Еврокомесарот за соседска политика и проширување Оливер Вархеји денеска изјави дека целта е во октомври да се одржат меѓувладини конференции со Србија,Албанија и можеби Македонија.

- Со Србија, Албанија, а можеби и Македонија, нашата цел е во следниот месец да одржиме меѓувладини конференции, изјави Вархеји.

На конференцијата за Заедничката надворешна и безбедносна политика (ЗНБП) и Заедничката безбедносна и одбранбена политика (ЗБП) во Будимпешта, Вархеји додаде дека ЕУ треба да ги продолжи преговорите со Србија и да го отвори Кластерот 3, кој се однесува на конкурентност и инклузивен раст. Воедно тој ги повика Белград и Приштина да напредуваат во дијалогот кој се води под посредство на ЕУ.

- Белград и Приштина мора да го продолжат дијалогот за да напредуваат на патот кон ЕУ. Потребен е конструктивен пристап, а еднострани потези кои создаваат тензии мора да се избегнуваат, рече Вархеји

Во врска со резултатите од Европската комисија за политиката на проширување, Вархеји го посочи неодамна усвоениот План за раст за Западен Балкан, кој поставува основи за спроведување на побрза постепена интеграција, така што партнерите се подобро подготвени за процесот на пристапување

- Оваа понуда без преседан од дополнителни шест милијарди евра финансиска поддршка за Западен Балкан има за цел да го поттикне социо-економскиот развој и приближувањето на регионот на ЕУ и треба да ги обезбеди придобивките од членството уште пред пристапувањето. Во исто време промовира економска интеграција во регионот преку заеднички регионален пазар, потенцира Вархеји.

Тој нагласи дека вкупната финансиска поддршка на ЕУ за Западен Балкан до 2027 година ќе достигне „споредливо ниво на интензитет на помош“ како во сегашните кохезиони и структурни фондови на ЕУ, што значи 90 проценти од интензитетот на помошта до 2027 година.

Вархеји додаде дека Планот за раст треба да ги забрза реформските процеси во Западен Балкан и посочи дека сите партнери поднеле реформски агенди кои опишуваат како и кога ќе ги завршат реформите неопходни за влез во ЕУ.

Воедно, тој нагласи дека политиката на проширување стана главен приоритет на ЕУ и оцени дека денес поради геополитичката и безбедносната ситуација во Европа, проширувањето стана неизбежно бидејќи, како што нагласи, „нема мир , просперитет, безбедност во Европа без проширување“.

Тој рече и дека веќе не е прашање дали ќе има проширување, туку кога тоа ќе се случи и оцени дека колку побрзо тоа се случи, толку побрзо ќе се „вложи геополитичката инвестиција за зајакнување и консолидирање на темелите на нашиот долгорочен мир, стабилност, безбедност и просперитет.“ на целиот наш континент. Еврокомесарот вели дека проширувањето ќе остане на врвот на политичката агенда бидејќи, како што наведе, европскиот проект нема да биде завршен „без приклучување на нашите балкански пријатели и пријатели од Истокот“.

Комесарот на ЕУ за соседство и проширување изрази надеж и за понатамошни чекори за подобрување на односите ЕУ-Турција, велејќи дека Брисел сака „враќање на енергијата“ во билатералните врски со Турција.

- Ние сме активно ангажирани со Анкара за повторно да ги поттикнеме нашите билатерални односи, рече Вархеји во унгарската престолнина за време на Меѓупарламентарната конференција за заедничка надворешна и безбедносна политика и Заедничката безбедносна и одбранбена политика. .

„После пет години, штотуку имавме продуктивна размена со турскиот министер за надворешни работи (Хакан Фидан) на последниот состанок во Гимних на крајот на август“, истакна тој, изразувајќи надеж за понатамошни дијалози на високо ниво, постепено повторно ангажирање на Европската инвестициска банка и повторно започнување на дискусијата за мандатот за модернизирање на Царинската унија ЕУ-Турција

The post ЕУ најавува дека во октомври ќе има меѓувладини конференции со Албанија, Србија и можеби со Македонија appeared first on Република.

За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.

Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.

„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.

Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.

„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.

Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.

Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.

The post Сијарто: Фокусот на унгарското претседателство со ЕУ ќе биде проширувањето на Унијата на Западен Балкан appeared first on Република.

Министерот за надворешни работи во техничката Влада, Бујар Османи денеска ќе престојува во работна посета на Италија, каде што ќе учествува на средбата на шефовите на дипломатиите на земјите од Западен Балкан и министрите за надворешни работи на државите од Групата „Пријатели на Западен Балкан”, на покана на министерот за надворешни работи на Италија, Антонио Тајани.

На состанокот, Османи ќе се обрати на работната сесија на тема „Заедничка работа за забрзување на евро-интегративниот процес за Западен Балкан".

Како што соопшти МНР, во рамки на посетата, Османи ќе има средба и со новите носители на МКарта во Италија

The post Италија ги собира министрите за надворешни работи од Западниот Балкан appeared first on Република.

Грчката поддршка за ЕУ перспективата на Западен Балкан, ја повтори заменик-министерката за надворешни работи на Грција Александра Пападопулу, говорејќи на конференцијата „Циклус идеи“ и истакна дека Европа не смее да дозволи да има црна дупка, ниту пак интеграцијата на Украина и Молдавија да биде на товар на земјите од регионот, јави дописничката на МИА од Атина.

За Грција европската интеграција на Балканот е црвена линија. Јасно е дека ја поддржуваме европската перспектива и на Украина и на Молдавија, за тоа не се покренува прашање, но не да биде на товар на Западен Балкан, кој може не го достигна посакуваното ниво на интеграција со неопходните реформи, но и покрај тоа се обидува веќе 20 години, истакна Пападопулу.

Додаде дека проширувањето е прашање за тоа што и колку има направено секоја од земјите, која се оценува според постигнувањата, но за Атина регионот треба да оди напред.

Грција не може да прифати дека овие земји ќе останат назад, не може Европа да има црна дупка и ние не можеме да замижеме пред ова, потенцираше заменичката МНР.

Посочи дека Грција помина различни фази во врска со Балканот, дека беше многу активна, потоа поради економската криза се повлече од практични причини, а сега одново е во игра.

The post За Грција интеграцијата на Украина и Молдавија во ЕУ не смее да биде на товар на Западен Балкан appeared first on Република.

Посетата на претседателката на Европската комисија, Урсула фон дер Лајен на земјите од Западен Балкан е јасен показател за големата важност што ЕУ му го придава на процесот на проширување, изјави денеска портпаролката на ЕК за соседска политика и проширување Ана Писонеро.

- Проширувањето, пред се со државите од Западниот Балкан, е еден од главните приоритети на Европската комисија од почетокот на нејзиниот мандат, истакна Писонеро.

Таа, како што јави дописникот на МИА од Брисел, нагласи дека во контекст на проширувањето е и новиот План за раст на Западен Балкан на Европската комисија, за кој Фон дер Лајен говореше при нејзините посети на земјите од регионот изминативе два дена.

- Планот во основа треба да го забрза нивното економско поврзување со Европската Унија и да ги донесе поблиску до единствениот европски пазар, со што тие ќе имаат придобивки уште пред зачленувањето, додаде Писонеро.

Таа истакна и дека Европската комисија работи на извештаите за напредокот на земјите кандидати за членство во ЕУ, додавајќи дека тие се ставени за разгледување на дневниот ред на заседанието на Колеџот на комесари на 8 ноември, па ќе бидат објавени по нивното усвојување.

Во однос на дијалогот меѓу Србија и Косово, Писонеро само кусо одговори дека Европската Унија целосно ги поддржува напорите што ги преземаат високиот претставник на ЕУ за надворешна политика и безбедност Жозеп Борел и специјален претставник на Унијата за дијалогот Белград-Приштина и други регионални прашања од Западниот Балкан, Мирослав Лајчак

The post За ЕУ проширувањето со земјите од Западен Балкан било приоритет appeared first on Република.

На Самитот за Западен Балкан – Европска Унија  што се одржува денеска во Тирана телекомуникациските оператори од земјите од ЕУ и ЗБ  потпишаа Договор со кој ќе се овозможи намалување на цените за роаминг меѓу ЕУ и регионот од следната година.

Со Договорот се отвора патот за почеток на процесот за укинување на тарифата за роаминг меѓу земјите од Европската Унија и Западен Балкан.  По долги преговорите  Европската комисија и Регионалниот совет за соработка (РСС), предводени од генералниот секретар Мајлинда Брегу постигнаа договор со мобилните телефонски оператори во Европа и на Балканот за намалување на роаминг тарифите.

Потпишувањето на Декларацијата за роаминг ќе гарантира значително намалување на трошоците за роаминг од 1 октомври 2023 година. Тарифите блиски до националните нивоа на цени се планира да се постигнат до 2027 година.

Операционализацијата на Декларацијата треба да овозможи намалување на оперативните трошоци на бизнисмените, да го поттикне бизнисот надвор од матичните граници и да даде дополнителен поттик на туризмот во регионот на Западен Балкан.

По стапувањето во сила на регионалниот договор за намалување на цените на роаминг, со кој беше укинат роамингот во Западен Балкан од јули 2021 година, Советот за регионална соработка, во соработка со Европската комисија, операторите од Европската унија и од Западен Балкан, како и со властите од регионот, работеа на намалување на цените на роаминг меѓу ЕУ и регионот.

На 1 јули минатата година се укина роамингот за телефонски разговори, СМС пораки и интернет меѓу Македонија, Србија, Црна Гора, Албанија, Косово и Босна и Херцеговина. Со тоа се заокружи примената на Договорот од Вториот дигитален самит од 2019 година меѓу шесте држави од Западен Балкан.

Владината делегација на Самитот од државава, ја предводи премиерот  Димитар Ковачевски, а учествиават и вицепремиерот задолжен за европски прашања Бојан Маричиќ и министерот за надворешни работи Бујар Османи.вт/лв/

The post Од 1 октомври 2023 поевтин роаминг со ЕУ, до 2027 ќе се укине appeared first on Република.

Официјални претставници на Западен Балкан и на Европската унија во Берлин договорија мерки за спречување на илегалната миграција на „балканската рута“, од кои најважни се усогласувањето на визната политика на западнобалканската шесторка со стандардите на ЕУ и сузбивањето на шверц на луѓе, соопшти германското МВР.

На состанокот на министрите за внатрешни работи како дел од берлинскиот процес, постигнат е договор синоќа за ефикасна заштита на границите со поддршка на европската агенција Фронтекс и за процедури за враќање на бегалците кои немаат правна основа за престој во ЕУ во нивните матични земји.

Министрите и официјалните лица се собраа во Берлин на покана на германската министерка за внатрешни работи, Ненси Фесер, за да разговараат за сузбивањето на илегалната миграција преку балканската рута и борбата против организираниот криминал.

Европа има заедничка одговорност да го запре нелегалниот влез за да можеме да продолжиме да им помагаме на луѓето на кои итно им е потребна нашата поддршка“, рече Фесер.

Сакаме да ги заштитиме луѓето кои доаѓаат кај нас поради војни и политички прогон. Остануваме доследни на нашата хуманитарна одговорност“, рече Фезер. Истовремено, како што рече, европските партнери се решени да ја спречат илегалната миграција.

Таа додаде дека на средбата, заедно со договорот за миграцијата, е постигнат договор сите европски партнери да сакаат дополнително да ја интензивираат соработката со сите земји од Западен Балкан во борбата против корупцијата и организираниот криминал.

Тоа ќе ја подобри безбедносната ситуација не само таму, туку и во ЕУ и пошироко“, рече Фесер.

На средбата во Берлин беа поканети министри за внатрешни работи или други релевантни претставници на Австрија, Бугарија, Франција, Грција, Хрватска, Италија, Полска, Словенија, Чешка и Велика Британија, како и претставници на Западен Балкан – Албанија, Босна и Херцеговина, Црна Гора, Косово, Македонија и Србија.

Учествуваа претставници на Европската Унија, меѓу кои и комесарката за внатрешни работи Илва Јохансон, како и претставници на меѓународни организации.

Берлински процес е формат на годишни состаноци што германската влада, во времето на канцеларката Ангела Меркел, ги иницираше во 2014 година кога во Берлин се одржа Конференцијата за Западен Балкан. Целта на процесот е да се забрза соработката со шесте земји од Западен Балкан и интеграцијата на тој регион во ЕУ.

The post Претставниците на Западен Балкан постигнаа договор во Берлин за усогласување на визниот режим со ЕУ appeared first on Република.

Претседателот на Република Србија, Александар Вучиќ, претседателот на Владата на Република Македонија, Димитар Ковачевски и премиерот на Република Албанија, Еди Рама, ќе присуствуваат на отворањето на Првиот меѓународен саем за вино Винска визија на Отворен Балкан во четврток, 1 септември 2022 година, на Белградскиот саем, соопштија од кабинетот на српскиот претседател, јави дописникот на МИА од Белград.

Саемот се одржува под покровителство на владите на Република Србија, Република Македонија и Република Албанија, во рамките на иницијативата Отворен Балкан.

И српската влада соопшти дека официјалната церемонија на отворањето на Првиот меѓународен саем за вино Винска визија на Отворен Балкан ќе се одржи во четврток, 1 септември 2022 година, во 13 часот на Белградскиот саем, во Хала 1.

Како што претходно пишуваше МИА, на манифестацијата своето присуство го најaви и црногорскиот премиер Дритан Абазовиќ, а српскиот претседател соопшти дека се очекуваат и министрите за надворешни работи на Унгарија и Турција.

На 2 септември предвиден е политичкиот дел од Иницијативата Отворен Балкан, а вечерта премиерот Димитар Ковачевски ќе приреди Македонска вечер, т.е Културен настан со дегустација на вкусни македонски вина и храна, придружени со музиката на виртуозот Влатко Стефановски.

Денес Министерката за трговија, туризам и телекомуникации, Татјана Матиќ за РТС изјави дека „Винска визија на Отворениот Балкан“ е еден од првите заеднички чекори во конкретизирањето на идеите и стратегијата на Отворениот Балкан.

-Заедно сме посилни, преку иницијативата Отворен Балкан можеме да постигнеме многу повеќе, особено во вакви тешки, економски предизвикувачки времиња во кои живееме и кои не очекуваат. Така, дури и кога зборуваме за вински туризам и за нов туристички производ што го сакаме да го формираме преку иницијативата Отворен Балкан, мислам дека пред нас се големи перспективи и оваа иницијатива ќе го покаже тоа, кажа Матиќ.

Ова не е само туристичка трговска порака, додаде таа, ова е важна политичка порака особено во овие тешки времиња и оваа иницијатива уште еднаш докажува колку е значајна, колку е важна за регионот.

Министерката истакна дека на саемот, покрај виното и гастрономијата е важен сегмент и додаде дека ќе се промовираат и културното наследство, активниот туризам, природата и градските одмори.

-Бидејќи тоа е уште една туристичка вредност што сакаме да ја промовираме и која е заедничка за сите земји во рамките на иницијативата Отворен Балкан. Покрај тоа, заедно со нашите колеги од Македонија и Албанија, се договоривме дека покрај виното туризмот и гастрономијата што сакаме да ги промовираме, се разбира, сакаме да го промовираме и нашето културно наследство, активниот туризам, природата, градските одмори. Едноставно сакаме заедно да одиме на поголемите пазари, рече министерката Матиќ.

The post Вучиќ, Рама и Ковачевски во четврток ќе промовираат вино од „Отворен Балкан“ appeared first on Република.

Премиерот на Македонија, Димитар Ковачевски, неговиот албански колега Еди Рама и претседателот на Србија Александар Вучиќ ќе одат во Брисел и ќе учествуваат на самитот Европска Унија – Западен Балкан.

Албанскиот премиер Рама на Твитер објави дека по меѓусебни консултации, тројцата лидери на земјите вклучени во Отворен Балкан, сепак, одлучиле да заминат за Брисел.

Ќе присуствуваме на состанокот на Советот на ЕУ. Нема да има многу што да се слушне за нас, но ќе бараме да бидеме слушнати за идејата за Нова европска политичка заедница која ја поддржуваме, за Отворен Балкан кој го промовира духот на Европа и за нашето киднапирање од Бугарија што сето тоа го уништува. Само што слушнав дека нешто денеска се придвижува во Бугарија. Прерано е за оптимизам и премалку за промена на делот од утрешниот говор каде Бугарија ќе биде критикувана како земја која киднапирала две земји од НАТО додека има жешка војна на европската граница!, наведува Рама.

Ковачевски, Вучиќ, Рама и нивните колеги од другите земји од Западен Балкан се повикани во Брисел на средба со челниците од ЕУ, што треба да се одржи в четврток, пред јунскиот самит на Европскиот совет на кој ќе се разговара за проширувањето на Унијата.

The post Се предомислија, сепак ќе одат во Брисел: Ковачевски, Вучиќ и Рама ќе присуствуваат на самитот ЕУ – Западен балкан appeared first on Република.

Претседателот на Европскиот совет Шарл Мишел кој денеска се сретна со претседателот Мило Ѓукановиќ во Подгорица, рече дека ова е важен момент за европската иднина на Западен Балкан и оти регионот е стратешки приоритет на ЕУ, сега повеќе од кога било.

„ЕУ беше обединета во воведувањето санкции кон Русија, а притисокот го обезбедува континуитетот на шест пакети санкции“, рече Мишел на заедничката прес-конференција со Ѓукановиќ, велејќи дека Западен Балкан е стратешки приоритет за ЕУ. повеќе од кога било.

„Црна Гора е мошне постојан партнер за ЕУ повеќе од една деценија и вашата земја има рекорд од стопроцентно усогласување со политиката на ЕУ“, рече Мишел.

Ѓукановиќ изјави дека посетата на Мишел на Црна Гора укажува на посветеноста на Европската унија за европеизација на Западен Балкан.

Тој рече дека со Мишел разговарал за ситуацијата во регионот.

„Повторив дека стабилноста на Западен Балкан е еднаква на интеграција. За жал, констатиравме дека во Црна Гора има забавување на интегративните процеси“, изјави Ѓукановиќ, пренесуваат подгоричките медиуми.

Тој наведе и дека во тој период имало земји кои дејствувале надвор од интеграциската позиција, а како предупредување пристигнала руската агресија врз Украина која, како што рече, укажала на потребата од евроинтеграции.

The post Мишел: Западен Балкан приоритет за ЕУ, сега повеќе од било кога appeared first on Република.

„Членството на Западен Балкан во ЕУ е геополитичка инвестиција во светскиот мир и стабилност“, изјавил црногорскиот претседател Мило Ѓукановиќ по денешната средба со претседателот на Европскиот совет, Шарл Мишел, кој е во официјална посета на Црна Гора.

„Имаше одредено забавување во реализацијата на целите за проширување на Западен Балкан“, изјавил црногорскиот претседател.

„Тој простор го користеа земји од антиевропската платформа. Пристигна руската агресија против Украина, што е агресија против европската безбедност. Предупредувањето од Украина укажа на потребата од жива динамика на ЕУ кон Западен Балкан. Наше е правилно да го разбереме тој коментар. Да се ​​раскаже економскиот потенцијал. Црна Гора има посебна шанса и задача, особено затоа што се придвижи најдалеку кон ЕУ. Наше е да ги реализираме приоритетите, владеењето на правото, ефикасноста на судството. Да им понудиме аргументи на европските партнери да се залагаат за пристапување на Црна Гора во ЕУ што е можно поскоро“.

Мишел истакнал дека ЕУ планира да продолжи со силна поддршка за Црна Гора. „Сега е време да се забрза интеграцијата во ЕУ со работа со сите институции во Црна Гора. Следен чекор е исполнување на сите критериуми во владеењето на правото.

Ние стоиме покрај вашата земја и регион. Обезбедуваме долгорочна и краткорочна поддршка, а за тоа е и фондот за Балканот вреден 30 милијарди евра. Благодарни сме за богатата размена на мислења“, нагласил Мишел.

Одговарајќи на прашањето колку е реално Црна Гора да биде следната членка на ЕУ, Мишел посочил дека смета дека во Црна Гора навистина има голем напредок.

„Верувам дека ќе биде постигнат дополнителен напредок во наредните недели. Нашиот пристап е на заслуги. Доколку има политичка волја и реформи, тоа може да биде голем сигнал за односот на ЕУ кон земјите од Западен Балкан“, рекол претседателот на Европскиот совет.

Зборувајќи за „Отворениот Балкан“, тој кажал дека Европската Унија ги поддржува оние иницијативи кои поттикнуваат соработка.

„Важно е да има инклузивен процес. Овој процес може да биде оперативен. Мора да ги поттикнеме сите напори за поддршка на економскиот развој. Повеќе економска соработка може да биде добар чекор, но ние ги почитуваме одлуките на секоја земја поединечно. „Разбирам дека ова е инклузивен процес“, додал Мишел.

The post Ѓукановиќ: Членството во ЕУ е геополитичка инвестиција во светскиот мир appeared first on Република.

Најавената Конференција за Западен Балкан на француското претседателство ќе се одржи на 23 јуни со лидерите од регионот и од ЕУ, јави дописничката на МИА од Брисел.

Француското претседателство од самиот почеток најавуваше дека ќе организира посебен настан со шесте земји од регионот. Денеска Европскиот Совет потврди дека оваа конференција ќе се одржи на 23 јуни непосредно пред редовниот јунски ЕУ лидерски самит.

Лидерите од шесте земји ќе бидат поканети на 23 јуни наутро да учествуваат на овој заеднички настан со лидерите на ЕУ, кои подоцна истиот ден ќе го отпочнат редовниот јунски самит.

Во овој момент не е извесно дали сите лидери на Европската Унија ќе бидат присутни на состанокот со нивните колеги од Западен Балкан.

The post Конференцијата ЕУ-Западен Балкан ќе се одржи на 23 јуни во Брисел appeared first on Република.

Во Брисел велат дека се благодарни на земјите од Западен Балкан кои ги поддржаа санкциите на ЕУ кон Русија, но не наведуваат дека планираат компензација на средства за штетите што тие земји би можеле да ги претрпат поради ова усогласување со мерките на ЕУ, дознава „Политика“

На прашањето на македонските медиуми дали ЕУ на некој начин ќе им помогне на земјите од регионот со новите распределби поради кризата во Украина, а особено на оние чии економии може да загубат поради приклучувањето кон санкциите на ЕУ, од Брисел велат дека ЕУ ќе продолжи да работи заедно со Западен Балкан.ја поддржува.

Од Европската комисија соопштија дека шефот на дипломатијата на ЕУ, Јосеф Борел, деновиве е во посета на Македонија и Албанија, каде изрази благодарност за нивната 100% усогласеност со надворешната и безбедносната политика на ЕУ, вклучително и санкциите против Русија.

Високиот претставник изрази благодарност и ја презентираше поддршката што ќе им ја дадеме на овие земји во контекст на конфликтот во Украина. ЕУ веќе има значајна инвестициска програма за Западен Балкан, која беше формирана пред инвазијата на Украина. Тоа се парите што ЕУ ги инвестира во овој регион, а тука е и поддршката што ја даваме за време на пандемијата. ЕУ стои до земјите од Западен Балкан и оваа посета е уште еден доказ за тоа, велат во Комисијата.

The post Oд ЕУ само благодарност: Брисел не планира помош за земјите од регионот кои ги поддржаа санкциите кон Русија како компензација за штетата appeared first on Република.

По одлуката да се разгледаат кандидатурите за членство во ЕУ на Украина, Грузија и Молдавија, дипломатите во ЕУ инсистираат дека тоа ништо не менува за процесот на земјите на Западниот Балкан, јавува дописничката на МИА од Брисел.

Вчера амбасадорите на 27-те земји членки на ЕУ едногласно донесоа одлука да побараат од Европската Комисија да ги разгледа барањата на Украина, Грузија и Молдавија за зачленување во европскиот сојуз.

Три различни дипломатски извори за МИА потврдија дека за време на состанокот неколку амбасадори на земји членки го отвориле прашањето за земјите од Западниот Балкан, кои со години се заглавени во процесот на проширување без голем напредок кон полноправно членство.

-Да, стана збор за Западниот Балкан на состанокот за да се каже дека е јасно дека оваа одлука ништо не менува за европската перспектива за Западниот Балкан и за процесите во тек или под дискусија со Балканот, рече за МИА висок дипломатски извор од голема земја членка на ЕУ по вчерашниот амбасадорски состанок.

Процесот на зачленување за Украина, Грузија и Молдавија, доколку оди по редовен пат како што е за Македонија и другите, би можел да трае многу долго, велат дипломатите, со оглед на тоа дека основните политички и економски реформи во овие земји се сѐ уште далеку од стандардите на ЕУ. Се поставуваат и други политички прашања околу овие земји, освен фактот што Украина е во војна, а тоа дека сите три држави има сецесионистички територии – Транснистрија во Молдавија и Абхазија и Осетија за Грузија.

Во овој момент од институциите на ЕУ не појаснуваат која ќе биде процедурата за произведување на мислење на Европската Комисија за апликациите на овие три источни земји, се чека прво дискусијата на шефовите на држави и влади на ЕУ во петок во Франција на оваа тема.

Некои земји членки, главно источноевропските, бараат забрзана процедура за Украина, Грузија и Молдавија, предлог за кој кочат традиционално воздржаните земји кон проширувањето, како Холандија или Франција.

The post ЕУ дипломати: Одлуката за кандидатурата на Украина не менува ништо за Западниот Балкан appeared first on Република.