Во Културно информативниот центар во Скопје во четврток 21.11.2024 во 20 часот ќе биде отворна изложбата „Мал формат/Миниартура“ на Друштво на ликовни уметници на Македонија. Ќе бидат претставени дела во дводимензионален и тродимензионален формат – цртежи, слики, колажи, скулптури, објекти, графики и дела во други техники од членовите на уметничката асоцијација.

Малиот формат и минијатурата се чести модели на запишување на фази од процесот на реализација на ликовните дела и со тоа се дел од тековната продукција на ликовните уметници. Во тој процес и продукцијата на финални ликовни дела во помал формат е од особено значење бидејќи дава посебно место на јасната идеја, прецизноста во реализацијата на делата и актуелност на понудениот концепт.

Проектот е подржан од Министерството за култура и туризам.

The post Изложба „Мал формат/Миниартура“ на ДЛУМ во КИЦ Скопје appeared first on Република.

 Во Националната галерија, објект Мала станица, вечерва со почеток во 20 часот ќе се одржи отварањето на „Годишната изложба“ на Друштвото на ликовни уметници на Македонија (ДЛУМ).

Како што соопштуваат од ДЛУМ, изложбата претставува пресек на современата ликовна продукција на најголемиот број членови на ДЛУМ.

Изложбата е хетерогена и обединувачка, прикажувајќи различни ликовни дела. Нејзиното значење е големо во ликовно-историски контекст, бидејќи овозможува директен преглед и разбирање на тековните интереси и активности на членовите на ДЛУМ, стои во соопштението од ДЛУМ.

Дополнуваат дека изложбата е неселективна, со цел да ги прикаже актуелните ликовни стилови и техники, и да им овозможи на сите учесници јасно согледување на своето место во ликовниот простор на Македонија во изминатата година. 

The post Вечерва во „Мала станица“ се отвора Годишната изложба на ДЛУМ appeared first on Република.

Утре, на 13 ноември во објектот „Мала станица“ при Националната галерија ќе се отвори Годишната изложба на членовите на Друштвото на ликовни уметници на Македонија (ДЛУМ) со почеток во 20 часот.

Годишната изложба на ДЛУМ претставува пресек на современата ликовна продукција на најголемиот број членови на ДЛУМ.

Изложбата е потполно хетерогена, со обединувачки карактер виден во мноштвото на различни ликовни дела. Значењето на оваа изложба е големо во ликовно-историски контекст, бидејќи овозможува директен преглед и разбирање на тековните интереси и активности на членовите на ДЛУМ.

Изложбата е неселективна, со цел да ги прикаже актуелните ликовни стилови и техники, како и да им овозможи на сите учесници, членови на ДЛУМ, јасно согледување на своето место во ликовниот простор на Македонија во период од една година, соопштија од ДЛУМ.

The post Утре се отвора годишната изложба на ДЛУМ во „Мала станица“ appeared first on Република.

Изложбата „Експериментален цртеж ” ќе биде отворена во галерија Кунст Депот, Венеција на 7 ноември во 18ч и ќе трае до 17 ноември. Изложбата е во оеганизација на Друштвото на ликовни уметници на Македонија како дел од официјалната годишна програма.

Изложбата оваа 2024 г. се органзира по осми пат, што го покажува постојаниот интерес на современите уметници за изразување во ова специфично ликовно подрачје.

Изложбата има за цел да овозможи простор за презентација на дела каде границите на традиционалниот цртеж се поместуваат, повлекуваат и преобликуваат во нови изразни форми. Оваа изложба го слави иновативниот дух на уметниците кои се осмелуваат да ги предизвикаат конвенциите на медиумот, презентирајќи разновидна колекција на експериментални цртежи кои ги предизвикуваат очекувањата и ги повикуваат гледачите да откриваат новите можности на ликовна креација.

Во оваа ера на огромни можности на комуникација, уметниците постојано бараат свежи начини на изразување. Цртежот, со својата вродена едноставност и разноликост, служи како плодна почва за експериментирање. Од намерното обележување на моливот до спонтаните гестови на јаглен, секој потег на празната хартија е можност да се истражува, да се поствуваат прашања и користат нови материјали и техники.

Имавме посебна чест, што изложбата „Цртеж, Експриментален цртеж“ оваа година во Македонија се реализираше во куќата на доајенот на македонската ликовна уметност, сликарот Борко Лазески.

ДЛУМ дополнително ја воведе и темата – можност за осврт кон делото на Борко Лазески со идеја да се поттикнат современите автори за истражување и создавање на сопствени дела во релација со цртежите, но не и делото на еден од основоположниците на македонската ликовна уметност. Уникатна можност за синергија помеѓу авторите и просторот во кој творел и живеел нашиот великан Борко Лазески чие творештво осртанува да инспирира и поттикнува.

Изложбата Експериментален цртеж е дел од програмските изложби на ДЛУМ. Оваа година на 7ми ноември ДЛУМ ја отвара изложбата Експериментален цртеж во Венеција, во галеријата Кунст Депот. Ова претставување е значајно како за ДЛУМ така и за можноста да го претставиме ресентното творештво на нашите членови на ДЛУМ на меѓународна сцена. Изложбата Експериментален цртеж оваа година беше посветена на македонскиот ликовен уметник Борко Лазески каде и беше поставена во неговото ателје каде тој творел и работел.

На изложбата се претставени четириесеттина цртежи изработени во повеќе цртачки техники.

Благодарност до Љупка Делева наша членка на ДЛУМ, ликовна уметница која живее и работи во Венеција за нејзиниот ангажман да се реализира оваа изложба во галеријата Кунст Депот во Венеција.

Изложбата е поддржана од Министерствтото за култура и туризам на Македонија

The post ДЛУМ ја отвара изложбата „Експериментален цртеж“ во Венеција appeared first on Република.

На 7 ноември, ДЛУМ ја отвара изложбата „Експериментален цртеж“ во Венеција, во галеријата „Кунст Депот“.

Ова претставување е значајно како за ДЛУМ така и за можноста да го претставиме ресентното творештво на нашите членови на ДЛУМ на меѓународна сцена. Изложбата „Експериментален цртеж“ оваа година беше посветена на македонскиот ликовен уметник Борко Лазески каде и беше поставена во неговото ателје каде тој творел и работел, соопштија од ДЛУМ.

На изложбата се претставени четириесеттина цртежи изработени во повеќе цртачки техники.

Од ДЛУМ искажаа благодарност до Љупка Делева, членка на Душтвото, ликовна уметница која живее и работи во Венеција за нејзиниот ангажман да се реализира оваа изложба во галеријата „Кунст Депот“ во Венеција.

Изложбата е поддржана од Министерствтото за култура и туризам на Македонија

Изложбата оваа 2024 г. се организира по осми пат, што го покажува постојаниот интерес на современите уметници за изразување во ова специфично ликовно подрачје.

Изложбата има за цел да овозможи простор за презентација на дела каде границите на традиционалниот цртеж се поместуваат, повлекуваат и преобликуваат во нови изразни форми. Оваа изложба го слави иновативниот дух на уметниците кои се осмелуваат да ги предизвикаат конвенциите на медиумот, презентирајќи разновидна колекција на експериментални цртежи кои ги предизвикуваат очекувањата и ги повикуваат гледачите да откриваат новите можности на ликовна креација.

Во оваа ера на огромни можности на комуникација, уметниците постојано бараат свежи начини на изразување. Цртежот, со својата вродена едноставност и разноликост, служи како плодна почва за експериментирање. Од намерното обележување на моливот до спонтаните гестови на јаглен, секој потег на празната хартија е можност да се истражува, да се поствуваат прашања и користат нови материјали и техники.

The post ДЛУМ ја отвара изложбата „Експериментален цртеж“ во Венеција appeared first on Република.

Изложбата „Современа скулптура“ на Друштвото на ликовни уметници на Македонија (ДЛУМ) ќе се отвори на 31 октомври 2024 година во Галерија Ко-Ра, Дом на култура „Кочо Рацин", Скопје со почеток во 20 часот.

Оваа изложба на ДЛУМ е дел од програмските активности и е можност за групно претставување на поновите истражувања и идеи во рамки на современата скулптура. Уметниците истражуваат и експериментираат низ формата и изразот, а нивните креативни авантури се материјализираат преку финалниот облик на идејата.

На изложбата ќе учествуваат со дела авторите: Нела Јанковска, Слободан Милошески, Стефан Анчевски, Златко Бојковски, Златко Глигоров, Анѓел Димовски Чауш, Христијан Качаревски, Маја Кировска, Перо Кованцалиев, Доротеј Нешовски, Синиша Новески, Марина Цветановска-Мартиновска, Славчо Павловски, Татјана Ристовска, Ана Димчевска Семенпеева и Гоце Стоилковски.

Секоја година семејството Митриќески доделува награда за најдобра скулптура, која што ќе биде соопштена на отворањето на изложбата.

Изложбата се реализира со финансиска поддршка на Министерството за култура и туризам и ќе биде отворена до 11 ноември годинава.

The post Изложбата на ДЛУМ „Современа скулптура“ се отвора во Галерија „Ко-Ра“ appeared first on Република.

Изложбата со наслов „Современа скулптура“ на Друштвото на ликовни уметници на Македонија ќе се отвори на 31 октомври во Галерија „Ко-Ра“, Дом на култура „Кочо Рацин”, Скопје со почеток во 20 часот.

Оваа изложба на ДЛУМ е дел од програмските активности и е можност за групно претставување на поновите истражувања и идеи во рамки на современата скулптура.

На изложбата ќе учествуваат со дела авторите: Нела Јанковска, Слободан Милошески, Стефан Анчевски, Златко Бојковски, Златко Глигоров, Анѓел Димовски Чауш, Христијан Качаревски, Маја Кировска, Перо Кованцалиев, Доротеј Нешовски, Синиша Новески, Славчо Павловски, Татјана Ристовска, Ана Димчевска Семенпеева и Гоце Стоилковски.

Секоја година семејството Митриќески доделува награда за најдобра скулптура, која што ќе биде соопштена на отворањето на изложбата.

Изложбата се реализира со финансиска поддршка на Министерството за култура и туризам.

Изложбата ќе биде отворена за посета до 11.11.2024 година.

The post Изложба на ДЛУМ „Современа скулптура“ во Галерија „Ко-Ра“ appeared first on Република.

За прием во членство на ДЛУМ потребно е да ја подготвите следната документација која треба да ја испратите на мејлот на ДЛУМ ([email protected])

1. Диплома за завршен Факултет за ликовни уметности
2. Биографија
3. Да приложите фотографии од најмалку 6 дела испратени на мејл на ДЛУМ
4. Да донесете во просториите на ДЛУМ едно делo, комплетно опремено во галериски формат
5. Да уплатите за Конкурсот за прием во членство на ДЛУМ со приложена копија на уплатницата.

Примач: ДЛУМ-Скопје
Трансакциска сметка: 210 040 911 320 116
НЛБ Банка
Износ: 1.500,00 ден.
Цел на дознака: За прием во членство на ДЛУМ

Делото за конкурсот треба да го донесете во канцеларијата на ДЛУМ, Дом на АРМ, во периодот од 23.09 до 25.09.2024 година од 15:00 до 18:00 часот.

За прием на новите членови ќе одлучува Уметничкиот совет на ДЛУМ. Резултатите од конкурсот ќе бидат објавени и кандидатите ќе бидат известени на 26.09.2024 година.

The post ДЛУМ распишува конкурс за прием на нови членови appeared first on Република.

Изложбата „Скопски урбани приказни 2024“ ќе биде отворена вечерва од 20,30 часот, во куќата на Друштвото на ликовни уметници.

На изложбата, која е дел од „Скопско лето“, уметниците Ана Ивановска, Доротеј Нешковски, Шќипе Мехмети, Сашо Блажес, Марина Лешкова, Давор Кешкец и Сокол Марковски, преку различни медиуми и инакви перцепции ќе ги претставуваат своите толкувања за Домот, не само како физички димензионирана структура, туку и како (ин)директно чувство на припадност, опуштеност и сигурност, како простор кој ја дефинира идентитетската определба, утопијата, реалноста.

Куратори на изложбата се Уметничкиот Совет и Маја Чанкуловска Михајловска.

The post Изложба „Скопски урбани приказни 2024“ во ДЛУМ appeared first on Република.

В петок, на 28 јуни во 20 часот во Кинотека на Македонија, ќе има проекција на кратки видео арт филмови, дел од проектот Фемина и програмските активности на Друштвото на Ликовни уметници (ДЛУМ).

Се работи за 13 проекции на кратки видео арт филмови на македонски и странски уметници како дел од овогодинешната програма на Скопско Лето 2024.

Шестото издание на изложбата „Фемина 8“, кураторски проект на Јана Манева-Чупоска во рамките на програмските активности на ДЛУМ, има за цел да обедини повеќе различни ликовни стилови, знаци и пораки. Изложбата „Фемина 8“ веќе има препознатлив ликовен концепт, а досега учествувале над стотина македонски и странски ликовни уметници. Препознатлива е по карактерот и ликовниот израз кој во себе содржи повеќе ликовни медиуми, од класичното штафелајско сликарство па сè до концептуални формати и нови медиуми.

Изложбата „Фемина“ е проект во која се следи жената како субјект/објект и нејзината улога во повеќе сегменти: историски, социолошки, философски, религиски и други аспекти и гледишта. „Таа“, според основното етимолошко и граматичко значење се толкува како лична заменка за трето лице еднина од женски род. „ Оваа лична заменка се користи да се означи или посочи некоја именка од женски род, која и не мора да е присутна во моментот на зборување“. Во ликовен контекст, асоцијативно, од граматичката основа на самиот збор „Таа“, но во проширен уметнички контекст на истражување, сите овие асоцијации придонесуваат за дефинирање на насловот на видеата. Присвојните заменки се дополнителен истражувачки предизвик во концептот на надополнување на насловот на видеата „Таа“, во комуникација со присвојните заменки: таа, нејзин/нејзина/ нејзино/ нејзини, неа ја, нејзе ѝ, неа.

Куратор на овој проект е Јана Манева-Чупоска.

The post Проекција на кратки видео арт филмови, од проектот „Фемина 8“ appeared first on Република.

Изложбата „Цртеж, Експериментален цртеж", во организација на Друштвото на ликовните уметници на Македонија (ДЛУМ) ќе биде отворена вечер во 20:00 часот во куќата на доајенот на македонската ликовна уметност, сликарот Борко Лазески.

Изложбата ќе ја отвори Дејвид Гир, амбасадор на Европската Унија во земјава, а е дел од официјалната годишна програма на ДЛУМ. Според еснафското здружение на ликовните уметници, изложбата се организира по осми пат, што го покажува постојаниот интерес на современите уметници за изразување во ова специфично ликовно подрачје.

Изложбата има за цел да овозможи простор за презентација на дела каде границите на традиционалниот цртеж се поместуваат, повлекуваат и преобликуваат во нови изразни форми. Оваа изложба го слави иновативниот дух на уметниците кои се осмелуваат да ги предизвикаат конвенциите на медиумот, презентирајќи разновидна колекција на експериментални цртежи кои ги предизвикуваат очекувањата и ги повикуваат гледачите да откриваат нови можности на ликовна креација, наведуваат од ДЛУМ.

Во оваа ера на огромни можности на комуникација, уметниците постојано бараат свежи начини на изразување, а цртежот, се посочува, со својата вродена едноставност и разноликост, служи како плодна почва за експериментирање. Од намерното обележување на моливот до спонтаните гестови на јаглен, секој потег на празната хартија е можност да се истражува, да се поставуваат прашања и користат нови материјали и техники.

Имаме посебна чест, што изложбата „Цртеж, Експриментален цртеж“ оваа година се реализира во куќата на доајенот на македонската ликовна уметност, сликарот Борко Лазески. ДЛУМ дополнително ја воведува и темата – можност за осврт кон делото на Борко Лазески со идеја да се поттикнат современите автори за истражување и создавање на сопствени дела во релација со цртежите, но не и делото на еден од основоположниците на македонската ликовна уметност. Уникатна можност за синергија помеѓу авторите и просторот во кој творел и живеел нашиот великан Борко Лазески чие творештво останува да инспирира и поттикнува, потенцираат од ДЛУМ.

The post Изложба „Цртеж, Експериментален цртеж” на ДЛУМ во куќата на Борко Лазески appeared first on Република.

Во ТЦ Ист гејт денеска од 18 часот ќе биде отворена изложба на Скопскиот моден викенд 2024.

На покана на организаторите, Друштвото на ликовни уметници на Македонија (ДЛУМ) ќе се претстави со изложба насловена „Лебдење” (Floating) со автори кои работат на текстил во ликовен контекст.

Како што соопшти ДЛУМ, на изложбата ќе учествуваат: Јана Манева-Чупоска, Ана Ивановска, Јана Јакимовска, Страхил Петровски, Гордана Вренцоска, Марјана Којсточиновска Узунчева, и Маја Кировска.

The post „Лебдење“ на ДЛУМ во рамки на изложбата на Скопскиот моден викенд 2024 appeared first on Република.

На 22 март во 13 часот во Уметничката галерија Безистен во Штип ќе се отвори изложбата на Зимскиот салон на Друштвото на ликовни уметници на Македонија (ДЛУМ), на тема „Интимност и интерконекција“. Изложбата претходно беше отворена во Скопје, а поставката во Чифте амам траеше од 22 февруари до 10 март.

Учеството и интересот на уметниците членови на ДЛУМ за Зимскиот салон отсекогаш биле големи и предизвикувачки. Пристапот при селекцијата на делата од страна на кураторите оваа биенална изложба ја прави сè поатрактивна од ликовен аспект. Експериментирајќи со сите медиуми на изразување, Зимскиот салон е значаен токму поради тенденцијата, како на кураторите така и на уметниците учесници, да креираат современи и концептуални ликовни формати. Годинашната кураторка Oксана Карповец од Украина, која денес живее и работи во Париз, Република Франција, на македонските уметници членови на ДЛУМ им предложи многу актуелна и провокативна тема која во себе содржи повеќе нивоа на конципирање со многуслојни асоцијации. ,,Интимност и интерконекција ” е насловот на годинашниот кураторски проект во кој уметниците креираа и создадоа ликовни концепти со различни ликовни идентитети. – се наведува во текстот за каталогот на претседателката на ДЛУМ проф.д-р Јана Манева-Чупоска.

The post Изложбата на Зимскиот салон на ДЛУМ од утре во Уметничката галерија Безистен во Штип appeared first on Република.

Уметницата Тања Балаќ за видео проектот „ Следна генерација“ , освои Гран при на 20 „ Зимски салон“, што традиционално го организира Друштвото на ликовни уметници на Македонија. Зад одлуката стои кораторката на „ Зимскиот салон“, Оксана Карповец од Украина. Таа ја соопшти одлуката синоќа на отворањето на изложбата, во Чифте амам.

Тања Балаќ дипломирала на Факултетот за ликовна уметност во Скопје,  на отсекот  за сликарство во 1991 година. Во 2008 година, Балаќ се стекнала со звање магистер на ФЛУ. Член е на ДЛУМ од 1996 година, а во периодот од 2006 до 2013 година е претседател на Друштвото. Во 2003 година Тања Балаќ  посетувала студии во Париз, а учествувала и на бројни конференции и работилници, надвор од Македонија. Покрај сликарството таа работи и инсталации, уметнички видео проекти, и уметнички претстави.

Балаќ е добитничка на повеќе награди : „Жената симбол и инспирација“,  доделена од Културен центар „Кочо Рацин“- Скопје во 1992 година, награда за млади уметници, „Константин Мазев“, освоена на изложбата во КИЦ во 1995 година, „Методија Ивановски Менде“,  исто така од КИЦ во 1996 година,  „Никола Мартиновски“ во 2001 година, „Пејзаж“, ДЛУМ галерија во 2003 година и наградата „Нерешки мајстори“ на ДЛУМ, во 2015 година.

Како лауреат на годинашниот „ Зимски салон“, Тања Балаќ ќе има двомесечен престој во Париз, во атељето „ Cité internationale des arts “.

The post Тања Балаќ лауреат на 20 „ Зимски салон“ на ДЛУМ appeared first on Република.

Друштвото на ликовни уметници на Македонија (ДЛУМ) и оваа година ја организира една од традиционално најзначајните групни изложби која претставува селекција на ликовна продукција на тема одредена од интернационален куратор – „Зимски салон“.

Годинешна кураторска тема е „Интимност и интерконекција“, а кураторка е Оксана Карповец од Украина. Концептот „Интимност и интерконекција“ претставува истражувачко поле во кое уметниците ги претставуваат сопствените релации со оваа тема во различни ликовни медиуми.

„Историски гледано, оваа изложба е клучна во однос на смелите уметнички дебати и поставки со кои се потврдува улогата на визуелните поставки како рефлексија на општеството, со независност која служи како платформа за експериментирање и  предизвикување на постоечките конвенции во потрага по нови идеологии и начини на израз“, се вели во најавата.

Отворањето на поставката е на 22 февруари (четврток) во Чифте амам со почеток во 20 часот

Биеналната изложба „Зимски салон“ е дел од програмските изложби и проекти на ДЛУМ.

The post Традиционалниот „Зимски салон“ на ДЛУМ годинава на тема „Интимност и интерконекција“, куратор е Оксана Карповец од Украина appeared first on Република.

„Интимност и интерконекција“ е насловот на биеналната изложба „Зимски салон 2024“ која Друштвото на ликовните уметници на Македонија ќе ја отвори в четврток (22 февруари) во 20 часот во Чифте амам.

Ова е една од традиционално најзначајните групни изложби која претставува селекција на ликовна продукција на тема одредена од интернационален куратор.

Годинава селектор на делата е Оксана Карповец, кураторка од Украина чиј концепт претставува истражувачко поле во кое уметниците ги претставуваат сопствените релации со темата во различни ликовни медиуми. Селективноста на изложбата од куратор со значајно интернационално реноме овозможува во просториите на националната галерија „Чифте Амам“ да бидат изложени дела со висок квалитет.

Историски гледано, оваа изложба е клучна во однос на смелите уметнички дебати и поставки со кои се потврдува улогата на визуелните поставки како рефлексија на општеството, со независност која служи како платформа за експериментирање и предизвикување на постоечките конвенции во потрага по нови идеологии и начини на израз – велат од ДЛУМ.

The post Традиционален „Зимски салон 2024“ на ДЛУМ appeared first on Република.

„Нови енергии“ е изложба на ново примени членови на Друштвото на ликовни уметници (ДЛУМ) која ќе биде отворена вечер во галеријата во Домот на Армијата во Скопје.

На изложбата ќе бидат претставени новите членови на Друштвото примени од 2023 и од првиот конкурс од 2024 година. Изложбата ќе биде отворена од претседателкатa на ДЛУМ, Јана Манева-Чупоска и претседателката на Уметнички совет, Маја Рауник Кирков.

Ќе бидат изложени делата на Ана В’чкова, Весна Стефановска, Гоце Стоилковски, Дејан Давчевски, Доротеј Нешовски, Ирена Гапковска, Методи Исков, Никола Упевче, Марија Николова, Сарита Конеска, Софија Илиева, Ферди Булут, Филип Ристевски, Антоанета Малиновиќ, Бојан Вртев, Дефне Еминовска, Дорина Тенева, Драганчо Таневски, Елена Димова Пантелиќ, Јасмина Главинче, Јоана Арсовска, Леон Тенев, Методија Јованов, Павел Јовановски, Пале Јовановска, Тања Ристовска, Филип Новески, Озбек Ајваз, Ленче Коцевска, Аница Китаноска, Мила Добреска, Марија Трајановска, Виктор Јаневски, Стефан Анчевски, Лусијана Ампева, Марта Патлиџанковска, Љупка Галаска, Славица Танеска, Петар Миљковиќ и Мариго Исеини (Локу).

The post „Нови енергии“ – изложба на ново примени членови во ДЛУМ appeared first on Република.

Во хотелот „Александар Палас“ ќе биде поставена изложба во чест на триесетиот Министерски совет на ОБСЕ што од денеска ќе се одржува во Скопје.

На изложбата, како што информираа од Друштвото на ликовни уметници, се селектирани дела од Ана Темкова, Вана Урошевиќ, Јана Манева-Чупоска, Маја Рауниќ, Дијана Томиќ Радеска, Гордана Вренцоска, Ирена Паскали, Наташа Милованчев, Дита Старова Керими, Ана Ивановска, Благојче Наумовски, Јовица МИјалковиќ, Тања Таневска, Шкипе Мехмети, Марјана Костојчиновска и Илиана Петрушевска.

Изложбата ја реализира Друштвото на ликовни уметници и проектот „Фемина“ на кураторот Јана Манева-Чупоска на покана на Министерството за култура.

The post Изложба на ДЛУМ по повод 30. Министерски совет на ОБСЕ appeared first on Република.

Утре, на први ноември, во Националната ггалерија „Мала станица“ во Скопје (20 часот) се отвора Годишната изложба на Друштвото на ликовни уметници на Македонија (ДЛУМ).

„Годишната изложба на ДЛУМ” претставува пресек на современата ликовна продукција на најголемиот број на членови на ДЛУМ. Друштвото, поддржувајќи го значењето на оваа изложба, и оваа година ќе додели четири награди: за сликарство, скулптура, графика и нови медиуми.

Изложбата е потполно хетерогена, со обединувачки карактер виден во мноштвото на различни ликовни дела. Значењето на оваа изложба е големо во ликовно – историски контекст, бидејќи возможува директен преглед и разбирање на тековните интереси и активности на членовите на ДЛУМ.

Таа е неселективна, со цел да ги прикаже актулните ликовни стилови и техники, и да им овозможи на сите учесници, членови на ДЛУМ јасно согледување на своето место во ликовниот простор на Македонија во период од една година.

The post Годишна изложба на ДЛУМ во „Мала станица“ appeared first on Република.

Друштвото на ликовни уметници на Македонија (ДЛУМ) соопшти дека почина сликарот Таки Павловски, долгогодишен член на Друштвото.

ДЛУМ и македонската ликовна сцена изгуби голем сликар, мајстор во својот виртуозен ликовен идентитет. Последен пат се сретнавме на промоција на неговата монографија кој тој ја промовираше во Музејот на Град Скопје. Лично ми се заблагодари за моето присуство кое беше надополнето со моите студенти. Имаше ведар лик исполнет со добрина и голема емпатија кон луѓето. Ќе го паметам и како близок пријател на моето семејство, ќе ги паметам нивните теми и разговори за „егејските теми и патешествија, објави Јана Манева - Чупоска, претседателка на ДЛУМ.

Таки Павловски е роден во 1939 год. во костурското село Желино. Дипломирал на Академијата за применета уметност во Белград во 1964 година.

Бил на студиски патувања во Будимпешта, Москва, Киев. Во 1975 година престојувал во Париз како стипендист на француската влада, а во 1995 и 1990 година престојува во македонското ателје во Париз.

Член е на ДЛУМ од 1967 година. Има реализирано мноштво самостојни изложби во земјава и странство, учествувал на повеќе групни изложби и ликовни колонии и е добитник на повеќе награди за сликарство, меѓу кои и Гран при на ДЛУМ, I Зимски салон (1992) и Награда за сликарство 11-ти Октомври (1998).

The post Почина сликарот Таки Павловски appeared first on Република.