Ракометарите на Еурофарм Пелистер ремизираа вечера во Битола во дуелот со данскиот тим Фредериција, одигрувајќи 29-29 во рамки на 8 коло во групата А во Лигата на шампиони.

Со вечерашното реми и четвртиот освоен бод, актуелниот македонскиот првак остана на шестото место на табелата кое носи пласман во нокаут фазата во елитното клупско натпреварување.

Еурофарм Пелистер од самиот почеток на дуелот во салата „Боро Чурлевски“ во Битола беше во резултатска негатива која на полувремето изнесуваше 13-16, но многу поангажирано го отвори вториот дел и откако во 45 минута го израмни резултатот (22-22), две минути подоцна капитенот Филип Кузмановски му донесе и прво водство на битолскиот тим (24-23).

Натпреварот влезе резултатски израмнет во последната минута (29-29), но Еурофарм Пелистер не успеа да го реализира завршниот напад и со тоа втор пат за три недели да го совлада данскиот вицепрвак.

Богдан Радивојевиќ со седум и Кузмановски со пет голови беа најефикасни во редовите на Еурофарм Пелистер, додека голманот Никола Митревски запиша пет одбрани.

Во следното 9 коло ракометарите на Еурофарм Пелистер ќе му гостуваат на лидерот на табелата Веспрем на 28 оовој месец

The post Пелистер пак одигра реми во ЛШ appeared first on Република.

Унгарскиот претставник во европската Лига на шампиони, Веспрем вечерва во Битола лесно стигна до победа и го совлада Еурофарм Пелистер со 30:23 (17:12).

Македонскиот шампион даде отпор во првиот дел од натпреварот, во 23 минута стигна до негатива од само два голови (12:14), а потоа 7 минути пелистерци не постигнаа гол. Искусниот противник од минута во минута го зголемуваше водството и во најголем дел од натпреварот имаше предност од 7 голови, која ја задржа до крајот на средбата.

Најефикасен стрелец во дуелот меѓу Еурофарм Пелистер и Веспрем беше Циндриќ кој постигна 8 голови, додека во домашниот тим се истакна Кузмановски со 7 постигнати голови.

Со овој пораз битолчани остануваат со еден освоен бод во Лигата на шампионите.

The post Нов пораз за Еурофарм Пелистер appeared first on Република.

Ракометарите на битолски Еурофарм Пелистер го претрпеа четвртиот пораз во Лигата на шампиони, откако вечерва на гостувањето во полски Плоцк загубија од домаќинот Висла со 26-18 (13-11) во рамки на 5 коло во групата А.

Македонскиот ракометен првак лошо го отвори натпреварот во Орлен Арена, дозволувајќи му на полскиот тим на средина од првото полувреме да поведе со високи 9-2.

До крајот на првиот дел Еурофарм Пелистер постепено ги консолидираше своите редови и на полувреме замина со негатива од два гола разлика.

Сепак, Еурофарм Пелистер лошо го отвори и второто полувреме и Висла со серија од 4-1 поведе со 17-12, а во 45 минута ја зголеми предноста на недостижни +8 (23-15).

Кузмановски со пет и Борзаш со четири голови беа најефикасни во редовите на Еурофарм Пелистер на гостувањето во Плоцк.

Еурофарм Пелистер со еден освоен бод сега е претпоследен на табелата пред гостувањето на крајот на октомври на норвешка Фредериција која е на последното место со пет порази во исто толку натпревари

The post Пелистер се врати на поразите во ЛШ appeared first on Република.

акедонскиот ракометен првак Еурофарм Пелистер синоќа ја прекина црната серија во Лигата на шампионите играјќи нерешено 24:24 со Спортинг Лисабон.

Битолчани освоија бод по 17 порази во низа во елитното натпреварување.

Тренерот Бранислав Ангеловски овој резултат го смета за голем успех.

- Бод голем како куќа. Конечно симнавме тежина која ја носевме долго време. Одлични бевме 45 минути, потоа неколку технички грешки и судиски одлуки го свртија текот на натпреварот. Штета што не победивме, но Спортинг е исклучително силен тим. Верувам во нашиот тим и сигурен сум дека имаме реални шанси на следните средби да оставиме подобар впечаток, изјави Ангеловски.

Еурофарм Пелистер има еден бод по четири натпревари во А-групата од Лигата на шампионите, Спортинг собра седум

The post Тренерот на битолчани се израдува за првиот бод во ЛШ appeared first on Република.

Екипата на Еурофарм Пелистер освои бод во  во Лигата на шампионите, откако во вистинска драма во Битола успеа да анулира три гола негатива во самиот финиш и на крај да одигра реми против фаворизираниот Спортинг (24-24).

Досега битолчани има 17 порази во ЛШ.

The post Пелистер конечно не загуби во Лигата на шампионите appeared first on Република.

 Ракометарите на Еурофарм Пелистер вечер во Битола очекуваат да ги освојат првите бодови во европската Лига на шампионите.

Битолчани, во спортската сала „Боро Чурлевски“ го пречекуваат Спортинг од Лисабон, клуб со кој прв пат меѓународен натпревар одиграа во 2017 година во рамки на тогашниот ЕХФ Челинџ Куп, а вечер од 20:45 часот ќе се сретнат во рамки на четвртото коло на Лига на шампионите.

- Спортинг е клуб во голема форма, но ние играме пред својата публика и на домашен терен и ќе дадеме се од себе да ги освоиме првите бодови во европската Лига на шампионите. Португалците играат модерен ракомет со полуконтри, но со силна одбрана ќе го спречиме нивниот брз напад, изјави во пресрет на вечерашниот дуел со гостите од Португалија, ракометарот Цветан Кузманоски.

Во досегашните меѓусебни средби во различни европски натпреварувања Спортинг има подобар вкупен резултат од македонскиот шампион Еурофарм Пелистер.

The post Ќе победи ли конечно Пелистер во ЛШ? appeared first on Република.

Ракометарите на Вардар вечерва во СЦ „Јане Сандански“ го совладаа Еурофарм Пелистер со 27:24 (15:11 полувреме) во дербито на 4.коло на Суперлигата.

„Црвено-црните“ во текот на целиот натпревар ја имаа контролата на резултатот и не му дозволија на противникот да се понадева на нешто повеќе од пораз изразен со три разлика.

Ова е четврта победа во низа за Вардар на домашен терен против лутиот ривал од Битола.

Голманот Еспиња со девет одбрани, Марко Срдановиќ со осум гола и Гоце Георгиевски со пет реализации беа најдобрите во победничкиот тим.

Кај битолчани, Никола Митревски имаше 10 интервенции, Филип Кузмановски седум гола.

Сега Вардар и Еурофарм Пелистер имаат по еден пораз, додека лидер на табелата е Алкалоид со максимални четири победи.

The post Вардар го доби дербито со Еурофарм Пелистер appeared first on Република.

Македонскиот првак Еурофарм Пелистер загуби вечерва од француски ПСЖ на гостувањето во Париз со 31-29 (18-13), но и покрај поразот не разочара на стартот од новата сезона во Лигата на шампиони (ЛШ).

Францускиот тим во 41. минута имаше предност од највисоки плус осум голови разлика (25-17), но битолскиот тим предвреме не се предаде и го однесе натпреварот во неизвесна завршница во која на 19 секунди до крајот фаворизираниот домаќин имаше предност гол предност (30-29).

ПСЖ го реализираше последниот напад и преку Лук Стеинс стави точка на поразот на Еурофарм Пелистер, кој, сепак, со прикажаната игра, особено во завршните 19 минути, навести дека оваа сезона во ЛШ ќе биде многу поуспешна од ланската во која не забележа победа.

Најефикасен вечерва во редовите на македонскиот првак беше Филип Кузмановски со осум голови, а два помалку реализираа Жарко Пешевски и Нејц Цехте.

Битолскиот тим настапите во ЛШ ќе ги продолжи на 18 овој месец кога ќе го пречека германски Фуксе Берлин.

The post Maлку фалеше Пелистер да извлече нерешено со ПСЖ appeared first on Република.

Бранислав Ангеловски, тренерот на Еурофарм Пелистер пред денешниот дуел против ПСЖ на гостински терен во првото коло од групната фаза во Лигата на шампиони изјави дека француската екипа е еден од најсериозните кандидати за пласман на завршницата и дека кај неговиот тим има мотивација и желба за докажување.

-Гостуваме кај еден од најсериозните кандидати за место на завршниот турнир и фаворит за освојување на едно од првите две места во нашата група. ПСЖ е добро составена и селектирана од еден од најдобрите тренери во светот, Раул Гонзалез. Структурата остана иста, разликата на терен ја прави Лук Стеинс со играта во транзиција и нападот пред Шипжак, кој е еден од најдобрите кружни напаѓачи во светот. Наша обврска е да се претставиме во најдобро светло, колку е тоа можно во овој момент. Само така треба да ја гледаме нашата иднина во Лигата на шампионите. Еден ден и еден добар натпревар против ПСЖ, како минатата сезона, не може да гарантира дека повторно ќе одиграме добро. Но, мотивацијата ќе биде на наша страна, желни сме за докажување и сметам дека тоа ќе го покажеме, порача Ангеловски.

Левото крило на Пелистер, Богдан Радивојевиќ пред мечот против ПСЖ најави дека неговиот тим оди да се бори до крај против фаворитот.

-Се радуваме што повторно ќе играме со најдобрите екипи во светот и се надеваме на подобра сезона од претходната. Се надеваме и на некои бодови, посебно на домашен терен. Сите знаат каква екипа е ПСЖ. Сепак, не патуваме однапред да загубиме, ќе излеземе да се бориме, па што Господ ќе ни донесе. Од првата до последната минута мора да играме максимално. Минатата сезона на доста натпревари игравме добро, до крајот се броевме, но тоа не го наградивме со ниту еден бод. Искрено се надевам на поинаков биланс оваа година. Што се однесува до мене, може да играме и полошо, но да се наградиме со некои бодови. Спремаме, квалитетно и силно тренираме и верувам во успешна сезона, изјави Радивојевиќ.

Битолскиот состав втора година во низа ќе настапува во елитното натпреварување каде што ќе се обиде да го поправи впечатокот од минатата кога не освои ниту еден бод.

Натпреварот помеѓу ПСЖ и Еурофарм Пелистер се игра денеска во терминот од 20:45 часот.

The post Пелистер на мегдан со големиот ПСЖ appeared first on Република.

Македонскиот шампион Еурофарм Пелистер чека вајлд-карт за настап во Лигата на шампионите, потврдија денеска од Европската ракометна федерација (ЕХФ).

На 19. јуни раководството на ЕХФ ќе има состанок на кој ќе се разгледуваат барањата и конечната одлука ќе биде соопштена на 21. јуни.

Екипи кои ќе се борат за вајлд-карта за место во ЛШ се и Загреб, Фредериција, Бидасоа, Нант, Пик Сегед, Елверум, Кјелце, Порто, Динамо Букурешт, Кадетен Шафхаузен и Татран Прешов.

The post Eве кои екипи ќе му бидат конкуренција на Пелистет за вајлд карта appeared first on Република.

Со аплауз и спортски поздрав битолската публика и ракометари вечерва ја честитаа победата на данскиот ракометен шампион Алборг кој Еурофарм Пелистер го совлада со 33:28.

Македонкиот ракометен првак предводен од најдобриот играч и стрелец на натпреварот Филип Кузмановски кој постигна 9 голови, не успеа да направи изненадување на последниот натпревар пред домашната публика која и вечерва посакуваше успех во Лигата на европските ракометни шампиони.

Гостите од Данска рутинска стигнаа до победата особено по 20 минута од натпреварот кога се „одлепија“ со три голови разлика и предност која во првото полувреме изнесуваше 17:14 во корист на екипата предводена од Хансен. Во вториот дел немаше никава неизвесност, неколку поостри дуели и исклучувања во двете страни кои предизвикаа негодување кај публиката за што се чини виновни беа судиите од Словачка.

На крајот, гостите водството од седум голови разлика лесно го одржуваа, се до последната минута кога дуелот заврши со 33:28 за данскиот ракометен шампион Алборг.

The post Eурофарм Пелистер никако да победи во ЛШ appeared first on Република.

Ракометниот шампион на Македонија во машка конкуренција, Е. Пелистер ќе го пречека Пари Сен Жермен во првиот натпревар за 2024 година во ракометната Лига на шампионите.

По големата победа во дербито со Вардар, битолчани со голема самодоверба влегуваат во мечот против големиот фаворитот. Но, тренерот Бранче Ангеловски нагласува дека и тоа како има мотив за надигрување со ПСЖ кај секој поединец во клубот.

„Мечот ќе биде празник на ракометот во нашиот град. Доаѓа една од најдобрите екипи во Европа, со најдобрите ракометари и не можевме да посакаме подобар тајминг, по успехот на Франција на Европското првенство. Мило ми е што доаѓа еден Никола Карабатиќ во последната играчка сезона“ – вели стратегот на „пелистерци“, Ангеловски, притоа дополнувајќи:

„Секоја нова сезона во Лигата на шампионите е поинтересна и појака, а ПСЖ секогаш е еден од фаворитите за освојување на трофејот. Имаат одлична екипа, со брза транзиција, брза полуконтра и организиран брз центар. Имаат играчи од светска класа на сите позиции и ќе ми биде задоволство да се натпреваруваме со такви величини на играчи и тренер

The post Големиот ПСЖ доаѓа во Битола appeared first on Република.

Македонскиот ракометен шампион Еурофарм Пелистер и данскиот интернационалец Каспер Кисум постигнаа спогодба за раскин на соработката.

- Во новата 2024 година еден од хероите од сезоната 2022/23 ќе настапува за друг клуб. 31-годишниот лев и среден бек остави силна трага во дресот на нашиот клуб и има големи заслуги за освојувањето на титулата минатата сезона. Со неговата професионалност и неспорен квалитет клубот доби големи придобивки во неговиот едногодишен престој во Битола и вратите од нашиот клуб секогаш ќе бидат отворени за Каспер Кисум. РК Еурофарм Пелистер му посакува приватни и професионални успеси на Каспер Кисум, соопшти битолскиот клуб.

Во првиот дел од сезоната Кисум постигна 12 голови во Лигата на шампионите, а редовно го носеше зелено-белиот дрес и во Суперлигата

The post Уште еден Данец си оди од Еурофарм Пелистер appeared first on Република.

Ракометарите на Еурофарм Пелистер не успеаја да направат изненадување во шестото коло од европската Лига на шампионите и загубија со 24:21 од полски Келце.

Битолчани стартуваа лошо, во првите 17 минути постигнаа само два гола, а во 22 минута, гостите од Полска имаа и највисока предност од осум голови, или 11:3. Сепак првото полувреме заврши со 14:8, а во второто резултатската предност на гостите почна значително да се намалува.

Во периодот од 44 до 57 минута, водството на Келце беше само еден разлика (15:16/18:19/21:22), но тоа беа последните обиди на домашниот тим да приреди изненадување.

На крајот поискусниот гостински тим, предводен од Карачиќ, Душебаев и Олејченко кој постигна пет голови, ги освои бодовите во полната сала „Боро Чурлевски“ во Битола.

Дебито на Бранислав Ангеловски на тренерската клупа на Еурофарм Пелистер беше резултатски неуспешно

The post На Еурофарм не му оди ни со новиот тренер appeared first on Република.

Еурофарм Пелистер со 29-25 го доби денешното дерби против Вардар, но со тој резултат не ја анулира негативата со која се врати од Скопје на почетокот од сезоната кога црвено-црните славеа со 30-25.

Битолскиот тим водеше во текот на целиот натпревар, во текот на второто полувреме имаа предност и од девет голови разлика, но на крајот не успеаа да дојдат до посакуваниот резултат.

На две минути пред крајот Пелистер имаше предност од 28-21 и никој не се надеваше дека до крајот може да се случи чудо, но Вардар даде четири брзи гола, од кои последниот беше на Дарко Ѓукиќ пред звукот на сирената за крај. Конечниот резултат беше 29-25 за Пелистер.

Ненад Костески и Домен Тајник постигнаа по пет гола за победникот, кај Вардар по четири имаа Марко Срдановиќ, Милан Лазаревски и Ансер Родригез, кој се наметна како џокер. Калифа Гедбан имаше 12 одбрани, Мартин Томовски 11, од нив седум во вториот дел.

Сега и Вардар и Пелистер имаат по 21 бод по осум кола, но скопјани се подобри во меѓусебниот однос, а според пропозициите тоа ќе пресуди на крајот од оваа прелиминарна фаза во првенството, што значи Вардар би завршил прв и би пренел три бода, а Пелистер како втор – два.

 

View this post on Instagram

 

A post shared by РК Вардар 1961 (@rkvardar1961)

The post Еурофарм Пелистер победи, Вардар славеше во Битола appeared first on Република.

На иницијатива на Секцијата на спортски новинари која е дел од Здружението на новинарите на Македонија (ЗНМ), остро се реагира на вулгарното однесување на дел од навивачите на РК Еурофарм Пелистер кои со крајно навредлива парола се обидоа да го понижат и да се „пресметаат“ со коментатор од Македонската Телевизија.

Имено во текот на целиот меч во Битола меѓу Еурофарм Пелистер и Вардар на една од трибините група неодговорни навивачи имаше истакнато безобразен транспарент кој се однесува на колегата Југослав Костовски.

„Секцијата на спортските новинари при ЗНМ искажува револт кон навивачите, но и кон домаќинот на големото ракометно дерби РК Еурофарм Пелистер бидејќи раководството и луѓето задолжени за организација на мечот имаа вовед, две полувремиња, пауза и цели два часа да реагираат и да го отстранат транспарентот или тие што го промовираа на видно место, а тоа не го сторија.

Валканите пресметки на навивачите со новинарите и непостапувањето кон истите не се непознати во нашиот спорт, но сигурно не се начин на кој се градат големите европски спортски колективи. Со самиот факт што Еурофарм Пелистер е наш машки ракометен првак и учесник во групната фаза од Лигата на шампионите тоа ги става битолчани во ситуација да имаат обврска тоа да биде нивна траекторијата на развој што, пак, дефинитивно значи и коректен однос кон известувачите од натпреварите и на домашната и на меѓународна сцена“, велат од ЗНМ.

Натпреварот меѓу Еурофарм Пелистер и Вардар 1961 заврши со победа на домашниот тим (29-25), но вардарци го задржаа првото место поради победата на првиот меѓусебен меч сезонава во Скопје.

The post ЗНМ со осуда за паролата на „Чкембари“ за коментаторот на МТВ appeared first on Република.

Вардар го совлада Еурофарм Пелистер ( 30-25) во меч од домашното првенство. Вардар ја имаше инцијативата во целиот меч додека гостите како повеќе да мислеа на мечевите од Лигата на шампионите.

Најдобар поединец во Вардар беше голманот Томовски кој ја носеше екипата со одбрани кога се кршеше резултатот.
Едно е сигурно дека Столе Стоилов прераснува во голем тренер. 60 минути буквално не седна и сигурно се чуствуваше како и тој да е на теренот.

Во одлична атмосфера во "Јане Сандански" Вардарци беа водени од навивачите и потсетија на едни убави не така далечни времиња.

Недостасуваа Чкембарите кои од безбедносни причини не допатуваа во Скопје.

The post Томовски сам го победи Еурофарм Пелистер appeared first on Република.

Со натпреварот меѓу македонскиот ракометен шампион Еурофарм Пелистер и норвешкиот ракометен шампион Колштад, во Битола по 18 години пауза се враќа европската ракометна Лига на шампионите.

Последен пат битолчани во европската Лига на шампионите настапија во сезоната 2005-2006 година, кога Пелистер беше домаќин на Портланд Сан Антонио од Шпанија, Шафхаузен од Швајцарија и Загреб од Хрватска, а во оваа сезона ќе ги пречека шампионите на Германија, Франција, Полска.

За најдобрата публика и најракометниот град во Европа ќе оставиме срце на терен, ќе се претставиме во најдобро светло и нема да ги разочараме гледачите, изјави пред вечерашниот натпревар Александар Јовиќ, тренер на РК Еурофарм Пелистер.

Во пресрет на првото коло од ракометната Лига на шампионите клубот со поддршка на Општина Битола извршија комплетна реконструкција на спортската сала, реконструиран е паркингот кој сега раполага со 7.632 квадратни метри корисна површина и извршено е хортикултурно уредување на просторот.

Според архивата на клубот, РК Пелистер прв пат на европската сцена настапи во 1986 година кога како вицешампион на поранешна Југославија се сретна со Атлетико Мадрид.

Во купот на европските шампиони Пелистер прв пат настапи во 1993 година кога се сретна со Пивоварна Лашко во Цеље, а најголемите меѓународни успеси ги постигна во 1996 година како полуфиналист против Лемго и финалист во ракометниот Челинџ куп што го одигра во 2022 година против Скјерн.

The post По 18 години пауза во Битола се враќа европската ракометна Лига на шампионите appeared first on Република.

Со жрепка во седиштето на Европската ракометна федерација (ЕХФ) во Виена денеска е одреден составот на групите во Лигата на шампиони во која за прв пат во клупската историја ќе настапи Еурофарм Пелистер.

Жрепката го смести македонскиот првак во групата А заедно со Киелце, Кил, ПСЖ, ПИК Сегед, Алборг, Колштад и ППД Загреб.

Новата сезона 2023/24 во елитното ракометно европско клупско натпреварување стартува на 13/14 септември.

The post Teшка група: Пелистер против ПСЖ, Кил, Киелце… appeared first on Република.

Најдобрите македонски ракометни клубови, Еурофарм Пелистер и Вардар, во Битола приредија ракометен спектакл, а на крајот победата му припадна на домашниот Еурофарм Пелистер.

Со победата битолчани го презедоа лидерското место на табелата кое ги носи до шампионска титула по повеќе од една деценија. Пелистер сега има 36, додека Вардар 33 бодови.

Најдобри во домашниот тим беа голманот Лесјак и репрезентативецот Костески, додека кај гостите со својата бирбеност се истакна Стоилов.

The post Еурофарм Пелистер на чекор до титулата по една деценија, битолчани го совладаа Вардар appeared first on Република.