На територијата на Балканот во моментов дејствуваат 20 екстремистички „џихад“ ќелии , а целта им се терористички напади низ Европа, предупредуваат италијанските разузнавачки служби, а пренесува весникот „Ил Темпо“.

Повеќето од овие групи се на територијата на Косово, Албанија и Босна и Херцеговина, но постојат и во Црна Гора, Србија и  Македонија. Тие претставуваат, како што се тврди, „инкубатор на безбедносни закани“ за цела Европа.

Според италијанскиот весник „Ил Темпо“, овие ќелии постојат околу две години, но во последно време, особено од почетокот на војната во Израел, се забележува нивна нешто поголема активност, пренесува „Блиц“.

Овие ќелии се состојат од околу 500 повратници од ИСИС, од боиштата во Сирија и Ирак, но постојано се регрутираат нови, дури и меѓу мигрантите кои ја минуваат балканската рута кон Западна Европа.

Познато е и кој  „главата“ на оваа организација.

Меѓу нив се издвојуваат таканаречените „балкански лавови“, мрежа чија задача е да ги зајакне „периферните зглобови“ на движењето и да иницира нови терористички акции во Европа-пишува „Ил Темпо“.

 

The post Џихадистички келии има и во Македонија како дел од т.н „балкански лавови“ appeared first on Република.

Останувајќи во сириски град кој сè уште не е под контрола на силите на сирискиот претседател Башар ал Асад, Албанците во Сирија го брендирале својот „воен одред“, објави „Репортери“.

Предводена од Абдул Јашари, Албанец од Македонија (1976), групата позната како Џемаат ал-Албан продолжува да промовира џихад за заживување на Исламскиот калифат, што го покрена терористичката организација Исламска држава (ИСИС). Се проценува дека повеќе од 300 граѓани од Косово се приклучиле на терористичките организации.

Џамаат ал-Албан е поврзан со Џабхат ал Нусра, друго крило, одвоено од ИСИС, кое сега продолжува да работи како Тахрир ал-Шам (ХТС).

Абдул Јашари, познат и како Абу Катада Ал-Албани, кој ја предводи Џемаат ал-Албан, се смета за близок советник на Абу Мухамед ал-Јулани, главниот командант на сириската милитантна група Тахрир ал-Шам.

На 10 ноември 2016 година, американското Министерство за финансии го идентификуваше Јашари како терорист и изјави дека помогнал да се соберат средства за семејствата на борците на Фронтот Џебхат ал Нусра.

Во текот на летото 2015 година, Јашари ги предводеше воените операции на фронтот Џебхат ал Нусра во северна Сирија. Тој долги години имаше важна воена позиција во редовите на џихадистите и продолжува да ја одржува.

Иако САД го бараат повеќе од половина деценија, тој се уште е активен во Сирија. Неговата последна комуникација со јавноста беше предавањето за војната во Украина, кое стана јавно на почетокот на април.

Иако ги откриваат тактиките, оружјето и локациите на кои тренираат, групата Џамаат ал-Албан и промоторите на новиот бренд, „Албаниан тактикал“ се грижат на нивните видеа и фотографии секогаш да се појавуваат со маски, а најчесто дури и со ракавици.

Се проценува дека Косово е прво во Европа според бројот на граѓани кои се приклучиле на терористичките организации во Сирија и Ирак.

Од почетокот на конфликтот во Ирак и Сирија, Косово, за такви дела процесуираше десетици свои граѓани. Повеќето од осудените за учество во терористички организации во ирачко-сирискиот конфликт веќе ја отслужија казната, а само неколку остануваат во затвор.

The post Албанските џихадисти во Сирија формирале свој одред под команда на Абдул Јашари од Македонија appeared first on Република.

Некој би рекол дека историјата се повторува oткако за време на потерата по наследникот на Ал Багдади, Ибрахим Ал-Хашими ал Курајш, загубија и американските специјални сили, транспортниот хеликоптер UH-60 Black Hawk, кој го уништи дронови.

При акцијата на лов на лидерот на ИСИЛ, хеликоптерот кој ги превезувал специјалците имал дефект поради што бил принуден да слета на северозападот на Сирија.

The first video from the outskirts of Atmeh (Idlib), where a US helicopter (UH-60/MH-60) was destroyed by an airstrike.
The cause of the US helicopter loss is a technical malfunction. pic.twitter.com/qOWnkc0HS4

— Mukhtar Magomedov (@Mukhtarr_MD) February 3, 2022

Од страв дека џихадистите можат да го извлечат хеликоптерот и опремата што останала во него, било наредено борбениот дрон MQ-9 Reaper да изврши напад со хеликоптерски проектил и да го уништи хеликоптерот.

The post Американците сами си уништија скап хеликоптери за да не им го запленат џихадистите appeared first on Република.

Вкупно 11 џихадисти на Исламска држава се убиени во руски воздушни напади во источниот дел на Сирија.

Нападите се извршени во пустините Ал Сахне и Тадмор во централна Сирија и во пустината Деир Езора во источниот дел на земјата.

Во изминатите неколку часа 11 џихадисти се убиени во воздушните напади на руските сили против Исламска држава во сириската пустина. Џихадистите се кријат во пештерите во таа пустинска област каде што се уште има активни ограноци на Исламска држава, соопшти организацијата, додавајќи дека во тие напади се повредени 20 џихадисти - соопшти Сирискиот центар за мониторинг на човековите права, со седиште во Лондон.

Од почетокот на конфликтот во Сирија во 2011 година, се убиени речиси половина милион луѓе, а неколку милиони ги напуштиле своите домови.

Русија ги поддржува сириските владини сили од 2015 година и благодарение на таа клучна поддршка сирискиот претседател Башар ал Асад успеа да врати голем дел од територијата што ја загуби на почетокот на конфликтот.

The post Убиени единаесет џихадисти во руски воздушни напади во Сирија appeared first on Република.