Министерката за енергетика Сања Божиновска на денешната прес-конференција кажа дека ЕСМ е во многу лоша состојба и ќе бидат потребни финансиски средства за справување со грејната сезона. Министерката дополни дека тоа е причината зошто од септември месец се набавуваат големи количини електрична енергија.

Следните седум дена ќе правиме точен енергетски биланс и се надеваме дека ќе ги имаме точните бројки за потребна електрична енергија. Сето тоа зависи и од хидрологијата. Во моментов акумулациите се полни само со 24 отсто што воопшто не е во ред, меѓутоа може да се наполнат акумулациите ако ноември е дождлив. Што се однесува за финансии - со премиерот имаме дискутирано и тука, иако не е финализирано, имаме добри шанси да набавиме финансиски средства. Се уште немаме разговарано како, но ќе бидат домашните банки - рече Божиновска.

Министерката рече дека кон ЕВН има голем долг кој не е платен во изминативе 3 години, но дека се договориле тој да се исплаќа повеќе години.

Изминатите три години не е платен ниту денар на име субвенционирана струја. Тоа што го гледавме на сметките дека владата го покрива како трошок на граѓаните не е платено. Сметката стигна сега. 60 милиони евра е долгот во однос на ова што го имаме. Разговаравме со ЕВН за долгот. Тие се свесни за состојбата на нашиот буџет кажаа дека ова не е нешто што треба да се врати за една или две години и дека се спремни да дискутираме. Знаат дека тоа ќе биде долгорочно - додаде Божиновска.

The post Државата му должи на ЕВН 60 милиони евра, 3 години не е платен денар на име субвенционирана струја appeared first on Република.

Познати кафулиња, пекарници, ресторани и други бизниси во Скопје и низ Македонија разоткриени во мрежа за кражба на струја. Имено, екипите на ЕВН открија обид за кражба на струја со уред кој го „замрзнува“ броилото и не ја евидентира потрошената струја.

Иако се работи за уред кој досега не бил евидентиран при манипулација и кражби на броила, системот за далечинско управување на ЕВН веднаш алармира кога ќе се појават одредени отстапувања во потрошувачката, се вели во новото издание на емисијата „КОД“.

Отстапувањата во потрошувачката кај броилата кои не се исчитуваат далечински се утврдува на лице место при контрола. Инженерите на ЕВН објаснуваат дека уште од канцеларија знаат дали некој го манипулира броилото.

– Анализата на броилото ни дава точни технички параметри за тоа дали броилото е расипано или се работи за манипулација. Овој уред е многу софистициран и тешко се открива при обични контроли. За среќа, нашиот систем за далечинско управување веднаш алармира кога има одредени отстапувања во потрошувачката – изјави Александра Костовска, раководителка на одделот за мерење на мрежа во ЕВН за емисијата „КОД“ која се емитуваше на ТВ Телма, а беше посветена на кражбите на струја.

Според неа, инженерите на ЕВН можат преку детална анализа на податоците од броилото да утврдат дали станува збор за технички проблем или за намерна манипулација.

Оваа акција на ЕВН покажува дека криминалците постојано развиваат нови методи за кражба на струја, но и дека енергетските компании преземаат соодветни мерки за да ги спречат.

За сите сторители на кражба на струја ЕВН поднел кривични пријави. Според законот, за ова дело се предвидени затворски казни до 5 години и парични казни за правни лица од 1500 до 15.000 евра. Јавното обвинителство активно работи на расветлување на овие случаи и гонење на одговорните.

The post ЕВН фати познати угостители во кражби на струја – една пекарница крадела струја колку за едно село appeared first on Република.

Eкипата на ЕВН Дистрибуција ја прекинаа електричната енергија поради пожарот што се разгоре кај тунелот во близина на Катлaново.

Од ЕВН Дистрибуција велат дека е исклучен цел извод поради што електрична енергија немаат повеќе населени места. Струја нема во катлановско Блаце, во Тотинци, Кожле, а во самото Катланово има напојување од друг извод.

The post Се разгоре пожарот над Катланово, во прекин е електричната енергија appeared first on Република.

Пожар предизвикале работници на градежна фирма при работа на плац во селото Раштак кога исекле кабел на ЕВН. Искрите при сечењето предизвикале пожар, која за среќа пожарот бил изгаснат.

„Вчера во 14.00 часот во СВР Скопје било пријавено дека настанал пожар во с.Раштак, скопско. Полициски службеници излегле на местото и било констатирано дека неколку лица градежни работници, кои биле ангажирани преку градежна фирма да работат на еден плац, исекле кабел за електрична енергија и од искрите настанал пожар при што биле опожарени сува трева, нискостеблеста шума и една бандера на ЕВН, која паднала и предизвикала пожар во дворовите од викенд куќите на Б.П.(69) и И.А.(56), двајцата од Скопје.

Пожарот бил изгаснат, а повредени лица нема. Увид бил извршен“, пишува во полицискиот билтен.

The post Градежни работници при работа на плац во село Раштак исекле кабел на ЕВН и предизвикале пожар appeared first on Република.

ЕВН известува дека денеска, 09:00 до 15:00 часот, без струја ќе биде дел од улицата „Даме Груев“ – Блок 10 згради и деловни објекти во Општина Центар.

Прекинот на електрична енергија ќе биде поради планирани технички интервенции во електро дистрибутивната мрежа.

The post Без струја дел од улицата „Даме Груев“ во Центар appeared first on Република.

Во текот на вчерашниот ден во 15.00 часот во СВР Скопје, Д.Б.(38) од с.Кадино, општина Илинден, пријавил дека во с.Глумово, општина Сарај, при извршување работни задачи како вработен во ЕВН, бил физички нападнат од едно лице.

Се преземаат мерки за расчистување на случајот.

The post Истепан вработен во ЕВН во Глумово appeared first on Република.

Во периодот од 8:30 до 15 часот без струја ќе бидат дел од корисниците од улицата „Божидар Рајковиќ“ во населба Лисиче.

Без електрична енергија денеска од 8:30 до 13 часот ќе останат дел од корисниците лоцирани на улиците „Златарска“„, Кујунџиска“ и објектите околу џамијата „,Араста“ во Стара скопска чаршија.

Во периодот од 8:30 до 15 часот без струја ќе бидат дел од корисниците од улицата „Божидар Рајковиќ“ во населба Лисиче.

Како што соопшти Регионалниот центар за управување со кризи на Град Скопје, прекините се поради технички зафати во електродистрибутивната мрежа.

The post Без струја делови од Чаир и Аеродром appeared first on Република.

ЕВН Хоме како Универзален снабдувач на електрична енергија, на тендерот за набавка на електрична енергија за задоволување на потребите на корисниците за периодот јануари-јуни 2024 доби само една понуда, и тоа од АД ЕСМ со купопродажна цена на електрична енергија од 57 евра за мегаватчас, за покривање на 95% од вкупно планираните количини. Оваа цена е за околу 7,5% повисока од претходната која беше добиена на последниот тендер на Универзалниот снабдувач (јуни-декември 2023), кога АД ЕСМ понуди купопродажна цена од 53 евра за мегаватчас.

Дополнително, за покривање на останатите 5% од вкупно планираните количини, ЕВН Хоме доби најповолна понуда од АД ЕСМ, со купопродажна цена на електрична енергија од 120,01 евра за мегаватчас. Освен АД ЕСМ, на тендерот учествуваше и Соле24 ДООЕЛ.

За покривање на загубите на електрична енергија, Електродистрибуција доби најповолна понуда од АД ЕСМ, и тоа по цена од 105 евра за мегаватчас. Претходно оваа цена изнесуваше 100 евра за мегаватчас.

Под комплетен надзор на Регулаторната комисија за енергетика и согласно законските обврски и претходно утврдената методологија, во наредниот период ЕВН Хоме ќе ја пресмета цената на електрична енергија по однапред утврдени влезни параметри.

Како и секогаш, во крајната цена влегуваат: цената по која АД ЕСМ ја продава електричната енергија на ЕВН Хоме, цената на Преносниот систем оператор МЕПСО, цената на Операторот на пазар на електрична енергија МЕМО, како и цената на Дистрибутивниот систем оператор Електродистрибуција.

The post АД ЕСМ ѝ понуди на ЕВН Хоме цена на електрична енергија од 57 евра за мегаватчас appeared first on Република.

Не е точно дека загубите на електрична енергија во мрежата се поврзани со етничката припадност на населението. Липково ќе биде прва општина во земјава целосно покриена со смарт броила за електрична енергија и со загуби од 10 проценти, а Скопје е регион со највисоки загуби од 20 проценти, оцени денеска менаџерот на Електродистрибуција Сашо Салтировски.

-Во Арачиново броилата се надвор на улица и таму има 10 проценти загуби во јуни и во јули, така што тој проблем е веќе среден. Арачиново има загуби од 10 проценти, тоа е на ниво на технички загуби и се едни од најниските на ниво на цела Македонија. Во Слупчане проектот оди глатко и веќе се привршува така што општина Липково ќе биде првата општина во Македонија целосно покриена со смарт броила и цела општина со загуби под 10 проценти, рече Салтировски во одговор на новинарско прашање при денешната посета на министерот за економија Крешник Бектеши на подружницата на ЕВН Македонија во Бутел заедно со директорот на Бирото за метрологија, Абдуљ Сељам Селами.

Како што нагласи ЕВН во Липково работи на загубите на енергија повеќе од 10-ина години, а работи и на многу други места, како што се  Грчец, Батинци, но почнува проекти и во Драчево и во Лисиче, итн.

-Загубите се проблем на ниво скоро на цела територија на Македонија, а за Скопје особено. Скопје е регион со највисок процент на загуба. Тетово има помали загуби од Битола. Така што, не е секогаш поврзано тоа етнички и зависи од многу други фактори, дали се политички, економски итн., но не е поврзано етнички како што беше прикажано. На пример, Кичево, Струга имаат мали загуби, а 20 проценти се во цело Скопје. И кај и да одите во Скопје, дали сте во Лисиче, дали сте во Драчево, особено во руралниот дел кај што нема колективни згради секаде има загуби. И тоа е вистината, потенцира Салтировски

The post Липково може не плаќа струја, ама има смарт броила appeared first on Република.

При крај сме со подготовките и како што ветивме до 1 декември годинава се ќе биде подготвено за воведување евтина дневна тарифа на електричната енергија, а до крајот на декември сите достапни броила ќе бидат сетирани, порача денеска менаџерот на Електродистрибуција Сашо Салтировски.

Дел од броилата се т.н. смарт броила, тие ќе ги смениме дури преку ноќ и веќе од 1 декември околу 200.000 корисници ќе имаат веќе сетирани тарифи, а другите би биле во текот на месецот. Многу ќе зависи од потрошувачите и достапноста на броилата, рече Салтировски во одговор на новинарско прашање при денешната посета на министерот за економија Крешник Бектеши на подружницата на ЕВН Македонија во Бутел заедно со директорот на Бирото за метрологија, Авдуљ Сељам Селами.

Тој ги замоли граѓаните да им бидат достапни броилата, за како што рече, да можат нивните читачи да ги прочитаат, бидејќи во текот на читањето се прави сетирањето на броилата.

Сите оние броила што ќе бидат достапни ќе бидат сетирани во текот на декември, а колку вкупно броила ќе бидат сетирани ќе зависи од достапноста на броилата. Сите броила што се достапни ги читаме еднаш месечно и сите тие ќе бидат сетирани, бидејќи тоа оди оптички со еден уред се оди од броило до броило и при читањето софтверот ги сетира како што треба да се сетира, појасни Салтировски.

Нагласи дека во викенд куќи не можеме да се сетира броилото ако куќата е затворена.

Ако луѓето се на работа, а не се дома, а броилото е внатре не можеме да го сетираме. Во Арачиново броилата се надвор и таму со сигурност ќе бидат сетирани затоа што во изминатиов период тој проект е завршен, рече Салтировски.

Министерот Бектеши потсети дека одлуката за воведување на евтина дневна тарифа на електричната енергија ја носи Регулаторната комисија за енергетика (РКЕ) кое е независно тело.

Воведувањето на дневна евтина тарифа е поврзано со производството, со капацитетот на ЕСМ за да произведува струја во тие пикови. Согласно анализите кои се направени одлучивме сите заедно евтина дневна тарифа да биде воведена на 1 декември. Ги повикуваме сите граѓани кои сакаат да имаат евтина дневна тарифа од 1 декември да им дозволат пристап на службите на ЕВН до броилата за да можат да интервенираат. Ако броилото не е достапно тоа ќе биде сетирано од наредниот месец, посочи Бектеши.

The post Од први декември ќе има евтина дневна тарифа, граѓаните да дозволат да се направи читање на броилата, порачуваат од компанијата appeared first on Република.

Денеска, без електрична енергија ќе останат улици во општините Аеродром и Арачиново, извести „ЕВН Македонија“.

Како што соопштија од таму, во периодот од 9 до 12 часот струја ќе немаат дел од корисниците од улиците 12. македонска бригада и Мите Богоевски во општина Аеродром.

Во периодот од 20 до 21.30 часот корисниците од село Арачиново ќе бидат без електрична енергија, информира „ЕВН Македонија“

The post Денеска без струја повеќе делови од Скопје appeared first on Република.

Екипите на електродистрибуција почнаа со работа во липковското село Слупчане. Во дел од селото веќе се заменети орманите. Договорено е корисниците на социјална парична помош да ги плаќаат заостанатите сметки на рати, кажаа претставниците од општината.

Во однос на договорот со жителите од Слупчане од ЕВН велат дека законите кои важат за сите корисници ќе продолжат да важат и понатаму.

Претседателот на советот на општина Липково, Зекрија Шаини вели дека активностите на терен течат согласно договорот.

Состојбата беше бурна и луѓето од селото сакаа да знаат што ЕВН ќе работи. Тие се приватна компанија и сакавме да знаеме што конкретно ќе работат како и за сите приватни компании. Половина од селото користат социјална помош и имавме барање долговите да се плаќаат на рати, што важи за сите граѓани во Македонија. ЕВН ќе треба да постави бандери до планот до каде што е селото, изјави Шаини.

Во однос на барањето да се плаќа по 3.000 без разлика на потрошувачката, тој кажа дека во тоа препукување преку медиумите со некои луѓе од ЕВН, дел од барањата на слупчанци биле нелогични.

Барањето не е логично, ќе се плаќа колку се троши и не сакаме да бидеме црна точка како што не претставуваа. Оние кои се социјални случаи ќе плаќаат на рати. Останатите плаќаат како и сите во државата, ќе користат поволности што важат за сите, вели Шаини.

Според него, во Слупчане има над 60 проценти жители кои плаќаат сметки.

Мрежата во Слупчане не е реконструирана повеќе од 20 години од конфликтот 2001.

The post ЕВН средува во Слупчане: Претходно било бурно оти луѓето од селото „само сакале да знаат што ќе прави компанијата“ appeared first on Република.

Екипите на електродистрибуција почнаа со работа во липковското село Слупчане. Во дел од селото веќе се заменети орманите. Договорено е корисниците на социјална парична помош да ги плаќаат заостанатите сметки на рати, кажаа претставниците од општината.

Во однос на договорот со жителите од Слупчане од ЕВН велат дека законите кои важат за сите корисници ќе продолжат да важат и понатаму.

Претседателот на советот на општина Липково, Зекрија Шаини вели дека активностите на терен течат согласно договорот.

Состојбата беше бурна и луѓето од селото сакаа да знаат што ЕВН ќе работи. Тие се приватна компанија и сакавме да знаеме што конкретно ќе работат како и за сите приватни компании. Половина од селото користат социјална помош и имавме барање долговите да се плаќаат на рати, што важи за сите граѓани во Македонија. ЕВН ќе треба да постави бандери до планот до каде што е селото - изјави Шаини.

Во однос на барањето да се плаќа по 3.000 без разлика на потрошувачката, тој кажа дека во тоа препукување преку медиумите со некои луѓе од ЕВН, дел од барањата на слупчанци биле нелогични.

Барањето не е логично, ќе се плаќа колку се троши и не сакаме да бидеме црна точка како што не претставуваа. Оние кои се социјални случаи ќе плаќаат на рати. Останатите плаќаат како и сите во државата, ќе користат поволности што важат за сите - вели Шаини, додавајќи дека во Слупчане има над 60 проценти жители кои плаќаат сметки.

Мрежата во Слупчане не е реконструирана повеќе од 20 години од конфликтот 2001

The post Не сакаме да бидеме црна точка како што не претставуваа: Слупчанци дозволија екипите на ЕВН да си ја работат работата appeared first on Република.

-Ковачевски не може да обезбеди едно село како Слупчане да  плаќа струја и да се постават струјомери на сите куќи, а не пак да обезбеди европска иднина, рече портпаролот на ВМРО-ДПМНЕ, Наум Стоилковски.

Стоилковски побара Ковачевски да обезбеди консензус за плаќање на струја, да се постават современи струјомери, пред да зборува за национален консензус.

-Епска драма приреди во Слупчане. Нека обезбеди консензус за плаќање на струја, само во едно село, да не се краде струја, да се постават современи струјомери, пред да зборува за национален консензус!Човекот купува време за да се докраде се што може како власт“, рече тој.

The post ВМРО-ДПМНЕ: Ковачевски не може да обезбеди Слупчане да плаќа струја, а да обезбеди европска иднина appeared first on Република.

The post Божиновски: ЕВН влегува во Слупчане, добиле гаранции за безбедноста од политички партии и општината…Слупчане е во Македонија или на партиска почва? appeared first on Република.

Откако група жители на липковското село Оризаре, влегоа во објектот на КЕЦ Куманово, вработените ги напуштија работните места од безбедносни причини и непостоење на услови за работа, информираа денеска од ЕВН. Од компанијата велат корисничко енерго центар на ЕВН Куманово нема да работи сè додека не се создадат услови за нормално одвивање на работата.

Инаку, како што претходно информираа од ЕВН, жителите на Оризаре немаат струја, откако жителите од нивното соседно село Слупчане бесправно манипулираа со трафостаниците, оставајќи го нивното и соседните села без струја.

Утрово, ЕВН информираше дека селото Слупчане и Оризари (општина Липково) се сè уште без напојување со електрична енергија. Останатите дефекти беа надминати. Од компанијата велат дека сè додека не се создадат нормални услови за работа и се загарантира сигурноста на вработените на електродистрибуција, нема да работат на санација на дефекти или да извршуваат редовни работни активности во овие села.

Од Министерството за економија ги повика граѓаните во државата редовно да си ги намируваат обврските кои ги имаат кон енергетските компании.

The post Тензично во Куманово: Група на револтирани граѓани од Оризари насилно влегла во просториите на ЕВН appeared first on Република.

Селото Слупчане и Оризари се се’ уште без напојување, по дефектот предизвикан од мештаните по упад во мрежата.

Од ЕВН велат дека се’ додека не се создадат нормални услови за работа и се загарантира сигурноста на вработените на Електродистрибуција, нема да работат на санација на дефекти или да извршуваат редовни работни активности во овие села.

Екипите на Електродистрибуција работеа цела ноќ на санација на дефекти. Нормализирано е снабдувањето со електрична енергија на селата: Ваксинце, Алешевце, Руница, Извор и Белановце.

Во текот на ноќта беше предизвикан нов дефект, исто така од мештаните на Слупчане, кој ги остави селата Матејче, Виштица и Никуштак. Овој дефект е саниран и снабдувањето е нормализирано и во овие села.

Дефектот на граничниот премин „Табановце” беше саниран вчера за кратко време.

The post Слупчане и Оризари се се уште без струја: ЕВН бара да им се гарантира безбедноста за да работат appeared first on Република.

Простување на сите досегашни долгови за струја кои изнесуваат по неколку илјади евра, бесплатни нови приклучоци, без разлика колку ќе потрошат во иднина да не им се фактурира повеќе од 3000 денари, верските објекти да бидат ослободени од плаќање… Ова се дел од барањата кои ги поднесоа жителите на Слупчане, и за кои велат дека ако не им се исполнат – нема да дозволат екипи на ЕВН да влезат во селото.

Во кумановското село Слупчане е потворно тензично откако жителите не дозволија екипите на ЕВН да пристапат до трафостаницата, иако претходно ветија дека нема да ја попречуваат работата.

Мештаните доставиле официјално барање до ЕВН, со кое инсистираат да им се простат сите досегашни долгови кои изнесуваат по неколку илјади евра, да добијат бесплатни нови приклучоци, без разлика колку ќе потрошат во иднина да не им се фактурира повеќе од 3000 денари, верските објекти да бидат ослободени од плаќање за електрична енергија и слични други барања кои се спротивни на законските регулативи.

– Екипите на Електродистрибуција се соочуваат со вербални и физички напади од жителите, како и целосни блокади за влез во селото. Сѐ додека не се создадат нормални услови за работа, екипите нема да работат на отстранување на дефекти или пак да реализираат редовни работни активности во тој регион – велат од ЕВН за Плусинфо.

Веќе неколку недели без прекин трае отпорот на слупчанци, кои при обид сами да ја вклучат струјата на селото, на 5 јули предизвикаа сериозен дефект кој ги остави и околните села без снабдување со електрична енергија.

Дефектот беше саниран утредента од страна на ЕВН, по добиени ветувања од мештаните дека ќе дозволат да се работи, а на разговор со нив беа министерот за економија, Крешник Бектеши и градоначалникот на Липково, Еркан Арифи.

„Кумановското село Слупчане и околните села Оризари, Ваксинце, Алешевце, Руница, Извор и Белановце сѐ уште се соочуваат со прекин во снабдувањето поради сериозен дефект“, потврдија од „Електродистрибуција“ за Макфакс.

Од снимките на медиумите се гледа како топлото време не ги спречува жителите на Слупчане да останат на улицата и да блокираат разладувајќи се со лименки сокови. Полицијата, иако е присутна, не интеревира за да ги внесе екипите на ЕВН во селото и да им гарантира безбедност. За дефектот, од ЕВН велат дека е резултат на кражбите што е прават во Слупчане.

„Дефектот во снабдувањето на електричната енергија во селото Слупчане е резултат на контуинирано нелегално користење на електричната енергија. За жал, некои од липковските села се исто така опфатени со ова и се соочуваат со прекин во снабдувањето. Екипите на ‘Електродистрибуцијата’ при извршување на редовните работни активности или санација на дефект во ова село често се соочуваат со вербални и физички напади. Тоа се случуваше токму денес“, додава „Електродистрибуција“.

The post Слупчанци поднесоа 13 апсурдни барања до ЕВН – ќе трошиме колку сакаме, ќе плаќаме до 3 000 денари appeared first on Република.

ителите на липковско Слупчане повторно не им дозволиле на екипите на ЕВН да работат на мрежата, соопштија денеска од ЕВН. Оттаму велат дека продолжува отпорот на мештаните од Слупчане кои денеска на екипите на ЕВН не им дозволиле да работат. На терен била присутна и полицијата

ЕВН до медиумите ги испрати и барањата на жителите на ова село во кое тие бараат да им се простат досегашни долгови кои, како што наведуваат од компанијата изнесуваат по неколку илјади евра, да добијат бесплатни нови приклучоци, без разлика колку ќе потрошат во иднина да не им се фактурира повеќе од 3.000 денари, верските објекти да бидат ослободени од плаќање и слични други барања, кои додаваат од ЕВН, се спротивни на законските регулативи.

Пред околу три недели мештаните ветија дека ќе им дозволат на екипите на ЕВН да работат. На средба со нив беа министерот за економија, Крешник Бектеши и градоначалникот на Липково, Еркан Арифи. Загубите во Слупчане се 80 проценти а наплатата е 20 отсто, велат од ЕВН.

The post Жителите на липковско Слупчане повторно не им дозволија на екипите на ЕВН да влезат во селото appeared first on Република.

Дел од жителите по третпат се обидоа да ги спречат екипите на ЕВН да работат на модернизација на електродистрибутивната мрежа, јавува „Телма“ од Студеничани, каде потребно е да се работи на четири столбови од електродистрибутивната мрежа.

Полициски службеници беа на терен, повикаа и засилување по што се создадоа услови за дислокација на мрежните ормари и работниците започнаа со интервенции, пренесува телевизијата.

ЕВН преку соопштение претходно информираше дека едно семејство узурпирало дел од локалната мрежа поради што 30–тина семејства немаа струја, а екипите не можеа да го отстранат дефектот.

https://republika.mk/vesti/makedonija/poradi-familija-idrizi-nikoj-nema-struja-vo-studenichani-velat-od-evn/

Повеќе фотографии на „Телма“

The post Во Студеничани повторно не ги пуштаа екипите на ЕВН да работат, интервенираше полиција appeared first on Република.