Вчера на социјалните мрежи ДНК ја промовираа својата најнова песна со наслов „Чаршија“. Станува збор за уште една песна која во стилот потсетува на претходните „Ако утре ме нема“ и „Животе брате“, звук кој по се изгледа ѝ се допаѓа на публиката.

Вво ова најново музичко остварување на ДНК свој допринес даде еден од нашите најдобри хармоникаши, Мишел Трајковски и мајсторот за конги, популарниот Бока Конга.

Мислам дека со Лазе уште еднаш успеавме да создадеме нешто што ќе ѝ се допадне на публиката. Очигледно е дека го сакаат овој звук и навистина ни е драго што е така, велат Панчо и Андреј од ДНК.

Видеоспотот за песната се снимаше во Старата скопска чаршија, а во него покрај Панчо и Андреј се појавува и познатата водителка Вера Мештеровиќ, моделот Драгана Спасовска, диџеите Irie Scratch, Nasty и други… Како режисер на спотот се потпишува Огнен Шапковски, додека директор на фотографија беше Кристијан Теодоров.

https://youtu.be/SQdRFObawFE?si=48Dqrofpqxuxb8mA

The post ДНК снимаа спот за „Чаршија” во чаршија appeared first on Република.

Популарното музичко дуо, ДНК, потпочно Панчо и Андреј денеска подготвија специјално видео со нашата машка одбојкарска репрезентација за претстојниот квалификациски меч кој нашите одбојкари в недела ќе го одиграат со селекцијата на Грција.

Одбојкарската федерација на Македонија на почетокот на оваа недела најави дека влезот во салата ќе биде слободен, па Панчо и Андреј заедно со нашите одбојкари ги покануваат сите искрени љубители на одбојката и спортот в недела да дојдат во „Јане Сандански“ и со својата громогласна поддршка да им дадеме „ветер в грб“ на нашите одбојкари да ја остварат посакуваната победа која уште по ова 2. коло од квалификациите може да ја однесе Македонија на завршницата на уште едно Европско првенство.

The post Панчо и Андреј од ДНК со специјално видео заедно со одбојкарите пред мечот со Грција! appeared first on Република.

Сѐ уште не стивнуваат реакциите за дует-песната "Животе Брате" на ДНК, која ја промовираа пред само неколку недели, а тие вчера на сите музички и социјални платформи објавија уште една нова песна.

Дека Панчо и Андреј работат со полна пареа е токму новата соработка. Овојпат со нивната колешка, младата Теа Трајковска. Песната носи наслов "Амајлија", чија музика е заедничка на Панчо и Лазар Цветкоски, додека аранжманот е дело на Лазе, а текстот пак го напиша Панчо.

Како и за останатите нивни песни, така и за оваа, тие снимија одличен видеоспот и тоа во еден од најубавите хотели во Златибор во соседна Србија, "21st Century Златибор". Станува збор за извореден хотел кој за многу кратко време стана еден од омилените за престојување на ова популарно туристичко место.

Точно е, снимањето на спотот се одвиваше во Златибор, поточно во ексклузивниот хотел кои го изградија нашите пријатели од" Адора" и да бидам искрен полесен спот досега немаме снимено. Тоа е поради одличниот пречек од персоналот на хотелот, бидејќи се што побаравме од нив тие ни го овозможија, накусо изјавија момците од ДНК.

Покрај кадрите во хотелот, дел од спотот е снимен и низ убавините на ова познато туристичко место, како и ранчот "Зова", кој е отворен за сите посетители. Инаку како режисер на овој видеоспот се потпишува режисерот Даниел Јовески, со кого тие соработуваат веќе долги години...

https://www.youtube.com/watch?v=in8uE04ZXN0&fbclid=IwZXh0bgNhZW0CMTAAAR1PGyetA0oEUK7Lor0Wk51jydk2ad-4mI76GtdbZtTujKFM8usk6liw8VY_aem_AY2nCAx8nfqlBCELhPCD-JyPji5zmxbw2vZdDb11BvAyXxVjtL2QHgOwbRPDC6iLNe4POpohlA71xDxMI-tcyORg

The post ДНК и Теа Трајковска имаат иста „Амајлија“: Ова е нивната нова песна appeared first on Република.

Пред само неколку дена ДНК во соработка со кралот на фолк музиката кај нас, Наум Петрески и виртуозот на труба - Џамбо Агушев ја објавија нивната најнова песна со наслов „Животе брате“.

Требаше само кратко време за песната да се рашири како „вирус“ и буквално да ја пеат и стари и млади од сите делови на земјата, но и сите делови на светот каде има Македонци.

Овој пат едно такво видео споделија момците од ДНК на нивната официјална страница на Фејсбук, на кое може да се видат десетина дечиња облечени во традиционални македонски носии, како во еден глас го пеат новиот хит на ДНК.

Станува збор за дечиња од далечната Австралија, поточно од Мелбурн.

На наше големо задоволство, по само 4 дена од издавањето на нашата нова песна, од Мелбурн ни стигна поздрав и кратко видео кое ни ги стопли срцата а веруваме дека ќе ве допре и вас. Точно 40 деца од културно играорно друштво „Гоце Делчев“ од Мелбурн, Австралија кои ја испеаа „Ајде, ајде” во хор. Ви благодариме за огромната поддршка и љубовта која ни ја секојдневно ни ја покажувате, стои во објавата на официјалната страница на ДНК.

The post „Ни ги стопли срцата“: ДНК објавија видео на кое 40 дечиња од Австралија во еден глас ја пеат „Ајде, ајде“ appeared first on Република.

Сигурно многумина од вас овие денови можеа да видат голем број од нашите јавни личности, пејачи, водители и актери како на социјалните мрежи споделуваат видеа на кои пеат некоја песна. Всушност станува збор за најновиот сингл на дуото - ДНК која носи наслов „Животе брате“, а на која како гости учествува кралот на фолк-музиката Наум Петрески и светски познатиот, а сепак наш Џамбо Агушев.

По се изгледа ова е уште една песна на ДНК која има голем потенцијал да стане химна на народот, односно како што е нивната „Ако утре ме нема“.

Панчо и Андреј велат дека во „Животе брате“ метафорично преку обраќање на небото/Бога, се обраќаат на животот.

„Животе брате, брате, дај насмевни се. Животе брате, брате дај смилувај се. Животе брате да запееме, Еднаш живееме“ - се пее во рефренот на оваа песна, а тоа се зборови кои токму Андреј и Панчо ги порачуваат на сите нас.

Немаме што да ви изјавиме. Кратко и јасно, ова е песна за животот! Пресреќни сме и почестени што две големи македонски легенди ни гостуваат и воедно благодарни што прифатија да бидат дел од овој проект. Искрено веруваме дека публиката ќе ужива во неа, велат момците од ДНК.

Инаку како и за останатите „чеда“ на ДНК, така и за оваа тие снимија одличен видеоспот со многу статисти и пријатели, а како режисер на спотот се потпишува Огнен Шапковски.

Како локации се избрани Скопска Црна Гора и етно ресторанот „Рибилимус“.

Авторскиот тим е идентичен, Лазар Цветкоски се погрижи за аранжманот, текстот е на Панчо, музиката заедничка, додека делот на трубите самиот Џамбо Агушев.

https://youtu.be/o54eLt4MY9Y?si=nHQVr4KJDC90y7Gk

The post ДНК, Наум и Џамбо ја објавија „Животе брате“ appeared first on Република.

Групата ДНК соопшти дека се собрани 80.000 евра за лекувањето на Леонид Индов.

Собраните средства од хуманата лицитација заедно со златната бубамара, денес беа предадени на тетката на Лео. Господинот Кирче Митрески беше категоричен и не замоли “бубамарата” да стигне кај Лео, се со цел да го потсетува дека не е сам, соопшти групата ДНК на „Фејсбук“.

Како што велат, се уште не е позната донираната сума преку телефонски повици.

Досега само од донации (не се искалкулирани телефонските донации) се собрани околу 80.000 евра, и се надеваме дека со нив ќе ја затвориме сумата која е потребна за неговото лекување во Австрија. Тука нема да застанеме, и заедно со сите вас ќе застанеме до Лео и неговата фамилија, со што ќе докажеме дека сме сплотени кога е најпотребно. Во име на Лео и неговата фамилија, Фала ви од срце, стои во објавата на групата.

Музичарите Панчо и Андреј претходно објавија дека успеале да соберат 690.000 денари за лекувањето на Леонид откога ја ставија на лицитација статуетката што ја добија на доделувањето на наградите на „Златна бубамара“.

Статуетката заврши кај Митрески Кирче од Охрид, кој ја дал најголемата понуда во износ од 250.000 денари.

И Владата и Министерството за здравство изјавија дека ќе помогнат да се покријат трошоците за лекување на младиот Леонид во Виена. Тоа го вети министерот за здравство Илир Демири, но кажа дека во предизборен период и во време на техничка влада системско решение не може да се најде.

The post ДНК: Собравме 80.000 евра за Лео, парите ги предадовме на тетка му appeared first on Република.

И официјално заврши лицитацијата за помош на Лео, преку која наградата Златна Бубамара на Популарноста заврши во рацете на Митрески Кирче од Охрид кој ја даде најголемата понуда во износ од 250.000 денари, соопштија од ДНК.

https://republika.mk/scena/estrada/pancho-i-andrej-ja-prodavaat-statuetkata-od-zlatna-bubamara-parite-ke-gi-doniraat-za-leonid/

Премногу сме благодарни, не само на него, туку и на сите вас кои учествувавте во лицитацијата, или ја споделувавте со цел да стигне до што повеќе луѓе.
Во исто време, сакаме да ви соопштиме една преубава вест, и воедно да им искажеме огромна благодарност и на господата кои беа дел од лицитацијата: Филип Патриклиски (Eam T-Shirts) кој понуди 150.000 денари и Живко Коцев (90.000 денари), како и компанијата Еклектик Диспеч (200.000 денари), понуди кои иако не беа највисоки сепак решија да ги донираат за Лео. Со ова, тоталната сума изнесува неверојатни 690.000 денари, со што Македонија уште еднаш покажа дека е хумана нација, и нација со огромно срце, порачаа Панчо и Андреј.

The post „Македонија уште еднаш покажа дека е хумана нација“: ДНК собраа 690.000 денари на лицитацијата за Леонид appeared first on Република.

Панчо и Андреј од „ДНК“ и годинава ја ставаат на лицитација добиената статуетка на „Златна бубамара“, а овојпат собраните средства ќе бидат наменети за Леонид Индов.

За жал државата по милионити пат нема слух за вакви ситуации, но затоа ДНК заедно со народот сме секогаш тука да помогнеме колку што можеме и дозволуваат нашите можности. Почетната цена на статуетката е 6.000денари но искрено се надеваме дека сумата ќе достигне многу повеќе. Ги повикувам сите големи фирми, корпорации и хумани луѓе кои сакаат да ја имаат оваа статуетка во нивните витрини да се приклучат кон лицитацијата, која секогаш ќе ги потсетува за нивното направено хумано дело. Сопственик на „бубамарата” ќе стане оној кој последен ќе ја даде највисоката сума (сумата треба да напишете во коментар), а статуетката ќе биде предадена лично од нас, во пакет со потпишано ексклузивно цеде од нашиот последен албум „ДВАЕСЕТ” и двд издание од јубилејниот концерт одржан во арената „Борис Трајковски”, се вели во нивната објава

Од ДНК посочуваат дека лицитацијата ќе се затвори во понеделник во 22ч и тогаш ќе го соопштат новиот сопственик на наградата, а воедно и хуман човек.

 

View this post on Instagram

 

A post shared by Pancho | DNK (@djshortypofficial)

The post Панчо и Андреј ја продаваат статуетката од „Златна бубамара“, парите ќе ги донираат за Леонид appeared first on Република.

Драги наши сограѓани, Македонци.
Сакаме да ви кажеме дека секој оној наш сограѓанин што ќе добие казна за возење со старата возачка дозвола да ни се обрати за да му помогнеме околу плаќање на истата, велат момците од ДНК, ВЛадимир Блажев Панчо и Андреј Ѓорѓиев. Велат - не сме држава, а уште помаклу сме богати, но пред сè сме луѓе
и колку можеме ќе учествуваме во неправдата нанесена врз секој наш сограѓанин!

Тие испраќаат и апел до секој еден полицаец да се подзамисли кога ќе сака да казни некој шофер за најсмешниот „закон” во човековото постоење и дека тој истиот е негов сограѓанин од кого зема плата!

The post ДНК: Ќе помогнеме околу плаќањето на секоја казна за возење со стара возачка, секој полицаец да се подзамисли пред да казни appeared first on Република.

Раде Врчаковски  - Врчак и официјално се „врати“ на македонската музичка сцена. Вчера на сите социјални мрежи и музички платформи беше објавена заедничката песна на Врчак и момците од ДНК  со наслов „Посреќна“ , а според коментарите на публиката, вредело што чекале толку долго време за повторно да се случи овој музички спој.

Автори на музиката на оваа песна се Панчо и Лазар Цветковски, текстот е на Панчо и Врчак, додека пак аранжманот е дело на Лазе.

Иако можеби изгледа како вчера да беше кога Врчак се повлече од музичката сцена, сепак, ова е негова прва песна по цели 15 години.

Исто така и на ДНК после спектакуларниот концерт во арената „Борис Трајковски“ на 3. декември 2022 година, ова е нивна песна по пауза од скоро една година.

За оваа музичка соработка, Панчо и Андреј, заедно со Врчак пред извесно време престојуваа во српската престолина каде го снимија и видеоспотот за новата песна.

Покрај нив тројца, во видеото улога има и преубавата Елена Ѓоргоска (23), која е член на познатата модна агенција од Милано - „E2 Model Management“, а која одлично си ја заврши својата задача.

Видеото во Белград го снимаше професионална екипа, на чело со Макарије Топаловиќ, кој соработува со најпознатите регионални ѕвезди како Сенидах и многу други...

https://www.youtube.com/watch?v=u5pG-jAqs-I

The post ДНК И Врчак ја објавија заедничката песна „Посреќна“ appeared first on Република.

„Послушајте патриоти да ви кажам словото, на Ѓурѓовден бев затворен, в црни темни зандани. Во зандани бев предаден од проклети шпиони, од проклетите шпиони неразбрани трговци...“, токму вака почнува последната дванаесетта нумера од проектот „Македонијо во срце те носиме“, овој пат во изведба на Панчо и Андреј од ДНК и Наум Петрески.

https://www.youtube.com/watch?v=rbGfR4GIkHE

Со „Послушајте патриоти“ се затвора кругот - 12 песни, 12 изведувачи, но стартува новото поглавје – концертниот караван во чии рамки ќе се одржат концерти во осум македонски града.

„Послушајте патриоти“ е песна испеана за македонскиот деец Александар Караѓуле-Охридски, инаку и самиот автор на стиховите – сведоштво за неговите измачувања во софискиот затвор во 1892 година. Прв пат е снимена од бардот на македонската народна музика Никола Бадев, и тоа за дискографската куќа Југотон во Белград. Во своите музички биографии ја имаат запишано и Јонче Христовски, Гоце Арнаудов... Оваа композиција во македонското музичко богатство зачувана како револуционерна, овој пат спакувана од маестро Николче Мицевски, сега ја снимија и ДНК и Наум.

„’Послушајте патриоти’ за нас е една несекојдневна соработка со нашиот добар пријател Наум Петрески, кој според нас е најдобриот машки вокал. За аранжманот беше задолжен маестралниот Николче Мицевски, а поканата дојде од проектот „Македонијо во срце те носиме“ на што не можевме да останеме рамнодушни, особено кога станува збор за Македонија и нешто што треба да остане како наследство за идните генерации. Со оглед на летната турнеја и многубројните ангажмани не успеавме да ја визуализираме песната, но не значи дека тоа нема да се случи во блиска иднина“, велат Панчо и Андреј.

„Македонијо во срце те носиме“ е проект со потписот на Скендеровски продукција, а во чии рамки во изминатиов период слушнавте 12 македонски родољубиви песни отпеани од исто толку изведувачи, и од светот на забавната и од светот на народната музика, а сите спакувани во ново руво од Николче Мицевски. Она што ќе следува во склоп на целиот проект е концертниот караван кој стартува на 6 септември од плоштадот „Слобода“ во Штип. Освен штипјани во сите дванаесет нумери ќе има можност да ужива и публиката во Битола, Велес, Прилеп, Кочани, Тетово, Кавадарци и Скопје.

Бидете дел од караванот „Македонијо во срце те носиме“, дојдете заедно да ги отпееме најубавите македонски патриотски песни, да ја обоиме Македонија со најубавите звуци и да го зачуваме највредното – музичкиот аманет кој ни го оставиле генерациите пред нас.

Распоред на концертите:

Штип – 6 септември

Битола – 13 септември

Велес – 20 септември

Прилеп – 27 септември

Кочани – 1 октомври

Тетово – 4 октомври

Кавадарци – 8 октомври

Скопје – 11 октомври

Почетокот на концертите е во 20 часот!

The post „Послушајте патриоти“ во изведба на ДНК и Наум Петрески appeared first on Република.

Научници целосно го дешифрирале мистериозниот хромозом присутен кај мажите, што може да помогне во истражувањето на машката неплодност. Ова е важен чекор напред во разбирањето на човечкиот геном, пренесува „Ројтерс“. Истражувачите ја откриле првата комплетна секвенца на човечкиот хромозом Y, кој е еден од двата хромозома и обично се пренесува од машкиот родител на машкото потомство.

Гените на хромозомот Y помагаат во управувањето со клучните репродуктивни функции, вклучувајќи и производството на сперма, па дури и се вмешани и во ризикот и сериозноста на ракот.

За ова би сакал да им се заблагодарам на новите технологии за секвенционирање и пресметковни методи, вели Аранг Рије, научник од Националниот институт за истражување на човечкиот геном на САД и главен автор на студијата.

Тој додава дека научниците сега, за првпат имаат пристап до целосен приказ на кодот на хромозомот Y.

Откривме повеќе од 50 проценти од должината на хромозомот што претходно недостигаше на нашите геномски мапи, вели Рије.

Истражувањето ги открило карактеристиките на медицински релевантните региони на хромозомот Y, вклучувајќи и дел од ДНК што содржи неколку гени вклучени во производството на сперма.

Новото и поцелосно разбирање на хромозомските гени ќе има практична примена во истражувањето на неплодноста, велат истражувачите.

The post Научниците целосно го дешифрирале Y хромозомот appeared first on Република.

Форензичарите вршат ДНК-испитување за да ги идентификуваат десетте лица кои загинаа во авионската несреќа во областа Твер, соопшти Рускиот истражен комитет, пренесе „ТАСС“.

– За време на првичната истрага на местото на несреќата откриени се телата на 10 жртви. Во тек се молекуларни генетски тестови за нивна идентификација – соопшти прес-службата, а пренесе „Танјуг“.

Според првичните информации, во авионот имало 10 лица и сите загинале во несреќата.

Федералната управа за воздухопловство на Русија објави дека Евгениј Пригожин, лидерот на руската паравоена организација Вагнер, е наведен како патник.

The post Во тек е вештачење на ДНК и идентификација на жртвите во авионската несреќа во која загина Пригожин appeared first on Република.

Панчо и Андреј од популарното музичко дуо ДНК уште еднаш потврдија дека се едни од најголемите хуманитарци меѓу јавните личности. Овој пат се сплотија и организираа за помош на младиот Леонид, а нивните фанови можеа да се дружат со нив, да разговараат и се фотографираат заедно.

- Трогнати од целата ситуација, немилиот настан и несреќата која му се случи на младиот Леонид, решивме директно да се вклучиме во хуманитарната акција и заедно со сите вас да помогнеме и излеземе во пресрет во рамките на нашите и ваши можности, порачаа тие вчера повикувајќи ги сите кои се во можност вчеравечер да дојдат кај трговскиот центар “Бисер” во Аеродром каде што се собираа парични средства кои му се потребни на Леонид за понатамошно успешно лекување.

Тие носеа и цедиња од нивниот новиот албум со потпис кои можеа да се купат, а сумата оди за Лео.

Оние кои не успеале да дојдат, би ви биле преблагодарни доколку сте во можност да донирате преку вртење на телефонските броеви на Телеком (143-118) и A1 (143-500), порачаа добро познатите ДНК.

Претходно, за лекување на младиот Леонид парични суми издвоија и градоначалникот на Аеродром Тимчо Муцунски и градоначалникот на Гази Баба Бобан Стефковски.

The post ДНК вчера се дружеа со аеродромци за да соберат донации за лекување на Лео appeared first on Република.

Реномираниот „Joy fest“ слави јубилеен роденден со вистинско уживање за музичките сладокусци! Поминаа 10 години од раѓањето на единствениот фестивал во овој регион „Joy fest“, кој и годинава ќе се одржи на вообичаениот датум, 27 и 28 август, но оваа година местото на лудата журка ќе биде градскиот стадион.

А како што бива јубилеите се слават на посебен начин. Организаторите не откриваат детали до крај, за  изненадувањето да биде поголемо, но засега се знае кои ќе бидат дел од изведувачите. За некои од нив не треба посебна најава, доволно зборува името на ДНК, Нокаут, Фикшн и Галоски.

„Joy fest“ изминава деценија докажа зошто важи за еден од најдобрите музички фестивали. На сцената продефилираа многу познати музички имиња од дома и странство. Така ќе биде и оваа година.

The post Фестивалот „Joy fest“ слави јубилеен роденден со ДНК, Галоски, Нокаут… appeared first on Република.

По се изгледа македонската публика веќе се засити од „увезената“ музика и „увзените“ пејачи од соседството. Најдобар доказ за тоа е вчерашниот настап на музичкиот бренд ДНК во Кочани, по повод големиот празник Петровден.

Вчера Кочани „пулсираше“ во ритамот на македонската музика и многубројните хитови на ДНК. Плоштадот во градот беше претесен да ги собере илијадниците луѓе, кои ги имаше од сите генрации, од најмлади до најстари...

„Што сака нека биде“, „Навлечен на тебе“, „Ако утре ме нема“, „Полна месечина“, „Горе или доле“, „Авион“ се пееја во еден глас, а енергијата која Панчо и Андреј ја пренесоа на публиката, по се изгледа кочанчани ќе ја чуствуваат уште долго...

Доста интересни коментари имаше и на социјалните мрежи после нивниот настап, а неколку од нив гласат вака: „Ма, каква Цеца, браво за ДНК“, „Браво! Конечно добра македонска група. Некој се сетил дека турбофолкот (ако може да се смета музика) не е музика за кочанчани. Сепак народот во Кочани има култура, сака библиотека, сака театар, спорт, сака квалитетна музика“...

Инаку векенд што измина, ДНК заедно со нивниот колега Лозано настапија во Гевгелија, каде одлично беа пречекани од публиката, а токму во истиот состав ќе ги видиме и на 31-јули во Охрид...

The post „Ма, каква Цеца, браво за ДНК“: Илијадници кочанчани вчера имаа ноќ за паметење! appeared first on Република.

После подолго време, гевгеличани и луѓето од околните градови ќе имаат прилика во живо да ги слушнат и видат едни од најбараните музички имиња во нашата земја во последните неколку години...

Со други зборови Гевгелија ќе „гори“ на 8-ми јули од многубројните хитови на Лозано и ДНК. Тие ветуваат одлична забава и ноќ за паметење...

„ Драги наши, по подолго време и на наше огромно задоволство на 8-ми јули (сабота) во вашиот омилен клуб „Де Факто” ќе одржиме заеднички концерт (Лозано и ДНК) пред гевгелиската публика која ќе има можност да ги слушнете сите наши познати рефрени низ три часовен концерт.

Влезниците ке бидат во строго ограничен број, а првите 300 "early birds" влезници ке бидат пуштени во претпродажба по цена од 300 денари и ќе може да се набават исклучиво на билетарата на клубот од четврток до сабота. Потоа цената ке изнесува 400 денари и доколку останат на врата ке бидат остане истата цена.

Затоа подгответе се на 8-ми јули на "Полна месечина" ве чекаме да се гушнеме “Јако Јако” и да се направиме "Авиони", да испишеме уште неколку “Километри” па “Што сака нека биде"...“ – стои во нивната зеадничка објава.

Инаку концертот ќе го отвори младиот диџеј – Милан Петков, кој е миленик на публиката во Гевгелија.

Инаку после Гевгелија, ќе следи најмалку уште еден ваков задинчки концерт, а локацијата ќе биде објавена наскоро...

Се гледаме на 8-ми јули во „Де Факто“ – Гевгелија...

The post Гевгелија ќе гори: ДНК и Лозано со заеднички концерт appeared first on Република.

Момците од познатото дуо ДНК, Панчо и Андреј беа помеѓу наградените на овогодинешната „Златна Бубамара“, која се одржа пред неколку дена во спортскиот центар „Борис Трајковски“. ДНК доби статуетка за најпопуларна група за 2022 година, а тоа е уште едно признание за нивната работа, не само изминатата година, туку и многуте години наназад...

И се ќе беше вообичаено со оваа награда, меѓутоа Панчо и Андреј решија да направат хуман потег кој е вреден за аплауз.

Имено, тие решија оваа статуетка да ја стават на лицитација и парите од истата да бидат наманети за фондацијата „Марко Божиновски“.

Лицитацијата е веќе во тек до среда навечер, а веќе во четврток ќе биде соопштен новиот сопственик на оваа важна награда за ДНК.

По тој повод, момците од групата оваа информација ја соопштија на нивните социјални мрежи и истата ќе ви ја пренесеме во целост:

Драги наши. Нагардите до секогаш биле добредојдени за еден уметник како мало признание за трудот и сме преблагодарни на Ранко Петровиќ и Златна Бубамара за дадената награда и укажаната чест за истата. Оваа наша награда решивме да ја ставиме на “лицитација” и средствата кои ќе бидат собрани ќе бидат наменети за фондацијата “Марко Божиновски” кои помагаат на сите оние места и фамилии каде што е потребно и каде што државата нема слух за истите. Почетната цена на статуетката ќе биде 6.000ден. и искрено се надеваме дека сумата ќе достигне многу повеќе. Сопственик на статуетката ќе стане оној кој последен ќе ја даде највисоката сума (напишана во коментар), а статуетката ќе биде предадена лично од нас во пакет со потпишано ексклузивно цеде од нашиот најнов албум “ДВАЕСЕТ” и двд издание од јубилејниот концерт одржан во арената “Борис Трајковски” Ви благодариме за вниманието и би ве замолиле да го споделите статусот се со цел да стигне до што поголем аудиториум.
Ваши, Панчо и Андреј.

ПС: Лицитацијата ќе се затвори во среда вечер и во четврток ќе биде соопштен новиот сопственик на наградата, а воедно и хуман човек“.

Инаку ова не е прв хуман гест на познатото дуо, напротив тие досега помогнале на многу луѓе кои имаат егзистенционални проблеми, безразлика дали тоа било помош во паричини средства, храна, средства за хигиена и што ли уште не...

The post ДНК ја ставија на лицитација статуетката од „Златна Бубамара“, средствата ќе ги донираат! appeared first on Република.

Хрватските научници, Марија Росандиќ и Владимир Паар, во меѓународното списание „BioSystems“ го објавија откривањето на суперсиметријата на генетскиот код, за која Паар вели дека е „една од тајните на генетиката што многу светски научници неуспешно се обидуваат да ја пронајдат повеќе од 50 години“.

Откритието беше објавено во август минатата година, а еден од авторите, Паар, во изјава испратена до Хина објаснува дека, поедноставно кажано, генетскиот код е начинот на кој 64-те генетски „карактери“ кај сите живи суштества „шифрираат“ 24 „производи“. Во исто време, секој „знак“, т.н кодон, се состои од три нуклеотиди. Постојат четири типа на нуклеотиди, означени со A, G, C, T за ДНК и A, G, C, U за молекулата на РНК. „Производот“ се 20 видови на амино киселини, од кои се градат протеини, а сите живи суштества, од вируси до луѓе, се изградени од протеини.

Така, генетскиот код е правило кое кажува кој протеински „производ“ на кој генетски „знак“ одговара“, истакнува Паар.

Математички е утврдено дека бројот на различните можности за спојување на 64 со бројот 20 е незамисливо голем, односно изнесува околу 10 до 84, т.е. број кој има дури 84 нули после 1. Колку е голем тој број, можеме да го споредиме со фактот дека по големина е споредлив со бројот на атоми во универзумот, објаснува Паар.

Во својата теорија, Росандиќ и Паар тргнуваат од општата позиција на Ајнштајн во физиката, кој смета дека симетриите, во многу поширока смисла од вообичаената, се доминантен концепт во основните закони на физиката, така што принципот на симетрија се смета за примарна особина. на природата, така што, принципите на симетрија ги диктираат основните закони на природата.

Со ова откритие, авторите доаѓаат до ново гледиште за потеклото на животот и еволуцијата врз основа на симетрии, кое смета дека не постоела еволуција на генетскиот код, туку дека е постојана и непроменлива од почетокот на животот, исто како што бројот и видот на стандардните амино киселини се константни и непроменливи.

Со други зборови, тоа значи дека сите аминокиселини и генетскиот код се присутни уште од почетокот на развојот на животот како конкретна реализација на таа фундаментална симетрија.

Ова „златно правило“ на еволуцијата е универзално и непроменливо во текот на еволуцијата за сите живи суштества на Земјата, објаснува Паар.

Два месеци по објавувањето, теоријата доби дополнителни аргументи со откритието на јапонските научници дека на астероидот Рјугу, оддалечен 300 милиони километри, што е двојно повеќе од растојанието помеѓу Земјата и Сонцето, има примероци од амино киселини, основната структура на сите живи суштества на Земјата.

Заедно со сензационалното откритие на јапонските научници, списанието „Science“ објави писмо во кое го презентира откритието на суперсиметријата Росандиќ-Паар, што дава теоретска рамка за јапонскиот резултат, истакнува Паар.

The post Хрватски научници на праг на револуција: Откриена тајната на генетиката по која се трага 50 години appeared first on Република.

Панчо и Андреј од ДНК се жртви на измамник. Познатите музичари останале без платен хонорар за нивниот настап кој се случи минатиот месец во Вевчани, поточно за Вевчанскиот карневал. Панчо реши јавно да прозбори за ова и со име и презиме да го посочи измамникот, за кој како што вели во неговата објава на социјалните мрежи, дека не се само тие единствените измамени од истиот човек.

Драги наши. На 12ти јануари имавме чест да бидеме дел од традиционалниот вевчански карневал на кои настапивме со целиот наш бенд и кој воедно многу го почитуваме како македонски традиционален настан. Атмосферата беше феноменална, публиката одлична но за да не биде се така розево се погрижи ликот Александар ЦЕЗАР Коневски кој важи за еден од најголемите патолошки лажговци и ПРЕВАРАНТИ кои се занимаваат со ангажирање на бендови и артисти односно човек кој секојдневно бара нови жртви за да им се случи ова што се случи со 11-12 бенда во Вевчани. Се до денеш ден ниту еден бенд кој настапуваше на овогодинешниот фестивал нема земено ниту еден денар од договорениот хонорар за кој најчесно си ја извршија работата. Ние како бенд на самиот ден бевме приморани да го откажеме настапот бидејќи не беше исполнет договорот од горенаведениот лик но за среќа добивме ветување и ЗБОР од Ѓорѓи Влајкиноски кој е претседател на ОК и близок човек на Градоначалникот Спасе Кочовски (на кои сме им благодарни за одличниот пречек и тоа што веднаш се заложија да ја исправат несаканата ситуација со горенаведениот лик) па затоа и се сложивме да го оддржиме. За да биде уште пострашно истиов човек должи пари на многу други луѓе па од таму само сакам да ги предупредам нашите колеги да бидат многу претпазливи кога станува збор за Цезар преварантот од Скопје, не оној славниот римски император. Исто така упатувам апел и до сите градоначалници, приватни компании ширум Македонија да го имаат во предвид истотво, да не си ставаат здрава нога во трн и да си го валкаат образот.
Во животот се е лекција но подобро е кога ќе ја научиш на туѓ грб па затоа и се решив да го споделам јавно се со цел да спасам нови жртви.
Со Почит, Панчо, стои во објавата на Панчо.

Во коментар под истата се огласи и фолк-пејачот Наум Петрески, кој исто така посведочи дека и тој е измамен од истиот човек.

Истото го пишав и јас пред некое време и ве предупредив, но тоа е се школо, а него ќе го најдат во некој којтенер со гаранција. Тежок патолошки лажго, напиша познатата музичка ѕвезда.

The post ДНК останаа со празни џебови: Панчо го објави со име и презиме човекот кој не ги исплатил за нивниот настап во Вевчани! appeared first on Република.