Британскиот тенисер Енди Мареј не е сигурен дека ќе може да учествува на Олимписките игри во Париз со оглед на неговата моментална форма.

Триесет и седум-годишниот Мареј не ја исклучува можноста да се повлече од тенисот по Вимблдон.

- Морам да видам што ќе се случи со Олимпијадата. Сè уште не сум 100 проценти сигурен каква е ситуацијата во двојките и дали ќе играм или не, ако само одам во сингл. Не знам. Моето тело не се чувствуваше добро на земјена подлога во последниот месец. Имав многу проблеми со грбот, па не знам дали би излегол во сингл, изјави тој за „Дејли Експрес“.

Британецот синоќа загуби од Американецот Маркос Широн во првото коло на турнирот на трева во Штутгарт (Германија).

Мареј е трикратен Гренд слем шампион. Тој е единствениот двократен олимписки шампион во сингл кај мажите во историјата. Исто така, на Олимписките игри во Лондон 2012 година, тој освои сребрен медал во мешани двојки заедно со Лора Робсон.

Олимпискиот тениски турнир ќе се одржи на терените на „Ролан Гарос“ од 27 јули до 4 август.

The post Мареј не е сигурен дали ќе учествува на Олимпијадата appeared first on Република.

Шкотскиот тенисер Енди Мареј (36) ќе ги пропушти Мастерсот во Монте Карло и Отвореното првенство во Минхен следниот месец бидејќи се закрепнува од тешката повреда на зглобот на Мајами Опен, објави денеска неговиот тим.

Мареј го повреди зглобот во решавачкиот сет на мечот против Чехот Томаш Мачац, кој на крајот победи со 5-7 7-5 7-6(5) и тогаш изјави дека ќе биде надвор од теренот „долго време“.

„По консултација со својот тим и медицинските експерти, Енди Мареј донесе одлука да ги пропушти Мастерсот Ролекс Монте Карло и БМВ Опен Минхен, се вели во соопштението на неговиот тим.

Засега не е познато колку долго Мареј ќе паузира.

Поранешниот светски рекет број еден и трикратен грен – слем шампион претходно изјави дека не планира „да игра долго летово“, но се надева дека ќе се натпреварува на својата втора Олимпијада.

The post Нозете не го држат: Мареј пропушта два важни турнири appeared first on Република.

Британскиот тенисер Енди Мареј би сакал да се играат Мастерс турнири во Јужна Америка.

- Непопуларно мислење. Јужна Америка заслужува свој дел од тениската сезона со своја серија на турнири и Мастерс. Поддршката од навивачите на овие турнири е неверојатна. Неверојатна атмосфера и очигледно дел од нивната спортска култура. Вамос, АТП! – напиша трикратниот Грен слем шампион.

АТП Мастерс 1000 е серија од девет тениски турнири кои се играат во текот на годината во Европа, Северна Америка и Азија.

Серијата ги вклучува најпрестижните тениски турнири во машка конкуренција по четирите Гренд слем турнири и АТП завршниот Мастерс.

The post Мареј: Јужна Америка заслужува свои Мастерси appeared first on Република.

 Британскиот тенисер Енди Мареј ги нарече неверојатно тешки конфронтациите со Србинот Новак Ѓоковиќ во финалето на турнирот.

Мареј и Ѓоковиќ играа еден против друг 36 пати, а повеќето од овие натпревари беа финалиња или во последните фази на турнирите.

- Очигледно, да се игра против него во финалиња е неверојатно тешко. Играв многу финалиња со него и ми беше многу тешко. Но, мислам дека со тоа што го постигна во последните 5-6 години, уште потешко им е на некои од помладите играчи кои штотуку почнуваат да играат финалиња на Мастерс или Грен слем. Новак е на другата страна, бидејќи веќе има освоено 24 Грен слема и 98 титули. Не е лесно кога имаш мало искуство во овие ситуации и стоиш спроти тип кој толку многу освоил. Навистина е тешко, изјави Мареј за „Tennis World USA“.

The post Мареј искрен: Тешко е да се играат финалиња против Ѓоковиќ appeared first on Република.

Британскиот тенисер Енди Мареј изјави дека нема да се откаже и покрај неуспешниот почеток на сезоната 2024 година.

- Најлесната опција за мене би била да се пензионирам, но продолжувам затоа што го сакам тенисот и сакам да тренирам. Несомнено е тешко да се натпреваруваш во моментов. Но, ова што се случува сега не влијае на мојата кариера. Ниту една серија на загубени натпревари нема да го промени она што го постигнав кога бев во добра форма, кога двата колкови ми беа во ред. Но, кога не можете да победите, ја губите и самодовербата, изјави Мареј за „Sportskeeda“.

Триесет и шестгодишниот Британец вчера загуби од Чехот Томаш Мачац во два сета во мечот од првото коло на турнирот во Марсеј (5:7, 4:6). Постави личен негативен рекорд по порази, губејќи во шестата средба по ред.

Претходно, на Грен слемот Австралија опен, Мареј во првото коло беше поразен од Аргентинецот Томас Мартин Ечевер

The post Mареј никако да се врати во форма, но не сака да се пензионира appeared first on Република.

Британскиот тенисер Енди Мареј долго време не сакал да зборува со јавноста за траумите од детството кога го преживеа масакрот во училиште слично на вчерашното во Белград.

Тоа се случило на 13 март 1996 година во Данблан, кога 43-годишниот Томас Хамилтон влетал во училиштето и почнал да пука. Убил 16 деца на пет и шест години и една учителка . На крајот и самиот си пресудил.

Енди Мареј имал девет години и беше во соседната училница додека се одвиваше масакрот.

„Тенисот е многу важен во мојот живот поради таа траума од Данблан. Сигурен сум дека беше тешко за сите деца, од различни причини. Го знаевме тој човек, кога отидовме во детскиот клуб, тој беше со нас на автобусот“, рече Мареј.

The post „Го познавав тој човек“: Eнди Мареј преживеал масакр сличен на оној во Белград appeared first on Република.

Британецот Енди Мареј и американската тенисерка Софија Кенин ќе добијат специјални покани за учество на турнирот во Индијан Велс, САД.

Мареј е финалист на турнирот во Индијан Велс од 2009 година. Тој во моментов е на 84.место во поредокот на АТП листата и не успеа да влезе во квалификациите.

Кенин која е 89. На ВТА ранг-листата, во тековната сезона има две победи во седум меча.

Мастерсот 1 000 во Индијан Велс ќе се игра од 7 до 20 март.

The post Се сеќавате на Мареј: Некогаш беше рекет број 1, а сега игра со специјални покани appeared first on Република.

Трикратниот грен слем шампион Енди Мареј со разочарување го прими поразот од Таро Даниел (Јапонија) во второто коло на Австралија Опен (4:6, 4:6, 4:6).

– Оваа година е многу важна за мене од повеќе причини и сакам да се претставам добро на големите турнири. Денешниот резултат не е доволен. Елиминацијата во второто коло на Грен слем турнирите не мотивира. Сакам да постигнам повеќе. Физички, денес бев во ред, добро се одморив по последниот меч кој траеше четири часа. Во таа смисла бев сосема задоволен со оглед на ситуацијата. Јас сум крајно разочаран, истакна Мареј.

Британецот проговори и за започнување на новата сезона со нов рекет.

– Тоа не го оправдува денешниот пораз, но неколку месеци морам да го земам тоа предвид при моите настапи. Сите со кои сум разговарал за менување рекети велат дека е потребно време за да се изгради самодоверба, па морам да го имам тоа на ум. Менувате рекети за да ги подобрите вашите резултати и, се разбира, да постигнете повеќе на големите турнири, а оваа недела тоа не се случи. Ме прави тажен.

Во февруари планира да настапи во Доха и Дубаи, но засега ќе се врати дома.

– Кога знаеш дека имаш четири деца, заминувањето од дома е многу потешко отколку кога си во 20-тите години, но јас сепак сакам турнири. Можам правилно да се фокусирам на тенисот. Сега можам да си одам дома и да поминам малку време со моето семејство. Малку се разболеа во текот на неделата. Се разбира, во таква ситуација сакам да бидам таму и да помогнам, нагласи Мареј.

The post Испадна миленикот на Австралијанците Енди Мареј appeared first on Република.