Македонија во големото финале на Ѕвездите на Гранд ја претставуваа Андријана Петрушовска од Скопје, Мелиса Зијадиќ од Лажани и Мики Секуловски од Велес.

Сите тројца истуркаа цели 13 круга борба и успеаја да се издвојат меѓу најдобрите.

Сите тројца ја претставија Македонија во најдобро светло, а за тоа е и доказ пласманот на второто и третото место на двајца од нашите натпреварувачи. Мики го освои второто со 102.103 гласа, а Андријана третото место со 71.187 гласа.

The post Ечеше македонската песна: Мики Секуловски втор, Андријана Петрушовска трета во Ѕвездите на Гранд appeared first on Република.

На ситно се одбројуваат деновите до големото финале на регионалното музичко натпреварување „Ѕвездите на Гранд“.

Во финалето е и нашата Андријана Петрушовска:

https://republika.mk/scena/muzika/ke-pobedi-li-makedonka-godinava-nashata-andrijana-petrushovska-se-plasirashe-vo-finaleto-na-zvezdite-na-grand/

А, продуцентот Саша Поповиќ веќе ја подготвува новата сезона, па на аудицијата во Скопје ексклузивно откри детали за тоа како ќе изгледа таа.

Секоја сезона е уникатна и поразлична од останатите. Оваа сезона која наскоро ќе ја крунисаме со финале буквално беше една од најдобрите, односно најдобра. Следната сигурно ќе биде уште повозбудлива. Откако ќе ги завршам сита аудиции ги носам новите одлуки врз основа на квалитетот на натпреварувачите. Ќе видиме дали ќе има завеса или некој нов новитет. Едно знам ќе биде тешко да се изберат 96 кандидати кои ќе ја познат борбата, рече тој.

Меѓу другото Поповиќ потсети дека и оваа година одлуката кој ќе ја понесе победата ќе ја имаат гледачите, односно нивните гласови.

The post Во Скопје Саша Поповиќ откри дека новата сезона ќе има нови правила appeared first on Република.

Младата и популарна пејачка Андријана Петрушовска во саботата уште еднаш докажа и покажа зошто е една од најсериозните кандидати за победа во големото музичко талент шоу „Ѕвездите на Гранд" оваа сезона.

Нашата Андријана ги освои сите гласови во полуфиналето и со тоа обезбеди директен пласман за во финалната вечер која ќе се одржи во сабота на 8 јуни.

Таа доминираше на сцената и со своите интерпретации ја воодушеви стручната жирикомисија на чело со директорот на продукција „Гранд“, Саша Поповиќ.

Веднаш по завршувањето на полуфиналната вечер, Андријана објави фотографии со своите родители и напиша емотивни зборови за нив.

 

View this post on Instagram

 

A post shared by Andrijana Petrusovska (@andrijanapetrushovska)

Сабота на 8-ми јуни да ја поддржиме нашата Андријана и да се радуваме на уште една победа на Македонец во „Ѕвездите на Гранд".

Погледнете го нејзиниот настап во полуфиналата вечер, кој почнува од 56:06:

https://m.youtube.com/watch?v=DKFWbqiSPpo&pp=ygUNenZlemRlIGdyYW5kYQ%3D%3D#bottom-sheet

The post Ќе победи ли Македонка годинава? Нашата Андријана Петрушовска се пласираше во финалето на „Ѕвездите на Гранд“ appeared first on Република.

Полека се ближи финалето на регионалното музичко шоу „Ѕвездите на Гранд“, а како во минатата, така и во оваа сезона, Македонија ќе има одличен претставник, а богами и сериозен фаворит за едно од првите три места.

Станува збор за атрактивната пејачка Андријана Петрушовска, која во саботата обезбеди пласман во четврт-финалето на ова музичко шоу.

Петрушовска овојпат малку се помачи, па пласманот понатаму го обезбеди преку бараж, но она што предизвика расправии помеѓу жири-комисијата, е токму нејзиниот настап.

Имено, во дуелот со својата противкандидатка, нашата Андријана на крајот доби помалку гласови, а тоа беше причина за кавга помеѓу Ана Бекута, Драган Стојковиќ - Босанац и Мили на една страна, а Цеца Ражнатовиќ, Вики Миљковиќ, Снежана Ѓурушиќ и Ѓорѓе од другата страна...

Поради непријатната ситуација на сцената која траеше неколку минути, на моменти можеа да се видат и солзи во очите на нашата Андријана.

Но, најважно од се е тоа што Петрушовска обезбеди пласман понатаму.

Инаку Андријана полека, но сигурно станува една од најбараните пејачки кога се во прашање живите настапи, а доказ за тоа е многубројната публика секаде каде таа настапува со својот бенд.

Погледнете ја расправијата помеѓу жири-комисијата:

The post Андријана со солзи во очите откако жирикомисијата во „Ѕвездите на Гранд“ се испокара поради неа appeared first on Република.

Скопјанецот Јасмин Алиевски уште еднаш докажа зошто е зрел кандидат за во финалето на музичкото регионално шоу „Ѕвездите на Гранд“.

Јасмин настапи во саботата и уште еднаш ја воодушеви жирикомисијата составена од веќе докажаните музички имиња како што се: Снежана Ѓуришиќ, Ана Бекута, Драган Стојковиќ, Мили, Марија Шерифовиќ, Ѓорѓе Давид, Цеца и Саша Поповиќ.

Нашиот Јасмин се претстави со две добро познати песни, едната беше „Сањао сам ночас да те немам“ и „Генерал без чинова“.

Тој доби пет од вкупно шест гласови и со тоа заврши во баражот на крајот на емисијата, каде уште еднаш пееше пред жирикомисијата.

Се разбира, во баражот Јасмин доби „амин“ за следниот круг, односно патува во четвртфинале.

Првата песна ја отпеа фантастично. До таа мерка точно и прецизно ги погодуваше се оние ситуации во првта строфа и тоа ми веше навистина преубаво, преубаво, кажа Марија Шерифовиќ, иако таа не даде глас ниту на Јасмин, ниту на другата натпреврувачка.

Првата песна за поминување, втората за испаѓање. Првата песна ја донесе како што треба, многу оргинално, искоментира Мили.

Толку добра беше првата песна, поради неа ти ги простив фалшевите во втората, кусо искоментира Снежана Ѓуришиќ.

Првта песна феноменална, искоментира Ана Бекута.

Одлични беа коментарите и на останатите членови на жирикомисијата.

https://youtu.be/74BMWZOu2Rw

The post Јасмин уште еднаш ја воодушеви жирикомисијата во „Ѕвездите на Гранд“ и влезе во четвртфинале appeared first on Република.

Пејачот Јасмин Алиевски уше еднаш докажа и покажа зошто е зрел кандидат за во големото финале на музичкото шоу „Ѕвездите на Гранд“. Тој се натрпеваруваше во саботата и го освои максималните шест гласови на членовите на жирикомисијата.

Јасмин изведуваше две песни, првата беше легендарната „Зајди, зајди“, а втората песна која ја пееше беше големиот хит на Тоше Проески, „По тебе“.

Жирито не ги штедеше пофалните зборови за нашиот Јасмин...

Толку ми беше емотивна „Зајди, зајди“. Сме ја слушнале многу пати, но сега почуствав нешто. Без грешка, искоментира Мили.

 

Секоја чест што ја оправда довербата, ти симнувам капа, искоментира неговиот ментор Ѓорѓе Давид.

Исто така го пофали и директорот на „Гранд“, Саша Поповиќ, кој кажа дека нашиот Јасмин бил одличен.

The post Две македонски песни го доближија Јасмин до големото финале во „Ѕвездите на Гранд“ appeared first on Република.

Младиот пејач Јасмин Алиевски уште еднаш брилијираше во саботата на музичкото натпреарување „Ѕвездите на Гранд“ и со сите освоени бодови од жирикомисијата, се пласираше во следниот круг.

Јасмин дополнително доби пофалби, бидејќи на сцената маестрално ги изведе двете песнии тоа во доста лоша здраствена состојба. Алиевски имаше температура од 38 степени.

Тоа го потврди и Саша Поповиќ кога на Јасмин му даде топломер и на сцена ја измери температурата. По пет минути откако нашиот пејач го стави топломерот за мерење, живата покажуваше 37,8 степени...

Пофалните зборови и без тоа се редеа на сметка на Алиевски за неговиот настап, а пак Саша кажа дека ова е најдобриот кандидат досега од Македонија...

„Сјајни се и двата кандидати, бевте одлични“ – беше коментарот на Цеца, а со неа се согласи и Вики Миљковиќ.
„Убедливо најдобри вечерва“ – искоментира Снежана Ѓуришиќ.
„Толку беа сугестивни, убедливи, беа предобри“ – кажа и Поповиќ.

The post Поповиќ извади топломер: Со 38 температура Јасмин уште еднаш ја воодушеви жирикомисијата во „Ѕвездите на Гранд“ appeared first on Република.

По се изгледа во најновата сезона на популарното музичко шоу „Ѕвездите на Гранд“, Македонија има потенцијален кандидат за во финалето, а многумина веруваат дека тој ќе биде и еден од најсериозните учесници за првото место. Се работи за скопјанецот Јасмин Алиевски, кого јавноста го знае како учесник во ова шоу од пред неколку години, но овојпат неговите досегашни преставувања во оваа сезона никого не оставаат рамнодушен.

Неговиот последен настап беше емитуван во саботното издание на музичкото шоу и очекувано, тој ги освои сите гласови од жирикомисијата и со тоа се пласира во следниот круг. Јасмин настапи со две песни, првата беше песната на легендарниот Мишо Ковач - „Ако ме оставиш“, а втората беше нумерата „Кад се душе сретну“ на Фатмир Сулејмани.

Првата песна многу убаво, втората исто така убаво. Интонативно можеше и подобро, но постои нешто во тебе, беше коментарот на строгиот Босанац.

 

Ѓорѓе и тоа како работел со својот канидадат. Мене многу ми се допадна и заслужено одиш во следен круг, искоментира Вики Миљковиќ.

 

Беше феноменален. Има една работа која ме воодушевува, а тоа е што сосдаде еден свој мал бренд. Имаш потег кој сум го видел кај Елвис Присли, испофали Мили.

Пофални зборови имаа и останатите членови на жирикомисијата и сите се согласија во едно, а тоа дека Јасмин и тоа како ги заслужи сите гласови.

The post Македонија има сериозен кандидат за победа во „Ѕвездите на Гранд“ appeared first on Република.

Седумнаесетгодишната Мелани Тарчуловска, ќерката на Јохан и Соња Тарчуваловски се претстави на големата сцена на „Гранд“ и влезе во понатамошното натпреварување од музичкото шоу. Таа изведе песни од Лепа Брена и Тамара Тодевска, „Пожели сречу другима“ и „Тажна љубов среќна песна“.

И покрај големата трема која се слушаше во нејзиниот глас, успеа да се избори и да ја добие наклонетоста на жирито, кое ја награди со 5 гласа, а за свој ментор го избра Ѓорѓе Давид.

The post Порасна ќерката на Соња и Јохан, Мелани ќе ги освојува „Ѕвездите на Гранд“ appeared first on Република.

Вечеравечер се одржа големото финале на музичкото натпреварување „Ѕвездите на Гранд“, а победата по тензично гласање ја однесе Нермин Ханџиќ кој има само 19 години.

Второто место го освои македонскиот претставник Александар Јосифовски.

Јосифовски и лани беше меѓу финалистите на регионалното шоу. Откако влезе во финалето, неговиот ментор Ѓорѓе Давид се расплака и кажа дека Александар до лани бил зависен од алкохол.

Давид го убедил дека мора да зема блокатори, да престане да пие и да се врати на прав пат, а Александар прифатил и се придржувал до нивниот договор.

Ова е голем успех за талентираниот Македонец.

The post После тешката борба со алкохолот, ја освои публиката со емоции: На Македонец за влакно му избега победата во Ѕвездите на Гранд appeared first on Република.

Полека, но сигурно нашата претставничка во најпопуларното музичко натпреварување во регионот, „Ѕвездите на Гранд“, Андријана Петрушовска обезбеди влез во полуфиналето.

Со одлична изведба на песните „Ја волим свој грех“ и „Инсомниа“, Андријана освои пет од вкупно шест гласови на жирикомисијата и со тоа обезбеди бараж-натпреварување од каде всушност беше избрана да влезе во полуфиналето.

Можеби нејзиниот против кандидат Нермин Ханџиќ ги освои сите гласови, но нашата Андријана доминираше на сцената поради својот стајлинг, со кој ја воодушеви жирикомисијата, а веруваме и публиката пред малите екрани.

За нејзиното пеење, особено и изгледот, таа доби само позитивни коментари.

„Мислам дека требаше да добиеш шест гласови, стојам позади тоа. Можеби очекуваа да играш, но песните кои ги пееше воопшто не се лесни“ - беше коментарот на Цеца.

„Знам колку треба храброст за ова, супер беше, идеална беше“ - кусо искоментира Мили.

Исто така и пејачката Снежана Ѓуришиќ кажа убави зборови за нашата Андријана.

„Оваа Македонка е една таква пејачка што боли глава. Очекував ова од тебе, одлична пејачка си. Перфроманс одличен, верувам дека ќе одиш понатаму, бидејќи би било глупо ако не идеш понатаму“.

Погледнете го нејзиниот настап:

https://www.youtube.com/watch?v=AMK_113wvfk&t=8908s

The post Андријана од Македонија со својот изглед доминираше во „Ѕвездите на Гранд“ appeared first on Република.

Македонската пејачка Андријана Петрушовска во саботата ја освои сцената на најголемото музичко натпреварување на овие простори – „Ѕвездите на Гранд“.
Со сите шест гласови од жири-комисијата, нашата Андријана директно отпатува во четвртфиналето и со тоа потиша договор со „Гранд продукција“.

Саша Поповиќ, Цеца Ражнатовиќ, Драган Стојковоиќ – Босанац, Ана Бекута, Мили, Вики Миљковиќ и нејзиниот ментор Ѓорѓе Давид имаа само пофални зборови за нејзиниот настап.

„Браво, браво, лудница“, беше коментарот на Марија Шерифовиќ, на кој се надоврза и Цеца Ражнатовиќ:

 

„Што ти реков, што ти реков? Браво кукло!“

Инаку покрај одличниот настап, Андријана секоја емисија во музичкото шоу внимание остава и со своите впечатливи стајлинзи, особено сега кога таа беше облечена како „cat woman“.

The post Андријана е на чекор до финале, како жена-мачка ги воодушеви Цеца и Шерифовиќ appeared first on Република.

Учесничка oд Македонија во актуелната сезона на „Ѕвездите на Гранд“ е дисквалификувана од натпреварувањето, бидејќи не се појавила на последното снимање. Станува збор за Валери Димовска, 24-годишна натпреварувачка од Скопје, која вели дека натпреварувањето за неа заврши по вториот круг, но дефинитивно ќе ја гледаме и следната сезона.

Бев болна кога се снимаше третиот круг и затоа бев дисквалификувана, бидејќи не можев да се појавам на снимањето.  Ќе се пријавам повторно следната година, вели Валери.

The post Скопјанка инстантно дисквалификувана од „Ѕвездите на Гранд“ appeared first on Република.

Убавата струмичанка Сања Димова (20) со своите одлични настапи ги освои симпатиите на жирикомисијата во „Ѕвездите на Гранд“. Пофалби за нејзиното пеење таа добиваше од речиси секој член на жирикомисијата.

Сања настапи минатата сабота и одлично ги испеа двете песни, меѓутоа иако освои еднаков број на гласови како нејзиниот противкандидат, сепак продукцијата не и даде дозвола да го продолжи натпреварувањето. Меѓутоа, како што дознаваме од блиски извори на младата пејачка, нејзината менторка, познатата фолк-дива Светлана Цеца Ражнатовиќ ги прави сите напори за да ја врати во понатамошното натпреварување.

Дали ќе се вратам повторно оваа сезона или следната и не е толку важно, важно ми е што сметам дека одлично се претставив пред жирикомисијата, пред публиката. Тоа ми е најважно. Да, има вистина дека мојата менторка Цеца Ражнатовиќ сака да ме врати назад во шоуто, но засега ништо не се знае и не би сакала да зборувам за тоа, ни изјави младата пејачка.

Инаку беразлика на исходот од „Ѕвездите на Гранд“, Сања заедно со својот тим работи на својата нова песна, која ќе биде промовирана во блиска иднина.

Погледнете го последниот настап на Сања:

https://youtu.be/LjalQJjWkKU

The post Дали повторно ќе ја гледаме убавата струмичанка Сања Димова во „Ѕвездите на Гранд“? Нејзината менторка Цеца Ражнатовиќ „притиска“ да се врати! appeared first on Република.