Англискиот фудбалер Џек Грилиш е убеден дека требал да биде во националниот тим на Англија за Евро 2024 година.

Крилниот напаѓач на Манчестер сити не беше вклучен во составот од 26 играчи на Гери Саутгејт за турнирот во Германија, каде Англија загуби (2:1) во финалето со Шпанија.

- Ќе бидам искрен со вас. Не се согласувам целосно со ова. На теренот треба рамнотежа на секоја позиција и се сметам за прилично искусен играч. Имам освоено многу титули, па ако ме прашувате дали требаше да одам, да, сепак мислам дека требаше, но очигледно не мислеа така некои други, рече Грилиш.

Тој му се заблагодари на новиот селектор за враќањето во репрезентацијата.

-Благодарен сум на Ли Карсли што ми ја даде оваа шанса и ми веруваше. Тоа навистина ми значи многу. Мислам дека во текот на мојата кариера, играњето за тренери кои ми веруваа и комуницираа со мене на начинот на кој тој ги одработи последните два тренинг-кампа, навистина ми помогна. Ме прави да се чувствувам дека менаџерот навистина ме цени и не можам доволно да му се заблагодарам откако сум тука, додаде Грилиш.

Англија утревечер на „Вембли“ во Лондон ја пречекува Грција во натпревар од Б - Лига на нации

The post Англија ослабена против Грција, не игра Грилиш appeared first on Република.

Крилниот напаѓач на Манчестер сити,Џек Грилиш  откри колку е тешко да се игра за тимот на Пеп Гвардиола оваа сезона.

- Не знам, можеби да. Не сум сигурен, ова е тешко прашање. Со квалитетите на тренерот Пеп, да се во тимот е фантастично чувство. Но, исто така, колку е тоа тешко, можете да замислите, изјави Грилиш за „Sky Sport“.

Манчестер сити ја освои тројната круна во сезоната 2022/23: Лигата на шампионите, англиската Премиер лига и ФА Купот.

Грилиш се појави на 20 натпревари за Манчестер сити во сите натпреварувања оваа сезона, постигнувајќи три гола и две асистенции

The post Грилиш: Фантастично е да се игра за Гвардиола appeared first on Република.