Кај место викано „Поводеници”, Прилепско, полициски службеници од ОВР Прилеп денеска ги лишиле од слобода Ѓ.И.(32) и И.Ќ.(31), двајцата од Прилеп. Тие биле затекнати со две возила натоварени со дабови дрва за кои не поседувале документација.

Притоа, тие физички нападнале еден од полициските службеници и со нивното возило го оштетиле службеното полициско возило. Дрвната маса е одземена и предадена на шумска полиција за понатамошна постапка, а по целосно документирање на случајот, против нив ќе биде поднесена соодветна пријава, соопштија од МВР.

The post Дрвокрадци нападнале полицајци, им го слупале и возилото appeared first on Република.

Во заедничка акција на Шумска полиција од Кичево со граничната полиција во атарот на село Колари пресретнат е камион со огревно дрво од државни шуми без документи за превоз.

За сторителите поднесени се соодветни пријави до институциите, камионот со кој е превезувано дрвото е одземен и складиран во Полициската станица во Зајас.

Продолжуваме со зголемени акции во соработка со МВР, Шумската полиција и Национални шуми.

Максимално ќе се вложиме за стопирање на криминалот и трговијата со нелегално дрво и во борбата против нелегалната сеча на дрвата.

The post Прекинат уште еден ланец на дрвната мафија во Кичевско appeared first on Република.

На 31.03.2024 околу 13.00 часот во атарот на с.Шашаварлија, општина Карбинци, полициски службеници од СВР Штип во содејство со шумска полиција ги лишиле од слобода С.Н.(30) и двајца малолетници, тројцата од Штип.

Тие биле забележани како со патничко возило лада без регистарски таблички превезувале дрва без документација, при што едно од лицата фрлило тврд предмет и го оштетило службеното полициско возило.

По целосно документирање на случајот против лицата ќе бидат поднесени соодветни пријави.

The post Триесетгодишник со двајца малолетници во „Лада“ пренесувале крадени дрва appeared first on Република.

Министерот за внатрешни работи, Оливер Спасовски, вели дека покрај превентивни мерки, сериозно се работи и на репресивни мерки на откривање нелегална сеча на шуми.

Според статистиката на МВР, од 2017 година до првото полугодие од 2023 година во рамките на оперативните активности, поднесени се 919 кривични пријави за вкупно 1.150 кривични дела поврзани со бесправна сеча на шуми, пријавени 1.439 сторители, запленети 97.000 м3 дрва.

Сега почнавме и со надзор практично на шумските предели со Одделот за воздухопловни единици. Заедно со специјалните полициски единици тие се движат на потенцијални места каде имаме дојави дека има опустошување шума и директно ги затекнуваме и фаќаме на лице место. Имавме неколку акции во Скопје, Струга... Тоа е еден модус операнди на којшто работат полициските службеници, да можеме на моменти каде што тие се наоѓаат, на местата каде вршат нелегална сеча - на лице место се затекнуваат и тука практично ги обезбедуваме сите докази за ова кривично дело. Ова е врвен приоритет на МВР, истакнува Спасовски во телевизиски прилог на МТВ.

Како што вели Спасовски, со помош на хеликоптерите од одделот за воздухопловни единици при МВР, се набљудува и државната граница, процесот на миграција, работењето на граничните служби, а сето тоа е во функција на подобрување на безбедносната состојба.

The post Спасовски: Врвен приоритет на МВР е спречување нелегална сеча на шуми appeared first on Република.

Полициски службеници од Одделот за криминалистичка полиција, ОСПО-ЕБР и СВР Скопје во близина на местото Рамно, Скопска Црна Гора, заплениле три камиони натоварени со околу 35 метри кубни бесправно исечени дрва.

Од МВР информираат дека дрвата ќе бидат предадени на ЈП „Национални шуми“ и се преземаат мерки за расчистување на случајот.

The post Скопска Црна Гора „врие“ од дрвокрадци: Запленети три камиони со 35 кубика дрва appeared first on Република.

На место викано Рамно на планината Скопска Црна Гора,  на 19.09. и 20.09.2023 година во заедничка акција на  Одделот за криминалистичка полиција, Единицата за брзо распоредување при Одделот за специјални полициски операции, СВР Скопје, Шумска полиција и Јавното претпријатие „Национални шуми“, од слобода биле лишени С.А.(28), Р.А.(22), Џ.А.(24), Е.А.(37), Б.С.(39), Д.А.(51), Ќ.А.(53), С.А.(47), Џ.С.(34), сите од село Брест и Б.М.(27) од скопското село Арачиново.

Лицата биле затекнати на местото при бесправна сеча на дрва и притоа биле пронајдени околу 400 кубни метри исечено огревно дрво.

На местото биле пронајдени четири товарни возила натоварени со огревно дрво, едно патничко возило, три моторни пили и други предмети  кои биле користени за сеча на дрвата. Возилата, дрвата и другите предмети биле одземени за понатамошна постапка, а лицата биле задржани во полициска станица и со нив бил извршен службен разговор, соопштија денеска од МВР.

По целосно документирање на случајот, во координација со јавен обвинител против лицата ќе биде поднесена кривична пријава по член 226 од Кривичниот законик.

https://youtu.be/SHNOy2W--m8?si=s06BKnmTKxUrYpbb

The post Во голема акција против дрвокрадци уапсени 10 лица во Скопска Црна Гора appeared first on Република.

Од МВР соопштија дека вчера во 16.00 часот на место викано „Сува Гора“, во атар на тетовското село Ларце, полициски службеници од СВР Тетово ги лишиле од слобода Б.С. (39) и М.С. (42), двајцата од истото село, поради постоење основано сомнение дека вршат превоз на бесправно исечени огревни дрва со две возила „лада нива“ и „џип тета самара“, двете без регистарски ознаки.

Кај двете лица биле пронајдени и одземени исечените огревни дрва и алатот со кој ја вршеле сечата, кои се предадени на Шумската полиција за понатамошна постапка.

По целосно документирање на случајот ќе биде поднесен соодветен поднесок.

The post Приведени дрвокрадци од тетовско село appeared first on Република.

На 14.07.2023 во Ресен, полициски службеници од ОВР Ресен пронашле патничко возило „фолксваген“ со ресенски регистарски ознаки натоварено со огревни дрва без жиг и соодветна документација.

Исто така, во с.Ропотово, полициски службеници од ОВР Прилеп пронашле товарно возило „мерцедес“ со струшки регистарски ознаки натоварено со огревно дрво.

Дрвната маса била одземена и предадена Шумска полиција за понатамошно постапување. Се преземаат мерки за расчистување на случајот.

The post Фатени дрвокрадци во Прилепско и Ресенско appeared first on Република.

На 30.09.2022 од полициски службеници на Регионалниот центар за гранични работи Југ во соработка со Шумска полиција од Ресен во реонот на Полициска станица Маркова нога лишени од слобода се И.К. (36) од село Аравати, ресенско и И.М. (69) од истото село поради основано сомнение дека вршеле нелегална сеча на дрва во близина на селото. Запленети се дрва и две моторни пили. По целосно документирање на случајот ќе биде поднесен соодветен поднесок.

The post Ресенчани краделе дрва во близина на селото Аравати appeared first on Република.

Двајца прилепчани и еден демирхисарец се уапсени во Битолско поради крадење дрва.

На 07.09.2022 на три локации на подрачјето на СВР Битола по преземени мерки и активности полициски службеници од СВР Битола ги лишиле од слобода Б.С.(22) и Е.А.(27), двајцата од Прилеп и Н.Н.(53) од с. Белче, демирхисарско затоа што биле затекнати како со возила превезувале огревни дрва без да поседуваат соодветна документација - информираат од МВР.

По целосно документирање на случаите ќе бидат поднесени соодветни поднесоци.

The post Масовно се краде дрва во Битолско: На три локации уапсени двајца прилепчани и еден демирхисарец appeared first on Република.

Полициски службеници од полициската станица Ресен и Надворешната канцеларија за криминалистички работи изутринава го лиши од слобода М.Н.(46), кој бил затекнат при бесправна сеча на огревни дрва, од кои дел биле натоварени на возило.

Како што информира МВР, извршен е увид на местото на настанот.

Полицајците денеска во 11:00 часот постапувајќи по планот за „Безбедно лето 2022”, на место викано „Бела Вода“, атар на село Златари, пронашле патничко возило „сеат толедо“, со ресенски регистарски ознаки, натоварено со огревно дрво без соодветна документација.

Возилото и дрвата се предадени на ЈП „Национални шуми“-  подружница Ресен, а по документирање на случајот против сторителите ќе бидат поднесени соодветни поднесоци.

The post Фатен дрвокрадец во Ресенско appeared first on Република.

Ноќеска во 00.40 часот на бензиската станица во близина на с.Беровци, прилепско, од страна на полициски службеници од Полициска станица Старавина  лишени од слобода се М.Д.(49) од с.Галичани, прилепско, Ф.М.(26) од Прилеп и Х.Т.(49) од с.Големо Коњари, прилепско.

Како што соопшти МВР, тие се затекнати како со патничко моторно возило „опел“, со скопски регистарски ознаки, управувано од М.Д., превезуваат дабови дрва, за кои постои основано сомнение дека се поврзани со кривично дело „кражба“, казниво по член 235 став 3 од Кривичниот законик.

По целосно документирање на случајот против лицата ќе биде поднесен соодветен поднесок.

The post Приведени тројца дрвокрадци во прилепско appeared first on Република.

Институциите ниту ја запираат сечата на дрва, ниту се заинтересирани да го реконструраат патот, се жалат жителите на планинското село Дренок, лоцирано крај границата со Албанија, на 34 километри од Струга. Локалниот пат до селото е уништен од камионите натоварени со дрва исечени по падините на Јабланица. По патот по кој не би смееле да се движат возила потешки од 5 тони, секојдневно се спуштаат огромни камиони кои со товарот тежат 30-тина тони.

Патот е изграден пред педесетина години со самопридонес на жителите на малото село и со помош на тогашната Југословенска народна армија. Војската го користела за да стаса до некогашната караула недалеку од селото, а жителите, како и оние кои за викенд се враќале во родното село биле задоволни од асфалтираниот пат.

Долги години жителите се сведоци како го снемува асфалтот од патот и како се отвораат вистински кратери кои е тешко да се заобиколат. Но, сведоци се и како се соголува убавата Јабланица, што од легална сеча на дрва, што од дрвокрадци. Луѓето се се прашуваат кога земјиштето ќе се излизга и ќе направи вистинска катастрофа.

The post Јабланица се соголува, дрвократците го уништуваат и патот до Дренок appeared first on Република.

На 25.06.2022 во шумски појас на планината Караорман, во атарот на струшкото село Мислодежда, преземени се координирани мерки од страна на полициски службеници од Единицата за брзо распоредување, Регионален центар за гранични работи – Запад, СВР Охрид, Шумска полиција и ЈП,,Национални шуми“ при што лишени од слобода се 12 лица на возраст од 23 до 49 години, од кои од кои осум албански и четири државјани на Македонија, информираат од МВР.

Тие биле затекнати при нелегална сеча на огревно дрво, при што на лице место биле пронајдени повеќе кубни метри исечена дрвна маса, теренски возила, камиони, трактори, моторни пили и секири.

Лицата се приведени во полициска станица, возилата со нелегално исечените дрва се одземени и предадени на Шумската полиција, а по целосно документирање на случајот против лицата ќе биде поднесена соодветна пријава.

The post Oсум албански и четири државјани на Македонија: Разбиена група дрвокрадци во Струшко appeared first on Република.

Градоначаланикот на Штип Иван Јорданов заедно со полицијата денеска бркале дрвокрадци во штипско село, објави локалната Телевизија М-Нет. Тој ги забележал и ги пријавил кај надлежните, по што следела вистинска бркотница.

Во овој дел од градот се случуваат чести кражби, сеча на дрвја. Континуирано има кражба на струја, на вода, огромна количина на отпад и ѓубре и мора да се стави крај, вели Јорданов.

The post Градоначалникот на Штип заедно со полицијата бркаше дрвокрадци appeared first on Република.

Полицијата вчера доцна попладнето на патот Штип кон селото Шашаварлија затекнала превретено патничко возило „застава“ без регистерски таблички. Возилото било натоварено со огревно дрво без соодветна документација.

Возилото со огревните дрва е одземено и предадено на Шумскаta полиција.

Во овој дел на Општина Штип граѓаните постојано алармираат на дива сеча на шумата, а лицата кои тоа го прават се со моторни пили, а за транспорт на дрвата користат стари возила без регистерски таблички, кои може да се забележат во населбите Света Недела, Радански Пат, Дузлачки Рид, како и во Сењак.

Заедничка акција имале и полицијата од ОВР-Кочани заедно со Шумската полиција. При контрола на патничко возило „исузу“, со винички регистарски ознаки, управувано од 30-годишниот Е.А.од Виница, пронашле огревни дрва без соодветна документација. Од страна на Шумска полиција дрвата и возилото биле одземени за понатамошна постапка.

The post Дрвокрадци фатени во Штип и Кочани appeared first on Република.