130 милиони евра. Се истражува и можна злоупотреба на средствата за изградба на пруга меѓу селата Оризово и Михајлово, која ја финансира Кохезискиот фонд со над 111 милиони евра.

The post Претреси и апсења во Бугарија поради злоупотреба на европски фондови appeared first on Република.

Се подобро ги искористуваме фондовите на Европската Унија, но има простор за подобрување и ќе продолжиме. На почеток од 2023 година следува нова инвестициска офанзива со европски пари, информира вицепремиерот за европски прашања Бојан Маричиќ на денешната прес-конференција во Владата.

Маричиќ појасни дека на тековниот повик за инвестициски грантови, Македонија учествува со три нови проекти во вкупен износ од околу 53 милиони евра и тоа два проекта од областа на енергетиката – реновирање на шест хидроцентрали и изградба на ветернички парк во Богданци и еден од областа на заштитата на животната средина – изградба на регионални центри за цврст отпад во Полог, Пелагонија, Вардар, Југозападен и Југоисточен регион.

– Работиме на спроведување на инвестициска агенда на земјата и аплицираме за големи стратешки проекти кои се влог за иднината на нашите деца. Преку инвестициската рамка за Западен Балкан која Македонија веќе ја користи се финансираа стратешките приоритети од економскиот и инвестицискиот план за Западен Балкан промовиран во октомври 2020 година. Тогаш еврокомесарот Вархеји најави 9 милијарди евра за периодот од 2021-2027 година, инвестиции кои треба да привлечат дополнителни 20 милијарди евра заеми од меѓународните финансиски институции, информира Маричиќ.

Македонија, како што посочи, учествуваше во сите 28 повици за техничка помош кои се досега објавени и на сите седум за инвестициски грантови, по одобрени 43 грантови во вредност од 2,6 милијарди евра за вкупна вредност на инвестиција од 421,4 милиони евра надополнети со заеми од околу 600 милиони евра.

– Доаѓаме до скоро 230 евра по глава на жител што ја става Македонија на второ место по искористеност на европски средства на инвестицискиот фонд за Западен Балкан веднаш после Црна Гора. На крајот на јули оваа година, ЕУ ги одобри првите проекти за спроведување на економскиот инвестициски план за Западен Балкан. Ние аплициравме со четири инвестициски проекти и добивме поддршка за секој од нив во износ од 225,6 милиони евра, рече Маричиќ.

Одобрените прокети на последниот повик, како што појасни, се следни: за проектот изградба на железница меѓу Македонија и Бугарија во рамки на Коридор 8 секција Крива Паланка – граница со Бугарија доделен е грант во износ од 149, 2 милиони евра, за проект за набавка на опрема за Осломеј 1 Фотоволтаична станица 1,6 милиони евра, за проект за набавка на опрема за фотоволтаичните централи Осломеј 2 и Битола грант во износ од 5 милиони евра, како и изградба на пречистителна станица за отпадни води во Скопје грант од 69,8 милиони евра.

Вицепремиерот додаде дека во рамки на шестиот повик за инфраструктирни грантови одобрени се грантови од 1,1 мјилијарди евра за сите шест земји од регионот, а проектите од Македонија учествуваат со 20,5 проценти од овој одобрен износ.

Дополнително, како што најави Маричиќ, во соработка со Германската развојна банка КФВ ќе се работи на енергетска ефикасност на сите студентски домови во државна сопственост.

Во однос на ИПА 3 кој е нов концепт на ЕУ во однос на претпристапната поддршка на земјите од Западен Балкан, во јули оваа година СЕП го доставил првиот нацрт ревидиран стратешки одговор до ЕК прилагодувајќи со последните новости од ИПА 3 прозорците.

The post На почеток од 2023 година нова инвестициска офанзива со европски пари appeared first on Република.

Одделението за внатрешни работи – Кочани во координација со надлежно Јавно обвинителство поднесе кривична пријава против двајца осомничени и здружение на граѓани од Кочани кои со прикажување на лажни и неточни податоци и изјави и склучување на фиктивни договори противправно присвоиле парични средства наменети за имплементација на проект во вредност од 522 700 денари, информираат од Министерството за внатрешни работи.

Пријавените, во временскиот период од 01.01.2019 година до 02.09.2019 година, со прикажување на лажни и неточни податоци и изјави и склучување на фиктивни договори противправно присвоиле парични средства наменети за имплементација на проект во вредност од 522 700 денари, финансиран од Европска Комисија и регистриран во Централната база на податоци за странска помош при Секретаријат за европски прашања во Владата, стои во соопштението од МВР.

Дополнуваат дека осомничените се товарат за седум кривични дела „Злоупотреба на службената положба и овластување“ по член 353, „Фалсификување или уништување на деловни книги“ по член 280 и „Измама на штета на средства на Европската заедница“ по член 249-а од Кривичниот законик.

The post Уште една злоупотреба на европски пари за фиктивен проект appeared first on Република.

Според еден извештај на медијаторот на ЕУ, Питер ван Хоуте, и во Македонија 40% од парите на фондовите на ЕУ се злоупотребени, потсетува поранешниот министер за финансии Џевдет Хајредини.

Коментарот на Хајредини доаѓа по апсењето на поранешниот бугарски премиер Бојко Бороисов и на поранешниот бугарски министер за финансии Владислав Горанов под сомнение за злоупотреба на европските фондови.

The post Хајредини потсетува: Според еден извештај и во Македонија 40% од парите на фондовите на ЕУ се злоупотребени appeared first on Република.