Израелскиот премиер Бенјамин Нетанјаху се огласи денеска, откако неговиот дом во Цезареја, на северот на Израел, бил нападнат со дрон од Либан, дека „ништо нема да го одврати“ и дека Израел „ќе победи во оваа војна“.

Знаете, пред два дена го убивме масовниот убиец Јахја Синвар и како што реков, ние сме во војна каде што се бориме за опстанок. Ќе продолжиме до крај. Сакам да кажам уште една работа, тоа е дека горд сум на нашите војници, команданти и горд сум на граѓаните на Израел“, рече Нетанјаху.

The post Со дрон нападнат домот на Нетанјаху, тој порача дека ништо нема да го одврати appeared first on Република.

Според податоците на „Евростат“ за 2023 година, младите во Европската Унија го напуштаат домот на своите родители на возраст, во просек од 26,3 години. Просечната возраст се разликува меѓу државите-членки поединечно.

Највисока просечна возраст е забележана во Хрватска. Во оваа балканска земја младите во просек остануваат со своите родители до 31,8 години. По Хрватска, висока просечна возраст е забележана и во Словачка (31 година), Грција (30,6), Шпанија (30,4), Италија (30) и Бугарија (30).

Од друга страна, во Cеверна Европа, младите многу порано го напуштаат домот на своите родители, статистички под 23 години. Тука спаѓаат Финска (21,4 години), Данска (21,8), Шведска (21,8) и Естонија (22,8).

По нив следат Холандија, Франција и Германија, каде што просекот е меѓу 23 и 24 години.

The post Балканот е над просекот: Младите во ЕУ го напуштаат домот на родителите на 26,3 години просечно appeared first on Република.

Дваесет и петгодишен скопјанец синоќа бил нападнат пред станот во којшто живее на подрачјето на општина Аеродром.

Според пријавеното, момчето било нападнато со остар предмет од Н.С. и уште две лица, а едниот му се заканувал со пиштол.

Пренесен е во приватна болница за укажување помош.

The post 25-годишен скопјанец нападнат со нож пред станот во Аеродром appeared first on Република.

Луѓето родени меѓу 1997. и 2012 година, односно „генерацијата Зет“, се подготвени трајно да се откажат од сексот за постигнување „поголема“ животна цел - купување куќа, покажува ново истражување на платформата „Блум сторис“ (Bloom Stories), спроведено во Велика Британија.

Испитувањето опфатило 2.000 луѓе, а открива и дека на околу третина од младите поважно им е зголемувањето на платата од сексот, како и оти околу 25 отсто испитаници „ќе апстинираат“ ако тоа значи - унапредување. Повозрасните луѓе изјавиле дека се повеќе заинтересирани за продолжување на активниот сексуален живот на сметка на финансиско-кариерниот развој.

Претходната анкета на „Клевер рил истејт“ (Clever Real Estate) посочи повторно - помала заинтересираност за секс воопшто, како и дека 60 отсто од девојките од „генерацијата Зет“ им е грижа за поседувањето дом.

Според овие испитувања, околу 32 отсто од возрасните на возраст од 35 до 44 години би се одлучиле да останат сексуално активни и на сметка на купување куќа, покачување на платата или унапредување на работа. Од луѓето на возраст од 45 и повеќе години, помалку од 50 отсто би избрале да имаат секс наместо да купат дом.

The post Дали би се откажале од секс за да поседувате свој дом? appeared first on Република.

Ставот на ДОМ е дека  иницијативата на ВЛЕН за формирање на Албанска Академија на науките и уметностите не води до интеграција и создавање на граѓанско општество со еднакви можности за сите , туку до поголема сегрегација .

Улогата  на МАНУ е да се промовора и негува науката и научните достигнувања како универзална вредност, која ги обединува сите етникуми не осврнувајќи се на политичките чинители во одреден момент.

The post ДОМ: Формирање на Албанска Академија на науките и уметностите не води до интеграција, туку до поголема сегрегација appeared first on Република.

Во Полициското одделение Шуто Оризари, Ѓ.О.(51) од Скопје пријавила дека од домот се оддалечила нејзината малолетна штитеничка А.А.(13) заедно со нејзиното петмесечно бебе.

Од МВР преземаат мерки за пронаоѓање на лицето.

The post 13-годишно девојче избега од Дом заедно со нејзиното петмесечно бебе appeared first on Република.

Во Дарувар, хрватски воен ветерен убил пет луѓе во старечки дом, вклучувајќи ја и својата мајка.

Пукано е во вкупно осум луѓе.

Вработен во локална продавница во Дарувар раскажал за Дневник.хр дека му втрчале двајца работници од старечкиот дом, еден со повредено око, друг со куршум во градниот кош.

Му рекле дека во домот дошол човек кој почнак да пука од пиштол по штитениците и работниците.

Вработениот во продавницата веднаш повикал Брза помош и полиција, бидејќи повредените го препознале убиецот и виделе дека влегол во оближното кафуле.

Ја повикав полицијата и им кажав каде е убиецот. Наводно седнал и нарачал пијачка, а пиштолот го ставил на маса -рекол тој.

За убиецот вели дека има педесетина години, дека го познавале во околината, ама дека не знае зошто го направил злосторството.

The post После масакрот седнал и нарачал пијалок: Хрватскиот воен ветеран кој ја уби мајката и уште четворица во дом, уапсен е во кафуле appeared first on Република.

Секторот за внатрешни работи (СВР) во Велес поднесе кривична пријава против 27-годишен жител на Неготино, обвинет за низа кривични дела вклучувајќи закани и предизвикување пожар во домот на неговите родители. Односите меѓу него и родителите биле конфликтни, а тој претходно добил судска забрана за приближување до нивниот дом.

Според извештаите, М.А. (27) е обвинет за „загрозување на сигурноста“ поради упатени закани кон своите родители, за „предизвикување општа опасност“ поради двапати предизвикан пожар, и за „неизвршување на судска одлука“ бидејќи не ја почитувал судската мерка за забрана за приближување. Случаите се случиле откако бил неправомерно присутен во близина на домот на своите родители, што директно довело до инцидентот со пожарот.

The post Неготинчанец сакал да го запали домот на родителите, имал забрана да им се приближува appeared first on Република.

Почитувани граѓанки и граѓани, членови и поддржувачи на зелената партија ДОМ, како израз на етичка и морална одговорност, поднесувам оставка од функцијата претседателка на ДОМ.

Во најкус можен рок, согласно Статутот на ДОМ, ќе организираме конгрес на кој ќе биде избран новиот претседател и раководство на ДОМ.

Знам дека ДОМ ќе продолжи посветено да се бори за спроведување на зелените политики во Македонија, информираше Маја Морачанин, претседателка на ДОМ на својот фејсбук профил.

Според изборните резултати, Морачанин нема добитно место во идниот парламент каде што беше на 6-тото место на листата на СДСМ.

The post Морачанин си поднесе оставка од претседател на ДОМ appeared first on Република.

Ако работите излезат од контрола или имате траги од лоша среќа, не брзајте да ги обвинувате другите за тоа. Подобро погледнете го вашиот дом одблизу.

Според Фенгшуи, за тоа можат да бидат виновни наједноставни работи во домот кои привлекуваат негативна енергија и внесуваат неволји и неуспеси.

Кои се работите кои привлекуваат лоша среќа

1. Ѓубре во вашиот џеб или паричник

Хартиите, картичките, старите сметки и другото ѓубре што се акумулира во џебовите или паричниците не ветуваат добро. Сето ова може да привлече лоша среќа и неуспех во бизнисот. Затоа веднаш проверете ги паричникот и џебовите и фрлете се што не му е место таму.

2. Скршено стакло или огледала

Многу луѓе знаат дека скршеното огледало не може да се чува дома, во спротивно тоа ќе донесе неволја. Поточно, цели седум години неуспех и неволја (или така велат). Затоа, веднаш отстранете ги сите испукани огледала од куќата. Истото важи и за скршеното стакло кое симболизира недостиг на пари.

3. Предмети кои не се користени повеќе од три години

Енергијата на таквите работи, дури и да се сосема нови, со текот на времето се влошува и треба да им се даде втор живот или да се подарат некому.

4. Испукани садови или искршени часовници

Како и со огледалата, веднаш исфрлете ги испуканите садови и старите часовници од дома. Особено ако часовникот не работи долго време. Или поправете го или веднаш фрлете го ако сакате да привлечете среќа во вашиот дом.

5. Фотографии кои враќаат лоши спомени

Предметите кои имаат негативни асоцијации или едноставно не ви носат радост, генерално не треба да ги чувате во домот. Негативноста што ја доживувате додека ги гледате овие слики може да се сврти против вас и да резултира во несреќни околности.

6. Искинати работи

Предметите за кои е потребен пар (чорапи, влечки, чевли итн.) мора да се отфрлат веднаш штом ќе ја изгубите нивната „друга половина“. Во спротивно, тие ја блокираат позитивната енергија и привлекуваат мали неволји во вашиот дом.

7. Суви цветови

Овенените цвеќиња, препарираните животни, исушените пеперутки или бубачки, животинските рогови и птичјите пердуви, како и школките донесени од патување, исто така го попречуваат пристапот до позитивна енергија и носат лоша среќа.

8. Искршени апарати за чистење

Метла, џогер и правосмукалка се првите помошници во куќата и го симболизираат чистењето на сè што ја попречува материјалната благосостојба. Затоа, приврзаноста кон стара истрошена метла или неподготвеноста да се фрли стара скршена правосмукалка доведува до намалување на финансискиот проток.

9. Слики и постери кои прикажуваат природни катастрофи

Бурите, лошите временски услови и природните катастрофи предизвикуваат вознемирувачки мисли. Нивните слики исто така привлекуваат неуспех, неволја и несреќа. Затоа, не треба да се оспорува судбината уште еднаш. Подобро е ваквите слики да се заменат со нешто поинтересно и порадосно.

10. Стари и дотраени предмети

Ова ги вклучува старите весници, списанија, облеката што одамна сте ја надминале. Сето ова треба да се среди и вишокот да се фрли за да се направи простор за нови работи и да не се привлекува негативна енергија.

The post Ова се работите кои привлекуваат лоша среќа во вашиот дом appeared first on Република.

На денешната седница, Централниот одбор на ДОМ донесе одлука претседателката на ДОМ, Маја Морачанин да биде кандидат за пратеник од ДОМ, на шестата позиција во првата изборна единица, на заедничката листа на коалицијата предводена од СДСМ.

“Членовите на ЦО изразија задоволство од прифаќањето на барањата од ДОМ поврзани со заштитата на животната средина и климата, од страна на кандидатот за Претседател на Македонија, Стево Пендаровски и донесе одлука за поддршка на неговата кандидатура. На седницата беше избран Централниот извршен штаб на ДОМ, со кој ќе раководи генералниот секретар Зоран Зориќ.

ДОМ останува посветен на реализирање на приоритетот за што побрзо продолжување на македонскиот евроинтеграциски процес, кој е основната движечка сила за спроведување на неопходните реформи во македонското општество.

ДОМ ќе продолжи да инсистира на спроведување на праведната енергетска транзиција од фосилни кон обновливи извори на енергија, заштитата на животната средина и климата, ефикасна борба против корупцијата и унапредување на човековите права.” – се вели во соопштението.

The post ЦО на ДОМ ја избра Морачанин за кандидат за пратеник appeared first on Република.

Централниот одбор на ДОМ, на денешната седница, донел одлука претседателката на партијата, Маја Морачанин да биде кандидат за пратеник од ДОМ, на шестата позиција во првата изборна единица, на заедничката листа на коалицијата предводена од СДСМ.

Како што соопштија од ДОМ, членовите на ЦО изразиле задоволство од прифаќањето на барањата од ДОМ поврзани со заштитата на животната средина и климата од страна на кандидатот за претседател, Стево Пендаровски и донеле одлука за поддршка на неговата кандидатура.

На седницата бил избран Централниот извршен штаб на ДОМ, со кој ќе раководи генералниот секретар Зоран Зориќ.

ДОМ останува посветен на реализирање на приоритетот за што побрзо продолжување на македонскиот евроинтеграциски процес, кој е основната движечка сила за спроведување на неопходните реформи во македонското општество. ДОМ ќе продолжи да инсистира на спроведување на праведната енергетска транзиција од фосилни кон обновливи извори на енергија, заштитата на животната средина и климата, ефикасна борба против корупцијата и унапредување на човековите права, стои во соопштението од Централната канцеларија на ДОМ.

The post Централниот одбор на ДОМ ја избра Морачанин за кандидат за пратеник appeared first on Република.

Заштитата на животната средина и на климата, човековите права, борбата против корупцијата и владеењето на правото, подобрување на образовниот и здравствениот систем, праведната транзиција од фосилни кон обновливи извори на енергија, се дел од приоритетните области коишто ги содржи предизборната програма 2024-2028 на Демократската обнова на Македонија (ДОМ), која денеска беше промовирана во Скопје.

Маја Морачанин, претседателка на ДОМ во изјава за МИА нагласи дека во предизборната програма опфатени се сите области и потекнуваат од Комисиите и од членовите на партијата. Во нејзината изработка биле вклучени и граѓански здруженија и експерти од различни области, како и предлози од граѓани, а ја имале и поддршката од зелените сестрински партии од Данска, Шведска и од Холандија.

-Она што се наши приоритети е заштитата на животната средина и на климата, човековите права, борбата против корупција и владеење на правото. Во програмата нудиме и предлози како да се подобри и образовниот и здравствениот систем, како да ги направиме навистина нашите градови зелени и за младинските политики и што е најважно за младите да бидат активно вклучени во политика и тие да бидат носители на одлуките кои сакаат да се спроведат во државата за да ги мотивираме за да останат во земјава и да не заминуваат. Сето она за кое се залагаме влијае на одлуките на младите луѓе дали ќе останат или ќе ја напуштат државата. Не е само економскиот аспект, туку многу значајно ни е дали воздухот ни е загаден или не. Многу ни е значајно дали во државата владее правото и неселективна правда. Значајно ни е како се справуваме со корупцијата. Образовниот систем е приоритет за младите луѓе, рече Морачанин.

Како што потенцира Морачанин, нивен приоритет е и праведната транзиција од фосилни кон обновливи извори на енергија.

-Тоа е наша тема која е важна не само заради заштитата на животната средина и климата, туку и заради економската благосостојба, економскиот развој на државата. Ние инсистираме на развој на енергетската демократија. Што значи тоа? Значи дека не само големите бизнис компании кои во изминатиот период интензивно поставуваат фотонапонски централи, ние сакаме енергијата од Сонцето директно бенефит од неа да искористат граѓаните. Да овозможиме и формирање на тие енергетски задруги за секое домаќинство практично да може да ја користи сончевата енергија со што ќе има бенефити за животната средина и климата, но и економски бенефит за буџетот на домаќинствата преку помали сметки за струја. Во тој контекст се и нашите заложби за енергетска ефикасност, рече таа.

Морачанин нагласи дека мора да се инвестира повеќе во замената на нееколошките со еколошки начини на загревање на објектите, на домаќинствата, на институциите. Потенцира дека потребно е повеќе средства да се издвојуваат за замена на старите прозорци и врати со нови кои се енергетски ефикасни и на тој начин, како што рече, ќе бидат пониски сметките за струја.

Таа истакна дека во програмата на партијата се опфатени и младите, посочувајќи дека нивните клучни барање се ужувањето на своите права, дишењето чист воздух, можностите за квалитетно образование и достоинствени и добро платени работни места.

-За младите не е важно само образованието, здравството, животната средина или само економија. Младите сакаат овие реформи за кои зборуваме долго време во државата навистина да се спроведат и да живеат во една демократско општество каде секој ги ужива своите права, каде дишеме чист воздух, каде имаат можност за квалитетно образование и достоинствени и добро платени работни места. Тоа се клучните барања од страна на младите кои влијаат на нивната одлука дали ќе останат или ќе ја напуштат државата. Некои ја напуштаат државата заради подобро образование. Бара сериозни реформи нашиот образовен систем, рече таа.

Морачанин нагласи дека некои млади ја напуштаат државата заради подобро платени работни места, но, како што рече, други ја напуштаат заради тоа што едноставно не сакаат да живеат во држава каде има изразена корупција, каде не секој има подеднакви можности. Доколку навистина сакаме да ги задржиме младите во државата, како што потенцира Морачанин, мора сериозно да се работи на реформите во сите области од општествениот живот.

The post ДОМ ја промовира предизборната програма 2024-2028 appeared first on Република.

ДОМ заедно со данските зелени во текот на минатиот викенд одржа конференција на тема „Преку европски искуства до зелени вредности дома“. Конференцијата ја отвори претседателката на ДОМ, Маја Морачанин, а свои презентации од ДОМ имаа и Христина Оџаклиеска и Ервин Реџепагиќ, додека од Зелено левата партија на Данска се обратија Нилс Хакстхаузен, Тогер Лаутруп Кнос и Кристине Амали Ростгард.

Темите на кои се зборуваше на конференцијата се однесуваа на усогласеноста на македонското законодавство со директивите на ЕУ во областа на заштитата на животната средина и во контекст на примена на одредбите од Европскиот Зелен Договор, предизвиците во имплементација на постојните законски решенија на локално и национално ниво, како и енергетската ефикасност и можноста за формирање енергетски задруги од страна на граѓаните и бизнисите, а на иницијатива на ДОМ, со цел да се забрза процесот на праведна транзиција кон обновливи извори на енергија.

На работилниците во рамки на конференцијата се дискутираше и на темите од областа на управување и справување со опожарените шуми и дивата сеча со цел да се заштити биодиверзитетот во тие подрачја, како и управувањето со отпад на регионално и локално ниво.

Заклучоците кои се носеа во текот на сите дискусии беа во функција и ќе бидат имплементирани во Изборната програма на ДОМ за претстојните парламентарни избори.

На крајот од конференцијата беше изразено задоволство од споделените искуства и насоки за креирање зелени политики и се истакна дека ваквиот тип на соработка помеѓу ДОМ и Зелено левата партија од Данска ќе се продлабочи и продолжи на долг рок.

The post ДОМ: Преку европски искуства до зелени вредности дома appeared first on Република.

Гласав „против“ предложениот Закон за измени и дополнување на Кривичниот законик заради тоа што сметам дека овие измени кои што вчера се усвоија не одат во прилог на ефикасна борба против корупцијата и организираниот криминал, изјави пратеничката Маја Морачанин од ДОМ.

Во изјава за медиуми во рамките на денешниот прием нa претседателот на Собранието, Талат Џафери, по повод 8 Септември – Денот на независноста на Република Македонија, Морачанин истакна дека она што е за неа многу важно, и за ДОМ како партија е владеење на правото.

„Она што е за мене многу важно и за нас како ДОМ, знаете дека тоа ни е еден од столбовите, покрај заштита на животна средина, човекови права итн. и мислам дека е тоа многу важно генерално за македонското општество, па исто така и во насока на евроинтеграциските процеси, бидејќи, знаете – владеењето на правото, неселективна правда, борба против корупција, тоа е во првиот кластер основното, би рекла темелното Поглавје, затоа и се нарекува темели. Мислам дека овие законски измени со намалување на казните за злоупотреба на службена должност, злосторничко здружување не одат во прилог на ефикасна борба против криминалот и затоа гласав ‘против’“, рече таа.

Во однос на наводите дека за тоа постои договор помеѓу власта и опозицијата, таа одговори дека нема такви информации.

„Она што знам е дека за нас како ДОМ вакви законски измени не се прифатливи и затоа гласав ‘против’“, дополни Морачанин.

На прашањето зошто толку набрзина, експресно се донесоа овие измени, таа посочи дека за вакви законски решенија е потребна поширока јавна дебата со вклученост на експерти.

„И јас имав забелешки во разговорите зошто се носи законот и со европско знаменце и во скратена постапка и толку набрзина, но и немаше некоја дебата поголема па и од страна на опозициските пратеници, ниту на Комисијата за европски прашања, ниту на пленарната седница. Се согласувам дека за вакви законски решенија е потребна поширока јавна дебата со вклученост на експерти оти и за нас беше тешко, еве и за мене како пратеничка, бидејќи, тоа е сепак закон – одредби кои што треба да се прочитаат, да се проверат, тоа бара време. Мене ми требаа и консултации со експерти, јас не сум правник по професија за да ми биде јасно за што се работи во промените. Се согласувам дека требаше да оди во редовна постапка со јавна дебата“, посочи таа.

Морачанин потсети дека услов за останување на ДОМ во владината коалиција е борбата против корупцијата и рече дека тоа ќе го дискутираат во рамките на телата на партијата.

Собранието вчера ги донесе измените и дополнувањата на Кривичниот законик кои предизвикаа реакции во јавноста бидејќи се однесуваат на членови што ги „ублажуваат“ казните кои тангираат функционери, службени и одговорни лица во јавни претпријатија и установи, а беа донесени за два дена. Според Владата, која овие измени ги предложи со европско знаменце, станува збор за усогласување со директивите на Европската Унија. За опозицијата, тоа е обид за амнестија на актуелните функционери во случај на промена на власта.

The post Морачанин гласала против измените на КЗ, ДОМ ќе размисли дали да остане во власта appeared first on Република.

Пензионерите и постарите лица кои живеат во општина Босилово за првпат добиваат Центар за дневен престој на стари лица со активно стареење. Центарот е лоциран во населеното место Турново и ќе може секојдневно да го посетуваат до 24 корисници, каде преку различен вид активности кои ќе се спроведуваат под надзор на стручни лица, добиваат можност за квалитетен, активен живот и социјализација.

Отворањето на овој центар се реализира преку Проектот за подобрување на социјалните услуги, кој го имплементира Министерството за труд и социјална политика, со поддршка од Светска Банка, во рамки на социјалната реформа која започна да се спроведува во 2019 година. Една од клучните цели на оваа реформа е зголемување на достапноста на социјалните услуги на локално ниво, до оние граѓани на кои тие им се најпотребни.

„Центрите за дневен престој на стари лица за активно стареење се еден тип на социјална услуга која е наменета за активните стари лица и им овозможуваат на старите лица низ разновидни активности да бидат ангажирани, да се дружат, како и квалитетно да го исполнат нивното време. Јас сум многу задоволна што денеска ќе ја врачиме лиценцата за вршење дејност на третиот центар за дневен престој на стари лица и верувам дека истиот ќе им носи многу дружба и активности на жителите од село Турново. Задоволството е поголемо што се работи за рурална средина и тоа покажува дека ние сме посветени на изградба на систем на социјални услуги низ целата земја, со акцент на одалечените места.“, истакна министерката за труд и социјална политика, Јованка Тренчевска.

Со новиот центар за дневен престој на стари лица со активно стареење во Турново ќе управува општинската организација на Црвениот крст во Струмица, кој од Министерството за труд и социјална политика ја доби соодветната дозвола за вршење дејност од областа на социјалната заштита.

Од Црвениот Крст Струмица искажаа задоволство што заедно со општина Босилово се добитници на грант за развој на оваа услуга и потенцираа дека ќе го искористат своето знаење и искуство за да креираат активности кои ќе внесат свежина и радост во секојдневниот живот на корисниците, помагајќи им квалитетно и активно да го поминат третото доба.

Значајна придобивка од социјалната реформа е и децентрализацијата на социјалната заштита која се спроведува преку пренос на ингеренциите за спроведување на социјалните услуги од централно на општинско ниво. Една од улогите на општините во овој процес е да ги препознаат потребите и барањата на жителите во нивните заедници и, заедно со потенцијалите даватели на услуги, да подготват соодветни проекти за развој на социјални услуги со кои ќе настапат пред ресорното министерство и за кои, доколку ги исполнат неопходните предуслови, добиваат соодветна финансиска поддршка.

„Горд сум што Босилово е една од општините чии проекти за развој на нови социјални услуги беа избрани како најдобри и чија реализација е овозможена од страна на Министерството за труд и социјална политика. Тоа покажува дека сме направиле добра проценка на потребите на нашите сограѓани и добро сме ги идентификувале оние што заслужуваат посебно внимание и поддршка. Постарите граѓани од нашата општина секако спаѓаат во таа група и затоа денеска сум особено задоволен што заедно со ресорното министерството и давателот на услугата – Црвениот крст од Струмица, започнуваме со исполнување на оваа наша заложба“, оцени градоначалникот на Општина Босилово, Ристо Манчев.

Инаку, во рамки на Компонентата 1 од Проектот за подобрување на социјалните услуги, што го спроведува Министерството за труд и социјална политика, досега е обезбедена соодветна поддршка за реализација на 34 поединечни проекти за воведување социјални услуги во 41 општина ширум земјата. Покрај отворање дневни центри за активно стареење, со овие проекти дадена е и конкретна поддршка за развој на друг вид нови социјални услуги, како што се: дневни центри за престој на лица и деца со попреченост, центри за рехабилитација и реинтеграција на лица со попреченост, како и развој на услугите лична асистенција, помош и нега во домот и други. За давање на овие социјални услуги досега се обучени и лиценцирани над 300 лица, а истите се достапни за повеќе од 1200 корисници.

The post Старите лица од општина Босилово добија нов центар за дневен престој appeared first on Република.

Вчеравечер, 16 јули, околу 22 часот и 45 минути, полициски службеници на СВР Тетово-Одделение за внатрешни работи Гостивар го лишиле од слобода 43-годишниот гостиварец Ж.С., кој пред тоа бил пријавен од неговата 66-годишна мајка дека физички ја нападнал и дека ја оштетил покуќнината во домот, известува СВР Тетово.

Тој е задржан во Полициската станица Гостивар и се расчистува и документира случајот.

The post Уапсен гостиварец, си ја истепал мајка си и го оштетил домот appeared first on Република.

На денешната седница, Извршниот одбор на ДОМ дискутираше за актуелната политичка состојба во земјата.

ДОМ ја поздравува одржаната лидерска средба помеѓу премиерот и претседател на СДСМ, Ковачевски и претседателот на ВМРО-ДПМНЕ, Мицкоски, како основа за конструктивен дијалог и политичко обединување за продолжување на македонските евроинтеграциски процеси.

ДОМ го поздравува ставот на ВМРО-ДПМНЕ за прифаќање на уставните измени и ќе поддржи влез на ВМРО-ДПМНЕ во Владата, откако во Собранието заеднички ќе се усвои потребата од измени на Уставот.

Истовремено, од сите политички чинители очекуваме сериозна посветеност за интензивно спроведување на реформите кои се значајни за евроинтеграцискиот процес, но пред сѐ, за подобрување на квалитетот на живот на македонските граѓани“, велат од ДОМ во соопштение испратено до медиумите.

ДОМ изразува задоволство од започнатата реализација на барањата на ДОМ, со усвојувањето на Законот за задруги, со што се овозможува формирање енергетски задруги, со продолжувањето на собраниската дебата за законот за една изборна единица, како и активностите во Собранието за законско решение за ветинг, со цел ефикасна борба против корупцијата, додаваат од ДОМ.

The post ДОМ поддржува влез на ВМРО-ДПМНЕ во Владата, за продолжување на евроинтеграциските процеси appeared first on Република.

Централниот одбор на зелената партија на денешната седница донесе одлука ДОМ да ја поддржи предложената реконструкција на Владата, како што велат, во интерес на македонските евроинтеграциски процеси.

Услов за поддршката на Владата и на парламентарното мнозинство е во првите 100 дена да започне процесот на ветинг и да се спроведе конфискација на нелегално стекнатиот имот заради ефикасна борба против корупцијата, да продолжи собраниската процедура за измени на Изборниот законик за една изборна единица, отворени листи и 50 отсто жени на листите и да се интензивира користењето на обновливи извори на енергија преку формирање на енергетски задруги, за граѓаните да станат производители на електрична енергија, како и формирање Фонд за енергетска ефикасност, информираат од ДОМ.

The post ДОМ со условена поддршка за Владата appeared first on Република.

ДОМ не излегува од коалицијата со СДСМ. Лидерката на партијата и пратеничка, Маја Морачанин одлуката за останување во коалицијата ја оправдува со програмските приоритети кои ги имаат за остварување. Според неа, не им се важни функционерските позиции кои ги добиваат како дел од власта. Одлуката е донесена на состанок на Централниот одбор на партијата.

„ДОМ, ниту кога во Владата се водеа преговори со Алтернатива, ниту сега со Алијанса за Албаниците, не условувал со број на функционерски позиции. Впрочем за тоа говори фактот што од 2020 година, по парламентарните избори, ДОМ учествува во Владата, со една заменичка министерка и нема никаква промена по однос на функционерските позиции на ДОМ. За нас од суштинска важност е реализирањето на програмските приоритети, а не која партија колку министерски, заменик министерски и директорски позиции добила“, вели Морачанин за „Макфакс“.

The post На Морачанин од ДОМ не и се изглегува од власта appeared first on Република.